ខេត្តរតនគិរី

ធនាគារជាតិនៃកម្ពុជា បានរៀបចំពិធីប្រកាសផ្ទេរ និងតែងតាំង នាយកសាខាធនាគារជាតិនៃកម្ពុជា ខេត្តរតនគិរី ក្រោមអធិបតីភាព លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា។

ពិធីនៅរសៀលថ្ងៃទី១១ ខែមីនា ឆ្នាំ២០២៥ នៅសាខាធនាគារជាតិនៃកម្ពុជា ខេត្តរតនគិរី។

ក្នុងពិធីនេះ លោកជំទាវទេសាភិបាល មានប្រសាសន៍ថា ការកែសម្រួលភារកិច្ចនេះធ្វើឡើងក្នុងគោលបំណងបំពេញតម្រូវការរបស់ស្ថាប័ន តាមរយៈការនាំមកនូវជំនាញ និងបទពិសោធន៍ថ្មីបន្ថែមទៀត ដើម្បីបន្តនិរន្តរភាពការងារ និងប្រតិបត្តិការរបស់សាខាឱ្យប្រព្រឹត្តទៅបានរលូននិងមានប្រសិទ្ធភាពខ្ពស់ថែមទៀត។ លោកជំទាវក៏បានយកឱកាសនេះណែនាំមន្ត្រី-បុគ្គលិកសាខាខេត្តរតនគិរី ឱ្យត្រៀមខ្លួនសហការក្នុងការធ្វើអង្កេតទំនុកចិត្តធុរកិច្ច (Business Confidence Survey) នៅខេត្តរតនគិរី ដើម្បីតាមដានស្ថានភាពនៃសកម្មភាពសេដ្ឋកិច្ចទាំងក្នុង និងក្រៅប្រព័ន្ធផងដែរ។

បន្ថែមលើនេះ លោកជំទាវក៏បានជំរុញលើកទឹកចិត្តមន្ត្រី-បុគ្គលិកទាំងអស់ឱ្យបន្តអភិវឌ្ឍសមត្ថភាពជាប្រចាំ និងខិតខំបំពេញការងារប្រកបដោយការទទួលខុសត្រូវខ្ពស់ ព្រមទាំងចូលរួមបង្កើនសកម្មភាពបញ្ជ្រាបចំណេះដឹងផ្នែកហិរញ្ញវត្ថុដល់ប្រជាជនក្នុងមូលដ្ឋាន សំដៅលើកកម្ពស់ការប្រើប្រាស់សេវាហិរញ្ញវត្ថុឱ្យកាន់តែមានប្រសិទ្ធភាពខ្ពស់ថែមទៀត៕SRP

ខេត្តរតនគិរី៖សមត្ថកិច្ចបានចាប់ខ្លួនជនសង្ស័យម្នាក់ ក្រោយបានប្រើពូថៅ កាប់ទៅលើមិត្តភក្តិរបស់ខ្លួន ក្នុងពេលផឹកស៊ី។

ហេតុការណ៍នេះបង្កឲ្យមានការភ្ញាក់ផ្អើល ឆោឡោឡើងនៅម៉ោង៨ព្រឹក ថ្ងៃទី០៧ ខែកញ្ញាឆ្នាំ២០២៣ នៅភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី។

សមត្ថកិច្ចបានស្រង់សម្ដីប្រពន្ធជនរងគ្រោះ ថា នៅល្ងាចថ្ងៃទី០៦ ខែកញ្ញា ឆ្នាំ២០២៣ ប្តីគាត់បានសុំទៅផឹកសុី ដោយបាត់មួយយប់ លុះព្រឹកឡើងម៉ោង០៨ គាត់ជាប្រពន្ធ បានតាមរកក៏ប្រទះឃើញសព ប្ដីដេកស្លាប់នៅក្នុងចម្ការដំឡូងក្រោយផ្ទះមិត្តភក្តិ ទៅហើយដោយមានស្នាមរបួសត្រង់ថ្គាម។

សមត្ថកិច្ចបន្តថា ជនរងគ្រោះឈ្មោះ សឿន ប៉េងហោង ហៅទូចភេទប្រុសអាយុ៣៥ឆ្នាំ ជនជាតិខ្មែរ រស់នៅភូមិ១ឃុំត្រពាំងក្រហម ស្រុកកូនមុំ ខេត្តរតនគិរី។ ជនសង្ស័យ ឈ្មោះ ណុប ណាវីត ហៅប៉េស ភេទប្រុសអាយុ២៥ឆ្នាំ ពួកគេជាកសិករ មានរស់នៅភូមិជាមួយគ្នា។

ករណីនេះសមត្ថកិច្ច បានធ្វើការពីនិត្យឃើញលើសាកសព ជនរងគ្រោះ ត្រូវរងការកាប់មួយពូថៅចំថ្គាមខាងឆ្វេង ស្លាប់នៅមុខផ្ទះជនសង្ស័យ ឃើញមានស្នាមអូសសព ទៅចោលក្នុងចម្ការដំឡូងខាងក្រោយផ្ទះប្រហែល៣០ម៉ែត្រ។ ពេលសមត្ថកិច្ចទៅដល់ជនសង្ស័យ បានកាន់ពូថៅមួយជាប់នៅដៃ រួចក្រវីចុះក្រវីឡើង មិនឲ្យចូលទៅក្បែរសាកសួរជុំវិញឃាតកម្មមនុស្សស្លាប់ នៅខាងក្រោយផ្ទះខ្លួននោះទេ។

ហេតុការណ៍នេះកម្លាំងកងរាជអាវុធហត្ថស្រុក សហការជាមួយនគរបាលស្រុកកូនមុំ បានព្យាយាមចូលទៅចាប់ខ្លួនជនសង្ស័យ នោះបានភ្លាមៗនិងស្រាវជ្រាវ រកអ្នកពាក់ព័ន្ធបញ្ជូន ទៅអធិការស្រុកកសាងសំណុំរឿងបញ្ជូនខ្លួនទៅតុលាការ ចាត់ការតាមនិតិវិធីច្បាប់។

បើតាម ឈ្មោះ ព្រឹប ដែលបានចូលរួមផឹកសុី បានប្រាប់សមត្ថកិច្ចថា មុនកើតហេតុម៉ោង ៤រសៀលជនរងគ្រោះ បានជិះម៉ូតូទៅផ្ទះគាត់ (ព្រឹប) ហើយបានជួបជុំគ្នាពីរបីនាក់ ផឹកសុីលុះដល់ម៉ោង៥ល្ងាច ក៏សុំទៅផ្ទះមុន ជិះម៉ូតូម្នាក់ឯងកាត់មុខផ្ទះជនសង្ស័យខាងលើ។

ជនរងគ្រោះ មិនបានទៅដល់ផ្ទះនោះទេ លុះព្រឹកឡើង ប្រពន្ធឆោឡោ ដើសួរគេឯង រកប្ដីគ្រប់ច្រកល្ហកហើយមានគេប្រាប់ថា យប់មុិញឃើញទៅជួបជុំផឹកសុីនៅចំណុចភូមិកើតហេតុ។ ពេលនោះប្រពន្ធជនរងគ្រោះ បានទៅដល់កន្លែងផឹកសុី ក៏ប្រទះឃើញសពប្ដីដេកស្លាប់ស្ដូកស្ដឹងក្នុងចម្ការដំឡូងរបស់ជនសង្ស័យឈ្មោះណុប ណាវីត រួចក៏រាយការណ៍ប្រាប់សមត្ថកិច្ចតែម្ដង៕

ជនដៃដល់ម្នាក់ត្រូវបានកម្លាំងសមត្ថកិច្ចធ្វើការចាប់ខ្លួនក្រោយធ្វើសកម្មភាពប្រហារទៅលើបុរស ពីរនាក់ បណ្ដាលឲ្យស្លាប់ម្នាក់និងរបួសម្នាក់។

ហេតុការណ៍នៅថ្ងៃទី២៧ ខែសីហា ឆ្នាំ២០២៣ វេលាម៉ោង០៩និង៥នាទី នៅចំណុចភ្នំទឹកចេញ ស្ថិតនៅភូមិ០១ ឃុំត្រពាំងច្រេស ស្រុកកូនមុំ ខេត្តរតនគិរី។

សមត្ថកិច្ចបានប្រាប់ថាជនសង្ស័យឈ្មោះ ញឹម សាវឿន ភេទប្រុស អាយុ៤១ឆ្នាំជនជាតិខ្មែរ មុខរបរកសិករ មានស្រុកកំណើតភូមិ១ឃុំត្រពាំងច្រេសស្រុកកូនមុំ ខេត្តរតនគិរី មានទីលំនៅបច្ចុប្បន្នភូមិ១ ឃុំត្រពាំង ច្រេស ស្រុកកូនមុំ ខេត្តរតនគិរី។ ជនរងគ្រោះ ឈ្មោះពេជ្រ ម៉ូលី ភេទប្រុសអាយុ៥៦ ឆ្នាំជនជាតិខ្មែរ មុខរបរកសិករ មានទីលំនៅបច្ចុប្បន្នភូមិ១ ឃុំត្រពាំងច្រេស ស្រុកកូនមុំ ខេត្តរតនគិរី។(ស្លាប់នៅកន្លែងកើតហេតុ ) ២/ ឈ្មោះសាន់ ប៊ីស៊ី ភេទប្រុសអាយុ។ ជនជាតិខ្មែរ មុខរបរកសិករមានទីលំនៅបច្ចុប្បន្ន១ ឃុំត្រពាំងច្រេស ស្រុកកូនមុំ ខេត្តរតនគិរី(ត្រូវជាកូនប្រុសជនរងគ្រោះរបួសចំដៃខាងឆ្វេង )។

សមត្ថកិច្ចបានបន្តថា ករណីឃាតកម្ម នេះ ជនសង្ស័យ បានយកកាំបិតភ្គាក់ កាប់ទៅលើកូនជនរងគ្រោះ ២កាំបិត ចំដៃឆ្វេង រួចស្ទុះទៅកាប់ឪពុកក្មេងរងគ្រោះ ជាច្រើនកាំបិតចុងក្រោយត្រូវក ខាងក្រោយ១កាំបិតទៀតបណ្តាលឲ្យស្លាប់ភ្លាមៗ។

សមត្ថកិច្ច បញ្ជាក់ថា ជនសង្ស័យត្រូវបានឃាត់ខ្លួនបណ្ដោះអាសន្ន រួមជាមួយកាំបិតបង្គាក់ចំនួន ១ប្រវែង៦០cm នៅអធិការដ្ឋាននគរបាល ស្រុកកូនមុំ ដើម្បីកសាងសំណុំរឿងចាត់ការទៅតាមនីតិវិធីច្បាប់។

បើតាមសមត្ថកិច្ចប្រាប់ថា អំពើឃាតកម្មនេះមូលហេតុទំនាស់ដីធ្លី ដណ្តើមគ្នាគ្រប់គ្រងដីដែលបានដាំដំណាំហើយ ត្រូវជនរងគ្រោះ យកថ្នាំបាញ់ស្មៅ មកបាញ់លើដំណាំ ដែលដាំដុះហើយ បង្កកើតទៅជារឿងកាប់សម្លាប់គ្នាតែម្ដង៕

យ៉ាងហោយណាស់មនុស្សចំនួន២នាក់បានស្លាប់ភ្លាមៗ ខណ:កំពុងជិះម៉ូតូត្រូវបានរថយន្តបុកចំពេញទំហឹង ក្នុងទិសដៅបញ្ចាសទិសគ្នាពីលិចទៅកើត។

ហេតុការណ៍បានកើតឡើង នៅថ្ងៃទី១២ ខែសីហា ឆ្នាំ២០២៣ លើផ្លូវជាតិលេខ 78A ស្ថិតនៅភូមិប៉ាណល ឃុំទីងចាក់ ស្រុកបរកែវ ខេត្តរតនគិរី។

យោងតាមរបាយការណ៍បឋមរបស់សមត្ថកិច្ចខេត្តរតនគិរី បានឱ្យដឹងថា គ្រោះថ្នាក់ចរាចរណ៍នេះរថយន្តម៉ាកសាំយ៉ុង ពណ៌សរ ស្លាកលេខ ភ្នំពេញ 1J-5466 (អ្នកបើកបររថយន្ដរត់គេចខ្លួន បន្សល់ទុករថយន្ដនៅនិងកន្លែងកើតហេតុ) បានបុកម៉ូតូម៉ាក់អុិចសុិនធឺ ផ្លាកលេខ(គ្មាន) បើកបរដោយឈ្មោះ ម៉ាម គីន ភេទប្រុស អាយុ១៩ឆ្នាំ ជនជាតិទំពួន រស់នៅភូមិលុងឃុង ឃុំកុងឃុង ស្រុបរកែវ ខេត្តរតនគិរី (ស្លាប់នៅនិងកន្លែងកើតហេតុ)។ ២ អ្នករួមដំណើរឈ្មោះភូន ផ្សាំ ភេទប្រុស អាយុ១៩ឆ្នាំ រស់នៅភូមិលុងឃុង ឃុំលុងឃុង ស្រុកបរកែវ ខេត្តរតនគិរី (ស្លាប់នៅនិងកន្លែងកើតហេតុ)។

សមត្ថកិច្ចនៅមិនទាន់បញ្ចាក់ មូលហេតុ នៅឡើយចំពោះគ្រោះថ្នាក់ចរាចរណ៍នេះ។ បច្ចុប្បន្ន វត្ថុតាងម៉ូតូនិងរថយន្ត ត្រូវបានរក្សាទុកនៅប៉ុស្តិ៍នគរបាល៕