ខេត្តឧត្ដរមានជ័យ

ខេត្តឧត្តរមានជ័យ៖ទីតាំងបនល្បែងស៊ីសងជល់មាន់និងអាប៉ោងយូគីដ៏ធំបានកំពុងតែបើកលេងយ៉ាងអនាធិបតេយ្យ នៅខាងក្រោយប៉ុស្តិ៍ប៉ូលិសឃុំថ្លាត ដោយមិនទាន់ឃើញមានប៉ូលិសខេត្តឧត្តរមានជ័យចុះបង្ក្រាបនៅឡើយទេខណ:គេឃើញប្រឹងបង្ក្រាបតែវង់ល្បែងតូចៗដើម្បីបិទបាំងរឿងអាស្រូវតែប៉ុណ្ណោះ។

យោងតាមប្រភពបានឲ្យដឹងថាខណ:ប្រទេសជាតិកំពុងតែប្រឈមនិងការរីករាតត្បាតជំងឺកូវីដ.១៩បែជាសមត្ថកិច្ចខេត្តឧត្តរមានជ័យ សម្ងំបើកដៃឲ្យមាន សង្វៀនប្រជល់មាន់ ខ្នាយដែក អាប៉ោង យូគី ស្ថិតនៅខាងក្រោយប៉ុស្តិ៍នគរបាលរដ្ឋបាលឃុំថ្លាតស្រុកអន្លង់វែងខេត្តឧត្តរមានជ័យ យ៉ាងពេញបន្ទុកផ្គើនទៅនឹងបទបញ្ជារបស់រាជរដ្ឋាភិបាលយ៉ាងច្បាស់ក្រឡែត។

ប្រភពបន្តថាបើទោះបីជាមានល្បែងស៊ីសងដ៏ធំបើកលេងយ៉ាងនេះក្ដី ក៏សមត្ថកិច្ចខេត្តឧត្តរមានជ័យ  មិនខ្វល់បង្ក្រាបនោះដែរ ប៉ុន្តែបើល្បែងតូចតាចពលរដ្ឋលេងបង្ក្រាបយកស្នាដៃតែម្ដង។

ជាក់ស្ដែងកាលនៅថ្ងៃទី២៥ ខែមីនា ឆ្នាំ២០២១ នគរបាលក្រុងសំរោង បានចុះអប់រំល្បែងស៊ីសង (លេងបៀរ) នៅចំណុចភូមិកំណប់ សង្កាត់បន្សាយរាក់ ក្រុងសំរោង និងនៅថ្ងៃទី២៧ខែមីនា ឆ្នាំ២០២១  នគរបាលស្រុកបន្ទាយអំពិល បានចុះអប់រំល្បែងស៊ីសង (ខ្លាឃ្លោក)នៅចំណុចភូមិស្រះស្រង់ឃុំគោកខ្ពស់ ស្រុកបន្ទាយអំពិល។

ករណីពលរដ្ឋលេងតូចតាចនេះ សមត្ថកិច្ចបានធ្វើការអប់រំម្ចាស់ទីតាំង និងអ្នកលេង នៅនិងកន្លែងកើតហេតុ ដោយធ្វើកិច្ចសន្យាបញ្ឈប់ការលេងល្បែងស៊ីសងខុសច្បាប់គ្រប់ប្រភេទបន្តទៀត៕SRP

ខេត្តឧត្តរមានជ័យ៖ដីសម្បទានសង្គមកិច្ច របស់រដ្ឋចំនួន៧.៨៣៨ហិកតា មានទីតាំងស្ថិតនៅ ស្ថានីយផ្សព្វផ្សាយនិងស្ថានីយស្តារព្រៃឈើ ជាប់ ព្រំប្រទល់ចំនួន៤ឃុំ ឃុំពង្រ ឃុំចុងកាល់ សង្កាត់ សំរោង សង្កាត់កូនក្រៀល ក្នុងក្រុង ស្រុកចំនួន២ គឺក្រុងសំរោង ស្រុកចុងកាល់នៃខេត្តឧត្តរមានជ័យ ត្រូវបានក្រសួងកសិកម្មរុក្ខាប្រមាញ់និងនេសាទ ជួលឲ្យក្រុមហ៊ុន សាន្ត ហ៊ាង (កម្ពុជា) អាហរ័ណ នីហរ័ណ ដើម្បីស្តារព្រៃឈើឡើងវិញ តាមគោលការណ៍ពីរាជរដ្ឋាភិបាលកម្ពុជា។

អាជ្ញាធរខេត្តឧត្តរមានជ័យ នៅប៉ុន្មានថ្ងៃជាប់ៗគ្នានេះបានដឹកនាំមន្ត្រីចម្រុះនិងម្ចាស់ក្រុមហ៊ុន ចុះពិនិត្យមើលជាក់ស្តែង និងដាក់គ្រឿងចក្រ ធ្វើសកម្មភាព រៀបចំផែនការចុះកំណត់ចំណុចនិយាមការ បោះបង្គោល កាយព្រំស្តារផ្លូវឡើងវិញ។

ក្នុងពេលចុះត្រួតពិនិត្យនេះ លោក វ៉ាត ប៉ារ៉ានីន អភិបាលរងខេត្ត ជំរុញអោយ មន្ត្រីជំនាញ អាជ្ញាធរមូលដ្ឋាន និងម្ចាស់ក្រុមហ៊ុនរួមគ្នាសហការ ត្រួតពិនិត្យមើលទៅលើ គ្រឿងចក្រដែលកាយព្រំនិងស្តារផ្លូវ ឲ្យបានចំគោលដៅផ្ទៃដីចាស់ តាមផែនទី លេខនិយាមការ ចៀសវាងប៉ះពាល់ដីធ្លី ប្រជាពលរដ្ឋ ដែលអាស្រ័យផល់នៅព្រំក្បែគ្នា។

លោកក៏បានអោយម្ចាស់ក្រុមហ៊ុន ធ្វើយ៉ាងណាគោរពតាមគោលការណ៍ និងលក្ខខណ្ឌសេចក្តីណែនាំ របស់ក្រសួងកសិកម្មរុក្ខាប្រម៉ាញ់និងនេសាទ ដែលបានដាក់ចេញ នៅ ស.ជ.ណ.ក្នុងកិច្ច ព្រមព្រៀង វិនិយោគ ដាំដំណាំ ឧស្សាហកម្ម ដាំឈើ អោយដំណើរការ ទៅបានយ៉ាងរលូន៕SRP

ខេត្តឧត្តរមានជ័យ៖បុរសម្នាក់ត្រូវបានកម្លាំងសមត្ថកិច្ចចាប់ខ្លួនករណីលក់ឆ្នោតវៀតណាមខុសច្បាប់។

ការចាប់ខ្លួននៅម៉ោង១៤និង៣០នាទី ថ្ងៃទី១៦ ខែមីនា ឆ្នាំ២០២១ នៅចំណុចក្នុងផ្សារសំរោង ភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ។

អធិការនគរបាលក្រុងសំរោង លោកហម ភិរម្យ បានឲ្យដឹងថា ម្ចាស់ទីតាំងឈ្មោះ ឡុង ឌី អាយុ២៩ឆ្នាំ។ ករណីនេះដកហូតវត្ថុតាងបទល្មើសបានមួយចំនួន។ បុរសរូបនេះត្រូវបានសមត្ថកិច្ច នាំខ្លួនបញ្ជូនទៅតុលាការដើម្បី អនុវត្តតាមច្បាប់៕SRP

ខេត្តឧត្តរមានជ័យ៖បែកធ្លាយភាពមិនប្រក្រតីរឿង ក្រុមហ៊ុន ដានីដេង នាំសត្វជ្រូករស់ពីថៃ ចេញតាមច្រកទ្វាអន្តរជាតិអូរស្មាច់ សង្កាត់អូរស្មាច់ក្រុងសំរោង ខេត្តឧត្តរមានជ័យ លើសលិខិតអនុញ្ញាត របស់ក្រសួងកសិកម្ម។

ប្រសិនជាការ ជាមានការនាំសត្វជ្រូកលើសមែនោះ សង្ស័យថាក្រុមហ៊ុន បានឃុបឃិតគ្នាជាមួយជំនាញ ក្នុងការបន្លំមិនបង់ពន្ធ ដែលនាំឲ្យបាត់បង់ ចំណូលចូលរដ្ឋ យ៉ាងច្រើន។

យោងតាមប្រភពបានឲ្យដឹងថានៅថ្ងៃទី០២ខែកុម្ភៈ ឆ្នាំ២០២១
ក្រុមហ៊ុ​ន ដានីដេង បានធ្វើការដឹកជញ្ជូនសត្វជ្រូករស់ចេញ ពីខេត្តឧត្តរមានជ័យ ឆ្ពោះទៅតាមបណ្ដាខេត្ត ជាច្រើនគ្រឿង។

លោក សូត្រ សុីសុខឃាង ប្រធានមន្ទីរកសិកម្ម
ខេត្តឧត្តរមានជ័យ បានប្រាប់អ្នកសារព័ត៌មានថា ក្រុមហ៊ុន ដានី ដេង ដែលធ្វើអាជីកម្ម ដឹកជ្រូកពីប្រទេសថៃ រាល់ថ្ងៃនេះ គ្រប់គ្រង ដោយលោកស្រី ឈ្មោះហៅថា ចែធំ រស់នៅសង្កាត់អូរស្មាច់ ដែលជាភរិយា របស់លោកឧត្តមសេនីយ៍ត្រី មួយរូប។

សូមរំលឹកថា កន្លងទៅថ្មីៗនេះ ក្រុមហ៊ុន ដានីដេង ត្រូវបាននាយកដ្ឋានពេទ្យសត្វសង្ស័យថារថយន្តដឹកជ្រូកខាងលើលើសចំនួន ក៏បានសហការ ជាមួយ ព្រះរាជអាជ្ញាអមសាលាដំបូងខេត្តកំពង់ធំ ធ្វើការឃាត់រថយន្ត ក្រុមហ៊ុនដឹកសត្វជ្រូក ដោយរកឃើញថា ក្រុមហ៊ុននេះ ដឹកជ្រូកលើសលិខិតអនុញ្ញាត ចំនួន២០ក្បាល។

ទាក់ទងទៅនឹងការរិះគន់នេះ បណ្ដាញសៀមរាបប៉ុស្តិ៍ នៅពុំទាន់ទទួលបានការបំភ្លឺ ពីក្រុមហ៊ុន ដានី ដេង នៅឡើយទេ ដោយពុំមានលេខទូរសព្ទទំនាក់ទំនង៕SRP

ខេត្តឧត្តរមានជ័យ៖លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ និងលោកស្នងការរង នៅថ្ងៃទី១៨ ខែមករា ឆ្នាំ២០២១ ម្សិលមិញ បានអញ្ជើញចុះត្រួតពិនិត្យនូវការសាងសង់ខ្លោងទ្វារ និងរបង អធិការដ្ឋាននគរបាលក្រុងសំរោង។

ក្នុងឱកាសចុះពិនិត្យ លោកឧត្តមសេនីយ៍ទោ ហួត សុធី បានធ្វើការកោតសរសើរ អំពីទ្រង់ទាយសំណង់ ទំហំ កម្ពស់ សមាមាត្រនិងបរិវេណទីធ្លា ផងដែរ។

លោកឧត្តមសេនីយ៍ទោ ហួត សុធី ក៏បានធ្វើការណែនាំ បន្ថែមដល់ជាងឲ្យយកចិត្តទុកដាក់ ក្នុងការសាងសង់ គឺថាឲ្យស្របតាម ស្តង់ដារសំណង់ ដើម្បីធានាបាននូវគុណភាពរឹងមាំយូអង្វែង៕SRP