ខេត្តសៀមរាបលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅសៀលថ្ងៃមិញនេះ អមដំណេីរដោយ លោក ង៉ាន់ ភិរុណ អភិបាលរងខេត្ត តំណាងលោក ទៀ សីហា អភិបាលខេត្តសៀមរាប បានអញ្ជេីញចុះពិនិត្យទីតាំងចិញ្ចឹមត្រីចំនួនពីរទីតាំង ដេីម្បីពិនិត្យអំពីការត្រៀមជាស្បៀងក្នុងអំឡុងពេលទប់ស្កាត់ជំងឺកូវីដ ១៩ (COVID-19) ស្ថិតនៅក្រុងសៀមរាប។
សូមបញ្ជាក់ផងដែរថា ការចិញ្ចឹមត្រីនៅក្នុងខេត្តសៀមរាប មានចំនួនពីរប្រភេទគឺ ចិញ្ចឹមតាមបែ និងស្រះជាលក្ខណ:គ្រួសារ ដោយក្នុងរយ:ពេល ៤ខែដេីមឆ្នាំ២០២០នេះ ការចិញ្ចឹមត្រីនៅក្នុងខេត្តទទួលបានទិន្នផលសរុបចំនួន ៤,៦៩៤តោន។ ក្នុងនោះការចិញ្ចឹមក្នុងបែមានចំនួន ២,៧១០តោន និងស្រះមានចំនួន ១,៩៨៤តោន៕SRP
