មន្ត្រីជំនាញខេត្តមណ្ឌលគិរី បង្ក្រាបទីតាំងស្តុកឈើខុសច្បាប់
ខេត្តមណ្ឌលគិរី៖ក្នុងយុទ្ធនាការពង្រឹងការការពារធនធានធម្មជាតិ នាព្រឹកថ្ងៃទី១៤ ខែឧសភា ឆ្នាំ២០២៦ កម្លាំងមន្ត្រីឧទ្យានុរក្សនៃមន្ទីរបរិស្ថានខេត្តមណ្ឌលគិរី ដឹកនាំដោយលោក ហាស់ វិបុល ប្រធានមន្ទីរបរិស្ថានខេត្ត បានចុះបង្ក្រាបទីតាំងស្តុកឈើខុសច្បាប់មួយកន្លែង ស្ថិតក្នុងភូមិឡៅកា សង្កាត់សុខដុម ក្រុងសែនមនោរម្យ។
ក្នុងកិច្ចប្រតិបត្តិការនេះ មន្ត្រីជំនាញបានរកឃើញ និងដកហូតវត្ថុតាងរួមមាន៖ ប្រភេទឈើឈ្លិច (ឈើមានតម្លៃ) ចំនួន ២៦កំណាត់ ត្រូវបានជនមិនស្គាល់មុខយកមកលាក់ទុក ដើម្បីរង់ចាំឱកាសដឹកជញ្ជូនចេញ យកទៅធ្វើជំនួញដោយខុសច្បាប់៕SRP
