ដឹកអេស្កាបើកជាប់ឡុកចង្កូតរ៉េទៅបុកគោយន្តកន្ត្រៃ នៅស្រុកសូទ្រនិគម បណ្ដាលឱ្យស្លាប់ម្នាក់

ដឹកអេស្កាបើកជាប់ឡុកចង្កូតរ៉េទៅបុកគោយន្តកន្ត្រៃ នៅស្រុកសូទ្រនិគម បណ្ដាលឱ្យស្លាប់ម្នាក់

ខេត្តសៀមរាប៖សមត្ថកិច្ចបានប្រាប់សារព័ត៌មានសៀមរាប ប៉ុស្តិ៍ ថាអ្នកបើកគោយន្តកន្ត្រៃម្នាក់បានស្លាប់បាត់បង់ជីវិតដោយគ្រោះថ្នាក់ចរាចរណ៍ខណៈកំពុងធ្វើដំណើរជាមួយភរិយា។

ហេតុការណ៍បានកើតឡើង នៅចំណុច លើផ្លូវជាតិលេខ៦  ស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម នៅព្រឹកមិញនេះ។

សមត្ថកិច្ចបានបន្តថា គ្រោះថ្នាក់ចរាចរណ៍នេះបង្កដោយរថយន្តម៉ាក់ HYUNDAI ពណ៌ស ដឹកអេស្កា ពាក់ផ្លាកលេខ ព្រះសីហនុ 3A-2799 បើកបរដោយឈ្មោះឈឿត ឈី ភេទប្រុស អាយុ៣៨ឆ្នាំ រស់នៅភូមិអំពិលព្រង់ ឃុំទ្រាយ ស្រុកស្វាយចេក ខេត្តបន្ទាយមានជ័យ ត្រូវបាននគរបាលឃាត់ខ្លួន បើកបរក្នុងទិសដៅពីកើតទៅលិច បានបុកគោយន្តកន្ត្រៃ១គ្រឿង បើកបរពីទិសដៅខាងកើតទៅលិច បើកបរដោយឈ្មោះអែម សារ៉ា ភេទប្រុស អាយុ៦៣ឆ្នាំ រស់នៅភូមិត្រពាំងធំឃុំកន្ទូរ ស្រុកអន្លង់វែង ខេត្តឧត្តរមានជ័យ ដឹកអ្នករួមដំណើរជាប្រពន្ធ។

សមត្ថកិច្ចបានបញ្ជាក់ថា នៅក្នុងហេតុការណ៍នេះ បណ្ដាលអោយស្លាប់ឈ្មោះអែម សារ៉ា ភេទប្រុស អាយុ៦៣ឆ្នាំ ទីលំនៅភូមិត្រពាំងធំ ឃុំកន្ទូរ ស្រុកអន្លង់វែង ខេត្ឧឧត្តរមានជ័យ។ ចំណែកប្រពន្ធ ឈ្មោះខឹម សារុន ភេទស្រី អាយុ៦១ឆ្នាំ ទីលំនៅភូមិត្រពាំងធំ ឃុំកន្ទូរ ស្រុកអន្លង់វែង ខេត្តឧត្តរមានជ័យ រងរបួសស្រាល។

បើតាមសមត្ថកិច្ច គ្រោះថ្នាក់ចរាចរណ៍នេះ មូលហេតុ បឋមរថយន្តម៉ាក HYUNDAI ដឹកអេស្កាបើកជាប់ឡុកចង្កូតរ៉េទៅបុកគោយន្តកន្ត្រៃ៕SRP