លោកឧត្ដមសេនីយ៍ទោ គង់ វុទ្ធី អាចប្រឈមមុខអស់ស័ក្តិ និងបណ្ដេញចេញពីក្របខណ្ឌ
យោងតាមប្រភពពីមន្ត្រីជាន់ខ្ពស់ក្រសួងមហាផ្ទៃមួយរូបបង្ហេីបថា បេីក្រសួងមហាផ្ទៃស្រាវជ្រាវឃេីញដូចការចោទប្រកាន់មែន លោកឧត្ដមសេនីយ៍ទោ គង់ វុទ្ធី អាចប្រឈមមុខនឹងការដកតួនាទី ដកឋានន្តរស័ក្តិនិងបណ្ដេញចេញពីក្របខណ្ឌតែម្ដង។
នេះបើតាមការបង្ហោះតាមរយៈទំព័រ facebook របស់លោកផែង វណ្ណៈ នៅរសៀលថ្ងៃពុធនេះ។
លោកផែង វណ្ណៈ បានសរសេរថា ទីបំផុត ឯកឧត្តមអភិសន្តិបណ្ឌិ ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី ៩ ខែ ធ្នូ ឆ្នាំ ២០២៥ បានសម្រេចផ្អាកការងារជាបណ្តោះអាសន្ន លោកឧត្ដមសេនីយ៍ទោ គង់ វុទ្ធី អគ្គនាយករង នៃ អគ្គនាយកដ្ឋានអត្តសញ្ញាណកម្ម ដេីម្បីបន្តដំណេីរការស្រាវជ្រាវបន្ថែម។
ការផ្អាកការងារលោកឧត្ដមសេនីយ៍ទោ គង់ វុទ្ធី បានធ្វេីឡេីង បន្ទាប់ពីលោកមានរឿងអាស្រូវជាច្រេីនពាក់ព័ន្ធករណីឆបោកជនរងគ្រោះមានទឹកប្រាក់រាប់លានដុល្លារ។
ជុំវិញករណីនេះទីភ្នាក់ងារសារព័ត៌មានសៀមរាប ប៉ុស្តិ៍ មិនទាន់ទទួលបានការបំភ្លឺពីលោកឧត្ដមសេនីយ៍ទោ គង់ វុទ្ធី បាននៅឡើយទេរហូតដល់ម៉ោងផ្សាយនេះ៕SRP