ខេត្តសៀមរាប៖អ្នកបើកម៉ូតូបានស្លាប់ខណ:ជិះបុកជាមួយរថយន្តធំ។ ហេតុការណ៍បានកើតឡើងវេលាម៉ោង វេលាទៀបភ្លឺថ្ងៃទី 10 ខែកម្ភ: ឆ្នាំ2024 លេីផ្លូវជាតិលេខ 6 ស្ថិតក្នុងភូមិគីឡូតាឈឹម ឃុំគោកធ្លកក្រោម ស្រុកជីក្រែង ខេត្តសៀមរាប។
គ្រោះថ្នាក់ចរាចរណ៍ នេះរវាងរថយន្តម៉ាកIZUZU ពណ៌សរ (ដឹកទឹកកក) ពាក់ស្លាកលេខភ្នំពេញ 3F-1394 ទិសដៅពីលិចទៅកេីត និងមនុស្សបេីកបរម៉ូតូម៉ាកC125 ពណ៌ខ្មៅពាក់ស្លាកលេខសៀមរាប 1Y-9286 ទិសដៅពីកេីតទៅលិច បញ្រ្ចាសទិសទិសគ្នា។
ជនរងគ្រោះ អ្នកជិះម៉ូតូ ឈ្មោះ រ៉ៃ ភារម្យ ភេទប្រុសអាយុ 19ឆ្នាំទីលំនៅភូមិថ្នល់ ឃុំល្វែងឫស្សី ស្រុកជីក្រែង ខេត្តសៀមរាប។ ចំណែកអ្នកបេីកបររថយន្ត គេចខ្លួនបាតសមត្ថកិច្ចកំពុងស្រាវជ្រាវបន្ត។ វត្ថុតាងរថយន្ត និងម៉ូតូយកមករក្សាទុកនៅអធិការនគរបាលស្រុកជីក្រែង៕
