ខេត្តសៀមរាប៖មនុស្សម្នាក់បានស្លាប់និង៣នាក់ទៀតបានរងរបួស ករណីគ្រោះថ្នាក់ចរាចរណ៍រវាងម៉ូតូ និងម៉ូតូ។
ហេតុការណ៍បានកើតឡើង នៅថ្ងៃទី៣១ ខែឧសភា ឆ្នាំ២០២៣ ត្រង់ចំណុចលើផ្លូវជាតិលេខ៦ មុខសាលាវិទ្យាល័យពួក ដែរស្ថិតនៅក្នុងភូមិពួកចាស់ ឃុំពួក ស្រុកពួក ខេត្តសៀមរាប។
សមត្ថកិច្ចនគរបាលខេត្តសៀមរាបបានឲ្យដឹងថា ករណីនេះកើតឡើង រវាងម៉ូតូមួយគ្រឿងម៉ាក Honda Dream ផលិត ឆ្នាំ២០១៣ ពណ៌ខ្មៅ ពាក់ស្លាកលេខ សៀមរាប 1N-1986 អ្នកបើកបរឈ្មោះ ស៊ុន សិក ភេទប្រុស អាយុ៤៨ឆ្នាំ បុខរបរ កសិករ មានទីលំនៅស្ថិតក្នុងភូមិអំពិលពាម ឃុំខ្នាត ស្រុកពួក ខេត្តសៀមរាប (ស្លាប់ពេលបញ្ជូនដល់មន្ទីរពេទ្យខេត្ត) (អត់ពាក់មួកសុវត្ថិភាព) ដឹកឈ្មោះ ឆាយ ឆោម ភេទប្រុស អាយុ៧៨ឆ្នាំ មុខរបរ កសិក រស់នៅភូមិ-ឃុំជាមួយគ្នា (របួសមធ្យម) (អត់ពាក់មួកសុវត្ថិភាព) បើកបរក្នុងទិសដៅពីលិចទៅកើត ក្នុងល្បឿនលឿន បានបុកជាមួយម៉ូតូមួយគ្រឿង ម៉ាក Honda Dream ផលិតឆ្នាំ២០១៧ ពណ៌ខ្មៅ ពាក់ស្លាកលេខ សៀមរាប 1Y-7872 បត់ឆ្វេងបើកបរក្នុងទិសដៅពីលិចទៅកើត ស្របគ្នា អ្នកបើកបរឈ្មោះ ម៉ាន់ មិនា ភេទស្រី អាយុ២៤ឆ្នាំ មុខរបរ ជំនួយការរដ្ឋបាលឃុំសំរោងយា មានទីលំនៅស្ថិតក្នុងភូមិតាជេត ឃុំសំរោងយា ស្រុកពួក ខេត្តសៀមរាប (របួសមធ្យម) (អត់ពាក់មួកសុវត្ថិភាព) ដឹកឈ្មោះ ប៉ាត សុភា ភេទស្រី អាយុ៧០ឆ្នាំ មុខរបរ ជំទប់ទី១ឃុំសំរោងយា មានទីលំនៅស្ថិតក្នុងភូមិអំពិល ឃុំសំរោងយា ស្រុកពួក ខេត្តសៀមរាប (របួសធ្ងន់) (អត់ពាក់មួកសុវត្ថិភាព)។
៊
សមត្ថកិច្ចបន្តថា មូលហេតុគ្រោះថ្នាក់ចរាចរណ៍នេះ ដោយម៉ូតូពាក់ស្លាកលេខ សៀមរាប 1Y-7872 បត់ឆ្វេងខ្វះការប្រុងប្រយ័ត្ន និងម៉ូតូពាក់ស្លាកលេខ សៀមរាប 1N-1986 បើកបរក្នុងល្បឿនលឿន។
កម្លាំងជំនាញបានចុះដល់កន្លែងកើតហេតុ សង្រ្គោះជនរងគ្រោះ បញ្ជូនទៅមន្ទីរពេទ្យ និងធ្វើការវាស់វែង ប្រមូលវត្ថុតាងពាក់ព័ន្ធ យកទៅរក្សាទុក នៅអធិការដ្ឋាននគរបាលស្រុកពួក ដើម្បីដោះស្រាយតាមនីតិវិធីច្បាប់៕ដោយនាគខៀវ