ខេត្តសៀមរាប៖បុរសម្នាក់បើកម៉ូតូបុកនិងរ៉ូឡូបណ្ដាលឲ្យស្លាប់ភ្លាមៗ។
ហេតុការណ៍បានកើតឡើង នៅវេលាម៉ោង០១ រំលងអាធ្រាត ថ្ងៃទី២៨ ខែមេសា ឆ្នាំ២០២២ នៅត្រង់ចំណុចលើផ្លូវក្រាលកៅស៊ូរថ្មី ស្ថិតនៅ្នក្នុងភូមិក្រសាំងរលើង សង្កាត់សៀមរាប ក្រុងសៀមរាប។
ករណីគ្រោះថ្នាក់ចរាចរណ៍នេះ ម៉ូតូម៉ាកសង់កូរ៉េ ពាក់ស្លាកលេខសៀមរាប1J-8939 បើកបរដោយឈ្មោះរឿន សាន ភេទប្រុស អាយុ៣១ឆ្នាំ ទីលំនៅភូមិខ្នារ សង្កាត់ជ្រាវ ក្រុងសៀមរាប ដោយបានបើកទៅបុកជាមួយរ៉ូឡូកិនបង្ហាប់ផ្លូវចតទុកចោល បណ្តាលឲ្យស្លាប់តែម្ដង។
មូលហេតុ បណ្តាលមកពីអ្នកបើកបរម៉ូតូបើកបរក្នុងស្ថានភាពល្បឿនលឿន និង ម៉ូតូគ្មានភ្លើងបំភ្លឺផ្លូវ។
បច្ចប្បន្នវត្ថុតាងត្រូវបានសមត្ថកិច្ចជំនាញយកទៅរក្សាទុករងចាំការដោះស្រាយបន្ត៕SRP
