ខេត្តសៀមរាប៖លោកអ៊ុន ចាន់ដា អភិបាលខេត្តកំពង់ចាម បានស្នើឲ្យសមត្ថកិច្ចនគរបាល លុបបំបាត់ឲ្យអស់នូវប៉ុស្ដិ៍ជជុះ កុងត្រូលជុះអនាធិបតេយ្យគ្រប់ប្រភេទ។
លោកអ៊ុន ចាន់ដា បានថ្លែងថាកន្លងមកមានមនុស្សមកបង្ក្រាបបទល្មើសមួយចំនួននៅក្នុងមូលដ្ឋាន ដោយគេមិនបានសហការជាមួយអាជ្ញាធរសមត្ថកិច្ចមូលដ្ឋាននោះឡើយ ដោយគេសំអាងលើលិខិតPពីក្រសួង។ ដូច្នេះបើមកត្រូវសហការជាមួយអាជ្ញាធរខេត្ត ដើម្បីពិនិត្យមើលឯកសារPមួយចំនួន។ លោកថា ថ្នាក់ខេត្តក៏មានសមត្ថកិច្ចជំនាញ ក្នុងការបង្ក្រាបបទល្មើសដែរ។
បើតាមលោក អ៊ុន ចាន់ដា ថា អ្នកមកបង្ក្រាបនោះដូចមកបំផ្លាញសន្លឹកឆ្នោតអីចឹង យើងខិតខំកសាងសន្លឹកឆ្នោតបាន២ទៅ៣សន្លឹក ពួកគេមកម្ដងបំផ្លាញ១០០សន្លឹក។
លោកក៏បានស្នើឲ្យអាជ្ញាធរសមត្ថកិច្ចតាមព្រំប្រទល់តាមខេត្តជាពិសេសជាប់ខេត្តកណ្ដាល ព្រោះកន្លងមកក៏មានរថយន្តមួយចំនួនចតចាំដេញរថយន្តយកលុយពីពលរដ្ឋផងដែរ។
លោក អ៊ុន ចាន់ដា ថ្លែងបែបនេះនៅក្នុងឱកាសអញ្ជើញប្រគល់វិញ្ញាបនបត្របញ្ជាក់ការសិក្សា វគ្គបំប៉នជំនាញការពារផ្ទាល់ថ្នាក់ដឹកនាំ អន្តរាគមន៍ តម្រួតបញ្ជា ចរាចរណ៍ ការពារគោលដៅ ជូនដល់មន្ត្រីនគរបាលជាតិ នៃស្នងការនគរបាលខេត្តកំពង់ចាម នៅរសៀលថ្ងៃ១១ ខែមករា ឆ្នាំ២០២២នេះ៕SRP
