ខេត្តកំពង់ចាម៖អភិបាលខេត្តកំពង់ចាម លោក អ៊ុន ចាន់ដា នៅព្រឹកមិញនេះបានចុះពិនិត្យការដ្ឋានអ៊ុតផ្លូវកៅស៊ូ បេទីម ចំនួន២ខ្សែ ប្រវែងជិត៧០០ម៉ែត្រ ស្ថិតនៅក្នុងសង្កាត់បឹងកុក ក្រុងកំពង់ចាម។
ឆ្លៀតក្នុងឱកាសចុះពិនិត្យគម្រោងស្ថាបនាផ្លូវខាងលើនេះដែរ លោក អ៊ុន ចាន់ដា ក៏បានជួបសំណេះសំណាលសាកសួរសុខទុក្ខ បងប្អូនប្រជាពលរដ្ឋ ដែលរស់នៅតាមបណ្តោយដងផ្លូវខាងលេី ខណៈពួកគាត់មានការត្រេកអរសាទរជាខ្លាំងចំពោះសមិទ្ធផលថ្មីនេះគឺជាការបង្កលក្ខណៈងាយស្រួលដល់ការធ្វើដំណើរ របស់បងប្អូនប្រជាពលរដ្ឋ ក៏ដូចជាអ្នករស់នៅក្នុងតំបន់នោះផងដែរ។
គួរបញ្ជាក់ថា គម្រោងជួសជុលផ្លូវកៅស៊ូ ប្រភេទAC ប្រវែង ៦៥២ម៉ែត្រ ទទឹង៧.៥ ម៉ែត្រ លើកំណាត់ផ្លូវលេខ៤៩ចាប់ពី កែងផ្លូវត្រសក់ផ្អែម រហូតដល់ផ្លូវភ្លោះមុនីវង្ស(ក្រោយសាលាបឋមសិក្សាឧត្តរ) ស្ថិតក្នុងសង្កាត់ កំពង់ចាម ក្រុងកំពង់ចាម សរុបតម្លៃ ៧០៤លានរៀល ដែលជាប្រភពថវិការបស់រាជរដ្ឋាភិបាលកម្ពុជា តាមរយៈរដ្ឋបាលខេត្តកំពង់ចាម សម្រាប់ឆ្នាំ២០២២៕SRP
