ខេត្តសៀមរាប៖មនុស្សចំនូនពីរនាក់ត្រូវបានប៉ូលិសស្រុកប្រាសាទបាគងចាប់ខ្លួនករណីរក្សាទុកជួញដូប្រើប្រាស់ដោយខុសច្បាប់នូវសារធាតុញៀន។
ការបង្ក្រាបធ្វើឡើងវេលាម៉ោង ២១និង៤០ ថ្ងៃទី១៩ ខែធ្នូ ឆ្នាំ២០២១ ស្ថិតនៅភូមិល្អក់ ឃុំកណ្ដែក ស្រុកប្រាសាទបាគង ខេត្តសៀមរាប។
សមត្ថកិច្ចខេត្តសៀមរាបបានឲ្យដឹងថា ជនសង្ស័យ ទី១ឈ្មោះបឿន ណាំភេទប្រុសអាយុ២៨ឆ្នាំនៅភូមិព្រៃថ្មី សង្កាត់ទឹកវិល ក្រុងសៀមរាប ករណីរក្សាទុកជួយដូប្រើប្រាស់(មានសារធាតុញៀនក្នុងខ្លួន).
២/ឈ្មោះ នូ សុម៉ាលី ភេទស្រីអាយុ២៨ឆ្នាំនៅភូមិមេមត់ ឃុំមេមត់ ស្រុកមេមត់ ខេត្តត្បូងឃ្មុំ (ករណីជួញដូប្រើប្រាស់)មានសារធាតុញៀនក្នុងខ្លួន។
សមត្ថកិច្ចបានបន្តថា ករណីបង្ក្រាបនេះ ដកហូតវត្ថុតាងរួមមាន៖ ម្ស៉ៅក្រាមពណ៌ស ចំនួន១២កញ្ចប់- ជញ្ជីងថ្លឹង១-ទូស័ព្ទចំនួន៥គ្រឿង -ថង់វិចខ្ចប់ និងឧបករណ៍ប្រើប្រាស់មួយចំនួន។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនទៅការិយាល័យប្រឆាំងគ្រឿងញៀន ដើម្បីអនុវត្តន៍តាមនីតិវិធីបន្ត៕SRP
