ខេត្តសៀមរាប៖ប្រជាពលរដ្ឋចំនួន១០៤គ្រួសារ នៅភូមិចុងកៅស៊ូ សង្កាត់ស្លក្រាម ក្រុងសៀមរាប បានទទួលអំណោយពីអង្គការគ្រួសារមួយនៃកម្ពុជា (One Family of Cambodia) ប្រចាំកម្ពុជា និង អង្គការ វ៉ន់ ហ្វាមមីលីអេដ អឺថែម (One Family At A Time ) ប្រចាំប្រទេសអូស្ត្រាលី ជាអង្គការដែលមានគោលដៅរួមក្នុងការ លើកកំពស់ស្ត្រី ដោយផ្តោតលើកម្មវិធីអភិវឌ្ឍនិងគំនិតផ្តួចផ្តើមដែលត្រូវបានរចនាឡើងជាពិសេសសម្រាប់ ស្រ្តីនិងក្មេងស្រីដើម្បីចាកផុតពីភាពក្រីក្រ។
ពិធីចែកអំណោយនេះ តាមរយៈ លោក សូ ពេញ មេភូមិចុងកៅស៊ូ ដែលធ្វើឡើងនៅព្រឹកថ្ងៃទី០១ ខែកក្កដា ឆ្នាំ២០២១ ស្ថិតនៅសណ្ឋាគារ ប៉ារ៉ាឌីស អង្គរ វីឡា ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប។
តាមរបាយការណ៍បានឲ្យដឹងថា អំណោយដែលអង្គការគ្រួសារមួយនៃកម្ពុជា បានផ្ដល់ជូនពលរដ្ឋទាំង១០៤ គ្រួសារ ក្នុងមួយគ្រួសារទទួលបាន៖.អង្ករ២៥គីឡូ/ មុង១/ ចានដែកជ័រ(ទំហំ៨តឹក)១/ ទឹកត្រី ទឹកស៊ីអ៊ីវ ប្រេងសណ្ដែក១ដបមួយមុខ/ ត្រី៥កំប៉ុង/ មីម៉ាម៉ាកន្លះកេស/ ពងមាន់១០គ្រាប់/ សាប៊ូម្សៅ១គីឡូ / បន្លែ១កញ្ចប់(២ដុល្លារ)/ ដើមឈើ (ដើមខ្នុរ)១ដើម/ សាប៊ូដុំលាងដៃ១ដុំ។ ដោយម្ចាស់អំណោយដែលបានផ្ដល់ជូនពលរដ្ឋខាងលើ គឺ លោកស្រី ជេស៊ីកា (Jessica Aberling) និង លោករ៉ូបឺត (Robert Hurst)។
បើតាមរបាយការណ៍បានបញ្ជាក់ថាគោលបំណង នៃការចែកអំណោយ៖ ដោយក្តីស្រលាញ់ នឹករលឹកនិងបារម្ភ ពីម្ចាស់ជំនួយ និង សូមជូនពរ ដល់បងប្អូនប្រជាពលរដ្ឋកម្ពុជាអោយជួបតែសេចក្តីសុខ ចៀសផុតនិងជំងឺកាចសាហាវទាំងពួង ជាពិសេស ជំងឺកូរីដ១៩៕SRP
