ខេត្តកំពង់ចាម៖លោកអ៊ុន ចាន់ដា អភិបាលខេត្តបានអរគុណ ចំពោះសប្បុរសជន ក្នុងការឧបត្ថម្ភថវិកា និងសម្ភារ ដេីដេីម្បីចូលរួម ប្រយុទ្ធប្រឆាំង ទប់ស្កាត់ជំងឺកូវីដ-១៩។
លោកថ្លែងអរគុណ នៅថ្ងៃទី១៧ ខែមីនា ព្រឹកមិញនេះ ក្នុងពេលក្រុមហ៊ុនខ្មែរភូលវែលហ៊្វែរឡូតធេីរី ខូ អិលធីឌី បានជួយឧបត្ថម្ភ ម៉ាស ចំនួន២៥០០០ម៉ាស .ក្រុមហ៊ុនដីឡូត៍អានសំណាងបឹងស្នាយ ជួជួយឧបត្ថម្ភថវិកាចំនួន២លានរៀល. លោកស្រី ជ័យ ហ៊ុយឡេង ជួយឧបត្ថម្ភទឹកបរិសុទ្ធ ចំនួន១០០យួរ និងទឹកផ្លែឈើ ១០កេស .លោកជំទាវ ម៉ែន ស្រីពៅ ជួយឧបត្ថម្ភ មី ចំនួន៩កេស ទឹកស៊ីអ៉ីវ ៨យួរ និងទឹកបរិសុទ្ធចំនួន១០កេស។
ក្នុងឱកាសនេះដែរ លោក អ៊ុន ចាន់ដា ក៏បានធ្វើកាបែងចែកម៉ាស ទាំងនោះទៅឲ្យមន្ត្រីពាក់ព័ន្ធ និងក្រុមយុវជនស្រលាញ់សន្តិភាព សម្រាប់យកទៅចែកជូន ប្រជាពលរដ្ឋ នៅតាមផ្សារ នៅតាមទីសាធារណៈ ឬនៅតាមតំបន់ទីប្រជុំជននានា ដេីម្បីពញ្ញាក់ស្មារតី រំលឹកដាស់តឿន ដល់ពលរដ្ឋយើង ឲ្យមានការពាក់ម៉ាស់ជាប្រចាំ កុំបីមានការធ្វេសប្រហែស។ ដោយឡែកសម្ភារគ្រឿងហូបចុកទាំងអស់ ត្រូវបានប្រគល់ជូនមណ្ឌលចក្តាឡឺស័កក្នុងខេត្ត ដើម្បីទំនុកបម្រុងដល់ពលករចំណូលស្រុក និងអ្នកពាក់ព័ន្ធព្រឹត្តិការណ៍២០កុម្ភៈ ដែលកំពុងធ្វើធ្វើចត្តាឡីស័ក។
អភិបាលខេត្ត ក៏បានណែនាំដល់ក្រុមការងារឲ្យជួយធ្វើការផ្សព្វផ្សាយ រំលឹកដល់ពលរដ្ឋ គ្រប់មជ្ឈដ្ឋានទាំងអស់ ឲ្យមានការចូលរួមអនុវត្តតាមកន្លងថ្មី គឺត្រូវការពារ ដោយមានការពាក់ម៉ាសនៅគ្រប់ទីសាធារណៈ លាងដៃជាមួយសាប៊ូ អាល់កុល ឬជែល និងរក្សាគម្លាតសុវត្ថិភាពសង្គម ចាប់ពីមួយម៉ែត្រកន្លះឡើងទៅ និងកុំបីចូលទៅកន្លែងបិទជិតគ្មានខ្យល់ចេញចូល កុំចូលទៅកន្លែងមានមនុស្សច្រើនកុះករ និងកុំប៉ះពាល់គ្នា៕SRP