ឡើងលើដំបូលផ្ទះបំរ៉ុងគាស់ តែម្ចាស់គេឃើញទាន់ ព័ទ្ធចាប់បានភ្លាម‌‌ៗ

ខេត្តព្រៃវែង៖ជនសង្ស័យម្នាក់បានឡើងលើដំបូលផ្ទះបំរ៉ុងគាស់ យកសម្ភារប៉ុន្តែម្ចាស់គេឃើញទាន់រាយការណ៍ឲ្យនគរបាលព័ទ្ធចាប់បានភ្លាមៗ។
ជនសង្ស័យមានឈ្មោះ ចិន ម៉ៃ ភេទប្រុស អាយុ២៣ឆ្នាំ នៅភូមិគោកស្រឡៅ ឃុំចុងជៀច ស្រុកតំបែរ ខេត្តត្បូងឃ្មុំ។
បើតាមមន្ត្រីនគរបាលបានថ្លែងថាស្របពេលដែលកម្លាំងនគរបាលស្រុកស្វាយអន្ទរ កំពុងល្បាតដឹកនាំដោយលោក អ៊ុង ផាន អធិការនគរបាល ក៏មានពលរដ្ឋរាយការណ៍ ក៏បានចុះទៅដល់ទីតាំងកើតហេតុឡោមព័ទ្ធចាប់បានតែម្ដង។
បច្ចុប្បន្ននគរបាលកំសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់។
សូមជម្រាបថាហេតុការណ៍នេះបានកើតឡើងនៅថ្ងៃទី១៧ ខែកញ្ញា ឆ្នាំ២០២០ វេលាម៉ោង២១និង៥នាទីស្ថិតនៅខាងលិចរង្វង់មូលស្វាយអន្ទរ ក្នុងភូមិស្វាយអន្ទរ១ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង៕SRP