បរទេសម្នាក់ បានស្លាប់ក្នុងបន្ទប់ជួល នៅក្រុងសៀមរាប

ខេត្តសៀមរាប៖ជនជាតិបរទេសម្នាក់ បានស្លាប់ក្នុងបន្ទប់ជួល នៅវេលាម៉ោង ១៣និង៣០នាទីថ្ងៃទី០៨ ខែកក្កដា ឆ្នាំ២០២០នេះ។
ហេតុការណ៍បានកើតឡើង នៅភូមិវត្តស្វាយ សង្កាត់សាលាកំរើក ក្រុងសៀមរាប។
សមត្ថកិច្ចជនរងគ្រោះ ឈ្មោះMARET KENNETH RANDY ភេទ ប្រុស កើតថ្ងៃទី ២៤-០៧-១៩៥៦ ជនជាតិ អាមេរិក កាន់លិខិតឆ្លងដែនលេខ៦៤២៥០៨២៣៣ ជាភ្ញៀវទេសចរណ៍ ស្នាក់នៅបន្ទប់ជួលកើតហេតុខាងលើ។
ផ្អែកតាមការស្រាវជ្រាវរបស់សមត្ថកិច្ចជំនាញនិងលោកវេជ្ជបណ្ឌិត អុិត ឆបឆរ័ត្ន គ្រូពេទ្យអមតុលាការ បានសន្និដ្ឋានថា៖ជនរងគ្រោះបានស្លាប់ដោយសារ សំពាធឈាមឡើងខ្ពស់បណ្តាលឲ្យដាច់សរសៃឈាមខួរក្បាល។
សាកសពរៀបចំបញ្ជូនទៅតម្កល់ទុកបណ្តោះអាសន្ននៅវត្តទឹកថ្លា រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP