ភ្នំពេញ៖លោកដួង តារា រដ្ឋលេខាធិការទីស្តីការគណៈរដ្ឋមន្ត្រីនិងជាជំនួយការផ្ទាល់សម្តេចតេជោហ៊ុន សែន នាយករដ្ឋមន្ត្រី បានបញ្ជាក់ថា៖តេលេក្រាម ដែលយកឈ្មោះនិងរូបសម្ដេចហ៊ុន សែន ទៅបង្កើត អាចកំណត់ថា​ ជាជនបរទេស​ ( ព្រោះសរសេរ​ English បានល្អ)។

តាមរយៈប្រព័ន្ធតេលេក្រាមផ្លូវការរបស់សម្ដេច ហ៊ុន សែន ដែលអង្គភាពសារព័ត៌មានសៀមរាបប៉ុស្តិ៍ ទទួលបាននៅព្រឹកថ្ងៃសៅរ៍នេះ បានបញ្ជាក់ថា៖ បាទសម្តេច profile telegram​ @hunsen24 គឺខ្ញុំបាទបានសាកល្បង​ chat ជាមួយគឺអាចកំណត់ថា​ ជាជនបរទេស​ ( ព្រោះសរសេរ​ English បានល្អ) គឺបានលួច hacked យក profile​ @hunsen24 ពីអ្នកក្នុងស្រុកយេីង​ (សព្វថ្ងៃពួក​ hackers លួច​ hack ច្រេីន) ។ ជននេះអាចគិតថាម្ចាស់​ profile នោះ​ (HUN SEN ) ជាអ្នកមានទ្រព្យធូរធារ​ ទេីបយក​ profile នោះមក​ Scam ដេីម្បីបោកមនុស្សទូទៅអោយលេង​ buy stock ប៉ុន្តែមិនទាក់ទាញផ្នែកនយោបាយឡេីយ។ Account នេះលាក់ (​hiden) មិនអោយដឹងលេខទូរសព្វ​។ មនុស្សអាក្រក់ៗអាចនឹងបង្កេីត​ fake account ដូចនេះច្រេីនដែលបង្ករការរំខាន 🙏🙏។

លោកដួង តារា បន្តថា៖ បាទសម្តេច​ account telegram. HUN SEN / @hunsen24 បានលុបចេញ​ ដូរឈ្មោះថ្មីហេីយ​ ដោយសារខ្ញុំបាទប្រាប់វាថា​ ខ្ញុំបាទមិនជឿទេ​ ។ វាខំល្បួងខ្ញុំបាទអោយទិញ​ វិនិយោគ​ Stock តាមរយះវាថាបានចំណេញច្រេីន។ ខ្ញុំបាទប្រាប់ថា​ ខ្ញុំស្គាល់នាយករដ្ឋមន្រ្តីខ្មែរច្បាស់ណាស់​ គាត់មិនធ្វេីដូច្នេះទេ។ ខ្ញុំបាទប្រាប់វាអោយបង្ហាញរូបពិតខ្ញុំបាទនឹងទិញ​ $200…ហេីយបន្ទាប់មកខ្ញុំបាទក៏ឈប់ឆ្លេីយសារវា… ប៉ុន្មានម៉ោងមកវាក៏ផ្ញេីសារមកខ្ញុំបាទឈ្មោះថ្មី​ Kluth Phearith មានទាំងអាជ្ញាប័ណ្ណវិនិយោគថាពិតប្រាកដទៀតផង។ បាទសម្តេចពួកនេះជា​ hacker ដេីរ​ scam ពលរដ្ឋយកលុយ.. ជាពិសេសអ្នកដែលលោភចង់បានលុយច្រេីនភ្លាមៗតាមរយះវិនិយោគតិច​ បានចំណេញច្រេីនតាម​ online. ទោះបីមិនដឹងថាមុខមាត់អ្នកណែនាំដូចម៉្តេចក៏ចេះតែជឿតាមគេ។ ខ្ញុំបាទសូមអរគុណសម្តេច🙏។

សូមជម្រាបថានៅថ្ងៃសុក្រម្សិលមិញ សម្តេចតេជោហ៊ុន សែន បានប្រកាសតាមរយៈប្រព័ន្ធហ្វេសប៊ុកផ្ទាល់សម្ដេច ថា មានជនខិលខូចបានយករូបសម្ដេច និងឈ្មោះសម្ដេចទៅបង្កើតប្រព័ន្ធតេលេក្រាម។

សម្តេចតេជោហ៊ុន សែន បានសរសេរថា៖ មានជនខិលខូចបាននិងកំពុងក្លែងតេឡេក្រាម(telegram)របស់ខ្ញុំដោយយករូបថតខ្ញុំនិងភរិយានិងដាក់ឈ្មោះ@HUN SEN 24ដូចមានភ្ជាប់ជាមួយ។ សូមបងប្អូនប្រុងប្រយ័ត្នកុំចាញ់បោកជនអាក្រក់នេះនិងសូមលោកអ្នកដែលក្លែងឈ្មោះខ្ញុំលុបចោលជាបន្ទាន់បើពុំនោះទេនឹងទទួលខុសត្រូវចំពោះមុខច្បាប់៕SRP

ខេត្តសៀមរាប៖ទីតាំងលក់វត្ថុអនុស្សាវរីយ៍មួយកន្លែងបានរងការឆាបឆេះនៅព្រឹកមិញនេះ។ ហេតុការណ៍បានកើតឡើង ថ្ងៃទី១២ ខែសីហា ឆ្នាំ២០២២ ថ្ងៃនេះ ជាថ្ងៃសីល និងពេញបូណ៌មី វេលាម៉ោង ១១និង ៣០នាទី ស្ថិតនៅស្ថិតនៅចំនុចហាងលក់វត្ថុអនុស្សាវរីយ៍ យីហោ តែ ម៉េងហេង ក្នុង ក្រុមទី៦ ភូមិសាលាកន្សែង សង្កាត់ ស្វាយដង្គំ ក្រុងសៀមរាប ខេត្តសៀមរាប។

ស្នងការរងខេត្តសៀមរាបទទួលផែនកណ្តាលយុតិ្តធម៌ លោកឧត្តមសេនីយ៍ត្រី ភឹង ចិន្តារ៉េត បានប្រាប់សារព័ត៌មាន សៀមរាបប៉ុស្តិ៍ ថាក្នុងហេតុការណ៍អគ្គិភ័យនេះ ខណ:ពេលដែលម្ចាស់មិននៅផ្ទះនោះទេ គឺចាក់សោរហើយរវល់ទៅសែននៅផ្ទះ១ទៀត។

លោកឧត្តមសេនីយ៍ត្រី ភឹង ចិន្តារ៉េត ថា ករណីនេះកើតឡើងភ្លាមៗ ក៏មានមន្ត្រីចរាចរណ៍ ចំនួននាក់៖ ១លោក អ/ឯក រៀន រ៉ាជួន ជានាយរងផ្នែក។ ២.លោក អ/ឯក វ៉ន ណាតុល ជាមន្ត្រី ដែលប្រចាំការនៅស្តុបសារៈមន្ទីរ បានមើលឃើញផ្សែងខ្មៅ ក៏បាននាំគ្នារត់ទៅកន្លែងកើតហេតុ ពិនិត្យមើលឃើញថា មានភ្លេីងឆេះក្នុងផ្ទះល្វែង១ខ្នង ដែលម្ចាស់ផ្ទះមិននៅ ព្រោះឃើញទ្វារចាក់សោរខាងក្រៅ​ ពួកគាត់បានរាយការណ៍ មកមេវេនរួចក៏នាំគ្នាវាយសោរចូលទៅក្នុង​ ពេលវាយសោរបើកហើយក៏យកបំពង់អគ្គីភ័យ អ្នកជិតខាងនិងបំពង់អគ្គីភ័យ ដែលលោកស្នងការបំពាក់នឹងមូ៉តូរបស់ក្រុមអន្តរាគមន៍ នគរបាលចរាចរណ៍ ទៅបាញ់ពន្លត់នៅក្នុងផ្ទះ ស្របគ្នាពេលនោះ ក៏មានរថយន្តអគ្គីភ័យ របស់ស្នងការនគរបាលខេត្តសៀមរាប ទៅដល់ផងដែរ​ ក៏បានសហការគ្នា​ ជួយទាញ​ ទុយយោទឹក របស់រថយន្តពន្លត់អគ្គីភ័យ ក្រោយមកប្រហែលម៉ោង ១២និង២៥នាទី បានពន្លត់អោយរលត់បានទាំងស្រុងផងដែរ។ ដោយប្រើប្រាស់ រថយន្តអគ្គិភ័យចំនួន០៣គ្រឿង៖រថយន្តអគ្គិភ័យ ស្នងការដ្ឋាននគរបាលខេត្ត០១គ្រឿង ប្រើប្រាស់អស់ទឹក០២រថយន្ត រថយន្តអគ្គិភ័យ អាជ្ញាធរជាតិអប្សរា ចំនួន ០២គ្រឿងប្រើប្រាស់ទឹកអស់ ចំនួន ០៣ រថយន្ត-បំពង់ពន្លត់អគ្គីភ័យរបស់នគរបាល ចរាចរណ៍ចំនួន ០២បំពង់។

លោកឧត្តមសេនីយ៍ត្រី ភឹង ចិន្តារ៉េត បន្តទៀតថា អគ្គិភ័យនេះ បណ្ដាលឲ្យរងការខូចខាតរូបចំលាក់ឈើ ចំនួន ១០រូប .ទូរដាក់តាំងរូបចំលាក់១ និងឆេះខ្លោច ក្នុងផ្ទះបន្តិចបន្តួច។ ម្ចាស់ផ្ទះមាន ឈ្មោះ ចាន់ ដាលីន ភេទ ស្រី អាយុ ៣៥ឆ្នាំ មុខរបរ លក់ដូរ។ មូលហេតុ អុជធូបសែន ហើយម្ចាស់មិននៅផ្ទះ រួចឆាបឆេះភ្លើងធូបជាមួយធុងដាក់អាកុល បណ្ដាលអោយមានអណ្ដាតភ្លើងកើតឡើងតែម្ដង។ជាមួយនិងមន្ត្រីនគរបាលចរាចរណ៍ខេត្តសៀមរាប ចំនួន២រូប ដែលបានជួយចេញអន្តរាគមន៍ភ្លាមៗបែបនេះ លោកឧត្តមសេនីយ៍ត្រី ភឹង ចិន្តារ៉េត បានថ្លែងកោតសរសើរ ចំពោះមន្ត្រីនគរបាលចរាចរណ៍ទាំង រូបខាងលើ ដោយមិនប្រកាន់តួនាទី និងភារកិច្ច ដោយមានឆន្ទះនិងស្មារតីគោរពស្រឡាញ់ ការពារទ្រព្យសម្បត្តិ ប្រជាពលរដ្ឋ។

លោកឧត្តមសេនីយ៍ត្រី ភឹង ចិន្តារ៉េត បានសុំអំពាវនាវដល់ប្រជាពលរដ្ឋ ទាំងអស់សូមមេត្តាមានការប្រុងប្រយ័ត្ន នូវធូបទៀន ដែលបានអុជសែន ដោយមុនចាកចេញពីផ្ទះត្រូវពិនិត្យឱ្យបានដិតដល់គឺចាំធូបទៀន រលត់សិន ចៀវាងបាតុភាពកើតឡើងដោយជាយថាហេតុ៕SRP

ខេត្តសៀមរាប៖មន្ត្រីជំនាញនាញនគរបាលចរាចរណ៍ខេត្តសៀមរាប បានឃាត់រថយន្តលាយបេតុង ចំនួនពីរគ្រឿង ដែលចូលចាក់បេតុងនៅតាភុល។

មន្ត្រីជំនាញចរាចរណ៍បានប្រាប់សារព័ត៌មានសៀមរាបប៉ុស្តិ៍ ថា ការឃាត់រថយន្ត លាយបេតុង ២គ្រឿង ធ្វើឡើង នៅថ្ងៃទី ១២ សីហា ២០២២ ស្ថិតនៅភូមិ តាភុល សង្កាត់ ស្វាយ
ដង្គំ ក្រុងសៀមរាប។

មន្ត្រីចរាចរណ៍បានថ្លែងបន្តថា រថយន្ត លាយបេតុង ២ គ្រឿង ខាងលើបានចូលចាក់បេតុងមួយកន្លែងក្នុងភូមិតាភុល ហើយពេលចេញមកវិញរថយន្តមានដីភក់ជាប់កងរថយន្ត ដែលបណ្តាលអោយប្រឡាក់ផ្លូវ ចាប់ពីការដ្ឋាន មកដល់ស្តុបទន្លេសាប ប្រវែងប្រហែល ៥០ម៉ែត្រ។

មន្ត្រីចរាចរណ៍បានបញ្ជាក់ថា ក្រោយពីរបានឃាត់រថយន្តហើយ ក្រុមសមត្ថកិច្ចបាន អោយម្ចាស់ការដ្ឋានន នឹងម្ចាស់រថយន្ត ធ្វើការសំអាតផ្លូវ អោយបានស្អាតឡើងវិញ។ ក្នុងនោះក៏បានអោយម្ចាស់រថយន្ត នឹង អ្នកម៉ៅការសំណង់ ចូរួមសហការណ៍ដោយធ្វើរកិច្ចសន្យា នឹងធ្វើរកាអប់រំដល់អ្នកបើកបរផងដែរ៕SRP

ភ្នំពេញ៖សម្តេចតេជោហ៊ុន សែន នាយករដ្ឋមន្ត្រីនៅមុននេះបន្តិចបានបញ្ជាក់នៅលើគណីហ្វេសប៊ុកសម្ដេចថា៖មានជនខិលខូចបាននិងកំពុងក្លែងតេឡេក្រាម (telegram) របស់ខ្ញុំដោយយករូបថតខ្ញុំនិងភរិយានិងដាក់ឈ្មោះ @HUN SEN 24ដូចមានភ្ជាប់ជាមួយ។

ករណីបែបនេះសម្តេចតេជោបានបញ្ជាក់ទៀតថា ៖សូមប្អូនប្រុងប្រយ័ត្ន កុំចាញ់បោកជនអាក្រក់នេះ និងសូមលោកអ្នកដែលក្លែងឈ្មោះខ្ញុំ លុបចោលជាបន្ទាន់ បើពុំនោះទេ
នឹងទទួលខុសត្រូវចំពោះមុខច្បាប់៕SRP

ខេត្តបាត់ដំបង៖រដ្ឋបាលខេត្តនឹងធ្វើការរៀបចំកំណត់ការលាបពណ៌ផ្ទះ ពិសេសសម្រាប់ផ្ទះ ដែលស្ថិតនៅក្នុងតំបន់ផ្ទះបុរាណ ក្រុងបាត់ដំបង ដើម្បីកំណត់ពណ៌ណា ដែលត្រូវលាបឱ្យដូចគ្នា ហើយនៅជំហានបន្តបន្ទាប់ទៀតនឹងត្រូវរៀបចំចិញ្ចើមផ្លូវ សម្រាប់ថ្មើជើងឱ្យដូចៗគ្នា មានកម្ពស់ស្មើគ្នាតែម្ដង។

នេះបើតាមការលើកឡើងរបស់លោកសុខ លូ អភិបាលខេត្តបាត់ដំបង នៅរសៀលថ្ងៃព្រហស្បតិ៍ ម្សិលមិញ ក្នុងឱកាសអញ្ជើញដឹកនាំកិច្ចប្រជុំពិភាក្សាការងារ ការរៀបចំសណ្ដាប់ធ្នាប់ ក្នុងក្រុងបាត់ដំបង និងការរៀបចំប្រព័ន្ធខ្សែភ្លើង ខ្សែកាប និងខ្សែអ៊ីនធឺណេត បន្ទាប់ពីធ្វើការរុះរើសំយ៉ាបផ្ទះ និងផ្ទាំងផ្សព្វផ្សាយពាណិជ្ជកម្ម ធំៗរួចមក។

លោក សុខ លូ ក៏បានប្រាប់ឲ្យមន្ត្រីបន្តចុះណែនាំ ដល់ប្រជាពលរដ្ឋ ដែលប្រើប្រាស់ដីចំណីផ្លូវ ធ្វើការលក់ដូរ ឬប្រកបអាជីវកម្ម គ្មានកន្លែងសម្រាប់ដើរ និងមានភាពរញ៉េរញ៉ៃ និងប្រជាពលរដ្ឋ មួយចំនួនទៀត ដែលព្រមរុះរើសំយ៉ាបផ្ទះហើយ បែជាសាងសង់ជាសំយ៉ាបក្រណាត់ ឬតង់មុខផ្ទះ ក៏ត្រូវធ្វើការណែនាំឱ្យរុះរើចេញដែរ ព្រោះបើមិនធ្វើការណែនាំទាន់ពេលវេលាទេ ទៅមុខទៀតនឹងកាន់តែពិបាកដោះស្រាយហើយ។

លោក សុខ លូ បានថ្លែងថា សម្រាប់ការអភិវឌ្ឍន៍ កែលំអក្រុងបាត់ដំបង ឱ្យមានរបៀបរៀបរយនេះ គឺត្រូវតែមានការចូលរួមពីប្រជាពលរដ្ឋ ជាមួយរដ្ឋបាលខេត្ត ទើបអាចកែប្រែលំអរសោភ័ណភាពក្រុងបាន។

លោក សុខ លូ បន្តថា ដូច្នេះដើម្បីជាការតបស្នងដល់ប្រជាពលរដ្ឋ ដែលចូលរួមសហការ ជាមួយរដ្ឋបាលខេត្តនោះ រដ្ឋបាលខេត្តនឹងធ្វើការចាក់កៅស៊ូជាប្រភេទបេទីប នៅតាមបណ្ដោយផ្លូវសំខាន់ៗ នៅក្នុងមួយចំនួន។

ការចាក់កៅស៊ូគឺក្រោយពីមានការរៀបចំដាក់ប្រព័ន្ធលូរំដោះទឹកកខ្វក់រួចរាល់ និងបន្ទាប់ពីបញ្ចប់រដូវវស្សាហើយ។ ដូច្នេះសូមប្រជាពលរដ្ឋ មានការអត់ធ្មត់ ចំពោះបញ្ហានេះ ចៀសវាងរៀបចំធ្វើផ្លូវហើយ យើងដាក់លូតាមក្រោយ ធ្វើឱ្យខាតបង់ពេលវេលា និងខាតបង់ថវិកាកាន់តែច្រើនថែមទៀត។

ក្នុងកិច្ចប្រជុំ លោក សុខ លូ បានមានប្រសាសន៍ ផងដែរថា៖ ដោយសារប្រជាពលរដ្ឋ បានចូលរួមជាមួយរដ្ឋបាលខេត្តបាត់ដំបង ក្នុងការស្ម័គ្រចិត្តចូលរួមរុះរើសំយ៉ាបផ្ទះ ផ្ទាំងប៉ាណូធំៗ បានកែប្រែទីក្រុងបាត់ដំបង ឱ្យមានរបៀបរៀបរយជាងមុន។

ករណីបែបនេះ អភិបាលខេត្តបាត់ដំបង បានអំពាវនាវដល់ប្រធានអង្គភាព អគ្គិសនីខេត្ត ក្រុមហ៊ុនទូរទស្សន៍ខ្សែកាបក្នុងខេត្ត ក៏ដូចជាក្រុមហ៊ុនផ្គត់ផ្គង់ប្រព័ន្ធអ៊ិនធឺណេត ជួយពន្លឿនក្នុងការរៀបចំប្រព័ន្ធខ្សែភ្លើង ខ្សែកាប ខ្សែអ៊ិនធឺណេត ដែលកំពុងមានភាពរញ៉ែរញ៉ៃ ងាយនឹងបង្កជាហានិភ័យ ផ្ទុះសេខ្សែភ្លើងជាដើម ដោយត្រូវរៀបចំបង្កប់ដាក់ចូលក្រោមដីវិញ។ ចំណែកចំពោះខ្សែណាអត់ប្រើគឺត្រូវកាត់ចោលតែម្ដង ហើយត្រូវយកចិត្តទុកដាក់ធ្វើកិច្ចការនេះ ដោយត្រូវធ្វើឱ្យបានលឿន។

លោក ក៏បានថ្លែងអំណរគុណ ដល់ក្រុមការងារក្រុង អាជ្ញាធរមូលដ្ឋាន និងប្រជាពលរដ្ឋ ដែលរស់នៅក្នុងតំបន់អភិរក្ស ទាំងអស់ស្ម័គ្រចិត្ត និងចូលរួមជាមួយរដ្ឋបាល ខេត្តបាត់ដំបង ធ្វើការរុះរើសំយ៉ាបផ្ទះ និងផ្ទាំងប៉ាណូហើយ និងត្រៀមទទួលការរៀបចំសំយ៉ាបថ្មី៕SRP

ខេត្តសៀមរាប៖សមត្ថកិច្ចបានឃាត់ខ្លួនស្ត្រីម្នាក់ក្រោយពីបានចាក់ថ្នាំប្រហែល១០មុខ ទៅលើអ្នកជំងឺម្នាក់ ក្នុងពេលតែមួយ បណ្តាលឲ្យអ្នកជំងឺស្លាប់។ កើតហេតុនៅវេលាម៉ោង ១៣ ថ្ងៃទី០៩ ខែសីហា ឆ្នាំ២០២២ ចំណុចភូមិទឹកលិច ឃុំបឹងមាលា ស្រុកស្វាយលើ ខេត្តសៀមរាប។ ការឃាត់ខ្លួនធ្វើឡើងនៅថ្ងៃទី ១០ ខែសីហា ឆ្នាំ២០២២ ដោយសមត្ថកិច្ចនគបាលស្រុកស្វាយលើ។

សមត្ថកិច្ចស្រុកស្វាយលើបានប្រាប់សារព័ត៌មានសៀមរាបប៉ុស្ដិ៍ថា ស្ត្រីដែលត្រូវបានឃាត់ខ្ឡយន ឈ្មោះ វ៉ន ស្រី ភេទស្រីអាយុ៥២ឆ្នាំ មានទីលំនៅ ស្ថិតនៅភូមិទឹកលិច ឃុំបឹងមាលា ស្រុកស្វាយលើ ខេត្តសៀមរាប មុខរបរគ្រូពេទ្យបុរាណ។ ការឃាត់ខ្លួនពីបទឃាតកម្មដោយចេតនា (ព្យាបាលគ្មានវិជ្ជាជីវៈ ផ្នែកវេជ្ជសាស្ត្រ និងបើកទីតាំងព្យាបាលគ្មានអាជ្ញាប័ណ្ណ)។ ចំណែកជនរងគ្រោះឈ្មោះសេង ត្រេត ភេទស្រីអាយុ៣១ ឆ្នាំជាអ្នកជំងឺលើសឈាម មានទីលំនៅ ស្ថិតនៅឃុំដូនពេង ស្រុកអង្គរជុំ ខេត្តសៀបរាប។

ករណីនេះសមត្ថកិច្ចស្រុកស្វាយលើមិនទាន់បញ្ជាក់លំអិតជុំវិញហេតុការណ៍នេះនៅឡើយទេ។ ទោះជាយ៉ាងណា ផេកហ្វេសប៊ុក AngKor Chom OD ការិយាល័យស្រុកអង្គរជុំ បានបង្ហោះសារមួយថា៖ អ្នកជម្ងឺម្នាក់រស់នៅភូមិមួយ ក្នុងឃុំដូនពេង ស្រុកអង្គរជុំ ខេត្តសៀមរាប បានស្លាប់ដោយសារពេទ្យគ្មានអាជ្ញាប័ណ្ណ។

អ្នកជម្ងឺមានអាការៈស្លាប់១ចំហៀងខ្លួន ដោយសារជម្ងឺលើសឈាម និងបានចេញពីមន្ទីរពេទ្យបង្អែកខេត្តសៀមរាប។ ទោះបីជាគ្រូពេទ្យប្រាប់ថាអ្នកជម្ងឺមិនអាចធូរស្រាលបានទេ និងត្រូវត្រឡប់មកថែទាំនៅផ្ទះវិញ ប៉ុន្តែបងប្អូនសម្រេចស្វែងរកការព្យាបាលតាមមធ្យោបាយផ្សេងវិញ។ បងប្អូនអ្នកជម្ងឺបានសម្រេចចិត្តឲ្យពេទ្យម្នាក់រស់នៅ បេងមាលា ស្រុកស្វាយលើ ស្ថិតក្នុងតំបន់គ្របដណ្ដប់របស់ស្រុកប្រតិបត្តិសូទ្រនិគមព្យាបាលដោយធានាថា មើល១ជា (យក៣លានរៀល)។ ក្រោយការព្យាបាលមិនបានមួយថ្ងៃ អ្នកជម្ងឺបានទទួលមរណភាពហើយ។ តែអ្វីដែលយើងហួសចិត្តនោះគឺពេទ្យប្រើថ្នាំប្រហែល១០មុខ ចាក់ទៅលើអ្នកជម្ងឺក្នុងពេល១ថ្ងៃ។ នេះជាការលំបាកមួយក្នុងការគ្រប់គ្រងសេវាសុខាភិបាលខុសច្បាប់។ ពិតហើយថាអ្នកជម្ងឺរស់នៅក្នុងតំបន់គ្របដណ្តប់របស់ស្រុកប្រតិបត្តិអង្គរជុំ តែបងប្អូនអ្នកជម្ងឺបានដឹកទៅព្យាបាលនៅ បេងមាលា ស្រុកស្វាយលើ។

លោក ម៉ក់ សំអឿន ប្រធានការិយាល័យ សុខាភិបាលស្រុកអង្គរជុំ បានសរសេរនៅលើគណីហ្វេសប៊ុកផ្ទាល់ខ្លូនថា« គ្មានអ្នកណាឆោតជាងអ្នកឈឺ ព្រោះចង់ជា។ និទណ្ឌភាពក្នុងវិស័យសុខាភិបាល!  ពេទ្យគ្មានអាជ្ញាប័ណ្ណគួរត្រូវបានផ្តន្ទាទោស តែជាក់ស្តែងពួកគេនៅតែគេចផុតពីសំណាញ់ច្បាប់ និងបន្តរកស៊ីដោយខុសច្បាប់ដដែល៕SRP

ខេត្តសៀមរាប៖បុរសចំនួនពីរនាក់ជិះម៉ូតូឌុបគ្នាត្រូវបានរថយន្តបុកចំពេញទំហឹងបណ្ដាលឲ្យស្លាប់ម្នាក់ភ្លាមៗនឹងម្នាក់ទៀតរងរបួសធ្ងន់។ ហេតុការណ៍បានកើតឡើងនៅនៅថ្ងៃពុធ ទី 10 ខែសីហាឆ្នាំ 2022 វេលាម៉ោង 18 និង 30 នាទី លើផ្លូវ 202 ពីស្រុកពួក ទៅស្រុកអង្គរជុំ ស្ថិតភូមិក្អែកទុំឃុំរើល ស្រុកពួក ខេត្តសៀមរាប។

អធិការនគរបាលស្រុកពួក លោកទេព ពុំសែន បានប្រាប់សារព័ត៌មានសៀមរាបប៉ុស្ដិ៍ ថាករណីគ្រោះថ្នាក់ចរាចណ៍នេះរវាងរថយន្តនិងម៉ូតូ រថយន្តម៉ាកFRON TIER

ព៌ណទឹកប្រាក់ ពាក់ផ្លាកលេខ ភ្នំ ពេញ2W-8726 បើកបរដោយជនមិនស្គាល់អត្តសញ្ញាណ មានទិសដៅពីជើង ទៅត្បូង បានបុកជាមួយម៉ូតូម៉ាកហុងដាឌ្រីមផលិតឆ្នាំ 2021 ពាក់ផ្លាកលេខសៀមរាប 1AL_4059 បើកបរដោយឈ្មោះម៉ុយ វ៉ាន់ឆាយ ភេទប្រុស អាយុ 18 ឆ្នាំនៅភូមិរើល ឃុំរើល ស្រុកពួក ខេត្តសៀមរាប(គ្មានមួកសុវត្ថិភាព ស្លាប់) អ្នកជិះជាមួយឈ្មោះកេត សំរាន ភេទប្រុស អាយុ 21 ឆ្នាំនៅភូមិឃុំ ជាមួយគ្នា(គ្មានមួកសុវត្ថិភាពរងរបួសធ្ងន់)បើបរទិសដៅពីត្បូង ទៅជើង។ ក្នុងនោះខូចខាតម៉ូតូ 1គ្រឿងធ្ងន់និងរថយន្ត 1គ្រឿងស្រាល។

លោកទេព ពុំសែន ក្រោយពេលកើតហេតុកម្លាំងផ្នែកជំនាញសហការណ៍ ជាមួយកម្លាំងប៉ុស្តិ៍នគរបាលរដ្ឋបាលឃុំរើល ចុះទៅវាស់វែង សង្រ្គោះជនរងគ្រោះទៅមន្ទីពេទ្យ។ សាកសព ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ចំណែកវត្ថុតាងពាក់ព័ន្ធយកមករក្សាទុកក្នុងអង្គភាពដើម្បីចាត់ការតាមនិតិវិធី។ គ្រោះថ្នាក់នេះមូលហេតុ អ្នកបើកបរម៉តូបើកបរមិនប្រកាន់ស្ដាំ៕SRP

ខេត្តបន្ទាយមានជ័យ៖មន្ត្រីគយចល័តតំបន់៥ បានចុះបង្ក្រាបរថយន្តចង្កូតស្ដាំ ១១គ្រឿង អត់ពន្ធ នៅក្នុងឌីផាតមិន មួយកន្លែង ក្នុងក្រុងប៉ោយប៉ែត។

ការបង្ក្រាបធ្វើឡើងថ្ងៃ ពុធ ម្សិលមិញនៅ ឌីផាតមិន មួយកន្លែង ភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដោយមន្ត្រីគយចល័តដំបន់៥ សហការជាមួយកម្លាំងប៉ុស្តិ៍នគរបាលរដ្ឋបាលអូរជ្រៅ ដោយមានការ សម្របសម្រួល ពី លោក លឹម ប៊ុនសុភ័ក្រ ព្រះរាជ អាជ្ញារង នៃអយ្យការ អមសាលាដំបូង ខេត្តបន្ទាយមានជ័យ។

ប្រភពព័ត៌មានបានឲ្យដឹងថារថយន្តទាំង១១គ្រឿងអត់ពន្ធនោះ មានចំនួន៤គ្រឿង
ម្ចាស់រថយន្តមិនបានប្រគល់រថយន្តអោយគយ
រឹបអូសនោះទេ។ ក្នុងនោះ
-Mazda2 =១គ្រឿង
-Mazda3 =១គ្រឿង
-Nissanmarch=១គ្រឿង
-Suzuki swiff= ១គ្រឿង។ ចំណែក
-ម្ចាស់ដែលបានប្រគល់រថយន្តអោយគយតំបន់៥ មានចំនួន ០៧គ្រឿង
-Mazda 2 = ៤គ្រឿង
-Mazda 3 = ១គ្រឿង
-Lexus 330 = ១គ្រឿង
-Lexus 400h =១គ្រឿង។

គួរបញ្ជាក់ថា បន្ទាប់ពីរដ្ឋាភិបាល បានប្រកាសអនុញ្ញាត ឱ្យរថយន្ដចង្កូតស្ដាំចូលបង់ពន្ធ ប្រថាប់ត្រា តាមបែបបទរដ្ឋបាល នៃសារពើពន្ធ ក៏មានរថយន្តជាច្រើនគ្រឿង បានចូលទៅដាក់ពាក្យស្នើសុំបង់ពន្ធ ជាច្រើនផងដែរ។ ក៏ប៉ុន្តែក៏នៅតែមានចំនួន នៅមិនទាន់បានទៅដាក់ពាក្យស្នើសុំបង់ពន្ធនោះទេ នៅតែបន្តគេចវេសមិនព្រមបង់ពន្ធ៕SRP

ខេត្តកំពង់ធំ៖យ៉ាងហោចណាស់ក្មេងជំទង់ចំនួន៣នាក់ បានលង់ទឹកស្លាប់ នៅទំនប់បង្ហៀទឹក របស់ក្រុមហ៊ុនលោក ឧកញ៉ា លឹម ប៊ុណ្ណា។

ករណីនេះបានកើតឡើងកាលពីវេលាម៉ោង១៦.៥០នាទីល្ងាចថ្ងៃទី០៧ ខែសីហា នៅចំណុចទំនប់បង្ហៀទឹកមួយកន្លែងរបស់ក្រុមហ៊ុនលោក ឧកញ៉ា លឹម ប៊ុណ្ណា។

ជនរងគ្រោះទី១ឈ្មោះ នី សុផានិត ភេទប្រុស អាយុ១៧ឆ្នាំ រស់នៅភូមិកំពង់ក្តី ឃុំកំពង់ចិនត្បូង ស្រុកស្ទោង។

ទី២ឈ្មោះ ប៉ា វណ្ណរ័ត្ន ភេទប្រុស អាយុ១៦ឆ្នាំ រស់នៅភូមិត្នោត ឃុំកំពង់ចិនជើង ស្រុកស្ទោង។

ទី៣.ឈ្មោះ ប៉ា បញ្ញាលាងសុផានិត ភេទប្រុស អាយុ១២ឆ្នាំ រស់នៅភូមិបឹងកុក ក្រុងកំពង់ចាម ខេត្តកំពង់ចាម។

បន្ទាប់ពីកើតហេតុ ភ្លាមៗ សាច់ញាតិបងប្អូន ព្រមទាំងអាជ្ញាធរ ភូមិ ឃុំ ស្រុក បានចុះទៅស្វែងរកសពជនរងគ្រោះទាំងបីនាក់ រហូតដល់រសៀលថ្ងៃទី ០៨ ខែសីហាឆ្នាំ២០២២ ទើបរកឃើញសព។

បើតាមការបំភ្លឺពីឈ្មោះ ខិល ទូ ភេទប្រុស អាយុ១៧ឆ្នាំនៅភូមិកោះ ឃុំ ទ្រា និងឈ្មោះ ម៉ៃ រតនា ភេទប្រុសអាយុ ១៥ឆ្នាំ នៅភូមិកំពង់ក្តី ឃុំកំពង់ចិនត្បូង បានបញ្ជាក់ថា៖ នៅថ្ងៃទី០៧ ខែ សីហាឆ្នាំ ២០២២ វេលាម៉ោង ប្រហែល ១៦.៣០នាទីល្ងាច ពួកខ្លួនមានឈ្មោះ ១.ឈ្មោះ ភក្តី ភេទ ប្រុស ២.ឈ្មោះ សួគ៌ា ភេទប្រុស ៣.ឈ្មោះ នី សុផានិត ភេទប្រុស និងរូបខ្លួន កំពុងលេងទឹកបង្ហៀ កន្លែង ឧកញ៉ា លឹម ប៊ុណ្ណា ស្រាប់តែឃើញឈ្មោះ ប៉ា បញ្ញាលាងសុផានិត លង់ទឹក ពេលនោះពួកខ្លួននិងឈ្មោះ នី សុផានិត បានទៅជួយទាញដៃ តែទាញពុំមកព្រោះទឹកហូរខ្លាំង ខណ:នោះស្រាប់តែឈ្មោះប៉ា វណ្ណារ័ត្ន ទឹកគួចធ្លាក់ទៅតោងឈ្មោះ នី សុផានិត និងឈ្មោះ ប៉ា បញ្ញាលាងសុផានិត បណ្តាល អោយលិចបាត់ក្នុងទឹកទាំង០៣នាក់តែម្តង។

ប្រភពព័ត៌មានបានបន្តថាក្រោយពី រកឃើញសាកសព សមត្ថកិច្ចជំនាញស្រុក សហការជាមួយអាជ្ញាធរដែនដី គ្រូពេទ្យបានចុះពិនិត្យដល់កន្លែងកើតហេតុ និងសាកសពទាំងបីនាក់មានកំទេចដីភក់នៅក្នុងមាត់ និងច្រមុះ សភាពពោះប៉ោង ក្រៅពីនេះពុំមានស្លាកស្នាម អ្វីគួរឱ្យកត់សម្គាល់ឡើយ តាមការស្រាវជ្រាវស៊ើបអង្កេតព័ត៌មានសន្និដ្ឋានសពស្លាប់បណ្ដាលមកពីលង់ទឹក៕SRP

ខេត្តសៀមរាប៖«សម្រាប់ខ្ញុំផ្ទាល់ ឯកឧត្តម ហ៊ុន ម៉ានី គឺជាថ្នាក់ដឹកនាំវ័យក្មេង គម្រូ ដែលមានចក្ខុវិស័យ ឆន្ទៈក្នុងការដឹកនាំ និងមានសមត្ថភាពខ្ពស់ ហើយលើសពីនោះថែមទៀត ឯកឧត្តមពិតជាបានគិតគូរពីអនាគតយុវជនជំនាន់ក្រោយ និងប្រទេសជាតិទាំងមូល» ។ នេះជាការលើកឡើងរបស់ កញ្ញា យង់ វារី ជាសិស្សដែលទើបបញ្ចប់ការសិក្សាពីវិទ្យាល័យប្រាសាទបាគង ខេត្តសៀមរាប។

ទន្ទឹមនឹងការលើកឡើងខាងលើ កញ្ញា យង់ វារី ក៏បានបង្ហាញពីក្តីរំភើប និងមោទនភាព ដែលបានចូលរួមដោយផ្ទាល់ និងជួបឯកឧត្តម ហ៊ុន ម៉ានី ក្នុងកម្មវិធីកិច្ចពិភាក្សាសៀវភៅ៖ ក្តីសង្ឃឹម ហ៊ុន ម៉ានី។ កញ្ញាបានរៀបរាប់បន្ថែមថា៖ «ខ្ញុំបានតាមដានសកម្មភាពរបស់ ឯកឧត្តមចាប់តាំងពីការរៀបចំព្រឹត្តិការណ៍អង្គរសង្រ្កាន្តក្នុងរយៈពេល៦ឆ្នាំ ហើយឯកឧត្តមបាននាំយកនូវផលប្រយោជន៍ជូនប្រជាជន តាមរយៈការផ្ដល់ភាពជឿជាក់ ឱកាស និងការជ្រោមជ្រែងលើការងារស្ម័គ្រចិត្ត ព្រមទាំងការផ្តួចផ្តើមផ្តល់ជាវេទិកាសម្រាប់យុវជន ដើម្បីឱ្យពួកយើងមានក្ដីស្រម៉ៃខ្ពស់ និងការតាំងចិត្តខ្ពស់សម្រេចនូវក្ដីស្រម៉ៃរបស់ខ្លួន»៕SRP

ខេត្តកំពង់ចាម​៖លោកខ្លូត​ ចិន្ដា​ អភិបាល​រងខេត្តកំពង់ចាម​ បាន​ស្នើដល់​មន្រ្តី​អប់រំ​ទាំងអស់​ ឲ្យារួមគ្នាពិភាក្សា រិះរក និងកំណត់អំពីតួនាទីរបស់អ្នកពាក់ព័ន្ធ ចាប់ពីថ្នាក់ខេត្ត រហូតដល់ថ្នាក់ស្រុក ឃុំ កម្រង សាលារៀន និងគណៈគ្រប់គ្រងសាលារៀន និងបង្កើតយន្តការនានា ឬពង្រឹងយន្តការ ដែលមានស្រាប់នៅថ្នាក់ ឃុំ និងសាលារៀន ដើម្បីអនុវត្តឲ្យមានភាព ស៊ីចង្វាក់ និងប្រទាក់ក្រឡាគ្នា ក្នុងការទប់ស្កាត់ លុបបំបាត់ ករណីហិង្សាលើកុមារឲ្យបានទាន់ពេលវេលា។​

ក្នុង​កិច្ច​ប្រជុំ​ចាប់ផ្ដើម​អនុវត្ត​គម្រោង​លុបបំបាត់​អំពើ​ហិង្សា​លើ​កុមារ​ នៅ​ក្នុង​សាលារៀន​ នៅ​មន្ទីរ​អប់រំ​ យុវជន​ និង​កីឡា​ខេត្តកំពង់ចាម​ ក្នុងថ្ងៃពុធនេះ អភិបាល​រងខេត្ត​ បានលេីកឡេីងថា​​៖ បញ្ហាអំពើហិង្សាក្នុង គ្រួសារ ក្នុងសង្គម ការរំលោភបំពាន និងកេងប្រវ័ញ្ចនានា គ្រប់ទម្រង់ និងគ្រប់រូបភាព នៅតែជាបញ្ហាចោទ ជាពិសេសនៅតាមសហគមន៍។​ ចំពោះអំពើហិង្សាលើកុមារក្នុងសហគមន៍ ក៏ដូចកុមារនៅតាមសាលារៀន នៅតែកើត មានជាហូរហែ ទោះមានករណីច្រើនក្តី តិចក្តី នៅតាមតំបន់ខុសៗគ្នា។ ករណីនេះ ធ្វើឲ្យប៉ះពាល់ដោយ ផ្ទាល់ដល់ សុខភាព ការអភិវឌ្ឍរាងកាយ បញ្ញា ស្មារតី និងការអប់រំរបស់កុមារក្នុងបច្ចុប្បន្ន និងប៉ះពាល់ ដល់ការអភិវឌ្ឍប្រកបដោយសក្តានុពល របស់កុមារនៅពេលពេញវ័យនាថ្ងៃអនាគត។

បើតម លោកជំទាវ​ អន​ ហេង​លក្ខិណា​​ ក៏បាន​សម្តែង​នូវ​ការអបអរសាទរ ចំពោះវត្តមានគម្រោង “លុបបំបាត់អំពើហិង្សា លើកុមារនៅក្នុងសាលារៀន” ក្នុងខេត្តកំពង់ចាម ដែលឧបត្ថមថវិកា ដោយក្រសួងការបរទេសជប៉ុន និងអនុវត្តដោយអង្គការសង្គ្រោះកុមារ សហការជាមួយក្រសួងអប់រំ យុវជន និងកីឡា ជាពិសេស មន្ទីរអប់រំ យុវជន និងកីឡាខេត្ត ដែលបានអនុវត្តនៅសាលាបឋមសិក្សាគោលដៅទាំង៤៣ ស្ថិតក្នុងកម្រងទាំង៨ នៃស្រុកកងមាស ខេត្តកំពង់ចាម​ គឺពិតជាបានរួមចំណែកដល់កិច្ច ខិតខំប្រឹងប្រែងរបស់រាជរដ្ឋាភិបាលកម្ពុជា ក៏ដូចជាមន្ទីរអប់រំ ការិយាល័យអប់រំ និងភាគីពាក់ព័ន្ធនានា នៅថ្នាក់ក្រោមជាតិ ដើម្បីសម្រេចឲ្យបាននូវការលើកកម្ពស់ ការគោរពសិទ្ធិកុមារ និងឈានសម្រេចឲ្យកុមារ ទទួលបានការអភិវឌ្ឍប្រកបដោយសក្តានុពល នៅពេលពេញវ័យ៕SRP

ខេត្តសៀមរាប៖សណ្ឋាគារខេអឹមរីស្តារ បានរៀបចំពិធីបើកសម្ពោធដំណើរការ របស់ខ្លួននៅក្រុងសៀមរាប។

ពិធីសម្ពោធបានធ្វើឡើងនៅល្ងាចថ្ងៃចន្ទទី ០៨ ខែសីហា ឆ្នាំ ២០២២ ដែលស្ថិតនៅ ភូមិជន្លង់សង្កាត់សាលាកំរើក ក្រុងសៀមរាបខេត្តសៀមរាប ផ្លូវចូលតាមមុខទីតាំងតារាងបាល់ជន្លង់ ១០០ ម៉ែត្រ។

ពិធីសម្ពោធសណ្ឋាគារខេអឹមរីស្តារ ដោយមានការចូលរួម ពីសំណាក់ឯកឧត្តមលោកជំទាវលោកឧកញ៉ាលោកលោកស្រីជាភ្ញៀវកិត្តិយសយយ៉ាងច្រើនកុះករ។

សណ្ឋាគារខេអឹមរីស្តារ សូមថ្លែងអំណរគុណឯកឧត្ដមលោកជំទាវលោកលោកស្រីអ្នកនាងកញ្ញាជាភ្ញៀវកិត្តិយសទាំងអស់ដែលអញ្ជើញចូលរួមពិធីសម្ពោធពិសាអាហារយ៉ាងសប្បាយរីករាយ៕SRP