ភ្នំពេញ៖យោងតាមព្រះរាជក្រឹត្យចុះថ្ងៃទី០៤ ខែវិច្ឆិកា ឆ្នាំ២០២០ នេះបានឲ្យដឹងថា«ឧត្តមសេនីយ៍ឯក ៤រូប .ឧត្តមសេនីយ៍ទោ១៤រូប. ឧត្តមសេនីយ៍ត្រី១០រូប. ក្របខណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ ត្រូវបានដាក់ឲ្យចូលនិវត្តន៍៕SRP

ភ្នំពេញ៖សម្ដេចតេជោ ហ៊ុន សែន បានបញ្ជាក់តាមទំព័រផេកហ្វេសប៊ុកថា៖«គោរពជូនបងប្អូនជនរួមជាតិជាទីគោរពស្រឡាញ់»

បន្ទាប់ពីទទួលបានព័ត៌មានថារដ្ឋមន្ត្រីក្រសួងការបរទេសនិងពាណិជ្ជកម្មហុងគ្រីដែលមកទស្សនៈកិច្ចនៅកម្ពុជានៅថ្ងៃទី៣វិច្ឆិកា២០២០​ ម្សិលលមុិញមានវិជ្ជមានកូវីដ១៩​ ដែលរកឃើញនៅប្រទេសថៃបន្ទាប់ពីគាត់ចាកចេញ

ពីកម្ពុជា។ ថ្ងៃនេះក្រុមគ្រូពេទ្យកម្ពុជាបានប្រញាប់ប្រញាល់ប្រមូលអ្នកមានទំនាក់ទំនងទាំងអស់ ដើម្បីយកសំណាកទៅធ្វើតេស្ត នៅវិទ្យាស្ថានប៉ាស្ទ័រ។

សម្ដេច ហ៊ុន សែន បន្តថា៖ដោយឡែកនៅផ្ទះខ្ញុំមានរូបខ្ញុំនិងភរិយា ក្រុមអង្គរក្ស អ្នកបើកបរសរុប១៨នាក់លទ្ធផល នៃការធ្វើតេស្តបញ្ជាក់ថាអវិជ្ជមានទាំងអស់ មិនមានអ្នកណាឆ្លងជម្ងឺកូវីដ១៩នោះទេ។

សម្ដេច បានបញ្ជាក់ថា៖«ទោះបីខ្ញុំមិនមានឆ្លងកូវីដ១៩ក្តីតែដើម្បី

សុវត្ថិភាពទាំងអស់គ្នាគ្រូពេទ្យតម្រូវឱយខ្ញុំរស់នៅដាច់ដោយឡែករយះពេល១៤ថ្ងៃ​ សូម្បីតែភរិយា កូន​ និងចៅក៏មិនអាចជួបបានដែរ»។

ទួលព្រះបង្គំសូមព្រះរាជទានទោសពីអង្គព្រះមហាក្សត្រ និងហ្លួងម៉ែដែលទួលព្រះបង្គំមិនអាច ដង្ហែរព្រះអង្គយាងមកពីសាធារណរដ្ឋ ប្រជាមានិតចិននិងដង្ហែរព្រះអង្គប្រារព្ធពិធីបុណ្យឯករាជ្យជាតិ៩វិច្ឆិកាបាន។

សូមអភ័យទោសពីបងប្អូនជនរួមជាតិនៅ ខេត្តពោធិសាត់ បាត់ដំបងនិងបន្ទាយមានជ័យ ដែលខ្ញុំមិនអាចចូលរួមចែកស្រូវពូជនិងជំនួយសង្រ្គោះបានដែលខ្ញុំនឹងចាត់តំណាងទៅចែកជំនួស។

សូមលើកពេលថ្ងៃបើកការដ្ឋានសាងសង់ផ្លូវ៣៨ខ្សែនៅខេត្តសៀមរាប ដែលគ្រោងធ្វើនៅថ្ងៃ១៦ វិច្ឆិកា ២០២០ទៅពេលក្រោយវិញ។

សូមអាធ្យាស្រ័យពីសំណាក់ប្រមុខរដ្ឋប្រមុខរដ្ឋាភិបាល អាស៊ាននិងដៃគូពាក់ពន្ធ័ទាំងអស់ដែលខ្ញុំមិនអាចចូលរួមប្រជុំបាន

ដែលខ្ញុំនឹងចាត់តំណាង ចូលរួមពីថ្ងៃ១២ដល់ថ្ងៃ១៥វិច្ឆិកា ២០២០ខាងមុខនេះ។

ទោះត្រូវអាក់ខានចេញពីផ្ទះដែលជាការតម្រូវរបស់គ្រូពេទ្យ ក្នុងការធ្វើចត្តាឡីស័ក១៤ថ្ងៃតែខ្ញុំនៅតែបំពេញការងារដោយពិនិត្យសម្រេចនិងចុះហត្ថលេខាលើឯកសារនានា របសរាជរដ្ឋាភិបាលបានដដែល។ សមាជិករាជរដ្ឋាភិបាលអភិបាលខេត្តនិងមេបញ្ជាការកងកម្លាំងប្រដាប់អាវុធ នៅតែអាចរាយការណ៍ឬសុំយោបល់ ខ្ញុំបានដដែល។

ខ្ញុំនៅតែអាចហាត់ប្រាណរាប់ទាំងវាយកូនគោលនៅក្នុងបរិវេណផ្ទះបានដដែលគ្រាន់តែមិនឲ្យ មនុស្សដទៃមកជិតប៉ុណ្ណោះ។

នេះជាវិធីដែលល្អបំផុតដើម្បីសុវត្ថិភាពនិងសុខភាពទាំងអស់គ្នា។

ខ្ញុំសូមអរគុណចំពោះបងប្អូនជនរួមជាតិទាំងក្នុង និងក្រៅប្រទេសដែលបារម្ភពីសុខភាពខ្ញុំ និងជូនពរដល់ខ្ញុំ៕SRP

ខេត្តត្បូងឃ្មុំ៖ស្រូវ​ពូជ​ចំនួន១៥០តោន ត្រូវបាន
ចែកជូនដល់ដៃពលរដ្ឋ ចំនួន២៧៦២គ្រួសារ ក្នុងនោះស្រុកក្រូចឆ្មារ មានចំនួន១១៩១គ្រួសារ និងស្រុកត្បូងឃ្មុំ មានចំនួន១៥៧១គ្រួសារ ដែលរងផលប៉ះពាល់ និងខូចខាតស្រូវ ក្នុងគ្រាជំនន់ទឹកភ្លៀង ដោយក្នុង១គ្រួសារទទួលបានស្រូវពូជ១បេស្មើនឹង៥០គីឡូក្រាម។

ការចែកពូជស្រូវនេះ ធ្វើឡើងថ្ងៃទី៤ ខែវិច្ឆិកា​ ឆ្នាំ​២០២០​នេះ​ ក្រោមវត្តមាន លោកជា សុផារ៉ា រដ្ឋមន្ត្រីក្រសួងដែនដីនគរូបនីយកម្ម និងសំណង់។

ថ្លែងទៅកាន់ ប្រជាពលរដ្ឋ លោក​ជា សុផារ៉ា បានឲ្យដឹងថា ពូជស្រូវ OM ៥១ /​ ៥៤ ទាំងអស់នេះ គឺជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនដល់បងប្អូន ពលរដ្ឋ ដែលជាការយកចិត្តទុកដាក់បំផុត ពោលគឺទីណាមានទុក្ខលំបាកទីនោះមានសម្តេចទាំងទ្វេ។

លោករដ្ឋមន្ត្រី ក្នុងនាមសម្តេចទាំងទ្វេ បានសម្តែងនូវអារម្មណ៍សោកស្តាយ និងចូលរួមចែករំលែកទុក្ខ ជាមួយបងប្អូនជនរងគ្រោះ ដោយសារគ្រោះធម្មជាតិ នៅទូទាំងប្រទេស និងជាពិសេសបងប្អូននៅទូទាំងខេត្តត្បូងឃ្មុំ ហើយសម្តេចក៏បានជូនពរ ឲ្យបងប្អូនប្រជាពលរដ្ឋគ្រប់ៗ ក្រុមគ្រួសារឲ្យឆ្លងផុតពីគ្រោះមហន្តរាយនេះ និងបានលើកទឹកចិត្ត ជំរុញឲ្យកសិករយើងត្រូវជំនះគ្រប់ឧបសគ្គ តស៊ូ ព្យាយាមដើម្បីស្តារផលិតកម្មដំណាំស្រូវ ដំណាំរួមផ្សំ និងចិញ្ចឹមសត្វ ត្រីឡើងវិញបន្ទាប់ពីទឹកស្រកចុះផងដែ។

លោក​រដ្ឋមន្ត្រី ជា សុផារ៉ា ក៏បានអំពាវនាវផងដែរដល់ប្រជាពលរដ្ឋទាំងអស់ ត្រូវរក្សាអនាម័យជាប់ជានិច្ច ដើម្បីជៀសឆ្ងាយពីជំងឺដង្កាត់ផ្សេងៗ ពិសេសជំងឺកូវីដ១៩ ដែលយើងទាំងអស់គ្នាត្រូវរួមគ្នាទប់ស្កាត់។ ព្រមទាំង​បានណែនាំឲ្យអាជ្ញាធរមូលដ្ឋានដាច់ខាត ត្រូវបង្ក្រាបរាល់ល្បែងស៊ីសងខុសច្បាប់ បទល្មើសនានា ពិសេសបញ្ហាគ្រឿងញៀនឲ្យខាងតែបាន ព្រោះវាជាប្រភពបំផ្លាញនូវធនធានមនុស្សយ៉ាងសំខាន់សម្រាប់អភិវឌ្ឍន៍ប្រទេសជាតិ ក៏ដូចជាត្រូវបន្តក្តាប់អោយជាប់នូវបញ្ហា ធ្វើការដោះស្រាយបំពេញតម្រូវការរបស់ប្រជាពលរដ្ឋក្នុងមូលដ្ឋាន ដោយផ្តល់ជូនសេវាសាធារណៈ​ឲ្យ​បានលឿន និងមានប្រសិទ្ធភាពខ្ពស់ផងដែរ​៕SRP

ខេត្តកំពង់ធំ៖ក្រសួងកសិកម្មរុក្ខាប្រមាញ់និងនេសាទ បានចែកពូជស្រូវ «ផ្ការំដួល២៩តោន» ដល់ពលរដ្ឋ ដែល ទទួល រងគ្រោះ ដោយសារ ទឹកជំនន់ នៅឃុំចំនួន៣ ស្មើ នឹង ៣០០គ្រួសារ នៅស្រុកបារាយណ៍ នាថ្ងៃទី០៤ខែ វិច្ឆិកា ឆ្នាំ ២០២០នេះ។ ការចេកពូជស្រូវនេះ ធ្វើឡើងក្រោមវត្តមានលោក ម៉ាន សុគ្រី រដ្ឋលេខាធិការក្រសួងកសិកម្ម លោក សុខ លូ អភិបាល ខេត្តកំពង់ធំ និងលោកឈុន ឈន់ ប្រធានក្រុមប្រឹក្សា ខេត្ត ដោយមានការចូលរួមពីមន្ត្រីពាក់ព័ន្ធ និងអាជ្ញាធរមូលដ្ឋានផងដែរ។

បើតាម លោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ បានបញ្ជាក់ថាទឹកជំនន់ នៅក្នុង ខេត្ត កំពង់ធំ មានផ្ទៃដីបង្កបង្កើនផលស្រូវរដូវវស្សាឆ្នាំ ២០២០ មាន២៣២៥២៩ហិកតា រងផលប៉ះពាល់ដោយសារ ទឹកជំនន់ លើស្រូវរដូវវស្សា ឆ្នាំ ២០២០ សរុប ១៨៨៥០ហិកតា ខូចខាត សរុប ១០៣៣៥ហិកតា ស្មើ នឹង ១២០៩៩ គ្រួសារ អាចស្តារបានចំនួន ៦៩៧៨ហិកតា ស្មើ នឹង ៥៨៧៧ គ្រួសារ។

លោក ប៉ែន វណ្ណ រិទ្ធ បានបន្តថា ការចែកពូជស្រូវផ្ការំដួល ជូនដល់បងប្អូនប្រជាពលរដ្ឋ ដែលរងគ្រោះដោយសារតែជំនន់ ចំនួន៣០០ គ្រួសារនេះ មកពី៣ឃុំ ក្នុងនោះមានឃុំឈូកខ្សាច់ ឃុំបារាយណ៍ និងឃុំត្នោតជុំ ស្ថិតនៅក្នុងស្រុកបារាយណ៍ ខេត្តកំពង់ធំ ដើម្បីឱ្យបងប្អូនប្រជាពលរដ្ឋ បានស្តាឡើងវិញ ពីការបាត់បង់ខូចខារ ដោយសារទឹកជំនន់។

ក្នុងឱកាសនោះដែរ លោកសុខ លូ អភិបាលខេត្តកំពង់ធំ បានមានប្រសាសន៍ ផ្តាំផ្ញើការសាកសួរសុខទុក្ខពីសំណាក់សម្ដេចតេជោហ៊ុនសែន ប្រមុខរាជរដ្ឋាភិបាល បានសម្ដែងការព្រួយបារម្ភ និងគិតគូរ ពីសុខទុក្ខ របស់បងប្អូនប្រជាពលរដ្ឋ ដែលរងគ្រោះ ដោយសារទឹកជំនន់ ក្នុងនោះ សម្ដេចបានចុះទៅផ្ទាល់ ដើម្បីជួបបងប្អូនប្រជាពលរដ្ឋ និងជួយឧបត្ថម្ភដោះស្រាយ ជូនបងប្អូនប្រជាពលរដ្ឋ ផងដែរ។

លោកម៉ាន សុគ្រី បានថ្លែងនៅក្នុងពិធីចែកពូជស្រូវផ្ការំដួលថា រាជរដ្ឋាភិបាលកម្ពុជាបានខិតខំយ៉ាងប្ដូរផ្ដាច់ ដើម្បីអនុវត្តយុទ្ធសាស្ត្រកំណែទម្រង់ស៊ីជម្រៅ និងអភិវឌ្ឍន៍លើគ្រប់វិស័យ ជាពិសេសវិស័យកសិកម្មឧស្សាហកម្ម ដែលកំពុងតែដើរតួរនាទីយ៉ាងសំខាន់ ក្នុងការជំរុញការអភិវឌ្ឍសង្គមនិងសេដ្ឋកិច្ចជាតិ រក្សានៅ សន្តិសុខស្បៀង អាហារជូនប្រជាជនកម្ពុជា នឹងកាត់បន្ថយភាពក្រីក្រ របស់ប្រជាពលរដ្ឋ នៅក្នុងសមរភូមិ សង្គ្រាមប្រយុទ្ធប្រឆាំងនឹងជំងឺកូវីដ19 រួមទាំងដោះស្រាយបញ្ហាប្រឈម ពីគ្រោះទឹកជំនន់ផងដែរ៕SRP

លោកស៊ុន ចាន់ថុល រដ្ឋមន្ត្រីក្រសួងសាធារណការបានអះអាងថា ផ្លូវទាំង៣៨ខ្សែនៅក្រុងសៀមរាប នឹងត្រូវស្ថាបនាជា៤ប្រភេទផ្សេងគ្នា ទៅតាមស្ថានភាពផ្លូវ និងតម្រូវការដឹកជញ្ជូន។

ថ្លែងក្នុងកិច្ចប្រជុំត្រៀមរៀបចំពិធីបើកការដ្ឋានសាងសង់គម្រោងស្ថាបនាផ្លូវចំនួន៣៨ខ្សែនៅក្រុងសៀមរាប នាទីស្តីការក្រសួងសាធារណការ និងដឹកជញ្ជូន កាលពីរសៀលថ្ងៃទី៣ ខែវិច្ឆិកាម្សិលមិញ លោកស៊ុន ចាន់ថុល បានឱ្យដឹងថា «ប្រភេទទី១ចាក់បេតុងចំនួន២៥សង់ទីម៉ែត្រដូចជាផ្លូវវាងក្រុង ដោយកន្លែងខ្លះចាក់បេតុង តែមិនអ៊ុតបេតុងកៅស៊ូACពីលើទេ», «ប្រភេទទី២ចាក់បេតុងចំនួន២០សង់ទីម៉ែត្រ និងកន្លែងខ្លះ៧សង់ទីម៉ែត្រយោងទៅតាមស្ថានភាពភូមិសាស្ត្រ ស្ថានភាពចរាចរាណ៍ និងការដឹកជញ្ជូន» «ប្រភេទទី៣ជួសជុលគ្រឹះ មិនចាំបាច់ចាក់បេតុងហើយអ៊ុតកៅស៊ូបេតុងតែម្ដង» «ប្រភេទទី៤ អ៊ុតកៅស៊ូបេតុង១៥សង់ទីម៉ែត្រពីលើតែម្ដងដោយសារគ្រឹះផ្លូវនោះនៅមានភាពរឹងមាំស្រាប់ទៅហើយ»។

រដ្ឋមន្ត្រីបានបញ្ជាក់ថា ផ្លូវទាំង៣៨ខ្សែ ដែលមានប្រវែងសរុប១០៨គីឡូម៉ែត្រ នឹងត្រូវសាងសង់ដោយអង្គភាពរដ្ឋ ចំនួន៦ មានដូចជា៖ «កងវិស្វកម្មសម្តេចតេជោខេត្តសៀមរាប» «កងវិស្វកម្ម១០៨» «នាយកដ្ឋានគ្រឿងចក្រនិងស្ថាបនាផ្លូវរបស់ក្រសួងសាធារណការនិងដឹកជញ្ជូន» «នាយកដ្ឋានជួសជុលនិងថែទាំផ្លូវក្រសួងសាធារណការនិងដឹកជញ្ជូន» «អគ្គនាយកដ្ឋានសាធារណការ» «នាយកដ្ឋានសាងសង់ប្រព័ន្ធចម្រោះទឹកកខ្វក់» « មន្ទីរសាធារណការនិងដឹកជញ្ជូនខេត្តសៀមរាប» ដោយបែងចែកជាកំណាត់ៗ ដើម្បីឱ្យការសាងសង់ធានា បានទាំងគុណភាព និងទាន់ពេលវេលាតាមការគ្រោងទុក។

ជុំវិញការស្ថាបនាផ្លូវនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការអន្តរក្រសួងដឹកនាំសាងសង់ស្ថាបនាផ្លូវទាំងនេះ បានជំរុញឱ្យមានការដោះស្រាយផលប៉ះពាល់ទៅដល់លំនៅឋានប្រជាពលរដ្ឋ ដែលរស់នៅអមសងខាងផ្លូវ ឱ្យបានចប់រួចរាល់ មុននឹងឈានទៅអនុវត្តគម្រោងនីមួយៗ។

បើតាមការបញ្ជាក់របស់ លោកទៀ សីហា អភិបាលខេត្តសៀមរាប បានឱ្យដឹងថា មកដល់ពេលនេះ ការដោះស្រាយផលប៉ះពាល់ទៅដល់លំនៅឋានប្រជាពលរដ្ឋ ដែលរស់នៅអមសងខាងផ្លូវ បានសម្រេចជាង៧៥ភាគរយហើយ ដោយនៅសល់២៥ភាគរយទៀត នឹងត្រូវពន្លឿនឱ្យចប់រួចរាល់មុនពេលអនុវត្តគម្រោង។ អភិបាលខេត្តបានបញ្ជាក់ថា «ចំពោះប្រជាពលរដ្ឋរស់នៅក្នុងក្រុងសៀមរាប គឺការដោះស្រាយពុំមានបញ្ហានោះទេ ប៉ុន្តែអ្វីដែលជាបញ្ហានោះគឺ មន្ត្រីរាជការ និងអ្នកមានអំណាចមួយចំនួនទៅវិញទេ ដែលធ្វើការតវ៉ាចំពោះគម្រោងពង្រីកផ្លូវ»។

សូមបញ្ជាក់ថា ហេដ្ឋារចនាសម្ព័ន្ធផ្លូវថ្នល់ទាំង៣៨ខ្សែនេះ គ្រោងសម្ពោធបើកការដ្ឋានសាងសង់នៅថ្ងៃទី១៦ ខែវិច្ឆិកាខាងមុខនេះ ក្រោមវត្តមានរបស់សម្ដេច តេជោ ហ៊ុន សែន ស្ថិតក្នុងគម្រោងចំណាយពី១០០ ទៅ១៥០លានដុល្លាអាមេរិក។

រាល់គម្រោងស្ថាបនាកែលម្អនេះ នឹងត្រូវធ្វើការស្តារប្រឡាយដាក់លូបង្ហូរទឹកភ្លៀង និងលូទឹកកខ្វក់ ព្រមទាំងរៀបចំខឿនចិញ្ចើមផ្លូវ ដោយការក្រាលការ៉ូឡា ខណៈផ្លូវមួយចំនួន នឹងសាងសង់ឱ្យមានផ្លូវសម្រាប់ជិះកង់ ផ្លូវថ្មើរជើង និងផ្លូវសម្រាប់ជនពិការ ព្រមទាំងដាក់ស្លាកសញ្ញា និងគំនូសសញ្ញាចរាចរណ៍ផងដែរ៕SRP

ខេត្តបាត់ដំបង៖ប្រជាពលរដ្ឋរងគ្រោះដោយជំនន់ទឹកភ្លៀង ក្នុងខេត្តបាត់ដំបង ចំនួន៤៥០០គ្រួសារ បានទទួលអំណោយរបស់សម្ដេចក្រឡាហោម ស ខេង រដ្ឋមន្រ្តីក្រសួងមហាផ្ទៃ និងលោកជំទាវ។

ពិធីផ្ដល់អំណោយ នេះបានធ្វើឡើងនៅទីតាំងដាច់ដោយឡែក ពីគ្នានៅពីថ្ងៃទី២ និងទី៣ ខែវិច្ឆិកាកន្លងទៅនេះ ដោយលោកស សុខា រដ្ឋលេខាធិការក្រសួងអប់រំ យុវជន និងកីឡា និងលោកជំទាវ និងមានការអញ្ជើញចូលរួមដ៏ខ្ពង់ខ្ពស់ពីសំណាក់ លោកជំទាវ ញ៉ែម សាខន ស ខេង ប្រធានកិត្តិយសក្រុមអ្នកម្តាយមនុស្សធម៌ និងលោកជំទាវ ម៉ៅ ម៉ាល័យ កែ គឹមយ៉ាន ព្រមទាំងក្រុមការងារ និងថ្នាក់ដឹកនាំអាជ្ញាធរខេត្ត ក្រុង ស្រុក ឃុំ សង្កាត់ និងភូមិផងដែរ។

អំណោយសម្ដេចក្រឡាហោម ស ខេង និងលោកជំទាវ ព្រមទាំងមួយផ្នែកមានការចូលរួមបន្ថែមពីក្រុមអ្នកម្ដាយមនុស្សធម៌ ដែលបានផ្ដល់ជូនប្រជាពលរដ្ឋរងគ្រោះនាឱកាសនោះ រួមមានគ្រឿងឧបភោគ-បរិភោគ សម្ភារប្រើប្រាស់ និងថវិកា ក្នុងនោះស្រុកកំរៀង៤០០គ្រួសារ, ស្រុកភ្នំព្រឹក៣០០គ្រួសារ, ស្រុកសំពៅលូន៣០០គ្រួសារ, ក្រុងបាត់ដំបង៥០០គ្រួសារ, ស្រុកឯកភ្នំ២ ០០០គ្រួសារ និងស្រុកបវេល១ ០០០គ្រួសារ។

ក្នុងនាមសម្ដេចស ខេង រដ្ឋមន្ត្រីមហាផ្ទៃនិងជាប្រធានក្រុមការងារថ្នាក់ជាតិចុះមូលដ្ឋានខេត្តបាត់ដំបង លោក ស សុខា និងលោកជំទាវ ព្រមទាំងលោកជំទាវ ញ៉ែម សាខន ស ខេង និងក្រុមការងារ ក៏បានឆ្លៀតអញ្ជើញចុះពិនិត្យមើលការជួសជុល និងសាងសង់ក្លោងទ្វារ រៀបចំប្រព័ន្ធភ្លើង បំពាក់អំពូលសឡា និងហេដ្ឋារចនាសម្ព័ន្ធក្នុងវិទ្យាល័យបវេល ដែលស្ថិតនៅក្នុងស្រុកបវេល ខេត្តបាត់ដំបងផងដែរ៕SRP

ខេត្តបាត់ដំបង៖ជនជាតិ«ខ្មែរចំនួន៣នាក់» ត្រូវបានកម្លាំងអភិរក្សព្រៃឈើថៃ ឃាត់ខ្លួននៅលើទឹកដីថៃ ទល់មុខនឹងស្រុកសំឡូត ខេត្តបាត់ដំបង ខណៈពួកគេកំពុងធ្វើសកម្មភាពកាប់បំផ្លាញព្រៃឈើ ដោយជ្រៀកជាផ្ទាំង ដើម្បីនាំឆ្លងដែនចូលមកកាន់ទឹកដីកម្ពុជា និងលក់ទៅលើទីផ្សារ។ ការឃាត់ខ្លួននេះបានធ្វើឡើងកាលពីថ្ងៃទី០៣ ខែ វិច្ឆិកា ឆ្នាំ ២០២០ វេលាម៉ោង ១២ និង៣០នាទីម្សិលមិញ។

សេចក្ដីរាយការណ៍បានឲ្យដឹងថាកម្លាំងអភិរក្សព្រៃឈើថៃ បានដើរល្បាតត្រង់ចំណុចខាងក្រោយកងរយថៃលេខ៥១៦ បានប្រទះឃើញ លរដ្ឋខ្មែរទាំង៣នាក់ កំពុងធ្វើសកម្មភាពលីឈើក្នុងភូមិសាស្រ្តភូមិបានមួង ឃុំនឺនស៊ីស្រុកបររ៉ៃ ខេត្តត្រាត ទើបកម្លាំងមេព្រៃថៃឃាត់ខ្លួនតែម្តង។

ពលរដ្ឋខ្មែរ ទាំងនោះមានឈ្មោះ ១ សែម រដ្ឋ ភេទប្រុសអាយុ១៧ឆ្នាំ។

២ឈ្មោះ អៀត សុខឃឿន ភេទប្រុសអាយុ២៦ឆ្នាំ។

៣ឈ្មោះ ចាន់ សុខខា ភេទប្រុសអាយុ៣១ឆ្នាំ។អ្នកទាំង៣នាក់ រស់ភូមិស្រែអណ្ដូង ឃុំសំឡូត ស្រុកសំឡូត ខេត្តបាត់ដំបង ។

បច្ចុប្បន្នជនជាតិខ្មែរទាំង០៣ នាក់ខាងលើ មិនទាន់ឃើញភាគីថៃដោះលែងនៅឡើយទេ។ ដោយសមត្ថកិច្ចនៅក្នុងតំបន់នោះបានអះអាងថា គេកំពុងរង់ចាំមើលខាងការិយាល័យ ទំនាក់ទំនងព្រំដែនកម្ពុជា ថៃ ក្នុងការទាក់ទងទៅភាគីថៃដើម្បីចរចារ និងសម្របសម្រួល សុំអោយដោះលែងពលរដ្ឋខ្មែរទាំងនោះមកវិញនាថ្ងៃនេះ៕SRPដោយប៊ុនថេត

ខេត្តឧត្តរមានជ័យ៖នារីលក់ឡេម្នាក់ត្រូវបានកម្លាំងកងរាជអាវុធហត្ថ  ស្រុកត្រពាំងប្រាសាទ ចាប់ខ្លួនពាក់ព័ន្ធករណី រក្សាទុកនិងប្រើប្រាស់ដោយខុសច្បាប់ នូវសារធាតុញៀន។

ហេតុការណ៍ធ្វើឡើងនៅវេលាម៉ោង១៣និង៣០នាទី ថ្ងៃទី០៣ ខែវិច្ឆិកា ឆ្នាំ២០២០ នៅភូមិទួលប្រសើរ  ឃុំបាក់អន្លង់ ស្រុកត្រពាំងប្រាសាទ ដឹកនាំបង្ក្រាបដោយលោក វសេនីយ៍ទោគង់ ដារ៉ា។

ជនសង្ស័យមានឈ្មោះ ហ៊ន សុគុន្ធា ភេទស្រី អាយុ១៧ឆ្នាំ មុខរបរលក់ឡេ ទីលំនៅភូមិពាក់ស្បែក ឃុំរំដោះស្រែ  ស្រុកជាំក្សាន្ត ខេត្តព្រះវិហារ។

សមត្ថកិច្ចបានឲ្យដឹងថាក្រោយឃាត់ខ្លួនដកហូតវត្ថុតាងរួមមាន៖

ម្សៅក្រាមពណ៌សថ្លា(ម៉ាទឹកកក) ចំនួន២កញ្ចប់ធំ និង២កញ្រ្ចប់តូច  ទម្ងន់១០,៩៩ក្រាម  ថ្លឹងទាំងសំបក

ទូរស័ព្ទដៃ២គ្រឿង ម៉ាក oppo ពណ៌ក្រហម១គ្រឿង ម៉ាក iPhone ពណ៌ទឹកប្រាក់១គ្រឿង

លុយខ្មែរចំនួន៧០០០រសៀល(ប្រាំពីរពាន់រៀល) កាបូបស្ពាយពណ៌ខ្មៅ១។

បច្ចុប្បន្ន ជនសង្ស័យព្រមទាំងវត្ថុតាង ត្រូវបានកម្លាំងអាវុធហត្ថកសាងសំណុំរឿងតាមតាមនីតិវិធី៕SRP

ខេត្តសៀមរាប៖ប្រជាពលរដ្ឋ រស់នៅក្នុងតំបន់គ្រប់គ្រង របស់អាជ្ញាធរជាតិអប្សរា មួយចំនួនបានបានស្នើសុំអង្វរដល់អង្គភាពអាជ្ញាធរជាតិអប្សរា មេត្តាជួយបន្ថយដៃ ក្នុងការរុះរើលំនៅឋានរបស់ពួកគាត់ផង។ ដោយហេតុថាពួកគាត់បានកំពុងជួបប្រទះការលំបាកយ៉ាងខ្លាំងចំពោះការរស់នៅ ជាពិសេសក្នុងវិបត្តិកូវីដ១៩នេះ។

ពលរដ្ឋបានប្រាប់អ្នកសារព័ត៌មានថា«ពួកគាត់ មានការភ័យខ្លាចយ៉ាងខ្លាំងចំពោះអាជ្ញាធរជាតិអប្សរា ដែលបានចុះរុះរើផ្ទះរបស់ពួកគាត់ បន្ទាប់ពីបានសាងសង់រួច ឬកំពុងសាងសង់ នៅលើដីកំណើត របស់ខ្លួន ដែលបានរស់នៅជាយូណាស់មកហើយ ដោយពួកគាត់សុំការយោគយល់ពីអាជ្ញាធរជាតិអប្សរានឹងសុំអាជ្ញាធរមូលដ្ឋានជួយសម្របសម្រួលផង ដើម្បីឲ្យពួកគាត់មានផ្ទះជ្រកកោនបានសមរម្សនឹងគេ»។

ប្រជាពលរដ្ឋ រស់នៅក្នុងសង្កាត់គោកចក ក្រុងសៀមរាប បានឲ្យដឹងថា«ពួកគាត់មានការខកចិត្តយ៉ាងខ្លាំងពីហេតុការណ៍កម្លាំងរបស់អាជ្ញាធរជាតិអប្សរា ដែលបានចុះទៅ វាយកម្ទេសផ្ទះពួកគាត់ចោល។

ពលរដ្ឋរស់នៅក្នុងខេត្តសៀមរាប បានទទូចស្នើសុំអាជ្ញាធរជាតិអប្សារ បញ្ឈប់ការរុះរើផ្ទះសំបែងរបស់ពួកគាត់បន្តទៀតទៅ។ជុំវិញការលើកឡើងរបស់ពលរដ្ឋនេះ អ្នកនាំពាក្យអាជ្ញាធរជាតិអប្សរា លោក ឡុង កុសល បានថ្លែងប្រាប់អ្នកសារព័ត៌មានតាមទូរស័ព្ទថា៖សម្លេង«

»លោកឡុង កុសល បានបញ្ជាក់ប្រាប់បណ្ដាញ«សៀមរាបប៉ុស្ដិ៍»ថា៖សម្លេង