ខេត្តសៀមរាប៖ឯកឧត្តមអ្នកឧកញ៉ា សៀង ណាំ តំណាងរាស្ត្រមណ្ឌលខេត្តសៀមរាប បានផ្តល់អំណោយ អង្ករ២០ ត្រីខ២ និងថវិកា ដល់អ្នកសារព័ត៌មានជិរ៣០គ្រួសារ ដែលមានការខ្វះខាត អំឡុងរីករាលដាលជំងឺឆ្លងកូវីដ-១៩នេះ។ ដោយក្នុងមួយគ្រួសារៗទទួលបានអង្ករ២០គីឡូក្រាម ត្រីខ២យួរ និងថវិកា៨ម៉ឺនរៀល។

ការផ្ដល់អំណោយ នៅថ្ងៃទី១៩ ខែមេសា ព្រឹកមិញនេះ ក្នុងភូមិគ្រឹះផ្ទះទឹក ស្ថិតនៅសង្កាត់ស្រង៉ែ ក្រុងសៀមរាប។

ឯកឧត្តមអ្នកឧកញ៉ា សៀង ណាំ បានបញ្ជាក់ថានៅថ្ងៃនេះដោយប្អូនៗមានកាខ្វះខាតបានស្នើសុំអង្ករ២០គីឡូក្រាមត្រីខ២យួរ និងថវិកា៨០០០០រៀល។

ក្នុងនាមអង្គភាពបណ្ដាញសៀមរាបប៉ុស្តិ៍ ខ្ញុំបាទ សូមគោរព នឹងថ្លែងអំណអរគុណយ៉ាងជ្រាលជ្រៅបំផុត ចំពោះឯកឧត្តម និងក្រុមគ្រួសារ ដែលមានទឹកចិត្តមនុស្សធម៌ដ៏ថ្លៃថ្លា ជួយឧបត្ថម្ភដល់អ្នកសារព័ត៌មាន ក្នុងពេលជួបនូវការលំបាកនៅលើបញ្ហាជីវភាពនេះ៕SRP

ខេត្តសៀមរាប៖លោក សយ សិរីវុឌ្ឍ ប្រធានចលនាយុវជនកម្ពុជាស្រុកពួក តំណាង លោកហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប នៅថ្ងៃទី១៩ ខែមេសា ឆ្នាំ២០២១ នេះបានដឹកនាំសមាជិក សមាជិកា នាំយកអំណោយ ជូនលោក ទេព ពុំសែនអធិការស្រុកពួក ដើម្បីចែកជូនកងកម្លាំងតាមគោលដៅដើម្បីទប់ស្កាត់ជំងឺកូវីដ-១៩។

អំណោយរួមមាន៖

– ម៉ាស់ 44ប្រអប់ 2200ម៉ាស

– អាល់កុល40លីត្រ

– មី ម៉ាម៉ា 8កេះតូច

– ទឹកសុទ្ធ 80យួរ

-ជែល 1កេះ 120ដប៕SRP

ភ្នំពេញ៖ក្រសួងព័ត៌មាន បានស្នើឱ្យបណ្ដាញផ្សព្សផ្សាយទាំងអស់ ត្រូវផ្អាកការផ្សាយគ្រឿងស្រវឹងគ្រប់ប្រភេទ រហូតដល់ថ្ងៃទី៣០ ខែមេសា ឆ្នាំ ២០២១។ នេះបើយោងតាមលិខិតរបស់ក្រសួងព័ត៌មាន ដែលបានចុះហត្ថលេខាដោយលោកខៀវ កាញារីទ្ធ៕SRP

ខេត្តរតនគិរី៖កម្លាំងក្រុមការងារទប់ស្កាត់ជំងឺកូវីដ-១៩ នៅចំណុចស្ពានស្រែពកជាប់ព្រំប្រទល់ខេត្តស្ទឹងត្រែង រួមសហការជាមួយអាជ្ញាធរដែនដីស្រុកកូនមុំ បានឃាត់ករណីល្មើសបម្រាមឆ្លងកាត់ខេត្តពី​ (ភ្នំពេញ-រតនគិរី)មួយករណី។

ការឃាត់នេះធ្វើឡើងនៅវេលាម៉ោង២៣ និង៣០នាទីយប់ ថ្ងៃទី១៧​ ខែមេសា​ ឆ្នាំ២០២១។ ក្នុងនោះសមត្ថកិច្ចបានរកឃើញមនុស្សចំនួន០៤នាក់​ តាមរថយន្តសាមុយពាក់ស្លាកលេខភ្នំពេញ2BF-2271 ចេញពីពេទ្យព្រះកុសមៈ ឬពេទ្យលោក សង្ឃនៅភ្នំពេញ​។

សមត្ថកិច្ចបានឲ្យដឹងថាមនុស្សទាំង០៤នាក់

ទី1- ឈ្មោះ បៀន ពក ភេទប្រុស អាយុ​ ៣៣ឆ្នាំ ជនជាតិខ្មែរ មុខរបរកម្មករពេទ្យព្រះកុសុមៈ មានទីលំនៅភូមិជាចជួរ ឃុំជាច ស្រុកកំចាយមារ ខេត្តព្រៃវែង ជាអ្នកបើកបរ។

2- ឈ្មោះ ញ៉ឹប គត់ ភេទប្រុស អាយុ​ ៣៨ឆ្នាំ ជនជាតិខ្មែរ មុខរបរកម្មករពេទ្យព្រះកុសុមៈ មានទីលំនៅ ភូមិចតុលោក ឃុំបារាយណ៍ ស្រុកបារាយណ៍ ខេត្តកំពង់ធំ ជាព្រូឡាន។​ ហេីយអ្នកទាំង០២នាក់ជាកម្មករមិនមែនជាបុគ្គលិករដ្ឋនៅក្នុងពេទ្យលោកសង្ឃនោះឡេីយ។

3- ឈ្មោះ ឃាង ចន្នី ភេទស្រី អាយុ​ ៦១ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី​។

4/- ឈ្មោះ ប៊ុត ប៊ុនរក្សា ភេទប្រុស អាយុ​ ៣៩ឆ្នាំ ជនជាតិខ្មែរ មានទីលំនៅដូចអ្នកទី3។

យោងតាមរបាយការណ៍ពីក្រុមការងារបានបញ្ជាក់ថា រថយន្តសាមុយនេះជាកម្មសិទ្ធឯកជនរបស់​លោកគ្រូពេទ្យម្នាក់ ជាបុគ្គលិក ពេទ្យលោកសង្ឃដែលជាអ្នកបញ្ជាស៊ីឈ្នួលដឹកជន០២រូប​ គឺអ្នកទី៣​ និងទី៤​ ក្នុងតម្លៃ600ដុល្លារពីពេទ្យលោកសង្ឃមកខេត្តរតនគិរី ហើយអាជ្ញាធរក្រុងបានលុងឃាត់ឲ្យត្រលប់មកកាន់អាជ្ញាធរស្រុកកូនមុំវិញដើម្បីអនុវត្តបន្ត។

បច្ចុប្បន្ន អ្នកទី១​ និងអ្នកទី២ ត្រូវបាន
កងរាជអាវុធហត្ថស្រុកកូនមុំឃាត់ខ្លួន​ដើម្បីធ្វេីចត្តាឡីស័ក និងចាត់ការទៅតាមនិតិវិធី​ច្បាប់។ ហេីយជនទី៣​ និងទី៤ ត្រូវបានបញ្ជូនទៅមណ្ឌលចត្តាឡីស័កត្រពាំងក្រហមស្រុកកូនមុំដេីម្បីធ្វេីចត្តាឡីស័កផងដែរ។

សូមបញ្ជាក់ផងដែរថា ក្រសួងសុខាភិបាលកម្ពុជាបានចេញសេចក្តីជូនព័ត៌មានកាលពីថ្ងៃទី១៦ ខែមេសា ឆ្នាំ២០២១កន្លងទៅនេះដោយបញ្ជាក់ថា រថយន្តគិលានសង្រ្គោះទាំងរដ្ឋ និងឯកជននៅទូទាំងព្រះរាជាណាចក្រកម្ពុជា ក្រសួងអនុញ្ញាតអោយដឹកជញ្ជូនតែអ្នកជំងឺ និងអ្នករបួសទៅកាន់មន្ទីរពេទ្យ ឬឯកជន ឬវត្ថុសំណាកសម្រាប់យកមកវិភាគនៅតាមមន្ទីរពិសោធន៍របស់ក្រសួងសុខាភិបាលប៉ុណ្ណោះ។ ដោយមិនអនុញ្ញាតអោយរថយន្តគិលានសង្រ្គោះទាំងរដ្ឋ និងឯកជន ដឹកជញ្ជូនប្រជាជនដែលជាអ្នកដំណើរជាដាច់ខាត បើពុំនោះ ក្រសួងនឹងចាត់វិធានការណ៍ទៅតាមផ្លូវច្បាប់៕SRP

ភ្នំពេញ៖លោក ឡុង ជាប ព្រះរាជអាជ្ញារងអមសាលាដំបូងរាជធានីភ្នំពេញ នៅរសៀលថ្ងៃទី១៨ ខែមេសា នេះ បានសម្រេចចោទប្រកានលើឈ្មោះ សៀង រង្សី អាយុ៣៥ឆ្នាំ ពីបទរារាំងសមត្ថកិច្ចនូវការអនុវត្តន៍វិធានរដ្ឋបាល និងប្រើប្រាស់ដោយគ្មានសិទ្ធិ នូវយានយន្តដែលមានស្លាកសញ្ញាសម្គាល់នគរបាល ឬយោធា។

សូមបញ្ជាល់ថាបុគ្គលឈ្មោះ សៀង រង្សី បានបើករថយន្ដពាក់ស្លាកលេខ ន.ប និងនិយាយពេលឡាយវីដេអូថា ខ្លួនជាឧត្តមសេនីយ៍ តើគេហ៊ានចាប់ដែរ? ពេលកំពុងអនុវត្តវិធានការរបស់រាជរដ្ឋាភិបាល ក្នុងការបិទខ្ទប់រាជធានីភ្នំពេញ ត្រូវបានបញ្ជូនទៅសាលាដំបូងរាជធានីភ្នំពេញ នៅរសៀលថ្ងៃទី១៧ ខែមេសា ឆ្នាំ២០២១ បន្ទាប់ពីបញ្ចប់ការសាកសួរក្រោយចាប់ខ្លួននៅថ្ងៃទី១៧ម្សិលមិញ៕SRP

ខេត្តកំពង់ចាម៖បុរសម្នាក់ ដែលប្រមូលផ្ដុំផឹកស៊ី ល្មើសទៅនឹងវិធានការពារការឆ្លងរាលដាលនៃជំងឺកូវីដ១៩ និងជេរប្រមាថសមត្ថកិច្ច ត្រូវបានចាប់ខ្លួន តាមបញ្ជារបស់លោកអ៊ុន ចាន់ដា អភិបាលខេត្តកំពង់ចាម។

សមត្ថកិច្ចស្រុកកំពង់សៀមបានដឹងថា
ការឃាត់ខ្លួននេះ តាមបញ្ជារបស់អភិបាលខេត្ត បានធ្វើឡើងនៅម៉ោងជាង១០យប់ ថ្ងៃទី១៧ ខែមេសា ឆ្នាំ២០២១ នៅភូមិរំលិច ឃុំរំចេក ស្រុកកំពង់សៀម ខេត្តកំពង់ចាម។

សមត្ថកិច្ចបានបន្តថា នៅវេលាម៉ោង០៧៖៣០នាទីយប់ ថ្ងៃទី១៧ ខែមេសា ឆ្នាំ២០២១ សមត្ថកិច្ចស្រុកកំពង់សៀម បានធ្វើការចុះល្បាតត្រួតពិនិត្យ និងផ្សព្វផ្សាយមិនឱ្យមានការប្រមូលម្តុំ ជួបជុំផឹកស៊ី ដើម្បីការពារការរីករាលដាលនៃមេរោគឆ្លងកូវីដ-១៩ ដល់ប្រជាពលរដ្ឋក្នុងភូមិសាស្រ្ត ឃុំរំចេក រហូតមកដល់ចំណុចភូមិរំលិច ឃុំរំចេក ស្រុកកំពង់សៀម ខេត្តកំពង់ចាម លុះវេលាម៉ោង១០៖៣០នាទី សមត្ថកិច្ច បានជួបបុរសម្នាក់ឈ្មោះ យន់ ស៊ាងហ៊ី ហៅ ប្រុស អាយុ៥០ឆ្នាំ ជាតិខ្មែរ មុខរបរកសិករ រស់នៅភូមិកើតហេតុ បានដើរចេញពីកន្លែងផឹកស៊ី ហើយស្រែកជេរលើអាជ្ញាធរ កម្លាំងសមត្ថកិច្ច និងប្រជាការពារ ថា «ពួកអាធ្វើការឃុំ ពួកហ្អែងធ្វើការឱ្យល្អតិចមើល ដោយក្នុងស្ថានភាពស្រវឹង» ឃើញដូច្នេះ សមត្ថកិច្ចបាននិយាយណែនាំឲ្យឈប់ផឹកស៊ី ឆាប់ទៅផ្ទះចូលដេកតែឈ្មោះ យន់ ស៊ាងហ៊ី ហៅ ប្រុស ពុំស្តាប់ឡើយ។

សមត្ថកិច្ចបានបន្តថាដោយសារបុរសខាងលើមិនស្ដាប់ សមត្ថកិច្ចក៏បានយកឈ្មោះ យន់ ស៊ាងហ៊ី មកអប់រំណែនាំនូវសេចក្តីសម្រេចលេខ៤៩ ស.ស.រ របស់រារដ្ឋាភិបាល និងធ្វើកិច្ចសន្យា នៅប៉ុស្តិ៍នគរបាលរដ្ឋបាលរំចេក រួចបានឱ្យឈ្មោះ យន់ ស៊ាងហ៊ី ត្រឡប់ទៅផ្ទះវិញ។ ប៉ុន្តែពេលដើរចេញដល់ចំណុចផ្លូវមុខប៉ុស្តិ៍ ស្រាប់តែឈ្មោះ យន់ ស៊ាងហ៊ី នេះ នៅតែបន្តស្រែកជេរប្រមាថមកលើអាជ្ញាធរ កម្លាំងសមត្ថកិច្ចទៀតថា «ពួកអាឆ្កែ អាប៉ូលិសឡប់ៗ អាមេឃុំអាចម៍ៗ» បន្ទាប់មក ទើបសមត្ថកិច្ចបានឃាត់ខ្លួនបុរសម្នាក់នោះ តាមបទបញ្ជារបស់អភិបាលខេត្តកំពង់ចាម ហើយបាននាំខ្លួនមកកាន់អធិការដ្ឋាននគរបាលស្រុកកំពង់សៀម ដើម្បីរៀបចំសំណុំរឿង តាមនីតិវិធី ចាត់ការទៅតាមផ្លូវច្បាប់៕SRP

ខេត្តសៀមរាប៖ទីតាំងជលមាន់មួយកន្លែងត្រូវបានសមត្ថកិច្ចចុះបង្ក្រាប ឈានដល់ការឃាត់ខ្លួនមនុស្សចំនួន៣នាក់។

សមត្ថកិច្ចក្រុងសៀមរាបបានប្រាប់បណ្ដាញសៀមរាបប៉ុស្ដិ៍ថាការបង្ក្រាបនេះធ្វើឡើងនៅថ្ងៃទី១៧ ខែមេសា ម្សិលមិញ ស្ថិតនៅភូមិវាល សង្កាត់ គោកចក ក្រុងសៀមរាប។

សមត្ថកិច្ចបានបន្តថាក្នុងហេតុការណ៍នេះបានធ្វើការឃាត់ខ្លួនមនុស្សចំនួន០៣នាក់នឹងដកហូតបានវត្ថុតាង មាន់ប្រជល់ចំនួន០៦ក្បាល ម៉ូតូ០៦គ្រឿងផងដែរ។បច្ចុប្បន្នជនសង្ស័យនឹងវត្ថុតាង ត្រូវបានសមត្ថកិច្ចបញ្ជូនទៅការិយាល័យជំនាញ ដើម្បីអនុវត្តន៍នីតិវិធីបន្ត៕SRP

ខេត្តសៀមរាប៖ផ្ទះពលរដ្ឋមួយខ្នងត្រូវបានអគ្គិភ័យលេបត្របាក់បណ្ដាលឲ្យទ្រពសម្បត្តិ រងការខូចខាតទាំងស្រុង។ ហេតុការណ៍នេះបានកើតឡើងនៅវេលាម៉ោង៤ជាង ទាបភ្លឺថ្ងៃទី១៨ ខែមេសា ឆ្នាំ២០២១ ស្ថិតនៅភូមិអំពិល ឃុំសំបួរ ស្រុកក្រឡាញ់ខេត្តសៀមរាប។

សមត្ថកិច្ចមូលដ្ឋានបានរាយការណ៍នៅព្រឹកនេះថាអគ្គិភ័យនេះម្ចាស់ផ្ទះមានឈ្មោះ ជិញ បាក់ ភេទប្រុសអាយុ៥៥ឆ្នាំ ប្រពន្ធ ឈ្មោះ ឆែម ខា អាយុជាង៥០ឆ្មាំ រស់នៅភូមិខាងលើ។ ផ្ទះដែលរងការឆាបឆេះមានទំហំបណ្ដោយ៧ម៉ែត្រទទឹង៦ម៉ែត្រប្រក់ស័ង្កសី។ ករណីនេះបានបំផ្លាញទាំងស្រុងទ្រព្យសម្បត្តិរួមមាន៖

មាស១តំឡឹង. ប្រាក់៤លានរៀល .ប្រាក់កូនផ្ញើ១៧០០០០០រៀល .

ជី១០ការ៉ុង. ស្រូវ៣០ការ៉ុង .

ខ្សែករ ផ្លាកទីន៦ជី. ទូរទស្សន៍១គ្រឿង  .

បាស់៤គ្រឿង. ម៉ាស៊ីនកិនស្រូវ១គ្រឿង .

ទូរទឹកកក១គ្រឿង. ម៉ាស៊ូត១០កាន. សាំង៥កាន. ទូរស័ព្ទ៥គ្រឿង។

បើតាមសមត្ថកិច្ចបានបញ្ជាក់ថាមូលហេតុអគ្គិភ័យនេះបណ្ដាលមកពីឆ្លងអគ្គិសនី៕SRP

ភ្នំពេញ៖ប្រធានសហភាពសហព័ន្ធអ្នកសារព័ត៌មានកម្ពុជា លោកហ៊ុយ វណ្ណ: បានលើកឡើងថា៖

«ការជឿនលឿននៃ បច្ចេកវិទ្យា បានកំពុងបន្តសម្លាប់របៀបធ្វើការបែបប្រពៃណី»។

លោកហ៊ុយ វណ្ណ: បានសរសេរថា៖

១- វិស័យសារព័ត៌មាន៖ កាសែតបោះពុម្ព ស្ទើតែចប់សព្វគ្រប់ ដោយសារល្បឿនលឿននៃកាសែត Online។ នៅ២ឆ្នាំខាងមុខ នឹងអាចប្រែប្រួលដ៏ធំក្នុងឧស្សាហកម្មព័ត៌មាននេះ។

ទី២- វិស័យទូរស័ព្ទ៖ ដោយសារតែប្រព័ន្ធ VOIP (Voice Over Internet Protocol) គឺវាស្ទើរតែសម្លាប់ប្រព័ន្ធ Roaming ច្រកអន្តរជាតិ និងមិនចាំបាច់ដាក់លុយច្រើនក្នុងទូរស័ព្ទ ដោយសារតែអ៊ីនធឺណិត WiFi។

ទី៣- Digital នឹងបន្តសម្លាប់ការប្រើក្រដាស និងប៊ិក ហើយ៩០%នៃដំណើរការគឺសម្រេចដោយទូរស័ព្ទឆ្លាតវៃ។

ទី៤- យើងធ្លាប់និយាយដោយច្រឡំថា «ឡានហោះ»។ ខ្ញុំជឿថា ក្នុងពេលដ៏ឆាប់ ឡាននឹងអាចហោះបានមែន។

ទី៥- ពេលធ្វើដំណើរលើយន្តហោះ៤ឆ្នាំមុន ខ្ញុំមើលខ្សែភាពយន្តមួយ និយាយអំពីការវិវត្តន៍ជឿនលឿននៃវិស័យសុខាភិបាល គឺរាងកាយមនុស្សស្ទើតែក្លាយជាមនុស្សយន្ត ដោយសារគេអាចដូរអវៈយវៈជាច្រើននៃរាងកាយមនុស្ស។គេគិតថា បច្ចេកវិទ្យា ជួយមនុស្ស។ ផ្ទុយទៅវិញ បច្ចេកវិទ្យា ទៅវិញទេ ដែលប្រើមនុស្សឲ្យធ្វើការគ្មានឈប់ឈរ គ្មានពេលវេលា គ្មានរើសទីកន្លែង។ ប៉ុន្តែរឿងមួយដែលខ្ញុំវិភាគសព្វគ្រប់អស់ហើយ គឺគ្មានអ្នកវិទ្យាសាស្ត្រណា អាចដូរចិត្តមនុស្សប្រុសស្រី មិនឲ្យចូលចិត្តមនុស្សស្អាតៗនោះទេ។

គួរបញ្ជាក់ថារយ:ពេលប៉ុន្មានឆ្នាំចុងក្រោយមកនេះ នៅប្រទេសកម្ពុជា កាសែតបោះពុម្ព មួយចំនួនបានសម្រេចចិត្តផ្អាកការផ្សាយបោះពុម្ពកាសែត របស់ខ្លួន ដោយសារតែអ្នកអានព័ត៌មានហាក់ងាកមកមើលព័ត៌មានតាមទូរស័ព្ទដៃវិញម្ដង ធ្វើឲ្យកាសែតបោះពុម្ពផ្សាយលក់មិនសូវដាច់ដូចមុនៗ៕SRP

ភ្នំពេញ៖លោកជំទាវ ពេជ ចន្ទមុន្នី ភរិយាលោកហ៊ុន ម៉ាណែត បានបញ្ចេញសារមួយនៅលើទំព័រអាខោនហ្វេសប៊ុករបស់លោកជំទាវ ដោយរៀបរាប់ពីអារម្មណ៍ពិត។ ខាងក្រោមនេះជាសំណេររបស់«លោកជំទាវ ពេជ ចន្ទមុន្នី»សុំបញ្ចេញអារម្មណ៍ពិតរបស់ខ្ញុំ: សួរថាតើពេលដែលរៀបចំមន្ទីរពេទ្យព្យាបាលអ្នកជំងឺCovid ម្តងៗតើខ្ញុំមានអារម្មណ៍បែបណា?

ខ្ញុំមានអារម្មណ៍ក្តុកក្តួលចិត្ត អាណិតដល់រដ្ឋាភិបាលដែលខំចំណាយប្រាក់ក្នុងការរៀបចំមន្ទីរពេទ្យអោយអ្នកជំងឺមានកន្លែងព្យាបាល  អាណិតដល់សម្តេចតេជោដែលលោកខិតខំប្រឹងគិតគូរនិងផ្តល់គំនិតគ្រប់បែបយ៉ាងដើម្បីទប់ស្កាត់ការរីករាលដាលនៃជំងឺCovid ជាពិសេសគឺការពារជីវិតបងប្អូនប្រជាពលរដ្ឋខ្មែរ។ អាណិតដល់ក្រុមគ្រូពេទ្យជួរមុខទាំងអស់ដែលកំពុងប្រយុទ្ធជាមួយនិងសត្រូវមិនឃើញស្រមោលនេះ។ អាណិតនិងខ្លោចចិត្តដល់ក្មេងតូចៗដែលឆ្លងនៅជំងឺដ៏កាចសាហាវមួយនេះ។

ខ្ញុំតែងតែបួងសួងសុំមន្ទីរពេទ្យដែលខ្ញុំកំពុងរៀបនេះគ្មានមនុស្សមកសម្រាក និងជាមន្ទីរពេទ្យចុងក្រោយ🙏🙏

សម្តេចតេជោ រាជរដ្ឋាភិបាល និងក្រុមគ្រូពេទ្យយើងខ្ញុំបានខំប្រឹងពេញទំហឹងហើយតែខ្ញុំសុំអោយបងប្អូនប្រជាពលរដ្ឋជួយសហការណ៍ទើបយើងអាចឆ្លងកាត់ការលំបាកនេះជាមួយគ្នាបាន🙏🙏 ៕SRP

ខេត្តព្រះវិហារ៖បុរសម្នាក់ត្រូវបាននគរបាលស្រុកគូលែន សហការជាមួយកម្លាំងប៉ុស្តិ៍នគរបាលរដ្ឋបាលស្រយ៉ង់ ចាប់ខ្លួនពាក់ព័ន្ធករណីរំលោភកូនចុង។ ការចាប់ខ្លួនធ្វើឡើងនៅថ្ងៃទី១៧ ខែមេសា ឆ្នាំ២០២១ ស្ថិតនៅ ឃុំស្រយ៉ង់ ស្រុកគូលែន ខេត្តព្រះវិហារ តាមបណ្តឹងពីជីដូន និងបានស្តាប់ការបំភ្លឺពីក្មេងស្រីរងគ្រោះ។

ហេតុការណ៍ចាប់រំលោភនៅវេលាម៉ោង១ និង០៥នាទីរំលងអធ្រាត្រឈានចូលដល់ថ្ងៃទី១៦ ខែមេសា ឆ្នាំ២០២១ នៅស្រុកគូលែន ខេត្តព្រះវិហារ លើផ្ទះរបស់ឈ្មោះ ជុន រ៉ា។

ជនសង្ស័យឈ្មោះ ជុន រ៉ា អាយុ៣៣ឆ្នាំ ជនជាតិខ្មែរ មុខរបរកសិករ (ត្រូវជាឪពុកចុង)បច្ចុប្បន្នរស់នៅភូមិ-ឃុំកើតហេតុ។ ចំណែកក្មេងស្រីរងគ្រោះមានឈ្មោះ រ.ស.ទ អាយុ១៤ឆ្នាំ ជនជាតិខ្មែរ មុខរបរសិស្ស(ត្រូវជាកូនចុង) រស់នៅផ្ទះជាមួយគ្នា ក្នុងភូមិ-ឃុំកើតហេតុ។

នគរបាលស្រុកគូលែនបានឲ្យដឹងថាករណីនេះកើតឡើងកាលពីឆ្នាំ២០១៩ ក្នុងឱកាសដែល ឪពុកម្តាយ និងក្មេងស្រីរងគ្រោះ ទៅធ្វើជាកម្មករចម្ការកៅស៊ូនៅឯខេត្តកំពង់ធំ ជាបន្តបន្ទាប់រហូតមកដល់ថ្ងៃទី១៦ ខែមេសា ឆ្នាំ២០២១ វេលាម៉ោង១៣ និង០៥នាទី នៅលើផ្ទះរបស់ឈ្មោះ ជុន រ៉ា (ដែលត្រូវជា ឪពុកចុង ) ក្នុងខណៈដែលក្មេងស្រីរងគ្រោះកំពុងមើលទូរស័ព្ទជាមួយប្អូនៗ ស្រាប់តែ ឪពុកចុងរូបនេះ បានមកដេកក្បែរហើយលូកទាញដៃក្មេងស្រីរងគ្រោះអោយលូកលេងប្រដាប់ភេទរបស់ខ្លួន ហើយប្រាប់ឱ្យប្អូនៗទៅតាមយាយនៅវត្តទៅ ស្របពេលនោះ ស្រាប់តែយាយក្មេងស្រីរងគ្រោះបានមកដល់ឃើញស្ថានភាពបែបនេះ យាយក៏បានសួរចៅស្រីរងគ្រោះទើបដឹងរឿងរ៉ាវជាបន្តបន្ទាប់រហូតដល់ថ្ងៃកើតហេតុចុងក្រោយនេះ។

បច្ចុប្បន្ននគរបាលកសាសំណុំរឿង បញ្ជូនសង្ស័យទៅការិយាល័យប្រឆាំងការជួញដូរមនុស្សនៃស្នងការដ្ឋាននគរបាលខេត្តព្រះវិហារ ដើម្បីដើម្បីអនុវត្តតាមផ្លូវច្បាប់៕SRP

ខេត្តសៀមរាប៖អាជ្ញាធរខេត្តនៅថ្ងៃនេះបានចេញសេចក្ដីសម្រេច ចាត់វិធានការចំពោះការឡើងថ្លៃទំនិញ គ្រឿងឧបភោគបរិភោគគ្រប់ប្រភេទ និងឱសថ ក្នុងការអនុវត្តវិធានទប់ស្កាត់ការឆ្លងរាលដាលនៃជំងឺកូវីដ១៩ ក្នុងភូមិសាស្ត្រខេត្តសៀមរាប។ នេះបើយោងតាមលិខិតដែលបានចុះហត្ថលេខាដោយ លោកទៀ សីហា អភិបាលខេត្តសៀមរាប៕SRP