ខេត្តសៀមរាប៖លោកចែម ចន្ថា ប្រធានក្រុមសមាគមចលនាយុវជនកម្ពុជា«ក្រុម១៥៧»សាខាស្រុកជីក្រែង និងសហការី នៅថ្ងៃទី១៩ ខែមេសា ម្សិលមិញបាននាំយកនូវអំណោយផ្ដល់ជូនកងកម្លាំងពីរគោលដៅ នៅក្រុងសៀរាប ក្នុងនោះក៏បានផ្ដល់ជូនសមាជិកសមាជិកា សមាគមចលនាយុវជនកម្ពុជា«ក្រុម១៥៧»សាខាស្រុកជីក្រែង ចំនួន១៤នាក់ផងដែរ។

លោកចែម ចន្ថា បានឲ្យដឹងថាដោយអនុវត្តន៍តាមសារាចរណែនាំ ស្ដីពីការបិទខ្ទប់សង្កាត់ទាំង៣ នៅក្រុងសៀមរាប គឺសង្កាត់ស្វាយដង្គំ សង្កាត់សាលាកំរើក សង្កាត់សៀមរាប ក្នុងការទប់ស្កាត់ការីករាលដាលជំងឺកូវីដ.១៩ នឹងដោយមានការស្នើសុំពីអាជ្ញាធរភូមិ សាលាសង្កាត់ស្វាយដង្គំ ដើម្បីអោយជួយឧបត្ថម្ភជាគ្រឿងឧបភោគបរិភោគ លោកនឹងសហការីបាននាំយកអំណោយសប្បុរសជន និងថវិកា បម្រុងទុកថ្នាក់ស្រុកចែកជូនចំពោះកងកម្លាំងនិងសមាជិកសមាជិកា ដែលមានទីលំនៅ ភូមិសាស្រ្តដែលត្រូវបានបិទខ្ទប់ខាងលើដែលកំពុងជួបនៅបញ្ហា ខ្វះខាតជីវភាព។

សូមជម្រាបថាសម្រាប់កងកម្លាំងយាមចំនួន០២គោលដៅ នៅភូមិសាលាកន្សែង សង្កាត់ស្វាយដង្គំ និងគោលដៅ ភូមិខ្វៀន សង្កាត់គោកចក។

អំណោយទទួលបាន

-អង្ករ ៥០គ.ក

-មីម៉ាម៉ា ៣កេស

-ត្រីខស្រី៣នាក់ ៥យួរ

-ទឹកត្រី 5យួរ

-ទឹកស៊ីអ៊ីវ 5យួរ

-ទឹកបរិសុទ្ធ50យួរ

ថវិកា 15ម៉ឺនរៀល។

ដោយឡែកសមាជិក១៤នាក់ ទទួលបាន

-ត្រីងៀត 40kg

-ក្បាលត្រីឆ្ដោ 10kg

-ប្រហុក 3kg

-ផ្អក 2kg

-ត្រីឆ្អើ 20ក្រាស

-ទឹកត្រី 3យួរ

-ទឹកស៊ីអ៊ីវ 3យួរ

-ត្រីខ 5យួរ

-មីម៉ាម៉ា 3កេស

-អង្ករ 30kg ៕SRP

ភ្នំពេញ៖សម្ដេចហ៊ុន សែន និងភរិយា ព្រមទាំងកូនស្រីពៅ នៅព្រឹកនេះបានចាក់វ៉ាក់សាំងដូសទី២រួចហើយ។

សម្ដេច ហ៊ុន សែន បានបង្ហោះសារតាមប្រព័ន្ធហ្វេសប៊ុកថា «ពីរនាក់បានហើយ»។
នៅក្នុងសារដដែលសម្ដេច បានសរសេរថា៖ ដើម្បីអាចចេញទៅប្រជុំកំពូលអាស៊ាននៅឥណ្ឌូនេស៊ី ថ្ងៃទី ២៤ មេសា ២០២១ ខាងមុខខ្ញុំត្រូវចាក់វ៉ាក់សាំងដូសទី២ នៅព្រឹកថ្ងៃទី ២០ មេសា ២០២១ នេះ។

លើកនេះមិនចាក់នៅមន្ទីរពេទ្យទេ គឺចាក់នៅគេហដ្ឋានជាមួយភរិយានិងកូនស្រីពៅខុសគ្នាតែប្រភេទវ៉ាក់សាំងប៉ុណ្ណោះ។ ខ្ញុំនិងភរិយាទទួល Astra Zeneca រីឯកូនស្រីពៅទទួលដូសទី២នៃវ៉ាក់សាំងSinovac។

ខ្ញុំនៅបន្តចាក់ដៃឆ្វេងដដែល ដើម្បីទុកដៃស្តាំបន្តកិច្ចការតទៅទៀត។រឿងដែលបារម្មណ៍តើខ្ញុំងងុយដេកដូចកាលចាក់ដូសទីមួយឬទេ?បើងងុយដេកឯកសារច្បាស់ជានៅលើតុនិងមិនបានហាត់ប្រាណផងដែរ៕SRP

ខេត្តបាត់ដំបង៖មនុស្សចំនួន១៣នាក់ ត្រូវបានកម្លាំងចម្រុះរបស់ខេត្តបាត់ដំបង ចាប់ខ្លួនករណីប្រមូលផ្ដុំលេងល្បែងភ្នាល់ទឹកភ្លៀង ដែលប្រឆាំងទៅនឹងបម្រាមរបស់ប្រមុខ រាជរដ្ឋាភិបាល ក្នុងការទប់ស្កាត់ការរីករាលដាលជំងឺកូវិដ-១៩។

ការបង្ក្រាបនេះ នៅរសៀលថ្ងៃទី១៩ ខែមេសា ម្សិលមិញ ចំនួន៣គោលដៅ នៅក្រោយផ្សារ ភូ ពុយ ខេត្តបាត់ដំបង។

សមត្ថកិច្ចក្នុងហេតុការណ៍បានឲ្យដឹងថាការបង្ក្រាបការប្រមូលផ្ដុំអ្នកលេងល្បែងភ្នាល់ទឹកភ្លៀង ទាំង៣គោលដៅនេះ សមត្ថកិច្ចជំនាញបានធ្វើការឃាត់ខ្លួនអ្នកលេងល្បែងភ្នាល់ទឹកភ្លៀងចំនួន ១៣នាក់ ក្នុងនោះមានស្រី១ ម៉ូតូចំនួន ១០គ្រឿង រថយន្តចំនួន ៤គ្រឿងបញ្ជូនមកស្នងការនគរបាលខេត្តបាត់ដំបង ដើម្បីធ្វើការសាកសួរកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់។

សូមជម្រាបថាក្នុងប្រតិបត្តិការនេះ បញ្ជាផ្ទាល់ពីព្រះរាជអាជ្ញារងសាលាដំបូងខេត្តបាត់ដំបង ដោយប្រើប្រាស់កម្លាំងរបស់ស្នងការនគរបាលខេត្តបាត់ដំបង មានកម្លាំងសន្តិសុខផ្ទៃក្នុង និងកម្លាំងព្រហ្មទណ្ឌកម្រិតស្រាលនៃស្នងការនគរបាលខេត្តបាត់ដំបង នឹងចូលរួមពីលោកណុប ដារ៉ា អភិបាលរងខេត្តបាត់ដំបងនិងជាប្រធានគណៈកម្មការស្រាវជ្រាវបង្ក្រាបល្បែងគ្រប់ប្រភេទផងដែរ៕SRP

ភ្នំពេញ៖លោក សឿន តុលា ស្ថាបនិកក្រុមហ៊ុន ផា ផា យ៉ា បាននិពន្ធអត្ថបទមួយក្រោមចំណងជើងថា«ភាពជោគជ័យ គឺជាកិច្ចប្រឹងប្រែង»។

លោក សឿន តុលា បានសរសេរថា៖ នៅក្នុងលោកយើងនេះមានការបែងចែកមនុស្សដែលមានផ្នត់គំនិតជាពីរសណ្ឋាន ពីព្រោះពួកគេប្រើការគិត ប្រើការមើលឃើញផ្សេងៗគ្នារហូតក្លាយជាទម្លាប់ នឹងជារឿងពិតចំពោះខ្លួន រីឯផលវិញក៏ទទួលបានតាមទម្លាប់របស់ពួកគេដែរ។

# សណ្ឋានផ្នត់គំនិតនៃមនុស្សទី1:
ពួកគាត់មានការស្រលាញ់អ្វីមួយឬចង់បានអ្វីមួយឲ្យបានសម្រេច ក៏ប៉ុន្តែពួកគាត់ មើលមិនឃើញពីរបៀប ឬ វិធីសាស្ត្រ ដែលត្រូវធ្វើឱ្យបានសម្រេចនោះ ឡើយ ពីព្រោះពួកគាត់រវល់តែមានហេតុផល នៃចំណុចឧបសគ្គ និងមើលឃើញតែហេតុផលនៃភាពបរាជ័យ ពួកគាត់ មើលឃើញតែរឿងលំបាកដោយសារតែអាកាសធាតុ ដោយសារតែស្ថានភាពសេដ្ឋកិច្ច ឬដោយសារតែអ្នកនេះឬអ្នកនោះ ហេតុដូច្នេះហើយ មិនឲ្យពួកគាត់សម្រេចចិត្តដើរឆ្ពោះទៅកន្លែងដែលពួកគេចង់ទៅបានឡើយ។ ” មានភាពបរាជ័យដ៏ធំ កើតឡើង នៅពេលដែលយើងមើលឃើញតែពីភាពបរាជ័យនិងឧបសគ្គ ចំពោះខ្លួន នឹងចេញ សូមចងចាំថា : ការគិតអំពីបរាជ័យ គឺជាការបរាជ័យ។

# ផ្នត់គំនិតនៃមនុស្សទី2:

” អ្នកសម្រេចចិត្ត អ្នកធ្វើ អ្នករៀនពីការធ្វើ អ្នកស្វែងរកដំណោះស្រាយ ” ជាទូទៅ គឺស្ថិតក្នុងមនុស្ស ” អ្នកដែលហ៊ានទទួលខុសត្រូវ នៅអ្វីដែលគេបានចាប់ផ្ដើម”
នៅពេលដែលពួកគេចង់បានអ្វីមួយ ឬចង់ឲ្យសម្រេចអ្វីមួយពួកគេនិងយកចិត្តទុកដាក់ផ្ដោតជាពិសេសគិតស្វែងរកវិធីដើម្បីធ្វើឲ្យបានសម្រេច គោលបំណងរបស់ខ្លួន ហើយពួកគេមិនបានផ្ដោតទៅលើអ្វីដែលពួកគេមិនមាននោះឡើយ ពួកគេជាប់រវល់តែកែច្នៃនិងថែទាំអ្វីដែលនៅជុវិញខ្លួនរបស់ពួកគេ ដើម្បីឲ្យក្លាយជាយានសម្រាប់គោលដៅដែលពួកគេចង់ទៅឬក៏អ្វីដែលពួកគេចង់ឲ្យបានសម្រេច ពួកគេ មិនចាប់អារម្មណ៍ចំពោះពាក្យថាលំបាកឬ ការបរាជ័យឡើយ និយាយរួមគ្រប់យ៉ាងដែលពួកគេមានគឺការ តាំងចិត្តខ្ពស់ អត់ធ្មត់ ភាពមិនចុះចាញ់ និងមានភាពបត់បែន ជាពិសេសទៀតនោះពួកគេបង្កប់នូវក្ដីរីករាយ និងក្ដីស្រលាញ់នៅតាមដងផ្លូវធ្វើដំណើររបស់ពួកគេ ហើយពួកគេតែងតែប្រកាន់ភ្ជាប់នៅគោលការណ៍ផ្ទាល់ខ្លួនរបស់ពួកគេដែលថា ” ការមិនសម្រេចចិត្តពីព្រោះការខ្លាចបរាជ័យវាជាការបរាជ័យរួចទៅហើយ” ពួកគាត់រៀនដើម្បីឱ្យយល់ ដើម្បីបត់បែន ពួកគាត់រៀនដើម្បីធ្វើការសម្រេចចិត្តតូចៗជារៀងរាល់ថ្ងៃដែលក្លាយជាទម្លាប់រៀនបានលឿន និងសម្រេចចិត្តរៀនតាមដងផ្លូវដែលពួកគេធ្វើដំណើរទៅរកទិសដៅរបស់ពួកគេ៕

និពន្ធដោយលោក សឿន តុលា
ស្ថាបនិកក្រុមហ៊ុន : ផា ផា យ៉ា

PAPAYA NEXT STEP CO,.LTD

* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
* PAPAYA HOMESTAY
( គម្រោងលើវិស័យទេសចរណ៍)
* PAPAYA GARDEN
( គម្រោងលើវិស័យកសិកម្មនិងចែកចាយអាហារ)

ភ្នំពេញ៖ប៉ូលិសរដ្ឋបាលកាកាបទី២ នៃអធិការដ្ឋាននគរបាលខណ្ឌពោធិ៍សែនជ័យ បានធ្វេីការឃាត់ខ្លួនជនសង្ស័យម្នាក់ជាអ្នកយកព័ត៌មាន ករណីកាច់កលួចម៉ូតូមួយគ្រឿងនៅសង្កាត់កាកាប២​ខណ្ឌពោធិ៍សែនជ័យ​។
ការឃាត់ខ្លួននៅថ្ងៃទី១៩ ខែមេសា ឆ្នាំ២០២១ វេលាម៉ោង ១៥និង៣០នាទីរសៀល នៅសង្កាត់រដ្ឋបាលកាកាបទី២។

ជនសង្ស័យ ឈ្មោះ​ មុំ​ សុជាតិ ជាអ្នកយកព័ត៌មានគេហទំព័រ​ កវីភ្នំដែក។ បច្ចុប្បន្នជនសង្ស័យ ត្រូវបានឃាត់ខ្លួននៅអធិការដ្ឋាននគរបាល ខណ្ឌពោធិ៍សែនជ័យ ដើម្បីធ្វើការសាកសួរ និងអនុវត្តបន្តតាមនីតិវិធីច្បាប់៕SRP

ខេត្តត្បូងឃ្មុំ៖អភិបាលខេត្តត្បូងឃ្មុំ​ លោក ជាម ច័ន្ទសោភ័ណ បាន​ជំរុញ​ដល់អាជ្ញាធរស្រុកទាំង៦ ដែលមានព្រំប្រទល់ជាប់ជាមួយខេត្តផ្សេង ត្រូវបន្តអនុវត្តឲ្យបានម៉ឹងម៉ាត់ និងមានប្រសិទ្ធិភាពក្នុងការអនុវត្តសេចក្តីសំរេចរបស់រាជរដ្ឋាភិបាល ស្តីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍ នៅទូទាំងប្រទេសជាបណ្តោះអាសន្ន និងសេចក្តីណែនាំរបស់រដ្ឋបាលខេត្ត ក្នុងការរឹតបន្តឹងការធ្វើចរាចរណ៍ក្នុងខេត្ត ពិសេសឆ្លងទៅពីខេត្តត្បូងឃ្មុំទៅខេត្តផ្សេងៗ និងពីខេត្តផ្សេងៗមកខេត្តត្បូងឃ្មុំ។

ការ​ជំរុញ​របស់អភិបាលខេត្តត្បូងឃ្មុំ ធ្វើឡើងនៅថ្ងៃទី១៩ ខែមេសា ឆ្នាំ២០២១ នេះ ក្នុង​ឱកាស​ផ្តល់សម្ភារ និងថវិកា ជូនមន្រ្តីមានសមត្ថកិច្ចប្រចាំការតាមគោលដៅព្រំប្រទល់ខេត្ត​។

អភិបាលខេត្ត បានលើកឡើងថា យើងទាំងអស់គ្នាត្រូវបន្តអនុវត្តឲ្យបាន ម៉ឹងម៉ាត់បំផុតដើម្បីទប់ស្កាត់ការឆ្លងរីករាលដាលជំងឺកូវីដ-១៩ ក្នុងសហគមន៍នៃខេត្តត្បូងឃ្មុំ ក៏ដូចជានៅទូទាំងប្រទេស ក្នុងនោះអាជ្ញាធរស្រុកទាំង៦គឺ ស្រុកត្បូងឃ្មុំ, ស្រុកក្រូចឆ្មារ, ស្រុកតំបែរ, ស្រុកមេមត់, ស្រុកពញាក្រែក, និងស្រុកអូរាំងឪ ដែលមានព្រំប្រទល់ជាប់ខេត្តផ្សេងៗ ត្រូវសហការឲ្យបានល្អជាមួយមន្រ្តីប្រចាំការតាមព្រំប្រទល់នីមួយៗ ដោយធ្វើយ៉ាងណាទប់ស្កាត់ឲ្យបាននូវការលួចឆ្លងដោយខុសពីខេត្តត្បូងឃ្មុំទៅខេត្តផ្សេង និងពីខេត្តផ្សេងចូលមកខេត្តត្បូងឃ្មុំ។

លោកបន្តថា ជាមួយនិងការរឹតបន្តឹងនេះ អាជ្ញាធរស្រុកក៏ត្រូវពិនិត្យមើលផងដែរចំពោះប្រជាពលរដ្ឋដែលចេញចូលរកស៊ីប្រចាំថ្ងៃមានភូមិផងក្បែគ្នាបើអាចអនុគ្រោះត្រូវអនុគ្រោះដោយតម្រូវឲ្យអាជ្ញាធរមូលដ្នានបញ្ជាក់ឲ្យបានច្បាស់។ ជាមួយនិងការរឹតបន្តឹងនេះអាជ្ញាធរភូមិ/ឃុំក៏ត្រូវតាមដានជាប្រចាំ បើមានករណីលួចឆ្លងចូលមកមូលដ្ឋានរបស់ខ្លួនត្រូវរាយការណ៍ជូនអាជ្ញាធរស្រុក​ ដើម្បីចាត់វិធានការផ្លូវច្បាប់ ឬបញ្ជូនពួកគាត់មកធ្វើចត្តាឡីស័ក្កជាបន្ទាន់៕SRP

ខេត្តសៀមរាប៖លោក សឹង្ហ សំរឹទ្ធិ អនុប្រធាន សមាគមចលនាយុវជនកម្ពុជា(ក្រុម១៥៧) ខេត្តសៀមរាបបានដឹកនាំ សមាជិក សមាជិកា បយកអំណោយផ្ដល់ជូនរដ្ឋបាលខេត្តសៀមរាប​។

ការផ្ដល់អំណោយធ្វើឡើងនៅរដ្ឋបាលខេត្តសៀមរាប ក្រោមកិច្ចទទួលពីលោក ពិន ប្រាកដ អភិបាលរងខេត្តសៀមរាប នារសៀលថ្ងៃច័ន្ទ ទី១៩ ខែមេសា ឆ្នាំ ២០២១នេះ។

លោក សឹង្ហ សំរឹទ្ធិ បានឲ្យដឹងថា អំណោយដែលបានផ្ដល់ជូនរដ្ឋបាលខេត្តសៀមរាបនាពេលនេះ ដើម្បីចូលរួម ក្នុងការប្រយុទ្ធប្រឆាំងជំងឺកូវីដ-១៩។
សូមជម្រាបថាអំណោយរួមមាន៖
⁃ ទឹកសុទ្ធ ២០០ យួរ
⁃ អាល់កុល ៣០ លីត្រ
⁃ ម៉ាស់ ៥០ ប្រអប់
⁃ ជែលលាងដៃ ៥០០ម.ល​ ៤៨ដប៕SRP

ខេត្តសៀមរាប៖ក្មេងស្រីម្នាក់ត្រូវបានរន្ទះបាញ់ផ្ដាច់ជីវិតស្លាប់ភ្លាមៗ។

ហេតុការណ៍បានកើតឡើង នៅល្ងាចថ្ងៃច័ន្ទ ទី១៩ ខែមេសា ឆ្នាំ២០២១​ ស្ថិតក្នុងភូមិ​អន្លង់២ ឃុំត្រពាំងធំ ស្រុកប្រាសាទបាគងខេត្តសៀមរាប។

សមត្ថកិច្ចស្រុកប្រាសាទបាគងបានរាការណ៍ថា ជនរងគ្រោះ ឈ្មោះ ស៊ត មករា អាយុ១៤ឆ្នាំ រស់នៅភូមិឃុំខាងលើ ត្រូវបានស្ទះបាញ់ ខណ:ទៅដឹកគោពេលមេឃកំពុងភ្លៀង លាយឡំ​នឹង​ខ្យល់​កន្រ្ទាក់។

សមត្ថកិច្ចបានបញ្ជាក់ថាគ្រោះធម្មជាតិនេះ ក៏បណ្ដាលឱ្យរបើកដំបូលផ្ទះ១ខ្នងនៅភូមិអន្លង់២ ឃុំត្រពាំងធំ ស្រុកប្រាសាទបាគង និងរលំផ្ទះ១ខ្នងទៀត នៅភូមិភ្នំដី ឃុំត្រពាំងធំស្រុកប្រាសាទបាគងផងដែរ៕SRP

ភ្នំពេញ៖ក្រសួងរៀបចំដែនដីនគរូបនីយកម្ម និងសំណង់ បានចេញសេចក្ដីសម្រចស្ដីពី ការបង្កើតក្រុមប្រចាំការ និងដោះស្រាយការងារប្រចាំថ្ងៃរបស់ក្រសួងរៀបចំដែនដី នគរូបនីយកម្ម និងសំណង់។ នេះបើយោងតាមសេចក្ដីសម្រេចដែលចុះហត្ថលេខា នៅថ្ងៃទី ១៩ ខែមេសាឆ្នាំ ២០២១ នេះដោយរដ្ឋមន្ត្រីជា សុផារ៉ា៕SRP

ខេត្តកំពង់ចាម​៖លោកអ៊ុន​ ចាន់ដា​ អភិបាលខេត្តកំពង់ចាម​ បាន​រំលឹកដល់មន្ត្រី​ឲ្យ​​មាន​វត្តមាន​ធ្វើ​ការងារ​ឲ្យ​បាន​ពេញលេញ​ នៅកន្លែង​​ផ្តល់​សេវា​សាធារណៈ​ ជាពិសេស​អង្គភាព​ច្រក​ចេញ​ចូល​តែ​មួយ​​ និង​ការិយាល័យ​ប្រជាពលរដ្ឋ​​ ទាំង​ចំនួន​មន្ត្រី​ និង​​ម៉ោង​ធ្វើ​ការងារ​ ធ្វេីយ៉ាងណា​ត្រូវ ជំរុញការ​ផ្ដល់​សេវា​ ​ឲ្យ​មាន​ប្រក្រតី​ភាព​​ ​និង​និរន្តរភាព​ ​ក្នុងការ​ផ្ដល់​សេវា​សាធារណៈ​ ជូន​ប្រជាពលរដ្ឋ​ឲ្យ​បានល្អប្រសើរ​។

ថ្លែង​យ៉ាង​ដូច្នេះ​ក្នុង​កិច្ចប្រជុំ​ពិភាក្សា ការស្នើសុំបង្កើត បំបែកភូមិ លុបភូមិ ការកាត់ភូមិ និនិងការកំណត់ឈ្មោះភូមិនៅថ្ងៃ​ទី​១៩​ ខែមេសា​ ព្រឹកមិញនេះ។

ក្នុងកិច្ចប្រជុំ លោក អ៊ុន​ ចាន់ដា​ បាន​ទទួល​យក​ការ​ស្នើសុំ​របស់​រដ្ឋបាល​ក្រុង​-ស្រុក​ ទៅ​លើ​ការ​បំបែក​ភូមិ​ ចំនួន​៤១ភូមិ​ បង្កើត​ភូមិ​ថ្មី​ ៧​ភូមិ​ លុប​ភូមិ​ ៨​ និង​កាត់​ភូមិ​ ចំនួន​២​ សរុប​ស្មើ​នឹង​ ​​៥៨​ករណី​ ខណៈ​​ខេត្តកំពង់ចាម​មាន​ភូមិ​ ចំនួន​៩១៦ភូមិ​ ហើយ​កេីនឡេីង​ទៅ​ជា​ ៩៥៦ភូមិវិញ​ ដែល​តម្រូវ​ឲ្យ​ទីចាត់ការ​ផែនការ​ និង​វិនិយោគ​ រៀបចំ​នូវ​ឯកសារ​សំណើ​បូកសរុប​ ​រួម​ទាំង​ការ​កសាង​ផែនទី​រដ្ឋបាល​ភូមិ​នីមួយៗ​ និង​ពិនិត្យ​អក្ខរាវិរុទ្ធ​ឈ្មោះ​ភូមិ​ ​ឲ្យ​បាន​ត្រឹមត្រូវ​ ដើម្បី​ស្នេី​​ទៅ​ក្រសួង​មហាផ្ទៃ​ជា​បន្ទាន់​៕SRP

ខេត្តកំពង់ចាម៖ថ្លែង​នៅក្នុង​កិច្ចប្រជុំ​ពិភាក្សា ការស្នើសុំបង្កើត បំបែកភូមិ លុបភូមិ ការកាត់ភូមិ និនិងការកំណត់ឈ្មោះភូមិនៅថ្ងៃ​ទី​១៩​ ខែមេសា​ ព្រឹកមិញនេះ លោកអ៊ុន ចាន់ដា អភិបាលខេត្ត​​ បានព្រមានធ្ងន់ៗថា​ មន្ត្រី​ដែលបាន​ទៅ​រាជធានី​ភ្នំពេញ​ក្នុង​អំឡុង​ពេល​ចូល​ឆ្នាំ​ថ្មី​នេះ​ នៅពេល​​ត្រឡប់​មក​វិញ​ នឹង​តម្រូវ​ឲ្យ​អនុវត្ត​ធ្វើ​ចត្តាឡីស័ក​ ចំពោះ​ការ​ធ្ធេី​ដំណើរវិញ​ គឺ​ត្រូវ​​ទទួល​ខុសត្រូវ​ដោយ​ខ្លួនឯង​ ហើយ​បេី​បានមក​ដល់​ខេត្ត​វិញ​​ដោយ​ជោគជ័យ​ ចាត់ទុក​ថាជា​សំណាងទៅចុះ​​ ប៉ុន្តែ​ប្រសិនជា​អត់​បានមក​ធ្វើ​ការ​ងារ​ ក្នុង​រយៈពេល​៣ថ្ងៃ​ជាប់ៗ​គ្នា​​នោះ គឺចាត់ទុក​ថា​មន្ត្រី​រូបនោះបាន​បោះបង់​ចោល​ការងារ​ នឹង​​ត្រូវ​​ស្នើ​សុំ​ឲ្យ​លុប​ឈ្មោះ​ចោល​ពី​ក្របខ័ណ្ឌការងារ​តែតែម្ដង។

លោកបាន​ថ្លែង​បន្តថា​ ការ​គ្រប់គ្រង​មន្ត្រី​រាជការ​ក្នុង​ពេលអនុវត្ត​វិធានការ​សុខាភិបាល​នេះ​ ​​នាយក​រដ្ឋបាល​ និង​អភិបាល​ក្រុង​-ស្រុក​ទាំង​អស់​ ត្រូវ​បន្ត​ពិនិត្យ​មេីល​មន្ត្រី​ ធ្វើយ៉ាងណាត្រូវ​ធានា​ថា​ គាត់​​មក​ធ្វើការ​ឲ្យ​បាន​​ទៀងទាត់​ពេលវេលា​ ដោយ​មិន​ត្រូវ​ប្រេីប្រាស់​​ហេតុផលថា​​កូវីដ​ ហេីយមិនបានមក​ធ្វើការ​នោះទេ​ ព្រោះ​ការជូន​ដំណឹង​កាត់បន្ថយ​មន្ត្រី​ធ្វើ​ការងារ​ ​ចំពោះ​មន្ត្រី​​ក្របខណ្ឌ​ក្រសួងតែ​ប៉ណ្ណោះ​ ដោយឡែក​​រដ្ឋបាល​នៅ​ថ្នាក់​ក្រោម​ជាតិ​ មិន​ទាន់​មាន​ការ​ណែនាំ​ឲ្យ​កាត់បន្ថយ​មន្ត្រី​នៅឡើយទេ​​​​៕SRP

ខេត្តសៀមរាប៖បន្តបិទការទស្សនាប្រាសាទនានា និងផ្អាកការលក់សំបុត្រចូលទស្សនានៅក្នុងរមណីយដ្ឋានអង្គរ។ នេះបើយោងតាម
សេចក្តីជូនដំណឹងរួម របស់អាជ្ញាធរជាតិអប្សរា និងគ្រឹះស្ថានអង្គរ ចេញប្រកាសនៅថ្ងៃនេះ៕SRP