ខេត្តសៀមរាប៖តៃកុងរថយន្តបានរត់គេចខ្លួនបាត់ក្រោយពីបង្កគ្រោះថ្នាក់ចរាចរណ៍បណ្ដាលឲ្យមនុស្សស្លាប់ 6 នាក់និងរបួសជាង 10 នាក់។

ហេតុការណ៍អត់បានកើតឡើង នៅថ្ងៃទី២៧ ខែវិច្ឆិកា ឆ្នាំ២០២៣ វេលាម៉ោង ១៥និហ៣០ នាទី ស្ថិតនៅភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប ត្រង់ចំណុចទឹករុន បង្ករឡើងដោយខ្លួនឯង។

តាមរបាយការណ៍របស់អាជ្ញាធរស្រុកស្វាយលើ បានបង្ហាញថា រថយន្តមួយគ្រឿងម៉ាក TOYOTA TACOMA PICK UP ពណ៌ ស ផ្លាកលេខ សៀមរាប 2B-4740 បើកបរដោយឈ្មោះ ជាម ជុច ភេទប្រុស អាយុ ៥៥ឆ្នាំ  រស់នៅ ភូមិស្រណាល ឃុំស្រណាល ស្រុកក្រឡាញ់ ខេត្តសៀមរាប បើកបរមានទិសដៅពីលិចទៅកើត។ (អ្នកបើកបររត់គេចខ្លួនបាត់)។

មានអ្នករួមដំណើរចំនួន ២៤នាក់ ស្រី ១២នាក់ :
១. ឈ្មោះ ឡុច ខឿ ភេទប្រុស អាយុ ៦២ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២. ឈ្មោះ បេង សឿត ភេទប្រុស អាយុ ៤៥ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៣. ឈ្មោះ លម លឿយ ភេទប្រុស អាយុ ៤៣ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៤. ឈ្មោះ ឆយ ឆង ភេទប្រុស អាយុ ៥៧ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៥. ឈ្មោះ យន់ ឡន ភេទស្រី  អាយុ ៦៣ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៦. ឈ្មោះ ភិន សឿត ភេទស្រី អាយុ ៦៣ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៧. ឈ្មោះ ផាត កើត ភេទស្រី អាយុ ៤៣ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៨. ឈ្មោះ តាន់ ញ៉ាន ភេទស្រី អាយុ ៦០ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
៩. ឈ្មោះ ង៉ុក ប៉ាន ភេទស្រី អាយុ ៤៩ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១០. ឈ្មោះ ឡឹត ងុិក ភេទប្រុស អាយុ ៦០ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១១. ឈ្មោះ ហុង លីហ៊ាង ភេទស្រី អាយុ ០៧ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១២. ឈ្មោះ អាត ហ្វា ភេទស្រី អាយុ ១១ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៣. ឈ្មោះ ពេក រ៉ុក  ភេទប្រុស អាយុ ៤៩ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៤. ឈ្មោះ ឌឿន ភេទប្រុស អាយុ ៦២ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៥. ឈ្មោះ ញឹម សុឡុត ភេទស្រី  អាយុ ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៦. ឈ្មោះ មី វ៉ា ភេទប្រុស អាយុ  ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៧. ឈ្មោះ សាត សាន ភេទស្រី អាយុ ៦៩ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៨. ឈ្មោះ ថេង ប៊ុនថេន ភេទស្រី អាយុ ១០ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
១៩. ឈ្មោះ ឡាន់ ភេទស្រី អាយុ ៧១ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២០. ឈ្មោះ វិត គឿម ភេទស្រី អាយុ ៦២ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២១. ឈ្មោះ សយ សៀ ភេទប្រុស អាយុ ៦៤ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២២. ឈ្មោះ ស៊ា ហ៊ត ភេទប្រុស អាយុ ៣៧ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២៣. ឈ្មោះ ព្រឿន ព្រឿត ភេទប្រុស អាយុ ៦៥ឆ្នាំ រស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប
២៤. ឈ្មោះ នី ភេទប្រុស អាយុ  ឆ្នាំ រស់នៅភូមិស្រណាល ឃុំស្រណាល ស្រុកក្រឡាញ់ ខេត្តសៀមរាប។

របាយការណ៍បានបន្តថា ហេតុការណ៍នេះ
បណ្តាលអោយ
១. ស្លាប់នៅនឹងកន្លែងកើតហេតុចំនួន ០៦នាក់ ស្រី ០២នាក់ មានឈ្មោះ ឡុច ខឿ , ឈ្មោះ បេង សឿត , ឈ្មោះ លម សឿយ , ឈ្មោះ ឆយ ឆង , ឈ្មោះ យន់ ឡន និងឈ្មោះ ភិន សឿត។
២. រងរបួសធ្ងន់ចំនួន ១៣នាក់ ស្រី ០៧នាក់ មានឈ្មោះ ផាត់ កើត , ឈ្មោះ តាន់ ញ៉ាន , ឈ្មោះ ង៉ុក ប៉ាន់ , ឈ្មោះ ឡឹត ងុិក , ឈ្មោះ ពេក រ៉ុក , ឈ្មោះ នី , ឈ្មោះ ឌឿន , ឈ្មោះ ញឹម សុឡុត , ឈ្មោះ មី វ៉ា , ឈ្មោះ សាត សាន , ឈ្មោះ ថេង ប៊ុនថេន , ឈ្មោះ ឡាន់ , ឈ្មោះ ស៊ា ហ៊ត់ និងរងរបួសស្រាលចំនួន ០៥នាក់ ស្រី ០៣នាក់ មានឈ្មោះ ព្រឿន ព្រឿត , ឈ្មោះ សយ សៀ , ឈ្នោះ វិត គឿម , ឈ្មោះ អាត ហ្វា និងឈ្មោះ ហុង លីហ៊ាង។
៣. ខូចខាតរថយន្ត ០១គ្រឿងធ្ងន់។

ក្រោយពេលកើតហេតុរួចកម្លាំងជំនាញបានចុះទៅដល់ធ្វើការវ៉ាស់វែង សម្រួសចរាចរណ៍ នឹងធ្វើការប្រគល់សពជូនគ្រួសារសពដើម្បីយកទៅធ្វើបុណ្យតាមប្រពៃណី។ ចំណែកវត្ថុតាង បានរក្សាទុកនៅអធិការដ្ឋាននគរបាលស្រុកស្វាយលើ រងចាំស្រាវជ្រាវនឹងដោះស្រាយតាមនីតិវិធី។

របាយការណ៍របស់អាជ្ញាធរស្រុកស្វាយលើបានបញ្ជាក់ថា មូលហេតុនៃគ្រោះថ្នាក់ចរាចរណ៍បណ្តាលមកពី អ្នកបើកបររថយន្ត បើកបរក្នងល្បឿនលឿន និង ផ្លូវមានភាពចំណោតខ្លាំងហើយបត់កែង៕

ខេត្តសៀមរាប៖ព្រះសង្ឃមួយអង្គ បានសុគត ដោយសារខ្សែភ្លើងឆក់កំពុងភ្លៀង។

ហេតុការណ៍ នៅវេលាម៉ោង១៦និង៥០នាទី ថ្ងៃទី២៦ ខែវិច្ឆិកា ឆ្នាំ២០២៣ ចំណុចអណ្តូងបូមទឹក បរិវេណវត្តធម្មិស្សរារាម (ហៅវត្តថ្មី) មានចម្ងាយពីព្រះវិហារ១៥ម៉ែត្រ ស្ថិតក្នុងភូមិដូនទាវ ឃុំ រលួស ស្រុកប្រាសាទបាគង ខេត្តសៀមរាប។

សមត្ថកិច្ចបានប្រាប់ថា ជនរងគ្រោះ មានព្រះនាម ឈ្មោះ ណែម សំណាង ភេទប្រុសអាយុ១៧ឆ្នាំមុខរបរ ព្រះសង្ឃរស់ នៅភូមិ ស្វាយជយ័ ឃុំ ត្រពាំង ស្រុកប្រាសាទបាគង។

សមត្ថកិច្ចបន្តថា ករណីនេះ មូលហេតុ បណ្តាលមកពីព្រះអង្គ កាច់បេីកប៉ារ៉ែតភ្លេីងខណ:ពេលកំពុងភ្លៀងបណ្ដាលឲ្យឆក់សុគតតែម្ដង។

តាមការសន្និដ្ឋាន របស់សមត្ថកិច្ច ក្រោយពីពិត្យលើសាកសព របស់ក្រុមគ្រូពេទ្យនិងសមត្ថកិច្ចជំនាញ ករណីនេះ មិនមានពាក់ព័ន្ធនិងបទល្មេីសព្រហ្មទណ្ឌនោះទេ។ បច្ចុប្បន្នសពត្រូវបានសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណី៕

ខេត្តព្រះវិហារ៖បុរសម្នាក់ត្រូវបានខ្សែភ្លើងឆក់បណ្តាលឲ្យស្លាប់ភ្លាមៗ។

ហេតុការណ៍បានកើតឡើង នៅវេលាម៉ោង16និង30នាទី ថ្ងៃទី24 ខែវិច្ឆិកា ឆ្នាំ 2023 ស្ថិតនៅចំណុចភូមិស្លែង ឃុំខ្សង ស្រុកជ័យសែន ខេត្តព្រះវិហារ។

សមត្ថកិច្ចបានប្រាប់ថា ជនរងគ្រោះ ឈ្មោះ សើន ប៊ុន ភេទប្រុស អាយុ 25ឆ្នាំ។ ករណីនេះ មូលហេតុ៖ ជនរងគ្រោះ បានដោតឌុយភ្លើងបូមទឹក យកមកប្រើប្រាស់មាត់អូរ នៅក្រោយផ្ទះចំង្ងាយ150ម៉ែត្រ តែបូរទ័របូមទឹក មិនដំណើការ ជនរងគ្រោះក៏បានធ្វើការជួសផុល ពេលធ្វើការជួសផុល មិនបានដកឌុយខ្សែភ្លើងនោះទេ បណ្តាលឲ្យឆក់ស្លាប់នៅកន្លែងតែម្ដង។

សមត្ថកិច្ចបន្តថា កម្លាំងសមត្តកិច្ចបានធ្វើការត្រួតពិនិត្យសាកសព ឃើញថាពិតជាស្លាប់អោយសារខ្សែភ្លើងពិតប្រាកដមែន៕

ខេត្តឧត្តរមានជ័យ៖កសិករ​ម្នាក់នៅខេត្តឧត្តរមានជ័យបានរងរបួសដោយសារផ្ទុះមីន។

ហេតុការណ៍បានកើតឡើង នៅវេលាម៉ោង​៥ល្ងាច ថ្ងៃទី​២៤​ ខែ​វិច្ឆិកា​ ឆ្នាំ​២០២៣​ នៅចំណុចភូមិ​ត្រាំប៉ោ​ងត្បូង​ ឃុំ​ព្រះ​ប្រឡាយ​ ស្រុក​ត្រពាំង​ប្រាសាទ​ ខេត្ត​ឧត្ដរមានជ័យ​។

សមត្ថកិច្ចខេត្តឧត្តរមានជ័យបានប្រាប់ថាត្រាក់ទ័រ​មួយ​គ្រឿង​ ម៉ាក់បែឡារ៉ូស (សូវៀត​)​ ព្យួរ​ដីក្បែរផ្ទះ​​របស់ជនរងគ្រោះ បបានជាន់មីនផ្ទុះបណ្ដាល​អោយ​អ្នកបើកបរត្រាក់ទ័រ​ ឈ្មោះ​ ថ្លាង​ រត្ន័​ ភេទប្រុស​ អាយុ​២៧​ មុខរបរ​ កសិករ​ រស់នៅ​ភូមិ​ត្រាំប៉ោ​ងត្បូង​ ឃុំ​ព្រះ​ប្រឡាយ​ ស្រុក​ត្រពាំង​ប្រាសាទ​ ខេត្ត​ឧត្ដរមានជ័យ​ រងរបួស​ស្រាល​។

សមត្ថកិច្ចបន្តថាក្រោយកើតហេតុ ក្រុម​គ្រួសារ​ បានយកជនរងគ្រោះ ទៅ​ព្យាបាល​នៅ​ពេទ្យ​ឯកជន​ (ប៉ោ​ សិលា) ស្រុក​ត្រពាំង​ប្រាសាទ​។ ចំណែក​ត្រាក់ទ័រ​បានខូច​ខាត​ទាំងស្រុង៕

ភ្នំពេញ៖ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន បានបញ្ជាក់ថា ឯកឧត្តមនឹងដឹកនាំយុទ្ធនាការប្រយុទ្ធប្រឆាំងព័ត៌មានក្លែងក្លាយ “ Zero Fake news “ នៅក្នុងក្របខណ្ឌ សិទ្ធិទទួលបានព័ត៌មាន,គុណភាពព័ត៌មាន,និងសុវត្ថិភាពព័ត៌មាន,។

ក្នុងឱកាសដឹកនាំកិច្ចប្រជុំក្រុមការងារនីតិកម្មក្រសួងព័ត៌មាន នៅរសៀលថ្ងៃទី២៤ ខែវិច្ឆិកា ឆ្នាំ២០២៣ នេះ ឯកឧត្តមរដ្ឋមន្រ្តី នេត្រ ភក្ត្រា ក៏បានគួសបញ្ជាក់បន្ថែមថា យុទ្ធនាការប្រយុទ្ធប្រឆាំងព័ត៌មាន ក្លែងក្លាយ នេះ គឺជាការផ្លាស់ប្តូរឥរិយាបទ ប្រជាជនអោយយល់ដឹងអំពីព័ត៌មានក្លែងក្លាយ ដែលជាកិច្ចការងារដ៏សំខាន់ ។

ឯកឧត្តមរដ្ឋមន្រ្តី បានជម្រាបជូនដែរថា ប្រទេសកម្ពុជា បានត្រៀមធ្វើការចែករំលែកនូវបទពិសោធន៍ ទាក់ទងការប្រឆាំងព័ត៌មានក្លែងក្លាយ នៅក្នុងសិក្ខាសាលាមួយ ដែលរៀបចំឡើងដោយប្រទេសជប៉ុន តាមប្រពន្ធ័អនឡាញ នាពេលខាងមុខនេះ៕ដោយនាគខៀវ

បុរសជាម្ចាស់ត្រាក់ទ័របានស្លាប់ភ្លាមៗយ៉ាងអាណោចអាធម៌ ខណ:ត្រាក់ទ័រ របស់ខ្លួនបានកិនពីលើ។

ហេតុការណ៍បានកើតឡើង នៅថ្ងៃទី២៣ ខែវិច្ឆិកា ឆ្នាំ២០២៣ វេលាម៉ោង ៥ល្ងាច ស្ថិតនៅភូមិក្រមុំបូល ឃុំកន្ទួត ស្រុកស្វាយលើ ខេត្តសៀមរាប។

សមត្ថកិច្ចមូលដ្ឋានបានប្រាប់ថាករណី (ត្រាក់ទ័រជាប់លេខ កិនលើម្ចាស់ស្លាប់)នេះ ជនរងគ្រោះមានឈ្មោះ ហុិន ម៉ៅ ភេទប្រុស អាយុ ៤៣ ឆ្នាំ រស់នៅ ភូមិក្រមុំបូល ឃុំកន្ទួត ស្រុកស្វាយលើ ខេត្តសៀមរាប។

សមត្ថកិច្ចបន្តថា ជនរងគ្រោះ ជាអ្នកបើកបរត្រាកទ័រម៉ាក KUBOTA ពណ៌ ក្រហម ផ្លាកលេខគ្មាន បានឈរជុសជុល ធ្វើត្រាក់ទ័រនៅចំចន្លោះកណ្តាល រវាងកង់មុខនឹងកង់ក្រោយ ផ្នែកខាងស្តាំ នៃត្រាក់ទ័រ ហើយបានឈរបញ្ឆោះត្រាក់ទ័រ ដោយមិនបានឡើងលើត្រាក់ទ័រនោះទេ ដោយមិនដឹងថាត្រាក់ទ័ររបស់គាត់ជាប់លេខ។

សមត្ថកិច្ចបញ្ជាក់ថា បន្ទាប់ពីជនរងគ្រោះបានបញ្ឆោះហើយ ស្រាប់តែត្រាក់ទ័រ បានថយក្រោយ បណ្តាលអោយកង់មុខត្រាក់ទ័រផ្នែងខាងស្តាំ បុកគាត់អោយដួលនឹងឡើងជាន់គាត់ពីលើ ជាហេតុនាំអោយគាត់ស្លាប់ភ្លាមៗនៅនឹងកន្លែងកើតហេតុតែម្ដង។

បើតាមសមត្ថកិច្ច ករណីនេះ មូលហេតុ ជនរងគ្រោះ
ធ្វើការជួសជុលត្រាក់ទ័រដោយខ្លួនឯង។ សាកសពត្រូវបានសមត្ថកិច្ច ប្រគល់ជូនគ្រួសារដើម្បីយកទៅធ្វើបុណ្យតាមប្រពៃណី៕ដោយនាគខៀវ

ភ្នំពេញ៖រដ្ឋមន្ត្រីក្រសួងព័ត៌មាន ឯកឧត្តម នេត្រ ភក្រ្តា បានលើកឡើងថា៖ បច្ចុប្បន្ននេះ សារព័ត៌មានអនឡាញដែឡបានចុះបញ្ជីនៅក្រសួងព័ត៌មានបានកើនឡើងដល់ចំនួន ៩១៧ អង្គភាព។

នេះបើតាមការជូនដំណឹងល្អសម្រាប់បងបងប្អូនសារព័ត៌មាន អនឡាញទាំងអស់ ដែល ឯកឧត្តម នេត្រភក្រ្តា រដ្ឋមន្ត្រីក្រសួងព័ត៌មាន បានបង្ហោះនៅតាមប្រព័ន្ធតេឡេក្រាម នៅសុក្រនេះ។

រដ្ឋមន្ត្រីក្រសួងព័ត៌មាន បានបង្ហាញថា៖ យោងតាមលិខិតរបស់ក្រសួងព័ត៌មាន នៅថ្ងៃទី១ ខែវិច្ឆិកា ឆ្នាំ២០២៣ និងចំណារដ៏ខ្ពង់ខ្ពស់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចុះថ្ងៃទី១៦ ខែវិច្ឆិកា ឆ្នាំ២០២៣, រាជរដ្ឋាភិបាលយល់ព្រមលើកលែងពន្ធប៉ាតង់ សារព័ត៌មាន តាមប្រព័ន្ធអនឡាញប្រភេទធុនតូចទាំងអស់ ជាបន្ទុករបស់រដ្ឋរយៈពេល ៥ ឆ្នាំ (២០២៣-២០២៨) និងកាត់បន្ថយកម្រៃស្នើសុំអាជ្ញាបណ្ណបង្កើតអង្គភាពសារព័ត៌មានថ្មី នៅក្រសួងព័ត៌មានចំនួន ៥០%។ «បច្ចុប្បន្ននេះ សារព័ត៌មានអនឡាញដែលបានចុះបញ្ជីនៅក្រសួងព័ត៌មានបានកើនឡើងដល់ចំនួន ៩១៧ អង្គភាព»។

ឯកឧត្តម នេត្រភក្រ្តា រដ្ឋមន្ត្រីក្រសួងព័ត៌មាន បានបន្តថា ឆ្លៀតក្នុងឱកាសនេះ ខ្ញុំសូមអំពាវនាវដល់បងប្អូនដែលកំពុងប្រកបអាជីវកម្ម ក្នុងវិស័យព័ត៌មាន និងសោតទស្សន៍ ដែលមិនទាន់បានចុះបញ្ជីត្រឹមត្រូវ សូមបំពេញបែបបទ និងចុះបញ្ជីឱ្យបានត្រឹមត្រូវ ដើម្បីទទួលបាននូវអត្ថប្រយោជន៍ទាំងឡាយដែលមាន។

នេះជាសេចក្តីជូនដំណឹង របស់ ទីស្តីការគណៈរដ្ឋមន្ត្រីស្តីពីការលើកលែងពន្ធប៉ាតង់ សារព័ត៌មានអនឡាញ ប្រភេទធុនតូច ជាបន្ទុករបស់រដ្ឋរយៈពេល ៥ ឆ្នាំ (២០២៣-២០២៨) និងកាត់បន្ថយកម្រៃស្នើសុំអាជ្ញាបណ្ណបង្កើត អង្គភាពសារព័ត៌មានថ្មី នៅក្រសួងព័ត៌មានចំនួន ៥០%»៕ដោយនាគខៀវ

សម្តេចហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា​​​ នៅថ្ងៃពុធនេះបានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ​កំណាត់ផ្លូវជាតិ​លេខ ៥ (ព្រែកក្ដាម-បាត់ដំបង) ប្រវែងសរុប ២៤៦,១៥ គីឡូម៉ែត្រ និង​ពិធីបើកការដ្ឋាន​សាងសង់​កំណាត់ផ្លូវជាតិលេខ៥ (សិរីសោភ័ណ-ប៉ោយប៉ែត) ប្រវែង៣៥,១៤ គីឡូម៉ែត្រ ក្រោមឥណទានសម្បទានពីរដ្ឋាភិបាលជប៉ុន។

នៅក្នុងពិធីដ៏មហោទ្បារិកនោះ សម្តេចនាយករដ្ឋមន្ត្រី បានចូលរួមត្រេកអរជាមួយប្រជាពលរដ្ឋរស់នៅក្នុងខេត្តកណ្ដាល, កំពង់ឆ្នាំង, ពោធិ៍សាត់, បាត់ដំបង, និងបន្ទាយមានជ័យ ក៏ដូចជាប្រជាពលរដ្ឋនៅទូទាំងប្រទេស ដែលត្រូវធ្វើដំណើរឆ្លងកាត់ផ្លូវជាតិលេខ ៥ ដោយមានប្រសាសន៍ថា «មានផ្លូវ មានក្តីសង្ឃឹម» ព្រោះតែអត្ថប្រយោជន៍មហាសាលជាច្រើន ដូចជា ការសម្រួលដល់ការធ្វើដំណើរប្រចាំថ្ងៃ និងការដឹកជញ្ជូនរបស់ប្រជាពលរដ្ឋ ហើយថែមទាំងនឹងដើរតួជាកាតាលីករជំរុញសកម្មភាពសង្គម-សេដ្ឋកិច្ច ទាំងនៅតាមតំបន់ជុំវិញ និងនៅទូទាំងប្រទេស ផងដែរ។

សម្តេចធិបតី បានបន្តមានប្រសាសន៍ទៀតថា ផ្លូវជាតិលេខ៥ នេះ មិនត្រឹមតែជាខ្សែផ្លូវជាតិដែលវែងជាងគេនោះទេ, ផ្លូវនេះក៏ជាផ្លូវយុទ្ធសាស្ត្រដ៏សំខាន់ សម្រាប់ការតភ្ជាប់សេដ្ឋកិច្ចនៅតាមតំបន់ជុំវិញ ក៏ដូចជាការតភ្ជាប់រចនាសម្ព័ន្ធដឹកជញ្ជូននៅទូទាំងប្រទេស។ ជាមួយគ្នានេះ, ផ្លូវជាតិលេខ៥ ក៏តភ្ជាប់យ៉ាងប្រទាក់ក្រឡាជាមួយបណ្ដាញខ្សែផ្លូវជាតិ, ផ្លូវខេត្ត និងតំបន់ទីប្រជុំជនសំខាន់ៗជាច្រើន ហើយថែមទាំងតភ្ជាប់ទៅកាន់ច្រកទ្វារអន្តរជាតិកម្ពុជា-ថៃ ក្រុងប៉ោយប៉ែត, ខេត្តបន្ទាយមានជ័យ ផងដែរ។ នៅក្នុងក្របខណ្ឌតំបន់, ផ្លូវជាតិលេខ ៥ ជាផ្នែកដ៏សំខាន់មួយនៃការតភ្ជាប់ពីប្រទេសចិន, ឆ្លងកាត់ប្រទេសមីយ៉ាន់ម៉ា, ឆ្លងកាត់ប្រទេសថៃ មកដល់កម្ពុជា និងបន្តទៅប្រទេសវៀតណាម ដែលផ្លូវនេះត្រូវបានគេហៅថា ផ្លូវអាស៊ានហាយវេ លេខ ១ (AH1)។

សម្តេចធិបតី ក៏បានធ្វើការរម្លឹកផងដែរថា គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ ៥ គឺចាប់ផ្ដើមពីព្រែកក្ដាម រហូតដល់សិរីសោភ័ណ មានប្រវែងសរុប ៣៣០,៨៩ គីឡូម៉ែត្រ ហើយក្នុងនោះ បានបែងចែកជា ៣ កំណាត់ រួមមាន៖ (១.) កំណាត់ភាគខាងជើង «បាត់ដំបង-សិរីសោភ័ណ», (២.) កំណាត់ភាគខាងត្បូង «ព្រែកក្ដាម-ធ្លាម្អម» និង (៣.) កំណាត់ភាគកណ្ដាល «ធ្លាម្អម-បាត់ដំបង» ដែលប្រើប្រាស់រយៈពេលសាងសង់​សរុបប្រមាណ ៧ ឆ្នាំ និង ប្រើថវិកាសរុបប្រមាណ ៦៩១ លានដុល្លារអាមេរិក, ក្រោមឥណទានសម្បទានពីរដ្ឋាភិបាលនៃប្រទេសជប៉ុន។ កំណាត់ផ្លូវជាតិលេខ ៥ ភាគខាងជើង «បាត់ដំបង-សិរីសោភ័ណ» ត្រូវបានសម្ពោធបើកឱ្យប្រើប្រាស់ជាផ្លូវការរួច ក្រោមអធិបតីភាព​ដ៏ខ្ពង់ខ្ពស់ សម្ដេចតេជោ កាលពីថ្ងៃទី ១០ ខែ មករា ឆ្នាំ ២០២២។ ដោយឡែក, កំណាត់ផ្លូវជាតិលេខ ៥ «ព្រែកក្ដាម-បាត់ដំបង» ដែលប្រកាសសម្ពោធដាក់ឱ្យប្រើប្រាស់ជាផ្លូវការ​នេះ ជាកំណាត់ចុងក្រោយនៃគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ ៥ ដែលបានចាប់ផ្ដើមសាងសង់កាលពីអំឡុងខែឧសភា ឆ្នាំ២០១៨ មានប្រវែងសរុប ២៤៦,១៥ គីឡូម៉ែត្រ ដោយបានប្រើថវិកាសរុបប្រមាណ ៤០៨,៤៣ លានដុល្លារអាមេរិក ជាឥណទានសម្បទានពីរាជរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) រួមជាមួយថវិកាបដិភាគមួយចំនួនរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់, ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ ហើយបានបញ្ចប់ការសាងសង់ក្នុងអំឡុងខែឧសភា ឆ្នាំ២០២៣ កន្លងទៅ។

សម្តេចធិបតី ហ៊ុន ម៉ាណែត បានអរគុណដល់រាជរដ្ឋាភិបាល និងប្រជាជនជប៉ុន ដែលតែងផ្តល់ការគាំទ្រគ្រប់បែបយ៉ាង ទាំងជាធនធានមនុស្ស, ចំណេះដឹងបច្ចេកទេស, និងធនធានហិរញ្ញវត្ថុ ដើម្បីឱ្យសម្រេចបាននូវគម្រោងខ្នាតធំបែបនេះ។​ ការគាំទ្រទាំងនេះ សបញ្ជាក់ថា ជប៉ុន គឺពិតជាមិត្តដ៏ល្អមួយរបស់កម្ពុជា ហើយការជួយគាំទ្រពីមិត្តជប៉ុននៅក្នុងវិស័យហេដ្ឋារចនាសម្ព័ន្ធ ជាពិសេសផ្លូវ និងស្ពាន គឺពិតជាបាន និងកំពុងរួមចំណែកដល់ការអភិវឌ្ឍនៅកម្ពុជា ព្រោះរាជរដ្ឋាភិបាលមានជំនឿយ៉ាងមុតមាំថា ការកសាងហេដ្ឋារចនាសម្ព័ន្ធជាមូលដ្ឋានគ្រឹះនៃកំណើនសេដ្ឋកិច្ច និងក៏ជាយុទ្ធសាស្រ្តនៃការបែងចែក ផលលាភនៃកំណើនសេដ្ឋកិច្ច ឱ្យមានសមធម៌ និងបរិយាប័ន្ន ផងដែរ៕

ខេត្តសៀមរាប៖គ្រោះថ្នាក់ចរាចរណ៍ ចំនួនពីរករណី នៅស្រុកអង្គរជុំ និងស្រុកក្រឡាញ់ បណ្ដាលឲ្យមនុស្សស្លាប់ម្នាក់ និងរបួសធ្ងន់ស្រាលចំនួន៤នាក់។

ករណីទី១ នៅថ្ងៃទី ២១ ខែវិច្ឆិកា  ឆ្នាំ២០២៣ វេលាម៉ោង ១២ និង ២០នាទី រវាងម៉ូតូនិងម៉ូតូ នៅលើផ្លូវជាតិលេខ៦ ត្រង់ចំណុចចន្លោះបង្គោលគីឡូម៉ែត្រ​លេខ ៣៥៦ និង ៣៥៧ ខាងកើតសាឃុំស្រណាល ស្ថិតនៅភូមិគំរូ ឃុំស្រណាល ស្រុកក្រឡាញ់ ខេត្តសៀមរាប​។

ម៉ូតូម៉ាក HONDA DREAM ពណ៌ខ្មៅ ពាក់ផ្លាកលេខ សៀមរាប​ 1Y- 0373  បើកបរដោយឈ្មោះ ដា វីត ភេទប្រុស អាយុ២២ឆ្នាំ រស់​នៅភូមិចំបក់ហែរ ឃុំកំពង់ថ្កូវ ស្រុកក្រឡាញ់​ ខេត្តសៀមរាប (របួសធ្ងន់) ក្នុងទិសដៅពីលិចទៅកើត (អត់ពាក់មួកសុវត្ថិភាព) បានបុកម៉ូតូមួយគ្រឿង HONDA DREAM ពណ៌ខ្មៅ​ ពាក់ផ្លាកលេខ សៀមរាប​ 1AP- 4267 បើកបរ​ដោយឈ្មោះ ភក់ ផែវ ភេទប្រុសអាយុ៧៧ឆ្នាំ រស់នៅភូមិគំរូ ឃុំស្រណាល  ស្រុកក្រឡាញ់ ខេត្តសៀមរាប (របួសធ្ងន់) ដឹកអ្នករួមដំណើរពីក្រោយមួយនាក់ឈ្មោះ​រ៉ន រ៉ប ភេទ​ប្រុស​ អាយុ​៦៨ រស់នៅភូមិជាមួយគ្នា (របួសស្រាល) (អត់ពាក់មួកសុវត្ថិភាពទាំងពីរនាក់) ក្នុងទិសដៅពីកើតទៅលិច រួចបត់ឆ្វេង។

ករណីនេះបណ្តាល​អោយ មនុស្សចំនួន២នាក់របួសធ្ងន់ និងម្នាក់របួសស្រាល ខួចខាតម៉ូតូធ្ងន់ ០១គ្រឿង និង ស្រាល១គ្រឿង។ មូលហេតុ គ្រោះ​ថថ្នាក់ បណ្តាល​មក​ពី​អ្នក​បើកបរម៉ូតូម៉ាកHONDA DREAM ពាក់ផ្លាកលេខ សៀមរាប​ 1Y – 0373 បើកបរពីទិសខាងលិច​ ទៅទិសខាងកើត មានល្បឿនលឿន និងអ្នកបើកបរម៉ូតូម៉ាក HONDA DREAM​ពណ៌ខ្មៅ​ ពាក់ផ្លាកលេខ សៀមរាប 1AP-4267  បើកបរប្តូរទិសដៅខ្វះការប្រុងប្រយ័ត្ន។

កម្លាំងជំនាញបានចុះដល់កន្លែងកើតហេតុ និងបានបញ្ជូនជនរងគ្រោះ ទៅព្យាបាលនៅមណ្ឌលសុខភាពគំរូ និងពិនិត្យវាស់វែងនិងចាប់យកវត្ថុតាងយកទៅរក្សាទុកនៅប៉ុស្តិ៍នគរបាលរដ្ឋបាលស្រណាលដើម្បីចាត់ការតាមនិតិវិធីច្បាប់។

ករណី នៅវេលាម៉ោង១៧និង៥០នាទី ថ្ងៃទី២១ ខែវិច្ឆិកា ឆ្នាំ​២០២៣ នៅចំណុចផ្លូវបំបែកភូមិកុក ឃុំ​នគរភាស ស្រុក​អង្គរជុំ រវាងរថយន្ត និងអ្នកថ្មើរជើង (ក្មេងរត់ឆ្លងផ្លូវ)។

រថយន្តម៉ាកToyota Hilux Rivo ពណ៌​ស ពាក់ស្លាកលេខសៀមរាប 2C-5757 អ្នកបើកបរ​មិនស្គាល់អត្តសញ្ញាណ (​រត់គេចខ្លួនបាត់) បើកបរ​​ទិសដៅ​ពីជើងទៅត្បូង បានបុកជាមួយ​ក្មេងរត់ឆ្លងថ្នល់០២នាក់៖

១/ ឈ្មោះ កុសល់ បុរី ភេទប្រុស អាយុ០៣ឆ្នាំ រស់នៅ​ភូមិកុក ឃុំ​នគរភាស ស្រុក​អង្គរជុំ(ស្លាប់)

២/ ឈ្មោះ សាត់ មាន់ ភេទប្រុស អាយុ១៤ឆ្នាំ រស់នៅភូមិឃុំ​ជាមួយគ្នា(របួសធ្ងន់ បាក់ភ្លៅខាងឆ្វេង) ។វត្ថុតាងយកមករក្សាទុកនៅ​អធិការដ្ឋាន​នគរបាល​ស្រុកអង្គរជុំ៕

ក្នុងកិច្ចប្រជុំគណៈបញ្ជាការឯកភាពរបស់រដ្ឋបាលខេត្តបាត់ដំបង ប្រចាំខែវិច្ឆិកា ឆ្នាំ២០២៣ នៅថ្ងៃអង្គារ បានថ្លែងថារដ្ឋបាលបាត់ដំបង នឹងធ្វើការរៀបចំការដាក់តាំងបង្ហាញម្ហូបអាហារអ្នកបាត់ដំបង រយៈពេល៣ថ្ងៃ គឺនៅថ្ងៃទី២៩-៣០-៣១ ខែធ្នូ ឆ្នាំ២០២៣ ដើម្បីអបអរសាទរ ខេត្តបាត់ដំបង បានជាប់ជាខេត្តមានការច្នៃប្រតិដ្ឋលើផ្នែកម្ហូបអាហាររបស់អង្គការUNESCO នាពេលកន្លងទៅថ្មីៗ និងដើម្បីអបអរសាទរពិធីបុណ្យឆ្លងឆ្នាំសកលឆ្នាំ២០២៤នាពេលខាងមុខដ៏ខ្លីនេះ ផងដែរ។

ឯកឧត្តមក៏បានអំពាវនាវ ដល់ប្រជាពលរដ្ឋ នាំយកផលិលតផលម្ហូបអាហាររបស់ខ្លួន ចូលរួមក្នុងការដាក់តាំងពិព័រណនេះ ឱ្យបានច្រើនកុះករ និងកាន់តែផុសផុលថែមទៀត ដើម្បីលើកកម្ពស់ ម្ហូបអាហារអ្នកបាត់ដំបង ឱ្យកាន់តែមានភាពល្បីល្បាញ សាកសមជាមួយនឹងខេត្ត ដែលទើបតែជាប់ក្នុងបញ្ជី ការច្នៃប្រតិដ្ឋលើផ្នែកម្ហូបអាហាររបស់អង្គការUNESCO។

ឯកឧត្តម បានមានប្រសាសន៍បន្តទៀតថា រដ្ឋបាលខេត្តបាត់ដំបង នឹងរៀបចំធ្វើពិធីដាល់អំបុក និងអកអំបុក នៅឯបរិវេណសួនសម្ដេចក្រឡាហោម វិមានឯករាជ្យ ដើម្បីអបអរសាទរក្នុងឱកាសពិធីព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ ដោយរដ្ឋបាលខេត្ត នឹងជ្រើសរើសថ្ងៃទី២៧ ខែវិច្ឆិកា ឆ្នាំ២០២៣នេះ ដូចនេះសូមមន្រ្ដីរាជការ ប្រជាពលរដ្ឋ ចូលរួមឱ្យបានច្រើនកុះករ ដើម្បីចូលរួមរក្សាអត្តសញ្ញាណ ពិធីដាល់អំបុក និងអកអំបុកនេះ ដល់កូនចៅជំនាន់ក្រោយបានស្គាល់អំពីទំនៀមទម្លាប់ដ៏ល្អផូរផង់របស់យើង។

នៅសាលប្រជុំអគារE សាលាខេត្តបាត់ដំបង ឯកឧត្តម សុខ លូ អភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្ត បានមានប្រសាសន៍ថ្លែងដល់រដ្ឋបាលក្រុងស្រុក អាជ្ញាធរ មន្ទីរអង្គភាព កងកម្លាំងប្រដាប់អាវុធទាំងអស់ ត្រូវខិតខំបន្តនិរន្ដរភាពការងារនេះឱ្យកាន់តែល្អប្រសើរបន្ថែមទៀត ដោយមិនត្រូវដកដៃថយក្រោយឡើយ ពោលគឺត្រូវខិតខំយ៉ាងណា ឱ្យបាននូវលទ្ធផលការងារកាន់តែមានការរីកចម្រើនជាលំដាប់។

ឯកឧត្តមបានបន្តទៀតថា បញ្ហាគ្រឿងញៀននូវតែបញ្ហាចម្បងដែលយើងត្រូវបន្តយកចិត្តទុកដាក់ ដូចនេះត្រូវខិតខំស្រាវជ្រាវបង្រ្កាបឱ្យកាន់តែមានប្រសិទ្ធភាពខ្ពស់ជាងមុននូវអ្នកប្រើប្រាស់ និងជួញដូរគ្រឿងញៀនដែលមាននៅក្នុងមូលដ្ឋានរបស់ខ្លួន ហើយជាពិសេសត្រូវពិនិត្យមើលកងកម្លាំងរបស់ខ្លួន ព្រោះកងកម្លាំងគឺជាគំរូមុនគេ ប្រសិនបើរកឃើញថាមានពាក់ព័ន្ធនឹងគ្រឿងញៀន ត្រូវចាត់វិធានការទៅតាមច្បាប់វិន័យរបស់កងកម្លាំង៕SRP