ខេត្តសៀមរាប៖ផ្ទះមួយខ្នងបានរងការឆាប់ឆេះបំផ្លាញទាំងស្រុងរួមទាំងទ្រព្យសម្បត្តិផងដែរ។
ហេតុការណ៍បានកើតឡើងនៅម៉ោង១៩ នាថ្ងៃទី០៥ ខែធ្នូ ឆ្នាំ២០២១ នៅចំណុចភូមិស្វាយ ឃុំត្រីញ័រ ស្រុកពួក ខេត្តសៀមរាប។
សមត្ថកិច្ចស្រុកពួកបានដឹងថា ម្ចាស់ផ្ទះឈ្មោះ ជឿត ប៉ុន ភេទប្រុស អាយុ ៤២ឆ្នាំ។ អគ្គីភ័យនេះ បណ្ដាលអោយខូចខាត ផ្ទះ១ខ្នង ទំហំ ៦ម៉ែត្រ x ៨ម៉ែត្រ សង់ពីឈើលើ ថ្មក្រោម ជញ្ជាំងក្តារ ប្រក់ក្បឿងថៃ (ខូចខាត អស់ទាំងស្រុង) ក្នុងនោះឆេះស្រូវ អស់៤ការ៉ុង ម៉ាស៊ីនកិនដំឡូងមី ១គ្រឿង (ខ្នាតតូច) ជញ្ជីងថ្លឹងស្រូវ១ និងសម្ភារប្រើប្រាស់ផ្សេងៗមួយចំនួនទៀត។
បើតាមសមត្ថកិច្ចបញ្ជាក់ថា មូលហេតុ៖ ម្ចាស់ផ្ទះអុជធូបនៅកន្លែងអាសនៈ ហើយម្ចាស់ចេញទៅមើលទ្រូ ទើបបណ្តាលអោយឆាបឆេះតែម្តង។ ករណីនេះ មិនបណ្តាលអោយប៉ះពាល់ដល់អាយជីវិតមនុស្ស និងសត្វនោះទេ៕SRP
ខេត្តសៀមរាប៖លោកទៀ សីហា អភិបាលខេត្តសៀមរាប បានថ្លែងថាអង្គភាពប្រឆាំងអំពើពុករលួយ បានមកដល់ខេត្តសៀមរាបហើយ។ លោកថារហូតមកដល់ពេលនេះក្នុងខេត្តសៀមរាប ទើបតែមានមនុស្សម្នាក់ទេ ដែលបានសារភាពពាក់ព័ន្ធការ ករណីទន្ទ្រាន យកដីព្រៃលិចទឹក ក្រោយពីសម្ដេចនាយករដ្ឋមន្ត្រី បានប្រកាសចាត់វិធានការម៉ឺងម៉ាត់ ចំពោះជនពាក់ព័ន្ធ ការកាប់ទន្ទ្រានព្រៃលិចទឹក យកធ្វើជាកម្មសិទ្ធិ។