ខេត្តសៀមរាប៖មន្ត្រីរដ្ឋបាលព្រៃឈើបានអះអាងថាចំការពូជឈើធ្នង់ នៅស្រុកស្វាយលើ រងការឆេះ ខូចខាត អស់ប្រមាណ២០ហិកតា។

មន្ត្រីរដ្ឋបាលព្រៃឈើបានបន្តថាហេតុការណ៍នេះបានកើតឡើង នៅវេលាម៉ោង១៤និង៤៥នាទី ឆ្នាំ២០២១ ម្សិលមិញ ស្ថិតនៅភូមិអង្កាញ់ ឃុំស្វាយលើ ស្រុកស្វាយលើ។

មន្ត្រីរដ្ឋបាលព្រៃឈើបានបញ្ជាក់ថា ប្រតិបត្តិការពន្លត់នៃការឆេះ ចំការពូជឈើធ្នង់នេះ ដោយកំលាំងសង្កាត់រដ្ឋបាលព្រៃឈើស្វាយលើ សហការ ជាមួយ ផ្នែករដ្ឋបាលព្រៃឈើជីក្រែង ខណ្ឌរដ្ឋបាលព្រៃឈើសៀមរាប កំលាំង នគរបាលស្រុកស្វាយលើ នឹងប្រជាការ ពារភូមិ ដោយប្រើប្រាស់ រថយន្តពន្លត់អគ្គីភ័យ១គ្រឿង ក្នុងការបាញ់ពន្លត់ អស់ចំនួន៣រថយន្តទើបគ្រប់គ្រងបាន។

បើតាមការសន្និដ្ឋានរបស់សមត្ថកិច្ចជំនាញថា មូលហេតុនៃការឆេះចំការពូជឈើធ្នង់នេះ មានការសង្ស័យ មានឈ្មួញឈើអ្នកលួចដុត ដោយហេតុថាចំការពូជនេះ មានការកាយផ្លូវជុំវិញ មិនមានការរាលដាលពីក្រៅមកទេនោះទេ៕SRP

ខេត្តសៀមរាប៖ផ្ទះមួយខ្នងនិងសម្ភារប្រើប្រាស់ ជាច្រើន ត្រូវបានអគ្គីភ័យ ឆាបឆេះ ទាំងស្រុង។

ហេតុការណ៍បានកើតឡើង នៅរសៀល
ម៉ោង០២ ថ្ងៃ ពុធ ថ្ងៃទី ០៣ ខែមករា ឆ្នាំ២០២១ ស្ថិតនៅភូមិសែនជ័យ ឃុំកន្ទួត ស្រុកស្វាយលើ។

សមត្ថកិច្ចខេត្តសៀមរាបបានឲ្យដឹងថា ម្ចាស់ផ្ទះ ឈ្មោះគុល ទឹត្យ ភេទប្រុសអាយុ៦១ ឆ្នាំ មានសមាជិក៥នាក់ រស់នៅភូមិឃុំខាងលើ។ ករណីនេះ ផ្ទះមានទំហំ៥ម៉ែx៦ម៉ែត្រ ដំបូលប្រក់ស្បូវ មួយកំណាត់ខាងមុខ ជញ្ជាំងក្តារនិងស្បូវ ឆេះទាំងស្រុង។

សមត្ថកិច្ចបានបន្តថាអគ្គិភ័យនេះ បណ្ដាលឱ្យបាត់បង់នូវទ្រព្យសម្បត្តិ រួមមាន៖ ស្រូវ៤០ការ៉ុង
គោយន្តកន្ត្រៃ១គ្រឿង

ម៉ាស៊ីនចិញ្ច្រាំដំឡូង១គ្រឿង

ម៉ាស៊ីនបូមទឹក១គ្រឿង

ម៉ាស៊ីនកាត់ស្មៅ ២គ្រឿង

ម៉ាស៊ីនបាញ់ថ្នាំ ២គ្រឿង នឹងឈើមួយចំនួនសម្រាប់សាងសង់លំនៅដ្ឋាន។

បើតាមសមត្ថកិច្ចបញ្ជក់ថា មូលហេតុ ភ្លើងឆេះព្រៃស្មៅគុម្ពត្រែង ម្ចាស់ផ្ទះ បានទៅពន្លត់ ហើយកម្ទេចភ្លើងក៏ហោះ ធ្លាក់មកចំលើដំបូលផ្ទះ បណ្ដាលឲ្យឆេះតែម្ដង៕SRP

ខេត្តកំពង់ឆ្នាំង៖សេចក្ដីរាយការណ៍បានឲ្យដឹងថា បទល្មើសនេសាទ រាប់រយ «សម្រាស់» ព័ទ្ធចាប់ត្រី កំពុងកើតមាន យ៉ាងពេញបន្ទុក នៅស្រុកកំពង់លែង ដោយមិនមានការទប់ស្កាត់ ពីមន្ត្រីជំនាញពាក់ព័ន្ធនោះទេ។

យោងតាមប្រភពបានឲ្យដឹងថា បទល្មើសនេសាទ សម្រាស់ រាប់រយ ចាប់យកត្រីនៅស្រុកកំពង់លែង ភូមិប្រទ្បាយមាស បានកើតមានយ៉ាងអនាធិបតេយ្យ។ ការដែរឈ្មួញនេសាទ ព័ទ្ធចាប់យកត្រីបាន ដោយសេរីបែបនេះ ត្រូវបានគេសង្ស័យថាមានការឃុបឃិតគ្នារវាងជំនាញពាក់ព័ន្ធជាមួយឈ្មួញ។

ពាក់ព័ន្ធករណីនេះ បណ្ដាញសារព័ត៌មានសៀមរាបប៉ុស្តិ៍ នៅពុំទាន់ ទទួលបាន ការបំភ្លឺពីជំនាញពាក់ព័ន្ធនៅឡើយ៕SRP

ខេត្តព្រះវិហារ៖ប្រធានស្នាក់ការត្រួតពិនត្យ ច្រកទ្វាព្រំដែនអន្តរជាតិអានសេះ ត្រូវបានធ្វើការផ្លាស់ប្ដូរ នៅរសៀលថ្ងៃទី ០៣ ខែកុម្ភ: ឆ្នាំ ២០២១ ម្សិលមិញ។

យោងប្រកាសលេខ៤៩១៦ប្រក ចុះថ្ងៃទី៣១ ខែធ្នូ   ឆ្នាំ២០២០ របស់ក្រសួងមហាផ្ទៃ ស្តីពីការផ្លាស់ប្តូរ និងប្រគល់ភារកិច្ច  ជូនលោក ចិន  ខន្តី  ប្រធានផ្នែកច្បាប់ និងស៊ើបអង្កេតនៃការិយាល័យ ប្រជាពលរដ្ឋ សាលាខេត្តព្រះវិហារ ឲ្យទៅកាន់តំណែង ជាប្រធានស្នាក់ការត្រួតពិនិត្យច្រកទ្វាព្រំដែនអន្តរជាតិ អានសេះ ខេត្តព្រះវិហារ ជំនួស លោក វុធ ដារ៉ា ទៅកាន់មុខតំណែង អភិបាលរង ស្រុកជាំក្សាន្ត។

សូមបញ្ជាក់ថាពិធីនេះក្រោមវត្តមាន លោកអ៊ុង វុទ្ធី អភិបាលរងខេត្តព្រះវិហារ ដោយមានការចូលរួម ពីមន្ត្រីជាច្រើនរូបផងដែរ៕SRP

ខេត្តព្រះវិហារ៖លោកគោ ស៊ុំ ប៊ុនសឿត អភិបាលរងខេត្តព្រះវិហារ នៅថ្ងៃពុធ ទី០៣ ខែកុម្ភៈ ឆ្នាំ២០២១ នេះ របានអញ្ជើញជួបពិភាក្សា​ការងារ​ ជាមួយអង្គការ លំនៅឋានមនុស្សជាតិកម្ពុជា ដែលដឹកនាំដោយលោក អឹម អ៊ាន់ ប្រធានប្រតិបត្តិកម្មវិធី ក្នុងគោលបំណងសុំការហការគាំទ្រ ក្នុងគម្រោងពង្រីក ការងារមកកាន់ ខេត្តព្រះវិហារ។

សូមជម្រាបថាការជួបពិភាក្សាការងារនេះនៅសាល​ប្រជុំ​សាលាខេត្ត​ព្រះវិហារ ដោយមានការចូលរួមពី នាយក​រដ្ឋបាលខេត្ត មន្ទីរកសិកម្ម ​មន្ទីររៀបចំ​ដែនដី​ មនមន្ទីរអភិវឌ្ឍន៍ជនបទ និងមន្ទីរ​ធនធានទឹក​៕SRP

ខេត្តសៀមរាប៖លោក សឹង្ហ សំរឹទ្ធិ និង លោក ញ៉ែម សំណាង អនុប្រធាន សមាគមចលនាយុវជនកម្ពុជា «ក្រុម១៥៧» តំណាង លោក ហ៊ុន ប៉ូគា ប្រធានសមាគមចលនាយុវជនកម្ពុជាសាខាខេត្តសៀមរាប នៅរសៀលថ្ងៃពុធ ថ្ងៃទី០៣ ខែកុម្ភ: ឆ្នាំ ២០២១ នេះ បានដឹកនាំសមាជិក សមាជិកា​ ចុះទៅសួរសុខទុក្ខប្អូនស្រី យឹម គន្ធា ភរិយា លោក មាស ផានិត ដែលជាសមាជិកចលនាយុវជនកម្ពុជា «ក្រុម១៥៧» សាខាខេត្តសៀមរាប ដែលមានជំងឺ ប្រចាំកាយ និងកំពុងសម្រាកព្យាបាល នៅគេហដ្ឋាន។

ក្រុមការងារក៏បាននាំយក អំណោយ មានដូចជា៖ទឹកដោះគោឆៅ ១កេស និង ទឹកត្រចៀកកាំ ១កន្ត្រក នឹងថវិកា ចំនួន៤០០ដុល្លារ ជូនដល់លោក មាស ផានិត និង ភរិយាផងដែរ។

នៅឱកាសចុះសួរសុខទុក្ខនោះដែរ លោក សឹង្ហ សំរឹទ្ធិ បានផ្តាំផ្ញើ ដល់សមាជិក សមាជិកាទាំងអស់ ត្រូវយកចិត្តទុកដាក់ ថែរក្សា សុខភាព ជាពិសេស ការពារអោយបាន ការឆ្លងជំងឺកូវីដ១៩៕SRP

ខេត្តសៀមរាប៖រថយន្តចំនួនពីរគ្រឿងបានបុកគ្នាបណ្ដាលឲ្យរថយន្តមួយគ្រឿង ក្រឡាប់ផ្ងារជើងឡើងលើ។

ហេតុការណ៍បានកើតឡើង នៅរសៀលថ្ងៃទី០៣ ខែកុម្ភ: ឆ្នាំ២០២១ នេះ នៅចំណុច ភូមិស្វាយជ័យ ឃុំត្រពាំងធំស្រុកបាសាទបាគង
ខេត្តសៀមរាប។

បើតាមប្រភពបានដឹងថា គ្រោះថ្នាក់ចរាចរណ៍នេះ រវាងរថយន្ត ម៉ាក FORTUNER ពណ៌ត្រេអុី ពាក់ស្លាកលេខ ខេមរភូមិន្ទ២_៨១០១ នឹងរថយន្ត ម៉ាកប៉ាសេរូ ពាក់ស្លាកលេខ កណ្តាល ២A៤១០៤។

តាមប្រភពបន្តថា រថយន្តប៉ាសេរូ បើកបរពីទិសខាងលិច រួចបត់ឆ្លងចូល ទៅខាងឆ្វេង ស្របពេលនោះ រថយន្តពណ៌ត្រេអី បើកមកពីទិសខាងកើត បុកគ្នាតែម្ដង។ករណីនេះបណ្តាលឲ្យមនុស្សរងរបួសធ្ងន់ម្នាក់ប្រុស និងរងរបួសស្រាល២នាក់,ស្រី១នាក់។ មូលហេតុ:រថយន្ត ប៉ាសេរ៉ូ បត់ខ្វះការប្រុងប្រយ័ត្ន។
ទោះជាយ៉ាងណាពាក់ព័ន្ធករណីនេះ សមត្ថកិច្ចនៅមិនទាន់បញ្ជាក់លម្អិតនៅឡើយ៕SRP

ខេត្តសៀមរាប៖គ្រួសារលោកតា ក្រូច រឿន អាយុ ៧១ឆ្នាំ ប្រពន្ធឈ្មោះ ឆន យ៉ាន អាយុ ៦៣ឆ្នាំ រស់នៅភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប ទទួលបាន ផ្ទះមនុស្សធម៌លើកទី៧៦ ដែលជាអំណោយ របស់លោក ឃឹម ប៉ូសាយ និងលោកជំទាវ ម៉ម វាសនា តាមរយៈ សាខាកាកបាទក្រហមកម្ពុជាខេត្ត។

ការប្រគល់ផ្ទះជូនគ្រួសារខាងលើ នៅថ្ងៃទី០៣ ខែកុម្ភ: ឆ្នាំ២០២១ ព្រឹកមិញនេះ ក្រោមវត្តមានរបស់លោកជំទាវ ទាង អេង ទៀ សីហា អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប។

ផ្ទះមនុស្សធម៌នេះ មានទំហំ ៦ម៉ែត្រ គុណនឹង ៦ម៉ែត្រ មាន២បន្ទប់ ដំបូលប្រក់ស័ង្គសីភ្លីក្បឿង ជញ្ជាំងស្មាតបត បាតក្រាលការ៉ូ មានកម្ពស់ផុតពីដី០,៤មែត្រ។

សូមជម្រាបថា អំណោយមនុស្សធម៌ បន្ថែមសម្រាប់គ្រួសារ ទទួលបានផ្ទះមាន៖ មុង១ ភួយ១ សារុង១ ក្រមា១ កន្ទេល២ អង្ករ៦០គីឡូក្រាម មី១កេស ត្រីខ១យួរ អាវយឺត៤ សម្ភារផ្ទះបាយមួយចំនួន និងថវិកា៤សែនរៀល។ សម្រាប់គ្រួសារនេះដែរ សមាគមនារីកម្ពុជាដើម្បីសន្ដិភាព និងអភិវឌ្ឍន៍ ខេត្តសៀមរាប បានឧបត្ថម្ភផ្ទាំងសូឡា និងអំពូល១ឈុត និងថវិកា៤សែនរៀលបន្ថែមទៀត។

ដោយឡែកចំពោះ លោកតា លោកយាយ ចូលរួមក្នុងពិធីប្រគល់ផ្ទះនេះចំនួន២០នាក់ ក្នុងម្នាក់ៗ ទទួលបាន៖ អង្ករ១០គីឡូក្រាម មី១កេស ត្រីខ១យួរ មុង១ ភួយ១ សារុង១ ក្រមា១ អាវយឺត២ និងថវិកា៤ម៉ឺនរៀល។

សូមបញ្ជាក់ថាផ្ទះមនុស្សធម៌ នេះ ជាសមិទ្ធផលថ្មីទី៤ សម្រាប់សាខាកាកបាទក្រហមកម្ពុជាខេត្តសៀមរាប ក្នុងអាណត្តិទី៥ និងជាផ្ទះមនុស្សធម៌ទី៧៦ របស់សាខាកាកបាទក្រហមកម្ពុជាខេត្តសៀមរាប ក្នុងរយៈពេលកន្លងមកនោះ៕SRP

ខេត្តសៀមរាប៖ស្ត្រីម្នាក់ត្រូវ បានចងកសម្លាប់ខ្លួន សមត្ថកិច្ច អះអាងថាដោយសារមានវិបត្តិក្នុងគ្រួសារ។

ហេតុការណ៍បានកើតឡើង វេលាម៉ោង ១៤និង៣០នាទី ថ្ងៃទី០៣ខែមករា ឆ្មាំ២០២១ នៅចំណុចត្រពាំងបុស្ស ខាងជើងភូមិខាន់សរ ឃុំគោល ស្រុកអង្គរជុំ ខេត្តសៀមរាប។

សមត្ថកិច្ចស្រុកអង្គរជុំបានរាយការណ៍ថា ជនរងគ្រោះ ឈ្មោះ ឈន់ ភាត់ អាយុ ៣៧ឆ្នាំ មានទីលំនៅបច្ចុប្បន្ន នៅភូមឃុំខាងលើ។

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថានៅ ខណ:ពេលនេះម៉ោងជិត៤រសៀល ថ្ងៃទី០៣ ខែកុម្ភ: ឆ្នាំ២០២១នេះ អគ្គិភ័យកំពុងឆាបឆេះផ្ទះប្រជាពលរដ្ឋនៅភូមិធ្លកអណ្ដូង សង្កាត់ស្លក្រាម ក្រុងសៀមរាប៕SRP

ខេត្តកំពង់ចាម៖ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម​ ផ្ញេី​សារលិខិត​គោរព​ជូនពរសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសខួបកំណើតគម្រប់ ៧៦ឈានចូល ៧៧ឆ្នាំ៕SRP

ខេត្តសៀមរាប៖មន្ត្រីជាន់ខ្ពស់អាជ្ញាធរជាតិអប្សរា បានថ្លៃងថា ប្រឡាយទឹកផ្លូវ សម្ដេចវិបុលបញ្ញាសុខ អាន ឬហៅថា ផ្លូវ៦០ម៉ែត្រ ស្ថិតនៅតំបន់អង្គរឃ្យុងយូ ក្នុងសង្កាត់ស្លក្រាម ក្រុងសៀមរាប នឹងត្រូវកែលម្អ ឲ្យទៅជាសួនកម្សាន្ត ដោយមានផ្លូវកង់ ផ្លូវថ្មើរជើង កន្លែងអង្គុយលំហែរផងដែរ។

អគ្គនាយកអាជ្ញាធរជាតិអប្សរា លោក ហង់ ពៅ បានថ្លែងប្រាប់អ្នកសារព័ត៌មានថា ប្រឡាយទឹកនេះ មានទំហំទទឹងប្រវែង៤ម៉ែត្រ ជម្រៅ២ម៉ែត្រ និងមានប្រវែងជាង១៨០០ម៉ែត្រ អមសងខាងផ្លូវសម្ដេចវិបុលបញ្ញាសុខអាន ដោយកែលម្អ
ដំណាក់កាលទី១ ចាប់ផ្ដើមពីចំណុចស្ពាននាគ ដល់ចំណុចរង្វង់មូល នាងអប្សរាអង្គរឃ្យុងយូរ។

លោកហង់ ពៅ បន្តថា អាជ្ញាធរនឹងរៀបចំកែលម្អប្រឡាយទឹក អមសងខាងផ្លូវ៦០ម៉ែត្រនេះ ឲ្យទៅរបៀបជាកន្លែងសួនកំសាន្ដ ដែលមានផ្លូវថ្មើរជើង មានកន្លែងអង្គុយកំសាន្ដ មានផ្លូវកង់ មានទឹកនៅក្នុងប្រឡាយ ខួបប្រាំងខួបវស្សា អមទៅដោយទេសភាពពណ៌ បៃតងស្រស់ត្រកាល ដែលអ្នករស់នៅអមសងខាងផ្លូវនេះ នឹងមានការពេញចិត្ដ ព្រមទាំងទទួលបាន ភាពរីករាយមុនគេនៅក្នុងទីក្រុងសៀមរាប ។

អគ្គនាយកបានបញ្ជាក់ថា កិច្ចការនេះ បានចាប់ធ្វើវា ចាប់ពីពេលនេះតទៅ ដោយប្រើរយៈពេល១៨ខែ នឹងធ្វើហើយរួចរាល់ ក្រោយពេលដែល ក្រុងសៀមរាប ទទួលបានផ្លូវរួចរាល់ចំនួន៣៨ខ្សែផងដែរ។  គម្រោងកែលម្អ ប្រឡាយទឹកផ្លូវ៦០ម៉ែត្រនេះ នឹងធ្វើឡើងតាមដំណាក់កាល បន្ដទៀត រួមមានប្រឡាយទឹក ចាប់ពីចំណុច រង្វង់មូល នាងអប្សរា ឆ្ពោះទៅកាន់ ផ្លូវជាតិលេខ៦ និងចាប់ពីចំណុចដដែល ឆ្ពោះទៅកាន់ចំណុចឆែកសំបុត្រ ផ្លូវទៅទស្សនាប្រាសាទអង្គរ និងទៅកាន់ប្រាសាទស្រះស្រង់ ឬផ្លូវទៅព្រះដាក់ ស្រុកបន្ទាយស្រី នឹងពីចំណុចរង្វង់មូលនាងអប្សរា ឆ្ពោះទៅដល់ទីស្នាក់ការអាជ្ញាធរជាតិអប្សរាផងដែរ៕SRP