ខេត្តសៀមរាប – Page 90

ខេត្តសៀមរាប៖ប្រជាពលរដ្ឋបានលើកឡើងថា អំពើចោរកម្មបានកើតឡើងជាបន្តបន្ទាប់ នៅតាមមូលដ្ឋាននៃស្រុកសូត្រនិគម ជាហេតុធ្វើឲ្យពួកគាត់មានការព្រួយបារម្ភយ៉ាងខ្លាំង។ការដែលអំពើចោរកម្មកើតមាននេះ ចាប់តាំងពីអធិការឡើងថ្មីមក។

ប្រជាពលរដ្ឋបានបន្តថា ជាក់ស្ដែង នៅថ្ងៃទី២៣ ខែមីនា ឆ្នាំ២០២២ មានចោរលួចម៉ូតូហុងដាឌ្រីម ស៊េរីឆ្នាំ២០២០ ពណ៌ខ្មៅពាក់ស្លាកលេខ សៀមរាប 1AH-5556 លេខតួ ND125M-5672875 ខណ:សិស្សទៅរៀនគួរអង់គ្លេសនៅផ្ទះគ្រូនៅផ្សារសំរោង ឃុំសំរោង ស្រុកសូទ្រនិគម ខេត្តសៀមរាប។ ជនរងគ្រោះ ឈ្មោះ ហោន រក្សា ភេទប្រុសអាយុ១៣ ឆ្នាំ មុខរបរ សិស្ស រស់នៅភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប។

តាមការបំភ្លឺរបស់ជនរងគ្រោះ ពេលទៅដល់ ខ្លួនបានទុកម៉ូតូចោលនៅមុខផ្ទះគ្រូដោយពុំបានចាក់សោរសុវត្ថិភាពបន្ថែមឡើយ។ លុះរៀនចប់នៅម៉ោង១៩:០០ ខ្លួនត្រឡប់ទៅវិញក៏រកម៉ូតូមិនឃើញ ភ្លាមៗនោះ ខ្លួនបានប្រាប់គ្រូ រាយការណ៍ជូនសមត្ថកិច្ច និងឪពុកបានជូនទៅដាក់ពាក្យបណ្ដឹងតែម្ដង។ ករណីនេះសមត្ថកិច្ច បានកំពុងស្រាវជ្រាវ កំណត់មុខសញ្ញាតាមចាប់ជនសង្ស័យ។

ថ្លែងនៅរសៀលថ្ងៃពុធ ម្សិលមិញ ក្នុងពិធីសម្ពោធ សមិទ្ធិផលនានា នៅស្រុកបាណន់ សម្ដេចស ខេង បានរម្លឹកដល់ប្រជាពលរដ្ឋ ឲ្យបន្តចូលរួម និងគាំទ្រការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ដែលជាគោលនយោបាយផ្សារភ្ជាប់ទៅនឹងជីវភាព រស់នៅរបស់ប្រជាពលរដ្ឋ។

សម្ដេច ស ខេង បន្តថាទន្ទឹមគ្នានេះថ្នាក់ដឹកនាំភូមិ ឃុំ សង្កាត់ និងសមត្ថកិច្ចពាក់ព័ន្ធ ក៏ត្រូវយកចិត្តទុកដាក់ អនុវត្តគោលនយោបាយ ទាំង៧ចំណុចនេះ ឱ្យបានលទ្ធផលល្អដែរ ដើម្បីពង្រឹងការផ្ដល់សេវាសាធារណៈ រក្សាសន្តិសុខ សណ្ដាប់ធ្នាប់សាធារណៈ និងបង្កើតសុខដុមនីយកម្មក្នុងសង្គមផងដែរ។

ទោះជាយ៉ាងណា ប្រជាពលរដ្ឋមានការលើកឡើងបន្តថា ចាប់តាំងពីលោក ឃីម ផល្លា ឡើងតំណែងជាអធិការស្រុកសូត្រនិគម មក ភូមិសាស្ត្រនៃស្រុកសូទ្រនិគម តែងតែមានល្បែងស៊ីសង មានអំពើចោរកម្ម គ្រឿងញៀន ឃាតកម្មជាបន្តបន្ទាប់ដែលជាករណីនេះធ្វើឲ្យពួកគាត់រស់នៅមូលដ្ឋានមានការព្រួយបារម្ភពីសន្តិសុខសុវត្ថិភាព៕SRP

ខេត្តសៀមរាប៖នៅទីបំផុតសមត្ថកិច្ច បានឃាត់ខ្លួន” ឪពុកចុង ដែលប្រើអំពើហិង្សាលើកូនស្រី កាលពីថ្ងៃទី១៨ ខែមីនា ឆ្នាំ២០២២។

ការឃាត់ខ្លួនធ្វើឡើងនៅថ្ងៃទី២៣ ខែមីនា ឆ្នាំ២០២២នេះ នៅសាលានគរបាលជាតិ មិត្តភាពកម្ពុជា-វៀតណាម ខេត្តកំពង់ស្ពឺ ហើយដេីម្បីបញ្ជូនខ្លួនមកស្នងការនគរបាលខេត្តសៀមរាប។

សូមបញ្ជាក់ ករណី“ហិង្សាក្នុងគ្រួសារ “ (ឪពុកចុងវាយកូនដើម) ឈ្មោះ តាន់ សុខហ្គេច ត្រូវ ជាម្តាយក្មេងស្រីរងគ្រោះ ឈ្មោះ អ៊ឹង សុខកណ្ណិការ ត្រូវឪពុកចុងឈ្មោះ លក្ខិណា វីរ:រិទ្ធ ជានគរបាលស្នងការដ្ឋានខេត្តសៀមរាប បានប្រើហិង្សាដោយខាំ កូនចុងឲ្យរងរបួសជាច្រើនកន្លែង កាលពីថ្ងៃទី១៨ ខែមីនា ឆ្នាំ២០២២ ស្ថិតនៅភូមិគ្រួស សង្កាត់ស្វាយដង្គុំ ក្រុងសៀមរាប ខេត្តសៀមរាប។

សូមបញ្ជាក់ថាព្រិន្ទបាលឯក ឈ្មោះលក្ខិណា វីរៈរិទ្ធ ប្រុស 71848 ឋានៈនាយរងផ្នែក គ្រប់គ្រងសហគ្រាស គ្រឹះស្ថាន និងកម្លាំងភ្នាក់ងាររសន្តិសុខឯកជន ការិយាល័យគ្រប់គ្រងសន្តិសុខឯកជន។មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប៕SRP

ខេត្តសៀមរាប៖ក្មេងស្រីដែលរងរបួសយ៉ាងធ្ងន់ធ្ងរដោយសារប៉ូលិសខេត្តសៀមរាបម្នាក់នោះ ខណៈពេលនេះ ក្មេងរងគ្រោះកំពុងស្ថិតនៅក្នុងការតាមដានសុខភាពពីក្រុមគ្រួពេទ្យនៅឡើយ។

តាមរយៈហ្វេសប៊ុកផ្ទាល់ខ្លួន លោកស្រី យូ សុភា អភិបាលរងខេត្តសៀមរាប បានលើកឡើងថា «ចៅស្រីគួរឲ្យអាណិត អាយុទើបតែ១៣ ខែ ត្រូវរងគ្រោះដោយអំពើហិង្សា ពេលនេះកំពង់ស្ថិតក្នុងការ បន្តតាមដាន របស់ក្រុមគ្រូពេទ្យជ័យវរន្ម័ទី៧(គន្ធបុប្ផា)ខេត្តសៀមរាប»។ ការលើកឡើងរបស់លោកស្រី យូ សុភា ធ្វើឡើងបន្ទាប់ពីបានទទួលការណែនាំពីលោក ទៀ សីហា អភិបាលខេត្តសៀមរាប ឲ្យធ្វើកិច្ចការនេះជាបន្ទាន់។ ជាមួយគ្នានេះដែរ លោកប្រាក់ សោ ភ័ណ ប្រធានសហភាពសហព័ន្ធយុវជនកម្ពុជាខេត្តសៀមរាប និងជាអភិបាលរងខេត្តសៀមរាប ក៏បានបង្ហោះសារតាមប្រព័ន្ធហ្វេសប៊ុក ដោយមានរូបក្មេងរងគ្រោះ ដោយអមនិងសំណេរថា « លើកដៃទៅរួច »។ ជនសង្ស័យជានគរបាលរូបនេះ មានឋានៈនិងតួនាទី ព្រិន្ទបាលឯក ឈ្មោះលក្ខិណា វីរៈរិទ្ធ ប្រុស 71848 ឋានៈនាយរងផ្នែក គ្រប់គ្រងសហគ្រាស គ្រឹះស្ថាន និងកម្លាំងភ្នាក់ងាររសន្តិសុខឯកជន ការិយាល័យគ្រប់គ្រងសន្តិសុខឯកជន ។ មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

បើទោះបីជាមានការជជែកគ្នា និងមានបទបញ្ជាពីអភិបាលខេត្តសៀមរាប ទៀ សីហា ឲ្យមន្ត្រីសមត្ថកិច្ចជំនាញចុះស៊ើបអង្កេត លើ ឈ្មោះលក្ខិណា វីរៈរិទ្ធ រូបនេះ យ៉ាងណាក៏ដោយ រហូតមកដល់ពេលនេះ ជនសង្ស័យ រូបនេះ នៅមិនទាន់ត្រូវបានសមត្ថកិច្ច ហៅមកបំភ្លឺនៅឡើយ ខណៈជនសង្ស័យរូបនេះកំពុងតែជាប់រៀនវគ្គបំប៉នជំនាញ នៅខេត្តកំពង់ស្ពឺ ឯណោះ។

មន្ត្រីនគរបាលជាន់ខ្ពស់ខេត្តសៀមរាប បានថ្លែងប្រាប់ សៀមរាបប៉ុស្ដិ៍ ថា ចំពោះករណីខាងលើនេះស្នងការនគរបាលខេត្តសៀមរាប បានមានចំណាត់ការទៅលើជនសង្ស័យរួចហើយ ដោយសមត្ថកិច្ចកំពុងតែស៊ើបអង្កេតនិងបន្តនីតិវិធី។ ជាមួយនេះគ្នានេះ មន្ត្រីនគរបាលប្រឆាំងការជួញដូរមនុស្ស និងការពារអនីតិជនខេត្តសៀមរាប ក៏បានបញ្ជាក់ផងដែរថា ចំពោះករណីនេះ ម្ដាយជនរងគ្រោះ បានដាក់ពាក្យបណ្ដឹងចូលមកការិយាល័យជំនាញរួចហើយ និងកំពុងដំណើរការនីតិវិធី។

សូមជម្រាបថា រយៈពេលប៉ុន្មានថ្ងៃនេះ នៅតាមបណ្ដាញសង្គម facebook មានការបង្ហោះនិងចែករំលែកតៗគ្នា ដោយលើកឡើងថាបុរសដែលពាក់ឯកសណ្ឋានជានគរបាលនេះអាចជាប់ពាក់ព័ន្ធ បានប្រើអំពើហិង្សាទៅលើក្មេងបណ្ដាលឱ្យរងរបួស ដោយករណីនេះទទួលនូវការរិះគន់យ៉ាងខ្លាំងពីមហាជន។

អង្គភាពសារព័ត៌មានសៀមរាបប៉ុស្ដិ៍ នៅពុំទាន់ទទួលបានការបំភ្លឺ ពីលោក លក្ខិណា វីរៈរិទ្ធ នៅឡើយទេ ជុំវិញការលើកឡើងចោទប្រកាន់បែបនេះ ហើយគេនៅពុំទាន់ឃើញ លោកលក្ខិណា វីរៈរិទ្ធ ចេញមុខបំភ្លឺនោះដែរ៕SRP

ខេត្តសៀមរាប៖បុរសម្នាក់ដែលមានឯកសណ្ឋានជានគរបាល បានរងការរិះគន់ថា សង្ស័យបានប្រើអំពើហិង្សាទៅលើ កូនក្មេងហើយត្រូវបានបណ្ដាញសង្គមហ្វេសប៊ុកបង្ហោះចែកចាយតៗនោះ ជាប៉ូលិសនៅការិយាក័យសន្តិសុខឯកជន នៃស្នងការនគរបាលខេត្តសៀមរាប។

ប្រភពពីមន្ត្រីនគរបាលខេត្តសៀមរាប បានប្រាប់សៀមរាបប៉ុស្ដិ៍ ថាបុរសរូបនេះ មានឋានៈនិងតួនាទី ព្រិន្ទបាលឯក ឈ្មោះលក្ខិណា វីរៈរិទ្ធ ប្រុស 71848 ឋានៈនាយរងផ្នែក គ្រប់គ្រងសហគ្រាស គ្រឹះស្ថាន និងកម្លាំងភ្នាក់ងាររសន្តិសុខឯកជន ការិយាល័យគ្រប់គ្រងសន្តិសុខឯកជន ។ មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

ករណីនេះ អភិបាលខេត្តសៀមរាប លោកទៀ សីហា បានបញ្ជាទៅស្នងការនគរបាលខេត្តសៀមរាប ឲ្យធ្វើការស្រាវជ្រាវស៊ើបអង្កេតជាបន្ទាន់ផងដែរ។ ការបញ្ជារបស់អភិបាលខេត្តសៀមរាបធ្វើឡើង ក្រោយពីមានបណ្ដាញសង្គមហ្វេសប៊ុកបានផុសនិងចែករំលែកតៗគ្នា ហើយធ្វើការរិះគន់យ៉ាងខ្លាំងចំពោះនគរបាលខាងលើនេះដែលអាចប្រើហិង្សាទៅលើក្មេង។

មន្ត្រីនគរបាលជាន់ខ្ពស់ខេត្តសៀមរាប បានថ្លែងប្រាប់ សៀមរាបប៉ុស្ដិ៍ នៅល្ងាចថ្ងៃទី ២១ ខែមីនា ម្សិលមិញថា ចំពោះករណីខាងលើនេះស្នងការនគរបាលខេត្តសៀមរាប បានមានចំណាត់ការទៅលើជនសង្ស័យរួចហើយ ដោយសមត្ថកិច្ចកំពុងតែស៊ើបអង្កេតនិងបន្តនីតិវិធី។ ជាមួយនេះគ្នានេះ មន្ត្រីនគរបាលប្រឆាំងការជួញដូរមនុស្ស និងការពារអនីតិជនខេត្តសៀមរាប ក៏បានបញ្ជាក់ផងដែរថា ចំពោះករណីនេះ ម្ដាយជនរងគ្រោះ បានដាក់ពាក្យបណ្ដឹងចូលមកការិយាល័យជំនាញរួចហើយ និងកំពុងដំណើរការនីតិវិធី។

សូមជម្រាបថា រយៈពេលប៉ុន្មានថ្ងៃនេះ នៅតាមបណ្ដាញសង្គម facebook មានការបង្ហោះនិងចែករំលែកតៗគ្នា ដោយលើកឡើងថាបុរសដែលពាក់ឯកសណ្ឋានជានគរបាលនេះ បានប្រើអំពើហិង្សាទៅលើក្មេងបណ្ដាលឱ្យរងរបួស ដោយករណីនេះទទួលនូវការរិះគន់យ៉ាងខ្លាំងពីមហាជន។

ខេត្តសៀមរាប៖មេភូមិក្រូច បានបើកម៉ូតូបុកគោយន្តកន្ត្រៃពីក្រោយបណ្ដាលឲ្យស្លាប់ភ្លាមៗ។

ហេតុការណ៍បានកើតឡើងនៅវេលាទៀបភ្លឺថ្ងៃទី ២១ ខែមីនា ឆ្នាំ២០២២ ស្ថិតនៅភូមិក្សី ឃុំសែនសុខស្រុកក្រឡាញ់ ខេត្តសៀមរាប លើផ្លូវលេខ68 ត្រង់ចំណុចចន្លោះគីឡូម៉ែត្រលេខ18-19 ក្នុងទិសដៅ ស្របទិសគ្នាពីជើងទៅត្បូងរវាងម៉ូតូ និងគោយន្តកន្ត្រែ។

របាយការណ៍របស់សមត្ថកិច្ចខេត្តសៀមរាបបានឲ្យដឹងថា ជនរងគ្រោះ ឈ្មោះ សឿម ស៊ើយ ភេទប្រុស អាយុ៥៥ឆ្នាំ រស់នៅភូមិក្រូច ឃុំសែនសុខ ស្រុកក្រឡាញ់ ខេត្តសៀមរាប (មុខរបរមេភូមិក្រូច) បើកម៉ូតូម៉ាកហុងពណ៌ខ្មៅ ពាក់ផ្លាកលេខ បន្ទាយមានជ័យ1Q 8597 ក្នុងទិសដៅពីទិសខាងជើង ទៅទិសខាងត្បូង។ (មិនពាក់មួកសុវត្ថិភាព)នោះទេ) បានបុកចំពីក្រោយគោយន្តកន្ត្រៃ បណ្ដាលឱ្យស្លាប់តែម្ដង។ ករណីនេះកម្លាំងជំនាញបានចុះធ្វើកំណត់ហេតុនិងប្រគល់សព ជនរងគ្រោះ អោយទៅក្រុមគ្រួសារ ធ្វើបុណ្យតាមប្រពៃណី។ ចំណែកម៉ូតូរក្សាទុកនៅប៉ុស្តិ៍នគរបាលសែនសុខ។

បើតាមសមត្ថកិច្ច គោយន្តកន្ត្រៃ រត់គេចពីកន្លែងកើតហេតុកម្លាំងជំនាញកំពុងស្រាវជ្រាវរកដើម្បីអនុវត្តតាមនិតិវិធីច្បាប់។ ករណីនេះមូលហេតុជនរងគ្រោះដែលស្លាប់ បើកបរមានល្បឿនលឿន ខ្វះការប្រុងប្រយ័ត្ន៕SRP

Sponsored

ខេត្តសៀមរាប៖ទ្រព្យសម្បត្តិក្នុងផ្ទះរបស់ប្រជាពលរដ្ឋ ចំនួន ៤ផ្ទះ នៅស្រុកបន្ទាយស្រីបានរងការបាត់បង់ខណៈដែលចោរលួចកាលពីយប់មិញ បើគិតជាប្រាក់រាប់ម៉ឺនដុល្លារ។

របាយការណ៍របស់សមត្ថកិច្ចខេត្តសៀមរាបបានឲ្យ សៀមរាបប៉ុស្តិ៍ ឲ្យដឹងថា នៅវេលាម៉ោង១និង៤០នាទី ថ្ងៃទី២០ ខែមីនា ឆ្នាំ២០២២ មានករណីអំពើលួច នៅចំណុចមុខផ្សារបន្ទាយស្រី ស្ថិតនៅភូមិបន្ទាយស្រី ឃុំខ្នារសណ្ដាយ ស្រុកបន្ទាយស្រី ខេត្តសៀមរាបមានចំនួន៤ផ្ទះ។

របាយការណ៍បានបន្តថា ជនរងគ្រោះដូចខាងក្រោម៖
ផ្ទះទី១ ឈ្មោះ ញឹម ស្រីខួច ភេទស្រី អាយុ៣០ ឆ្នាំសម្ភារបាត់បង់ រួមមាន៖ មាស ៨ជី , បណ្តោងខ្សែកផ្លាទីន ចំនួន០១តម្លៃ ៣៥០$ , លុយបាត ៧០០០បាត , លុយដុល្លា ១០៧០ $ , និងលុយរៀល ចំនួន ៩៦០០០០៛។

ផ្ទះទី២ឈ្មោះ សៅ សាណា ភេទស្រីអាយុ ២៨ឆ្នាំ សម្ភារៈបាត់បង់រួមមាន៖ ខ្សែជើងផ្លាទីនមួយខ្សែតម្លៃ២២០$ , លុយនៅក្នុងកូនជ្រូក ៥០០$ , លុយនៅក្នងកាបូប ៥៥០០០០៛ និងទូរស័ព្ទមួយគ្រឿងម៉ាក OPPO Reno 4 ប្រើលេខ ០៣១ ២ ៣៣៣៣ ៧៣ និង ០៩៥ ៤៣០០៩១។

ផ្ទះទី៣ឈ្មោះ ទឹត្យ សុវណ្ណា ភេទស្រី អាយុ ៥៦ឆ្នាំ សម្ភារៈ បាត់បង់រួមមាន : លុយដុល្លា ១៧០ $ , និងលុយរៀល ១០០០០០០ ៛ (បន្ទប់គ្មានទ្វារ)

ផ្ទះទី៤ឈ្មោះ នៅ កុសល ភេទប្រុសអាយុ ៦១ឆ្នាំ សម្ភារៈបាត់បង់រួមមាន : ទូរស័ព្ទដៃមួយគ្រឿងម៉ាក Samsung J 6។ ជុំវិញករណីនេះ កម្លាំងសមត្ថកិច្ចកំពុងស្វែងរកតាមចាប់ខ្លួនជនសង្ស័យ ដើម្បីចាត់ការតាមនីតិវិធី៕SRP

ខេត្តសៀមរាប៖បុរសឈ្មោះ អុឹង គីមហុង ភេទប្រុស អាយុ ២៥ឆ្នាំ មុខរបរលក់ដូរមានស្រុកកំណើតនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ទីលំនៅបច្ចុប្បន្នភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប ត្រូវបានសមត្ថកិច្ចបញ្ជូនទៅតុលាការនៅរសៀលថ្ងៃនេះ។ ជនសង្ស័យត្រូវបានសមត្ថកិច្ចឃាត់ខ្លួន នៅថ្ងៃទី១៩ ខែមីនា ឆ្នាំ២០២២ម្សិលមិញ។

សមត្ថកិច្ចខេត្តសៀមរាបបានឲ្យដឹងថា ចឹងសង្ស័យរូបនេះ បានបើកបររថយន្ត បុកបុរសម្នាក់របួសធ្ងន់(សន្លប់)ហើយបានបើករថយន្តមកកិនបន្ថែមរហូតដល់ស្លាប់ នៅវេលាម៉ោង២៣ និង៤០នាទី ថ្ងៃទី១៧ ខែមីនា ឆ្នាំ២០២២ ត្រង់ចំណុចខាងលិចស្ពានវត្តកុងម៉ុច ឬស្ពានប៊ីឡាញ ប្រហែល២០០ម៉ែត្រ ស្ថិតនៅភូមិកក្រាញ់ សង្កាត់សៀមរាប ក្រុងសៀមរាប ខេត្តសៀមរាប។

ជនរងគ្រោះមានឈ្មោះ ហឿន លន់ ភេទប្រុស អាយុ ៣២ឆ្នាំ មុខរបរបើកបរ រស់នៅភូមិបុស្ស ឃុំត្រស់ ស្រុករមាសហែក ខេត្តស្វាយរៀង។

ជនសង្ស័យឈ្មោះ អុឹង គីមហុង បានឆ្លើយសារភាពថា៖ កាលពីល្ងាចថ្ងៃទី១៧ ខែមីនា ឆ្នាំ២០២២ រូបខ្លួន និងមិត្តភ័ក្ត្រម្នាក់ទៀតឈ្មោះ ស្រ៊ុន (មិនស្គាល់ត្រកូល) ភេទប្រុស បានចូលទៅផឹកស៊ី នៅហាងមួយមិនចាំយីហោ ស្ថិតនៅក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប លុះដល់ម៉ោង ២៣និង១០នាទី ដោយពួកខ្ញុំស្រវឹងរៀងៗខ្លួនក៏ឈប់ផឹក ហើយរូបខ្លួនបានឡើង បើករថយន្តផ្ទាល់ខ្លួនតែម្នាក់ឯងមានម៉ាក FORD RANGER ចង្កូតឆ្វេង សេរីឆ្នាំ ២០១៧ ពណ៌ប្រផេះ ពាក់ស្លាកលេខ សៀមរាប 2B:9699 ឡើងចេញមកផ្លូវក្រវ៉ាត់ក្រុងលុះដល់កន្លែងកើតហេតុ ស្រាប់តែជួបជាមួយរថយន្តប្រភេទដឹកទំនិញ ១គ្រឿង ម៉ាក HYUNDAI ពណ៌សរ (មិនចាំស្លាកលេខ) បានស៊ីញ៉ូអែបកៀននៅលើចិញ្ចើមផ្លូវខាងស្តាំដៃ ដែលមនុស្សប្រុសម្នាក់ជាអ្នកបើកបរបានចុះពីលើរថយន្តនោះភ្លាម ធ្វើឲ្យរូបខ្លួនចាប់ហ្វាំងមិនទាន់ក៏បើកទៅបុកកោសរថយន្តខាងលើ និងបន្តបុកបុរស ជាអ្នកបើកបររូបនោះពីក្រោយមួយទំហឹង បណ្តាលឲ្យបុរសនោះខ្ទាតទៅខាងមុខចម្ងាយប្រហែល៣ទៅ៥ម៉ែត្រ ដួលសន្លប់នៅផ្លូវប៉េតុង រថយន្តក៏បន្តល្បឿនទៅមុខប្រហែល ៥០ ទៅ ៦០ម៉ែត្រ ហើយខ្លួនក៏បត់មកក្រោយវិញក្នុងគោលបំណង មកជួយសង្គ្រោះ ជនរងគ្រោះ តែដោយសារខ្លួនមានអារម្មណ៍ភ័យស្លន់ស្លោ ណាមួយនៅកន្លែងកើតហេតុជាទីងងឹត ទើបខ្លួនមើលមិនឃើញជនរងគ្រោះ ហើយបើកទៅបុកប៉ះលើជនរងគ្រោះបន្ថែមទៀតទាំងមិនដឹងខ្លួន ក្នុងនោះខ្លួនទំលាក់កញ្ចក់រថយន្តចុះ តែមិនបានពន្លត់ម៉ាស៊ីនរថយន្តទេ ហើយតបទៅមនុស្ស នៅទីនោះថា “ខ្ញុំមិនបានខុសអីទេ គឺជនរងគ្រោះជាអ្នកដើរមកចូលឡានខ្ញុំដោយខ្លួនឯង” បន្ទាប់មកក៏បើករថយន្តចេញពីកន្លែងកើតហេតុព្រោះភ័យខ្លាចប្រជាពលរដ្ឋនៅទីនោះប្រើហិង្សាមកលើរូបខ្លួន៕SRP

ខេត្តសៀមរាប៖ម្ចាស់រថយន្តដឹកដីក្រហមនិងថ្មចំនួន៨នាក់ បានព្រួតគ្នាប្តឹងម្ចាស់ក្រុមហ៊ុនម៉ៅការធ្វើផ្លូវឈ្មោះឆុន វាសនា ទៅតុលាការពីបទឆបោក រឿងជំពាក់លុយជាង១៤០០ដុល្លារមិនព្រមសង ព្រមទាំងទារសំណងជម្ងឺចិត្ត៥០០០ដុល្លារ។

ជនរងគ្រោះក្នុងអំពើឆបោក មានឈ្មោះទី១.គិត សុធា ភេទប្រុសអាយុ៣៣ឆ្នាំ.ទី២ឈ្មោះអ៉ឹម សំអាត ភេទប្រុសអាយុ៣៨ឆ្នាំ.ទី៣ឈ្មោះកាយ វណ្ណសរី ភេទ ប្រុសអាយុ៤៣ឆ្នាំ.ទី៤ឈ្មោះដែម ចាន់ឌីម ភេទប្រុសអាយុ២៥ឆ្នាំ.ទី៥ឈ្មោះស៊ឹម គីមអាន ភេទប្រុសអាយុ ៣៧ឆ្នាំ.ទី៦ឈ្មោះឡេង ធារិត ភេទប្រុសអាយុ៤៣ឆ្នាំ. ទី៧ឈ្មោះយុន យ៉ុន ភេទប្រុសអាយុ៤៥ឆ្នាំ.និងទី៨ ឈ្មោះម៉ី ថា ភេទប្រុសអាយុ៤៧ឆ្នាំ។ អ្នកទាំង៨នាក់ខាងលើត្រូវបានអះអាងថា សុទ្ធសឹងជានជនរងគ្រោះក្នុងអំឆបោកដោយឈ្មោះឆុន វាសនា តាមរយ:ដឹកដីនិងថ្មយកទៅចាក់ធ្វើផ្លូវចំនួន៣ខ្សែក្នុងស្រុកពួកនិងស្រុកអង្គរជុំហើយមិនទទួលបានប្រាក់ឈ្នួល។

យោងតាមពាក្យបណ្តឹងចុះថ្ងៃទី៩ ខែមីនា ឆ្នាំ២០២២ ដែលបានផ្តិតមេដៃដោយជនរងគ្រោះ៨នាក់ និងបានចុះលេខទទួលដោយស្ថាប័នតុលាការខេត្តសៀមរាប មានខ្លឹមសារថា សុំប្តឹងឈ្មោះឆុន វាសនា ភេទ ប្រុសទីលំនៅភូមិតាភុល សង្កាត់ស្វាយដង្គំុ ក្រុងសៀមរាប ពីបទឆបោក ប្រព្រឹត្តនៅខេត្តសៀមរាប កាលពីអំឡុងឆ្នាំ២០២១។

ក្នុងបណ្តឹងបង្ហាញថា អំឡុងឆ្នាំ២០២០ ឈ្មោះឆុន វាសនា បានជួលរថយន្តរបស់ពួកគាត់អោយដឹកថ្មនិងដីក្រហមយកទៅចាក់នៅការដ្ឋានធ្វើផ្លូវរបស់ខ្លួនចំនួន ៣ដែលមាន.SR-5 និងSR-6 ក្នុងស្រុកអង្គរជុំ និងការ ដ្ឋានក្រោយផ្សារពួក ក្នុងស្រុកពួកនៃខេត្តសៀមរាប។ ក្នុងការដឹកជញ្ជូនដំបូង ឈ្មោះឆុន វាសនា បានទូទាត់ ប្រាក់អោយតាមការព្រមព្រាង។ លុះចាប់ពីថ្ងៃទី១០ខែកុម្ភ:ឆ្នាំ២០២១ រហូតមកដល់បច្ចុប្បន្ន លុយថ្លៃឈ្នួល ១៤.០០៨.៤៩$ ឈ្មោះឆុន វាសនា មិនព្រមសង ដោយសន្យាខ្យល់ម្តងហើយម្តងទៀត បើទោះបីពួក គាត់ព្យាយាមទំនាក់ទំនង តែជនឆបោកព្យាយាមគេច វេសមិនព្រមសង ទើបពួកគាត់សម្រេចដាក់ពាក្យបណ្តឹងបែបនេះ។

ក្នុងពាក្យបណ្តឹងដែលចោទប្រកាន់ទៅលើឈ្មោះឆុន វាសនា ពីបទឆបោក លើទឹកប្រាក់ជាង១៤០០០$ ពួកគាត់(ជនរងគ្រោះ)ក៍បានទារសំណងជម្ងឺចិត្តចំនួន ៥០០០$ និងទទូចសុំអោយស្ថាប័នតុលាការខេត្តសៀមរាប ចាត់ការជនខាងលើតាមផ្លូវច្បាប់ផងដែរ។ដោយពួកគាត់រំពឹងថា តុលាការខេត្តសៀមរាប នឹងជួយផ្តល់យុត្តិធម៌ដល់ពួកគាត់ ជាជនរងគ្រោះក្នុងពេលដ៏ខ្លីខាងមុខនេះ ត្បិតករណីនេះមានរយ:ពេលយូមកហើយ។

ជុំវិញការចោទប្រកាន់បែបនេះ សៀមរាបប៉ុស្តិ៍
មិនអាចស្វែងរកជួប លោកឆុន វាសនា ដែលជាម្ខាស់ក្រុម ហ៊ុនម៉ៅការធ្វើផ្លូវទាំង៣ខ្សែខាងលើ ដើម្បីសុំការបក ស្រាយបានទេ៕SRP

ខេត្តសៀមរាប៖បុរសតៃឡានដឹកដីម្នាក់បានស្លាប់នៅក្នុងរណ្ដៅដីមួយកន្លែងបង្កឱ្យមានការភ្ញាក់ផ្អើល។

ហេតុការណ៍បានកើតឡើងនៅវេលាម៉ោង១២និង០០នាទី ទី១៦ ខែមីនា ឆ្នាំ២០២២ នៅចំណុចរណ្ដៅដី អេង សុខហ្គិច ស្ថិតក្នុងភូមិតាចក សង្កាត់ស្រង៉ែ ក្រុងសៀមរាប ខេត្តសៀមរាប។

សមត្ថកិច្ចខេត្តសៀមរាបបានរាយការណ៍ករណីនេះគ្រោះថ្នាក់ចរាចណ៍ដោយខ្លួនឯងបើកឡានធ្លាក់ចូលរណ្តៅដី
ដោយឡានដឹកដីមិនស្គាល់ម៉ាកបើកបរដោយជនរងគ្រោះឈ្មោះ ស៊ុយ ស៊ីហ៊ិញ ភេទប្រុស អាយុ៤១ ឆ្នាំ មុខរបបរបើកឡានដឹកដី រស់នៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប(អ្នកបើកបរស្លាប់)។ អ្នករួមដំណើរជាមួយត្រូវជាប្រពន្ធរងរបួសស្រាលឈ្មោះ ភុន ផល្លា ភេទស្រី អាយុ៣៧ឆ្នាំ មុខរបរអ៊ុតសក់ រស់នៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប។

សមត្ថកិច្ចបានបន្តថាមូលហេតុមានជម្លោះជាមួយប្តីប្រពន្ធនៅក្នុងឡានក៏រេចង្កូតឡានធ្លាក់ចូលក្នុងរណ្ដៅដីតែម្ដង។បច្ចុប្បន្នៈសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី។

សុំបញ្ជាក់ថារណ្ដៅដីរបស់ អេង សុខហ្គិច មានជម្រៅជ្រៅ ហួសពីលិខិតអនុញ្ញាត ក៏ប៉ុន្តែអាជ្ញាធរជំនាញពាក់ព័ន្ធមិនអាចទប់ស្កាត់ឈ្មួញកាយដី របស់របស់ អេង សុខហ្គិច បានឡើយ។ គេសង្ស័យថាឈ្មួញដ៏ល្បីល្បាញរូបនេះ មានការឃុបឃិតជាមួយអាជ្ញាធរជំនាញពាក់ព័ន្ធទើបអាជ្ញាធរជំនាញពាក់ព័ន្ធហាក់គ្មានឆន្ទះចុះទៅទប់ស្កាត់៕SRP