ខេត្តកំពត

ខេត្តកំពត៖ប្រជាពលរដ្ឋចំនួន១០នាក់ ត្រូវបានអាជ្ញាធរឃុំ ត្រពាំងភ្លាំង កោះហៅទៅភ្លឺដោយចោទថាបានរំលោភបំពាន ដីក្រុមហ៊ុន ប្រើអំពើហិង្សា។

ប្រជាពលរដ្ឋ ដែលអាជ្ញាធរហៅទៅបំភ្លឺនេះរស់នៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។ ករណីពួកគាត់បានបដិសេធថាមិនបាន រំលោភបំពាន ដីក្រុមហ៊ុនឬ ប្រើអំពើហិង្សា ដូចការកោះហៅរបស់អាជ្ញាធរនោះទេ។

នេះបើតាមពលរដ្ឋប្រាប់ អ្នកសាព័ត៌មាន នៅរសៀលថ្ងៃទី ០១ខែ កក្កដានេះ។

ពលរដ្ឋបានប្រាប់ថាការ អាជ្ញាធរ ឃុំត្រពាំងភ្លាំង បានប្រាប់ពួកគាត់ថា រំសាយវិញហើយ មិនដឹងមកពីមូលហេតុអ្វីនោះទេ។

ប្រជាពលរដ្ឋ បានបន្តទៀតថា ពួកគាត់ទាំង ប៉ុន្មានគ្រួសារដែល រស់នៅភូមិ ព្រៃពាយនេះ ត្រូវបានអាជ្ញាធរ ឃុំត្រពាំងភ្លាំង ធ្វើលិខិតអញ្ជើញ ឲ្យមកចូលរួមបំភ្លឺ ថាបានរំលោភបំពាន យកដីក្រុមហ៊ុន និង ប្រើហិង្សា។

សារព័ត៌មានមិនអាចសុំការបំភ្លឺពីលោកមេឃុំត្រពាំងភ្លាំងបានទេ ដោយទូរស័ព្ទរបស់គាត់មិនអាចទំនាក់ទំនងបាន។ ចំណែកលោកខៀវ រិទ្ធសុភ័ណ្ឌ អភិបាលស្រុកឈូកបានឲ្យដឹងថា សូមប្អូនសួរទៅលោកមេឃុំទៅ។

ដោយឡែកលោក ជាវ តាយ អភិបាលខេត្តកំពត បានប្រាប់អ្នកយកព័ត៌មានថា លោកនិងកោះហៅអ្នកទាំងនោះមកសាលាខេត្តដើម្បីសាកសួរ ខ្ញុំអរគុណណាស់ដែលបានផ្ដល់ព័ត៌មាន៕SRP

ខេត្តកំពត៖មានការលើកឡើងថាក្រុមហ៊ុន កែវ ច័ន្ទតារា បានកំពុងធ្វើសកម្មភាព បូមខ្សាច់យ៉ាងគគ្រឹកគគ្រេង។ ករណីនេះត្រូវបានគេសង្ស័យថា មានការឃុបឃិតគ្នារវាងមន្ត្រីជំនាញជាមួយថៅកែបូមខ្សាច់ ទើបសកម្មភាពបានប្រព្រឹត្តទៅយ៉ាងរលូន។

សេចក្ដីរាយការណ៍ពីខេត្តកំពតបានដឹងថា ក្រុមហ៊ុនកែវ ច័ន្ទតារា បានធ្វើសកម្មភាព បូមខ្សាច់មួយកន្លែង ស្ថិតនៅភូមិ គោចិនលេង ឃុំថ្មី (បច្ចុប្បន្នគេហៅភូមិដូនស៊យ )ស្រុកទឹកឈូ ខេត្តកំពត ដោយការធ្វើសកម្មភាព បូមខ្សាច់ នេះ ខុសទីតាំង របស់ខ្លួនដែលបានសុំធ្វើអាជីវកម្ម។

ប្រភពបានបន្តឲ្យដឹងថា ទីតាំងដែលក្រុមហ៊ុន កែវ ច័ន្ទតារា សុំច្បាប់ អនុញ្ញាតធ្វើអាជីវកម្ម បូមខ្សាច់នោះ នៅភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត ឯណោះ។

ប្រភពដដែលបានបន្តឲ្យដឹងទៀតថា សកម្មភាពបូមខ្សាច់ របស់ក្រុមហ៊ុន កែវ ច័ន្ទតារា បច្ចុប្បន្ននេះ គឺខុសទីតាំង ដោយបានបូមនៅលើដីមានទំនាស់ រវាងលោក ឃួន សុវណ្ណ និង លោក ពៅ ម៉ាលី ហើយក៏មាន ដីកាសម្រេច រក្សាការពារ របស់ តុលាការខេត្តកំពត ហានមិនឲ្យ ឈ្មោះ ពៅ ម៉ាលី ធ្វើអ្វីៗនៅ លើដីនោះឡើយ។

តែបច្ចុប្បន្ននេះ លោក ពៅ ម៉ាលី បានជួលដីនេះឲ្យ ក្រុមហ៊ុន បូមខ្សាច់ ឈ្មោះកែវ ច័ន្ទតារា នៅលើដីដែលកំពង់ ទំនាស់ ជាមួយលោកឃួនសុវណ្ណ ដែលអាចចាត់ទុកថាបំពានដីការបស់តុលាការ។

ពាក់ព័ន្ធករណីនេះ ពលរដ្ឋស្នើសដល់អាជ្ញាធរសមត្ថកិច្ចពាក់ព័ន្ធ ជួយពិនិត្យមើលផង តើរឿងនេះនណាអ្នកខុស ហើយនណាជាអ្នកត្រូវ រវាងលោកពៅម៉ាលី និងលោកឃួនសុវណ្ណ៕SRP

ខេត្តកំពត៖មានការលើកឡើងថា បច្ចុប្បន្ននេះ មានគ្រឿងចក្រ ជាច្រើនកន្លែង កំពុងធ្វើអាជីវកម្មកាយភ្នំយកដី តាមអំពើចិត្ត។

បើតាមការបង្ហើបនៅក្នុងខេត្តកំពត បានឲ្យដឹងថា សកម្មភាព កាយដីភ្នំ នៅខេត្តកំពតនេះ ភាគច្រើនអត់សូវមានច្បាប់ ប៉ុន្តែពួកគេនៅតែអាចធ្វើអាជីវកម្មបានរលូន។

ប្រភពពីប្រជាពលរដ្ឋបាននិយាយថា ប្រហែលជាមាន ការឃុបឃិត និងបើកដៃ ពីសំណាក់ លោក សោម វិចិត្រ ប្រធានមន្ទីររ៉ែនិងថាមពលខេត្តកំពត ទើបពួកគ្រឿងចក្រទាំងនោះធ្វើអ្វីៗតាមតែអំពើចិត្ត។

បើតាមភពមួយបានឲ្យដឹងទៀតថា ការកាយដីភ្នំនេះ ទំនងមានការឃុបឃិតគ្នាជាប្រព័ន្ធ បើគ្មានការឃុបឃិតគ្នានោះទេ
ក្រុមគ្រឿងចក្រនេះ ក៏មិនហ៊ានយកគ្រឿងចក្រមកកាយដីភ្នំយ៉ាងអនាធិប តេយ្យបែបនេះដែរ។

លោក នួនមិន រិទ្ធី អនុប្រធាន មន្ទីររ៉ែថាមពល ខេត្តកំពត បានប្រាប់ អ្នកយកព័ត៌មានថា លោកនឹងឲ្យ មន្ត្រីចុះទៅពិនិត្យមើល។

បញ្ហានេះប្រជាពលរដ្ឋ សូមសំណូមពរទៅ លោក ស៊ុយ សែ ម រដ្ឋមន្ត្រី ក្រសួងរ៉ែនិងថាមពល ព្រមទាំង លោក ជាវ តាយ អភិបាលខេត្តកំពត មិនគួរបណ្តែតបណ្តោយ តទៅទៀតទេ ករណីកាយដីភ្នំនេះ។

អ្នកសារព័តមានមិនអាចសការបំភ្លឺ ពីលោក សោម វិចិត្រ ប្រធានមន្ទីររ៉ែបានទេ ដោយសារទូរស័ព្វ របស់គាត់ដាក់ប្រព័ន្ធជាប់រវល់៕SRP

ខេត្តកំពត៖ប្រជាពលរដ្ឋងាយរងគ្រោះបំផុត ចំនួន៥០គ្រួសារ នៅឃុំថ្មី និងឃុំព្រៃថ្នង ស្រុកទឹកឈូ បានទទួលអំណោយរបស់សាខាកាកបាទក្រហមកម្ពុជាខេត្តកំពត។

ពិធីធ្វើនៅវិទ្យាល័យហ៊ុនសែនត្រសេកកោង ស្រុកទឹកឈូ នាថ្ងៃទី ២៩ ខែមីនា ឆ្នាំ ២០២១នេះ ក្រោមវត្តមានលោកជាវ តាយ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពត។

អំណោយកាកបាទក្រហម ចែកជូនប្រជាពលរដ្ឋងាយរងគ្រោះ ចំនួន៥០គ្រួសារ ក្នុង០១គ្រួសារ ទទួលបាន៖ អង្ករ ២៥គីឡូ  មី១កេះ ទឹកត្រី១យួរ ស្ករស១គីឡូ និងថវិកា២ម៉ឺនរៀល ព្រមទាំងបានឧបត្តម្ភជូនទីប្រឹក្សាយុវជន យុវជនកាកបាទក្រហម អ្នកស្មគ្រ័ចិត្តកាកបាទក្រហម នគរបាល កងរាជអាវុធហត្ថ និងប្រជាការពារ សរុបចំនួន៣៣ម៉ឺនរៀលផងដែរ៕srp

ខេត្តកំពត៖លោក ជាវ តាយ អភិបាលខេត្តនៅរសៀលថ្ងៃទី២៥ ខែមីនា ម្សិលមិញបានដឹកនាំ មន្ត្រីជំនាញនៃមន្ទីរពាក់ព័ន្ធ អាជ្ញាធរមូលដ្ឋាន អញ្ជើញចុះពិនិត្យដល់ទីតាំងជាក់ស្ដែងនឹងធ្វើការព្រមានហាមឃាត់ បញ្ឈប់សកម្មភាពជាបន្ទាន់ ដល់បុគ្គលដែលជាអ្នកអនុវត្តសកម្មភាពរំលោភបំពាន ករណីចាក់ដី បូមដី និងធ្វើសំណង់រឹងបំពានដីចំណីព្រែកនិងដងព្រែក របស់បុគ្គលមួយចំនួននៅតាមដងព្រែកកោះតូចស្ថិតនៅចំណុចជិតស្ពានរថភ្លើងដែលមានព្រំប្រទល់រវាងភូមិព្រែកចេក និងភូមិគីឡូម៉ែត១២ ក្នុងឃុំកោះតូច ស្រុកទឹកឈូ ខេត្តកំពត គឺជាករណី បំពានខុសគោលការណ៍បច្ចេកទេស នីតិវិធីច្បាប់ និងការកំណត់ដីចំណីព្រែក។

អភិបាលខេត្ត បានក្រើនរំលឹកបុគ្គលរំលោភបំពានដីចំណីព្រែករួមនឹងបុគ្គលផ្សេងៗទៀតដែលពាក់ព័ន្ធនឹងការរំលោភបំពានដីសាធារណៈរបស់រដ្ឋ យកមកគ្រប់គ្រងដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ គឺមិនអាចយកដីសាធារណៈរបស់រដ្ឋ ដោយបំពានច្បាប់បានឡើយ ពិសេសពាក់ព័ន្ធ ការរំលោភបំពានដីចំណីព្រែក ដែលខុសនឹងគោលការណ៍ បច្ចេកទេសផ្លូវទឹក នាពេលនេះជាដើម។

ពាក់ព័ន្ធនឹងការរំលោភបំពានដីចំណីព្រែកនេះផងដែរ អភិបាលខេត្ត ក៏បានដាក់ចំណាត់ការដល់ លោក នាក់ សុវណ្ណារីអភិបាលស្រុកទឹកឈូ ឲ្យអនុវត្តតាមនីតិវិធីច្បាប់ ចំពោះសំណង់ និងអាចម៍ដីដែលបានចាក់រួមនឹងដីបូមលុបតាមដងព្រែក ចំណីព្រែកត្រូវតែកាយចេញដើម្បីបើកផ្លូវទឹក ឲ្យបានឆាប់រហ័សជាបន្ទាន់។

ក្នុងករណីអនុវត្តមានការរាំងស្ទះ ដោយបញ្ហាណាមួយដែលមិនមានការចូលរួមសហការពីបុគ្គលរំលោភបំពាននោះទេ សូមរៀបចំឯកសារសម្រាប់រដ្ឋបាលខេត្ត ដាក់ជូនទៅតុលាការធ្វើចំណាត់ការតាមនីតិវិធីផ្លូវច្បាប់៕SRP