ខេត្តសៀមរាប

ខេត្តសៀមរាប៖បុរសម្នាក់បានបើកម៉ូតូទៅបុកនឹងគោយន្តកន្ត្រៃបណ្តាលឲ្យស្លាប់ភ្លាមៗ។
ហេតុការណ៍បានកើតឡើងនៅម៉ោង១៥និង១០ ថ្ងៃទី០៤ ខែធ្នូ ឆ្នាំ២០២១ ស្ថិតនៅ​ភូមិអង្កាញ់ ឃុំស្វាយលើ ស្រុក ស្វាយលើ ក្នុង​ទិសដៅស្របគ្នា។

សមត្ថកិច្ចស្រុកស្វាយលើបានរាយការណ៍ថា គ្រោះថ្នាក់ចរាចរណ៍នេះ អ្នកបើកបរម៉ូតូសណ្តោងរ៉ឺម៉កម៉ាក​ហុងដាពណ៌ខ្មៅ ពាក់ស្លាកលេខសៀមរាប ១W៦៦៤៣ បើកបរដោយឈ្មោះ សុខ ហេង ភេទប្រុស​ អាយុ១៩ រស់​នៅ​ភូមិ៦ ឃុំព្រែកខ្សាយ ស្រុក​ពាមរោក៍ ខេត្ត ព្រៃវែង បានបុកគោយន្តពីក្រោយបណ្តាលឱ្យស្លាប់នៅពេលបញ្ជូនទៅដល់មណ្ឌល់សុខភាពស្វាយលើ។ ចំណែកអ្នកបើកបរគោយន្តកន្ត្រៃឈ្មោះ​ ផាត វិជ្ជរ៉ា ភេទប្រុសអាយុ​៣៦ឆ្នាំ​ ររស់នៅភូមិអង្កាញ់ ​ ឃុំស្វាយលើ ស្រុក ស្វាយលើ(បានរត់គេចខ្លួនបាត់)។

សមត្ថកិច្ចបានបន្តថា មូលហេតុ​គ្រោះ​ថ្នាក់​ចចរាចរណ៍បណ្តាល​មក​ពី​ អ្នកបើកបរម៉ូតូមានល្បឿនលឿនខ្វះការប្រុងប្រយ័ត្ន។ ករណីនេះខូតខាតម៉ូតូ១គ្រឿងផងដែរ។ វត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុករងចាំដោះស្រាយ៕SRP

ខេត្តសៀមរាប៖ករណីបុរសម្នាក់ដែលបានចងកសម្លាប់ខ្លួនកាលពីព្រឹកមិញ សមត្ថកិច្ចបានអះអាងថាដោយសារជនរងគ្រោះមានជំងឺប្រចាំកាយ។

សមត្ថកិច្ចបានឲ្យដឹងថា ហេតុការណ៍បានកើតឡើង នៅប្រាសាទអង្គរវត្ត ជាង ៥០០ ម៉ែត្រ
ស្ថិតនៅភូមិត្រពាំងសេះសង្កាត់គោកចក ក្រុងសៀមរាប។

បើតាមប្រភពពីសមត្ថកិច្ចបានបន្តឲ្យដឹងថាជនរងគ្រោះ បានចងកសម្លាប់ខ្លួនប្រើខ្សែភ្លើង ចងជាប់និងធ្នឹមផ្ទះបណ្តាលអោយស្លាប់តែម្ដង។

ជនរងគ្រោះឈ្មោះ ផែន ជំនន់ អាយុ​២៩ឆ្នាំ មុខរបរ​នៅផ្ទះ នៅភូមិ​ត្រពាំង​សេះ សង្កាត់​គោកចក ក្រុងសៀមរាប។ ក្នុងករណីនេះសមត្ថកិច្ចបានបញ្ជាក់ថា មូលហេតុ​ព្រោះជនរងគ្រោះមានជំងឺប្រចាំកាយមិនពាក់ព័ន្ធរឿងអ្វីផ្សេងឡើយ៕SRP

ខេត្តសៀមរាប៖ព្រោះតែភ្លើងប្រចណ្ឌធ្វើឲ្យបុរសជាប្ដីដាច់ចិត្តអាករសម្លាប់ប្រពន្ធបណ្តាលឲ្យស្លាប់ក្នុងថ្លុកឈាម។

ជនសង្ស័យមានឈ្មោះ ឈ្មោះ ធួក ឈាត អាយុ ៤២ ឆ្នាំ មានទីលំនៅក្រុមទី ៨ ស្ថិតភូមិត្រពាំងសេះ សង្កាត់គោកចក ក្រុងសៀមរាប។ ត្រូវបានកម្លាំងសមត្ថកិច្ចចាប់ខ្លួននៅខេត្តកណ្ដាល នៅរសៀលថ្ងៃទី ៣ខែធ្នូ ម្សិលមិញឆ្នាំ ក្រោយពីបានធ្វើសកម្មភាពសម្លាប់ប្រពន្ធរបស់ខ្លួននៅក្រុងសៀមរាបរយៈពេលប៉ុន្មានម៉ោងក្រោយមក។ ចំណែកជនរងគ្រោះ ជាប្រពន្ធ ឈ្មោះ សូ ចាន់ធី អាយុ ៣៨ឆ្នាំ។

សមត្ថកិច្ចបានឲ្យដឹងថាករណីឃាតកម្មដ៏សាហាវព្រៃផ្សៃនេះ បានកើតឡើង នៅថ្ងៃទី ០២ ខែធ្នូ ឆ្នាំ២០២១ ត្រង់ចំណុចបន្ទប់ជួលភូមិទក្សិណត្បូង សង្កាត់គោកចក ក្រុងសៀមរាប ដោយជនសង្ស័យ ជាប្តី បានធ្វើសកម្មភាព យកកាំបិតចុងស្រួច អាកេសម្លាប់ប្រពន្ធ ហើយគេចខ្លួនបាត់ ។

នៅមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាព ពិតប្រាកដមែន។ មូលហេតុ កើតចេញពីភ្លើងប្រចណ្ឌ។ ក្រោយសាកសួរកម្លាំងជំនាញរៀបចំសំណុំរឿង បញ្ជូនទៅតុលាការ ចាត់ការតាមផ្លូវច្បាប់៕SRP

ខេត្តសៀមរាប៖សេចក្ដីរាយការណ៍ពីសមត្ថកិច្ចបានឱ្យដឹងថាបុរសជាកម្មករម្នាក់ ត្រូវបានរថយន្តដឹកគ្រួសធ្វើផ្លូវថយក្រោយជាន់បែកខ្ទេចសាកសព។

សមត្ថកិច្ចបានបន្តថា ហេតុការណ៍បានកើតឡើង នៅវេលាម៉ោង៧នាទីព្រឹកថ្ងៃទី ៤ ខែធ្នូឆ្នាំ ២០២១ ស្ថិតនៅផ្លូវ ០០៦ ជាប់ខាងជើងរបងមន្ទីរពេទ្យបង្អែកខេត្តសៀមរាបស្ថិតនៅក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប។

ប្រភពពីសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះគឺរថយន្តឡានដឹកគ្រួសចាក់ផ្លូវ បានថយក្រោយជាន់បុរសដែលជាកម្មករកំពុងធ្វើគំនូសផ្លូវជាមួយគ្នាស្លាប់ភ្លាមៗតែម្ដង។

ជនរងគ្រោះឈ្មោះ ស្រី តូច ភេទប្រុសអាយុ ៤៦មានស្រុកកំណើត រស់នៅភូមិតាអ៊ុង ឃុំតាអ៊ុងស្រុកចំការលើ ខេត្តកំពង់ចាម។ ចំណែកអ្នកបើកបររថយន្តធុនធំដឹកគ្រួសមានស្លាកបន្ទាយមានជ័យ៣A-១៩២៩ ត្រូវបានរត់គេចខ្លួនពីកន្លែងកើតហេតុ។

បើតាមសម្ដីរបស់សមត្ថកិច្ចបានឲ្យដឹងថាទាំងអ្នកបើកបររថយន្តដឹកគ្រួសនិងជនរងគ្រោះ បានបាត់បង់ជីវិតគឺធ្វើការនៅក្រុមហ៊ុនដើម្បីសាងសង់ផ្លូវជាមួយគ្នា។

ទោះជាយ៉ាងណា ពាក់ព័ន្ធទៅនឹងករណីនេះរហូតមកដល់ពេលនេះសមត្ថកិច្ចពុំទាន់អាចកំណត់មូលហេតុនៃការកើតឧប្បត្តិហេតុនេះបាននៅឡើយទេ៕SRP

ខេត្តសៀមរាប៖បុរសម្នាក់បើកម៉ូតូក្នុងល្បឿនលឿនជ្រុលទៅបុករថយន្ដមួយគ្រឿងបណ្ដាលឲ្យស្លាប់មួយរំពេច។

ហេតុការណ៍បានកើតឡើងនៅម៉ោង១៣និង៤៥នាទី ថ្ងៃទី០៣ ខែធ្នូ ឆ្នាំ២០២១ លើផ្លូវជាតិលេខ៦ ត្រង់ចំណុចចន្លោះបង្គោលគីឡូម៉ែត្រលេខ៣៤៥.៣៤៦ ភូមិស្វាយ ឃុំសរស្ដម្ភ ស្រុកពួក ខេត្តសៀមរាប។

របាយការណ៍សមត្ថកិច្ចបានឲ្យដឹងថា
ករណីគ្រោះថ្នាក់ចរាចរណ៍នេះកើតឡើង
ររវាងម៉ូតូបុករថយន្ត។ ម៉ូតូម៉ាកហុងដាឌ្រីម ផលិតឆ្នាំ២០១៤ពណ៌ខ្មៅ ពាក់ផ្លាកលេខសៀមរាប 1I 1345 បើកបរដោយឈ្មោះសំ សន ភេទប្រុស អាយុ៥៨នៅភូមិព្រៃជ្រូក ឃុំព្រៃជ្រូក ស្រុកពួក ខេត្តសៀមរាប បើកបរទិសដៅពីកើតទៅលិច( ពុំមានពាក់មួកសុវត្ថិភាព) បានបុក រថយន្តពីក្រោយបណ្ដាលអោយស្លាប់នឹងកន្លែង។ ចំណែករថយន្តម៉ាក អ៉ី ស៊ុយៗ ពណ៌ស  ពាក់ផ្លាកលេខ ភ្នំពេញ2BI 4301 បើកបរដោយឈ្មោះ សៀង សុខុន ភេទប្រុស អាយុ៣១ឆ្នាំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប បើកបរទិសដៅពីកើតទៅលិច ហើយបានបែកកង់ក្រោយខាងស្តាំ ឈប់លើទ្រូងផ្លូវចំហៀងខាងជើងក្បាលទៅទិសខាងលិច។ក្រោយពេលកើតហេតុអ្នកបើកបរថយន្តររត់គគេចខ្លួនបាត់។ ក្នុងនោះខូចខាតម៉ូតូ ១គ្រឿង (ធ្ងន់) និងរថយន្ត១គ្រឿង( ស្រាល)។មូលហេតុ: អ្នកបើកបរម៉ូតូបើកបរក្នុងល្បឿនលឿនខ្វះការប្រុងប្រយ័ត្ន៕SRP