ខេត្តព្រះវិហារ

ខេត្តព្រះវិហារ៖បុរសម្នាក់ត្រូវបាននគរបាលស្រុកគូលែន សហការជាមួយកម្លាំងប៉ុស្តិ៍នគរបាលរដ្ឋបាលស្រយ៉ង់ ចាប់ខ្លួនពាក់ព័ន្ធករណីរំលោភកូនចុង។ ការចាប់ខ្លួនធ្វើឡើងនៅថ្ងៃទី១៧ ខែមេសា ឆ្នាំ២០២១ ស្ថិតនៅ ឃុំស្រយ៉ង់ ស្រុកគូលែន ខេត្តព្រះវិហារ តាមបណ្តឹងពីជីដូន និងបានស្តាប់ការបំភ្លឺពីក្មេងស្រីរងគ្រោះ។

ហេតុការណ៍ចាប់រំលោភនៅវេលាម៉ោង១ និង០៥នាទីរំលងអធ្រាត្រឈានចូលដល់ថ្ងៃទី១៦ ខែមេសា ឆ្នាំ២០២១ នៅស្រុកគូលែន ខេត្តព្រះវិហារ លើផ្ទះរបស់ឈ្មោះ ជុន រ៉ា។

ជនសង្ស័យឈ្មោះ ជុន រ៉ា អាយុ៣៣ឆ្នាំ ជនជាតិខ្មែរ មុខរបរកសិករ (ត្រូវជាឪពុកចុង)បច្ចុប្បន្នរស់នៅភូមិ-ឃុំកើតហេតុ។ ចំណែកក្មេងស្រីរងគ្រោះមានឈ្មោះ រ.ស.ទ អាយុ១៤ឆ្នាំ ជនជាតិខ្មែរ មុខរបរសិស្ស(ត្រូវជាកូនចុង) រស់នៅផ្ទះជាមួយគ្នា ក្នុងភូមិ-ឃុំកើតហេតុ។

នគរបាលស្រុកគូលែនបានឲ្យដឹងថាករណីនេះកើតឡើងកាលពីឆ្នាំ២០១៩ ក្នុងឱកាសដែល ឪពុកម្តាយ និងក្មេងស្រីរងគ្រោះ ទៅធ្វើជាកម្មករចម្ការកៅស៊ូនៅឯខេត្តកំពង់ធំ ជាបន្តបន្ទាប់រហូតមកដល់ថ្ងៃទី១៦ ខែមេសា ឆ្នាំ២០២១ វេលាម៉ោង១៣ និង០៥នាទី នៅលើផ្ទះរបស់ឈ្មោះ ជុន រ៉ា (ដែលត្រូវជា ឪពុកចុង ) ក្នុងខណៈដែលក្មេងស្រីរងគ្រោះកំពុងមើលទូរស័ព្ទជាមួយប្អូនៗ ស្រាប់តែ ឪពុកចុងរូបនេះ បានមកដេកក្បែរហើយលូកទាញដៃក្មេងស្រីរងគ្រោះអោយលូកលេងប្រដាប់ភេទរបស់ខ្លួន ហើយប្រាប់ឱ្យប្អូនៗទៅតាមយាយនៅវត្តទៅ ស្របពេលនោះ ស្រាប់តែយាយក្មេងស្រីរងគ្រោះបានមកដល់ឃើញស្ថានភាពបែបនេះ យាយក៏បានសួរចៅស្រីរងគ្រោះទើបដឹងរឿងរ៉ាវជាបន្តបន្ទាប់រហូតដល់ថ្ងៃកើតហេតុចុងក្រោយនេះ។

បច្ចុប្បន្ននគរបាលកសាសំណុំរឿង បញ្ជូនសង្ស័យទៅការិយាល័យប្រឆាំងការជួញដូរមនុស្សនៃស្នងការដ្ឋាននគរបាលខេត្តព្រះវិហារ ដើម្បីដើម្បីអនុវត្តតាមផ្លូវច្បាប់៕SRP

ខេត្តព្រះវិហារ៖លោក វុធ សាវី ព្រះរាជអាជ្ញារង ខេត្តព្រះវិហារ នៅថ្ងៃទី ១៥ ខែមេសា ឆ្នាំ២០២១ នេះក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ បានដឹកនាំមន្ត្រីក្រោមឱវាទនាំយកសម្ភារមួយចំនួនដូចជា ម៉ាសទឹកសុីវអុីវ ស្ករ អំបិល និងថវិកាចំនួន១៦០០០០០ រៀល ឧបត្ថមដល់អ្នកជាប់នៅក្នុងពន្ធនាគារខេត្តព្រះវិហារ ចំនួន៤៤៤នាក់ ក្នុងនោះមានស្រី៤២នាក់ តាមរយ:ប្រធានពន្ធនាគារ។

លោក វុធ សាវី ព្រះរាជអាជ្ញារង បានកោតសរសើរដល់ប្រធានពន្ធនាគារ.ដែលបានយកចិត្តទុក្ខដាក់ខ្ពស់ក្នុងការ ការពារ តាមវិធានការណ៍របស់រដ្ឋាភិបាល ក្នុងការពារពីជំងឺកូដវីដ-១៩។ ជាមួយគ្នានេះ លោកថ្លែងថានឹងគៀងគរ សប្បុរសជនដើម្បីជួយដល់ពន្ធនាគារបន្តទៀត៕SRP

ខេត្តព្រះវិហារ៖ លោក ឡាញ់ លីស៊ីវ ឡេង អធិការនគរបាល ស្រុកគូលែន នៅថ្ងៃទី១៣ ខែមេសា ឆ្នាំ២០២១ ព្រឹកមិញ បានដឹកនាំអធិការរង និងមន្ត្រីនគរបាលជាតិនៃអធិការដ្ឋាននគរបាលស្រុកគូលែន ចុះសួរសុខទុក្ខ និងនាំយកថវិកាចំនួន៤៩០.០០០៛(បួនរយ កៅសិបពាន់រៀលគត់) ជូនលោក ហូ ហ៊ុច ជាមន្ត្រីនគរបាលប៉ុស្តិ៍នគរបាលរដ្ឋបាលភ្នំត្បែងពីរ ដែលគ្រោះថ្នាក់ចរាចរណ៍ដោយខ្លួនឯងកាលពីថ្ងៃទី១០ ខែមេសា ឆ្នាំ២០២១ វេលាម៉ោង១៩និង១៧នាទី នៅចំណុច
ស្រែបុស្សចេក ស្ថិតក្នុងភូមិសាស្ត្រភូមិស្រឡៃ ឃុំភ្នំត្បែងពីរ ស្រុកគូលែន ខេត្តព្រះវិហារ រងរបួសភ្លាត់ឆ្អឹងដៃខាងឆ្វេង និងស្រាំឆ្អឹង កំពុងសម្រាកព្យាបាលជំងឺនៅផ្ទះស្ថិតនៅភូមិឈូក ឃុំភ្នំត្បែងពីរ ស្រុកគូលែន ខេត្តព្រះវិហារ៕SRP

ខេត្តព្រះវិហារ៖សមត្ថកិច្ចបានចាប់ខ្លួនមេឆ្នោតខុសច្បាប់ម្នាក់ប្រចាំក្រុងព្រះវិហារ បន្ទាប់ពីបានធ្វើសកម្មភាពរាប់ឆ្នាំមកហើយ។

ការបង្ក្រាបនេះធ្វើឡើងនៅរសៀល ថ្ងៃទី១១ ខែមេសា ម្សិលមិញ នៅចំណុចភូមិហ្មសែត សង្កាត់កំពង់ប្រណាក ក្រុងព្រះវិហារ ដឹកនាំដោយលោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ។

ព្រះរាជអាជ្ញារងអមសាលាដំបូងខេត្តព្រះវិហារ លោក វុធ សាវី បានអោយដឹងថា មេឆ្នោតដែលត្រូវចាប់ខ្លួននេះមានឈ្មោះឈ្មោះចែអូន នឹងប្តីឈ្មោះ ហ័ត មានទីលំនៅភូមិហ្មសែត សង្កាត់កំពង់ប្រណាក ក្រុងព្រះវិហារ។ ករណីនេះសមត្ថកិច្ចបានដកហូតវត្ថុតាង មានម៉ាស៊ីនគិតលេខ ក្រដាស់កត់កន្ទុយលេខ សៀវភៅកត់លេខ នឹងវត្ថុតាងមួយចំនួន។

លោកបានបន្តរថា មេឆ្នោតរូបនេះ បានលួចលាក់កត់ឆ្នោតជាយូណាស់មកហើយ ប៉ុន្តែមិនដែលចាប់បាននោះទេ គាត់នៅតែធ្វើសកម្មភាពកត់ឆ្នោតដដែល រហូតដល់ថ្ងៃឃាត់ខ្លួននេះតែម្តង។

សូមបញ្ជាក់ថា ជនសង្ស័យមេឆ្នោត ត្រូវបានកងរាជអាវុធហត្ថខេត្តព្រះវិហារ កសាងសំណុំរឿងបញ្ជូនទៅកាន់សាលាដំបូងខេត្តដើម្បីអនុវត្តតាមផ្លូវច្បាប់៕SRP

ខេត្តព្រះវិហារ៖ទីតាំងកន្លែងភ្នាល់ល្បែងសុីសងមួយកន្លែងមាន ល្បែងជល់មាន់តាមonline ល្បែងប្រដាល់ និងល្បែងផ្សេងៗទៀត ស្ថិតនៅសង្កាត់កំពង់ប្រណាក ក្រុងព្រះវិហារ ខេត្តព្រះវិហារ ត្រូវបានកម្លាំងអាវុធហត្ថខេត្តចុះបង្ក្រាប។

ការបង្ក្រាបនេះធ្វើឡើង នៅថ្ងៃសៅរ៍ ទី ១០ ខែមេសា ឆ្នាំ២០២១នេះ ក្រោមការដឹកនាំសម្របសម្រួលពីលោក វុធ សាវី ព្រះរាជអាជ្ញារង ខេត្តព្រះវិហារ។

លោក វុធ សាវី ព្រះរាជអាជ្ញារងខេត្តបានប្រាប់អ្នកសារព័ត៌មានថា ករណីនេះដោយសារពួកគាត់មិនគោរពតាមវិធានកាណ៍របស់ក្រសួងសុខាភិបាល ដែលរដ្ឋាភិបាលកំពុងតែមមាញញឹកនឹងការទប់ស្កាត់ជំងឺកូវីដ-១៩ដ៏កាចសាហាវមួយនេះ លោកត្រូវតែពង្រឹងច្បាប់អោយទាល់តែបាន ដើម្បីផលប្រយោជន៍រួមរបស់ប្រជាជនយើង។
សូមជម្រាបដាក្នុងប្រតិបត្តិការបង្រ្កាបនេះ សមត្ថកិច្ចបានឃាត់ខ្លួនមនុស្សចំនួន១០នាក់ ម៉ូតូ៣០គ្រឿង ឡាន៣គ្រឿង ទូរទស្សន៍២គ្រឿង នឹងសម្ភារភ្នាល់មួយចំនួនផងដែរ។ចំណែក មនុស្សចំនួនប្រហែល៥០នាក់ទៀតបានគេចខ្លួនបាត់ក្នុងការបង្រ្កាបនេះ។ ចំពោះករណីសមត្ថកិច្ចថាកសាងសំណុំរឿង បញ្ជូនទៅតុលាការធ្វើតាមនីតិវិធីច្បាប់៕SRP