ខេត្តព្រៃវែង

ខេត្តព្រៃវែង៖អធិការនគរបាលស្រុកពារាំង បានចេញសេចក្តីបំភ្លឺមួុយដោយអះអាងថាក្នុងទឹកដីគ្រប់គ្រងរបស់ខ្លួនគ្មានល្បែងស៊ីសង ដូចការចុះផ្សាយរបស់សារព័ត៌មានមួយចំនួននោះទេ។
ការបដិសេធនេះបន្ទាប់ពីមានសារព័ត៌មានមួយចំនួនបានបង្ហោះផ្សព្វផ្សាយថា<<ល្បែងស៊ីសងជាច្រើននៅស្រុកពារាំងកំពុងតែបើកលេងយ៉ាងរំភើយតែមិនទាន់ឃើញសមត្ថកិច្ចពាក់ព័ន្ធណាម្នាក់បង្ក្រាបសោះឡើយ>>។សេចក្តីបំភ្លឺដែលមានខ្លឹមសារដូចខាងក្រោម៕SRP

ខេត្តព្រៃវែង៖ លោក មួង ដារ៉ា អតីតប្រធានការិយាល័យគយនិងរដ្ឋាករច្រកជ្រៃធំ ត្រូវបានតែងតាំងជាប្រធានសាខាគយ និងរដ្ឋាករខេត្តព្រៃវែងថ្មី ជំនួសលោក កាំង លាង ដែលត្រូវទៅកាន់ ជាប្រធានសាខាគយ និងរដ្ឋាករខេត្តសៀមរាប។

ពិធីធ្វើនៅរសៀលថ្ងៃទី០៦ខែកក្កដា ម្សិលមិញ ក្រោមវត្តមាននួន ច័ន្ទរិទ្ធ អគ្គនាយករង នៃអគ្គនាយកដ្ឋានគយ និងរដ្ឋាករកម្ពុជា តំណាង លោក គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា លោក ស្បោង សារ៉ាត់ ប្រធានក្រុមប្រឹក្សាខេត្ត ព្រៃវែង និងលោក ជា សុមេធី អភិបាលខេត្តព្រៃវែង៕SRP

ខេត្តព្រៃវែង៖ទីតាំងជល់មាន់និងល្បែងអាប៉ោងដ៏ធំមួយកន្លែងក្នុងផ្ទះវីឡា ស្ថិតនៅភូមិស្វាយសាក់ ឃុំពោធិ៍ទី ស្រុកស៊ីធរកណ្ដាល មិនទាន់ត្រូវបានអាជ្ញាធរសមត្ថកិច្ចចុះបង្ក្រាបនៅឡើយទេ។

ប្រការដែលអាជ្ញាធរសមត្ថកិច្ចខេត្តព្រៃវែង មិនទាន់ចុះបង្ក្រាបបែបនេះទំនងម្ចាស់ទីតាំងល្បែងខាងលើបានរត់ការជាមួយអាជ្ញាធរសមត្ថកិច្ចតាំងពីថ្នាក់ក្រោមរហូតដល់ថ្នាកលើអស់ហើយ ទើបរក្សាភាពស្ងប់ស្ងាត់យ៉ាងដូច្នេះ។

មានការលើកឡើងថាទីតាំងសង្វៀនជល់មាន់និងអាប៉ោងនេះអាចបើកលេងបានរយ៉ាងរលូនជាច្រើនថ្ងៃមកហើយដោយមិនខ្លាចញញើតទៅនឹងអាជ្ញាធរសមត្ថកិច្ចបន្តិចសោះឡើយ។

ពាក់ព័ន្ធករណីនេះប្រជាពលរដ្ឋបានសូមសំណូមពរដល់ លោកជា សុ មេធី អភិបាលខេត្តព្រៃវែង និងលោកឧត្តមសេនីយ៍ព្រុំ សន្ធរ ស្នងការខេត្តព្រៃវែង ជួយចាត់វិធានការណ៍បង្រ្កាបទៅលើទីតាំងសង្វៀនជល់មាន់និងអាប៉ោង ខាងលើនេះផង ដើម្បីភូមិឃុំមានសុវត្ថិភាពទាំង០៩ចំណុច ចៀសវាងមានអំពើចោរកម្មកើតឡើងក្នុងមូលដ្ឋានរបស់ពួកគាត់៕SRP

ខេត្តព្រៃវែង៖ សេចក្ដីរាយការណ៍បានឲ្យដឹងថាសង្វៀនជល់មាន់ និងអាប៉ោងដ៏ធំមួយ កន្លែង ស្ថិតនៅក្នុង ភូមិស្វាយសាក់ ឃុំពោធិ៍ទីស្រុកស៊ីធរកណ្តាល ខេត្តព្រៃវែង ក្នុងវីឡា ទល់មុខវត្តស្វាយសាក់ ដោយមិនទាន់មានការបង្ក្រាបឡើយ។

ប្រជាពលរដ្ឋ ដែលរស់នៅជិតកន្លែងទីតាំងល្បែងខាងលើបានឲ្យដឹងថា រាល់ថ្ងៃឃើញក្រុមអ្នកញៀនល្បែងជាច្រើនបានជិះឡាន ម៉ូតូ ដឹកមាន់ចូលទៅក្នុងសង្វៀនមាន់ ព្រមទាំងស្រែកហ៊ោកញ្រ្ជៀវឡូឡាពេញទីតាំងពេលគេចាញ់ឈ្នះម្តងៗ។

បើយោងប្រភពបានបង្ហើបថា សង្វៀនមាន់អាប៉ោង មួយនេះបើកលេងបានយ៉ាងរលូន ដោយមានមេការឈ្មោះបុលនិងមេសង្វៀនដ៏ធំម្នាក់ទៀត
ជាអ្នករត់ការដល់សមត្ថកិច្ចតាំងពីថ្នាក់ក្រោមរហូតដល់ថ្នាក់លើក្នុងខេត្តដេីម្បីបិតមាត់ មិនឲ្យមានការចាប់ចងឬបង្រ្កាបឡេីយ៕SRP

ខេត្តព្រៃវែង៖នគបាលបានចាប់ខ្លួនអ្នករត់ឡានតាក់ស៊ីម្នាក់ ក្រោយធ្វើសកម្មភាពចាប់រំលោភនារីម្នាក់បានសម្រេចនៅលើរថយន្ត។ការចាប់ខ្លួន ធ្វើឡើងកាលពីថ្ងៃទី ២៦ខែមេសាឆ្នាំ២០២០វេលាម៉ោង១២និង៤០នាទី។ នគរបាលរដ្ឋបាលឃុំច្រេស ស្រុកមេសាងបានឲ្យថាក្រោយពី បានទទួលបណ្ដឹងពីឈ្មោះ ឆ ខ ភេទស្រីអាយុ៣៣ឆ្នាំរសនៅឃុំម្រាម ស្រុរមាសហែក ខេត្តស្វាយរៀង ថា  ខ្លួនត្រូវបានឈ្មោះ ខុន រិត ភេទប្រុសអាយុ ២៩ ឆ្នាំនៅភូមិបឹង ឃុំច្រេស ស្រុកមេសាង មុខរបរតៃកុងរថយន្ត ដឹកអ្នកដំណើរពីភ្នំពេញ  មកស្រុកមេសាង  បានធ្វើសកម្មភាពចាប់បង្ខំខ្លួនរំលោភបានសំរេច នៅលើរថយន្ត របស់ជនសង្ស័យ ក្រោយពីដាក់មនុស្សអស់ សល់តែខ្លួននិងតៃកុងទ្បាន នៅវេលាម៉ោង ៩និង៣០នាទីយប់ថ្ងៃទី២៥ខែមេសាឆ្នាំ២០២០នៅចំណុចវាលលើផ្លូវលំ ក្នុងភូមិប្រហ៊ារ ឃុំច្រេស ស្រុកមេសាងខេត្តព្រៃវែង។ ក្រោយពីទទួលបណ្តឹងភ្លាម ជំនាញនគបាលស្រុក ចុះសហការជាមួយនបាលប៉ុស្តិ៍រដ្ឋបាលឃុំច្រេស បើកការសើបអង្កេត ឈានដល់នាំខ្លួនជនសង្ស័យឈ្មោះ ខុន រិត និងរថយន្ត របស់ជនសង្ស័យ  មកសាកសួរ នៅប៉ុស្តិ៍រដ្ឋបាលឃុំច្រេស។ ក្រោយពីសាកសួរ ជនសង្ស័យបានសារភាពថាខ្លួនពិត្តជាបានចាប់បង្ខំរំលោភបានសំរេច ទៅលើជនរងគ្រោះឈ្មោះ ឆ ខ នៅលើរថយន្តរបស់ខ្លួនពិតប្រាកដមែន កាលពីយប់ថ្ងៃ ទី២៥ខែមេសា។

បច្ចុប្បន្នរថយន្តនិងជនសង្ស័យ ខុន រិត ត្រូវសមត្ថកិច្ចឃាត់ខ្លួននាំមក អធិការដ្ឋាននបាលស្រុកមេសាង ដើម្បីបន្តនីតិវិធី  និងត្រៀមបញ្ជូនទៅការិយាល័យជំនាញនៃស្នងការដ្ឋាននគបាលខេត្តចាត់ការតាមច្បាប់៕SRP