ខេត្តព្រៃវែង

ខេត្តព្រៃវែង៖ក្រុមប្រជាពលរដ្ឋជិត២០ គ្រួសារ រស់នៅភូមិត្រគៀត ឃុំរកា ស្រុកពារាំង ខេត្តព្រៃវែង នៅរសៀលថ្ងៃទី២១ ខែកក្កដាម្សិលមិញ បានលើគ្នាតវ៉ានៅមុខសាលាឃុំរកា ដោយសុំឲ្យប្រាប់ដល់ម្ចាស់គ្រឿងចក្រ មកកាយដីចេញពីផ្លូវរទេះវិញ ដោយយល់ឃើញថាការធ្វើផ្លូវរទេះចាស់នេះជាការ បិតផ្លូវទឹកបង្ហូរចូលស្រែរបស់ពួកគាត់។
តំណាងអោយសហគមន៍ក្នុងភូមិត្រគៀត
ឈ្មោះ(ឡា) បានប្រាប់ដល់ បណ្ដាញ សៀមរាបប៉ុស្តិ៍ ដឹងថា៖ពួកគាត់មកតវ៉ានេះ គឺគ្រាន់តែសុំអោយផ្លូវរទេះមានសភាពដើមវិញ បើទោះបីថាផ្លូវនេះមានសភាពទ្រុឌទ្រោមទាបក៏ដោយ តែអាចបង្ហូរទឹកចូលស្រែបាន តែបើឈូសឆាយចាក់ដីខ្ពស់បៀបនេះ គឺមិនអាចបង្ហូរទឹកចូលស្រែបាននោះទេ នឹងធ្វើអោយផលដំណាំស្រូវពួកគាត់រងការខូចខាតដោយសារខ្វះទឹកជាក់ជាមិនខាន។
លោកពូ (ឡា)បានបន្តទៀតថា ការដែលធ្វើអោយមានផលប៉ះពាល់នោះ គឺមានច្រើនគ្រួសារណាស់ ដោយការឈូសឆាយនេះកន្លែងខ្លះ ធ្វើអោយពួកគាត់បើកបររទេះ ឬគោយន្ត លែងកើត នឹងកន្លែងខ្លះទៀតប៉ះពាល់ដល់ភ្លឺស្រែពួកគាត់ទើបពួកគាត់មកប្តឹងតវ៉ា
ដើម្បីអោយអាជ្ញាធរឃុំជួយរកដំណោះស្រាយជូនពួកគាត់។
ពាក់ព័ន្ធករណីម្ចាស់គ្រឿងចក្រ
បានបញ្ជាក់ប្រាប់ សៀមរាបប៉ុស្តិ៍ ថា ការដែលគាត់មកជីកកាយដីនៅបឹងវែងនេះ គឺដោយសារតែមានឯកភាពពីអាជ្ញាធរភូមិឃុំរួចហើយ។ ព្រោះអាជ្ញាធរភូមិឃុំសង្កេតឃើញថា ផ្លូវមួយខ្សែនេះមានសភាពទ្រុឌទ្រោមខ្លាំងពេក ទើបធ្វើ
អោយពលរដ្ឋ ធ្វើដំណើរទៅអាស្រ័យផលបានស្រួល។ ទើបដឹកអាចម៍ដីពីបឹងវែងមកធ្វើផ្លូវនេះ។ តែបែជា ប្រជាពលរដ្ឋកើតទុក្ខមិនសុខចិត្តទៅវិញ។
ម្ចាស់គ្រឿងចក្របានបន្តថា កន្លងមកគាត់តែងតែជួយចាក់ដីបំពេញនៅតាមផ្លូវក្នុងភូមិមួយចំនួន ដែលមានការខូចខាតផងដែរ។ តែមិនដែលមានបញ្ហាអ្វីទេ ទើបតែពេលនេះ ដែលមានបញ្ហាជាមួយប្រជាពលរដ្ឋ។
ជុំវិញការតវ៉ារបស់ពលរដ្ឋ លោក នេត នឿន មេឃុំរកា ក៏បានហៅតំណាងប្រជាពលរដ្ឋក្នុងសហគមន៍ចំនួន០៣រូបមកដោះស្រាយផងដែរ។ ដោយតំណាងពលរដ្ឋទាំង០៣រូបបានដាក់សំណើរសុំអោយអាជ្ញាធរឃុំ ជួយដោះស្រាយពីបញ្ហារបស់ពួកគាត់ ដោយសុំអោយម្ចាស់គ្រឿងចក្រកាយអាចម៍ដីចេញពីផ្លូវរទេះនេះវិញ។
ករណីនេះលោក នេត នឿន មេឃុំរកាដោយយល់ឃើញថាផ្លូវធ្វើបាន៨០ភាគរយហើយ ក៏សុំកុំអោយកាយអាចម៍ដីចេញវិញ។ តែលោកនឹងធ្វើជាប្រឡាយទឹក ជូនដល់ពួកគាត់ដើម្បីបានទឹកបង្ហូរចូលស្រែ។
លោកមេឃុំ ក៏បានបញ្ជាក់ថា ការធ្វើប្រឡាយទឹកនេះគឺយ៉ាងយូរថ្ងៃទី១៥ ខែសីហា ឆ្នាំ២០២០ខាងមុខនេះ។
ដោយមានការលើកឡើងពីលោកមេឃុំទើបតំណាងពលរដ្ឋទាំង០៣រូប យល់ព្រមនឹងផ្តិតមេដៃ។ តែពួកគាត់ថា
បើឃុំមិនធ្វើប្រឡាយទឹកជូនពួកគាត់ទេគឺត្រូវតែកាយអាចម៍ដីចេញពីផ្លូវទាំងអស់វិញ។
សូមបញ្ជាក់ថានៅថ្ងៃទី២២ខែដដែលនេះ លោក នេត នឿន មេឃុំរកា ក៏បានហៅម្ចាស់គ្រឿងចក្រ បញ្ជាក់ប្រាប់ថានឹងតម្រូវអោយធ្វើជាប្រឡាយទឹកជូនដល់ប្រជាពលរដ្ឋ យ៉ាងយូរពាក់កណ្ដាលខែសីហាមុខនេះ។ បញ្ហានេះម្ចាស់គ្រឿងចក្រក៏មានយល់ព្រមថានឹងធ្វើជូនពលរដ្ឋមិនឲ្យយឺតយ៉ាវនោះទេ៕SRP

ខេត្តព្រៃវែង៖ជនសង្ស័យម្នាក់ត្រូវបាននគរបាលឃាត់ខ្លួនក្រោយធ្វើសកម្មភាពវាយ ប្លន់អ្នករត់ម៉ូតូឌុបតែមិនបានសម្រេច។
ហេតុការណ៍នេះបានកើតឡើង នៅថ្ងៃទី១៨ ខែកក្កដា ឆ្នាំ២០២០ វេលាម៉ោង០៨និង៤០នាទីព្រឹក នៅចំណុចភូមិព្រៃសំលាញ ឃុំសំរោង ស្រុកស្វាយអន្ទរ ខេត្តព្រៃវែង។
ជនសង្ស័យឈ្មោះ ប្រុស ដេត ភេទប្រុស អាយុ២២ឆ្នាំ ភូមិស្តៅកោង ឃុំស្តៅកោង ស្រុកបាភ្នំ ខេត្តព្រៃវែង។

សមត្ថកិច្ចបានឲ្យដឹងថា ជនសង្ស័យបានជួលម៉ូតូ ជនរងគ្រោះឲ្យឌុបខ្លួនពីមុខឃុំស្ដៅកោង ស្រុកបាភ្នំ មករង្វង់មូលស្វាយអន្ទរ ពេលឌុបមកចំណុចផ្លូវស្រឡះ គ្មានផ្ទះប្រជាពលរដ្ឋ ឃើញមានឱកាសល្អជនសង្ស័យ បានធ្វើលេសឈប់ជុះនោម ហើយធ្វើសកម្មភាពវាយជនរងគ្រោះនឹងដំបង ទៅលើជនរងគ្រោះមួយដំបង ហើយជនរងគ្រោះគេចខ្លួនលោតចុះពីលើម៉ូតូ ពេលនោះជនសង្ស័យក៏លើកយកម៉ូតូជិះរត់។

ក្រោយទទួលបានព័ត៌មានកម្លាំងនគរបាលស្រុក ដោយបានបញ្ជា និងដឹកនាំផ្ទាល់ពីលោកអធិការ អ៊ុង ផាន បានដេញតាមពួនស្ទាក់ រហូតដល់ម៉ោង១០នុង៥០នាទី ទើបចាប់ជនសង្ស័យ បាននៅចំណុចប្រឡាយចិន ភូមិព្រៃឆ្លុង ឃុំពានរោង។

បច្ចុប្បន្នអធិការដ្ឋាននគរបាលស្រុកស្វាយអន្ទរ បញ្ជូនទៅការិយាល័យជំនាញ ចាត់ការតាមនិតិវិធី រីឯម៉ូតូសមត្ថកិច្ចបានប្រគល់ជូនទៅម្ចាស់ដើមវិញ៕SRP

ខេត្តព្រៃវែង៖នាយករដ្ឋមន្ត្រី សម្តេចតេជោ ហ៊ុន សែន បានស្នើឱ្យអាជ្ញាធរពាក់ព័ន្ធរួមទាំងក្រសួងកសិកម្ម រុក្ខាប្រមាញ់ និងនេសាទ ព្រមទាំងបង ប្អូនប្រជាពលរដ្ឋបង្កើតសហគមន៍អ្នកចិញ្ចឹមត្រី ដើម្បីងាយស្រួលក្នុងការតតាំងជាមួយឈ្មួញ សម្រាប់កំណត់តម្លៃលក់ត្រី។

ថ្លែងក្នុងការអញ្ជើញចុះពិនិត្យមើលវឌ្ឍនភាពនិងផែនការអភិវឌ្ឍន៍នៃការធ្វើវារីវប្បកម្ម នៅកម្ពុជា នៅមជ្ឈមណ្ឌលស្រាវជ្រាវ  និងអភិវឌ្ឍន៍វារីវប្បកម្មទឹកសាបរបស់រដ្ឋបាល ជលផល ដែលមានទីតាំងស្ថិត នៅភូមិបាទី ឃុំពាមរក៍ ស្រុកពាមរក៍ ខេត្តព្រៃវែង នាព្រឹកថ្ងៃទី១៤ខែកក្កដាឆ្នាំ២០២០នេះ សម្តេច ហ៊ុន សែន បានលើកឡើងពីបញ្ហារបស់ប្រជា កសិករចិញ្ចឹមត្រីលើបញ្ហាតម្លៃត្រីថោកនៅពេលទទួលផល ត្រង់ចំណុចនេះ សម្ដេចតេជោ បានស្នើឱ្យអាជ្ញាធរពាក់ព័ន្ធគួរបង្កើតឱ្យមានសហគមន៍អ្នកចិញ្ចឹមត្រី ដើម្បីធ្វើការតវ៉ា ជាមួយឈ្មួញទិញត្រី។

សម្ដេចតេជោបានបញ្ជាក់ថាបើសិនប្រជាកសិករលក់ត្រីដោយខ្លួនឯង នោះឈ្មួញពិបាកឱ្យតម្លៃព្រោះអ្នកខ្លះលក់ថ្លៃ អ្នកខ្លះថោកដែលធ្វើឱ្យឈ្មួញពិបាក ចូលទិញ ដូច្នេះគួរបង្កើតសហគមន៍ មួយដើម្បីលក់ត្រីមានភាពងាយស្រួល។ សម្តេចតេជោបានលើកឡើងថា ការចឹញ្ចឹមត្រីទទួលបានផលច្រើនជាងការធ្វើស្រែ ដោយមានការ ចំណេញ  ច្រើនគួរសម  ដោយធ្វើការលើផ្ទៃដីប្រហាក់ប្រហែលគ្នា។

សម្តេចនាយករដ្ឋមន្ត្រីបានស្នើឱ្យសមត្ថកិច្ចដែលចុះចាប់បង្រ្កាបបទល្មើសជលផលខុសច្បាប់ដោយប្រើប្រាស់ស្បៃ អួនដាក់ត្រី មិនត្រូវចាប់យក ស្បៃទៅ ដុតចោលដូចមុនទៀតទេ គឺត្រូវទុកស្បៃទាំងនោះឱ្យប្រជាកសិករ អ្នកចឹញ្ចឹមត្រី យកទៅ បាំងត្រីក្នុងស្រះដែលលិចទឹក។ សម្តេចតេជោបានថ្លែងថា “ពេលនេះខ្ញុំស្នើសុំឱ្យសមត្ថកិច្ច ដែលចាប់បានស្បែ អួនដែលជនល្មើសយកទៅដាក់ចាប់ត្រីខុសច្បាប់ដោយកុំ ដុតចោល ដូចមុនទៀត ដោយទុកយកមកឱ្យប្រជាកសិករអ្នកចឹញ្ចឹមត្រីនៅពេលទឹកលិចស្រះ របស់ពូកគាត់វិញ”។

សម្តេចថា ការទុកស្បៃនេះចំណេញច្រើនជាង ព្រោះនៅពេលយកស្បៃ នេះមកឱ្យប្រជាកសិករមិនសូវចំណាយលុយច្រើនក្នុងការទិញស្បៃមកបាំង ឃាត់មិនឱ្យចេញពីស្រះនៅពេលរដូវទឹកលិចស្រះ៕SRP

ខេត្តព្រៃវែង៖ ប្រជាពលរដ្ឋពីរគ្រួសារបាននាំគ្នាជិត២០នាក់មកបោះបង្គោលលើព្រំដីក្រោយសាលាឃុំរាប ដោយអះអាងថាជាដី កេរ្តិ៍ដំណែល របស់ឪពុកម្តាយគាត់តាំងពីពួកគាត់នៅក្មេងៗមកម្ល៉េះតែអាជ្ញាធរឃុំរាប មិនអនុញ្ញាត ដោយអះអាងថាជាដីរបស់សាលាឃុំ។

នៅព្រឹកថ្ងៃទី១២ ខែកក្កដា ឆ្នាំ២០២០នេះលោកស្រី ប្រាក់ វណ្ណនឿន នឹង ប្អូនស្រីរបស់គាត់ឈ្មោះ ប្រាក់ វណ្ណី រស់នៅភូមិវៃវេទ ឃុំរាប ស្រុកពារាំង ខេត្តព្រៃវែងបានប្រាប់អ្នកសារព័ត៌មានថាដីដែលមានទីតាំងនៅក្រោយសាលាឃុំរាប នេះគឺជាដីកេរ្តិ៍ដំណែលពីឪពុកម្តាយគាត់ចែកអោយពួកគាត់អាស្រ័យផលដើម្បីចិញ្ចឹមជីវិតហើយកន្លងមកក៏មានអាជ្ញាធរភូមិឃុំចាស់ៗទទួលស្គាល់ដីនេះថាជាដីរបស់ពួកគាត់៦ជំនាន់មកហើយដែរ តែលោក ផន ផល មេឃុំរាប បច្ចុប្បន្នមិនទទួលនិងហាមឃាត់មិនអោយគាត់ធ្វើរបងឬបោះបង្គោល។

ដូច្នេះពួកគាត់សូមសំណូមពរដល់មន្ត្រីថ្នាក់ដឹកនាំខាងលើជួយពិនិត្យមើលនឹងជួយសម្រួលដល់ពួកគាត់ផង។

ជុំវិញករណីនេះលោក ផន ផល មេឃុំរាប បានឲ្យដឹងថាដីក្រោយសាលាឃុំរាប នេះគឺមិនមែនតែគាត់ទេ ដែលមិនអនុញ្ញាតគឺកន្លងមកក៏មានមេឃុំមុនៗ ក៏មិនអនុញ្ញាតដែរ។ លោកក៏បានបញ្ជូនទៅដល់សាលាស្រុករួចហើយដែរ តែខាងស្រុកដោះស្រាយឬមិនដោះស្រាយគាត់ក៏មិនដឹងដែរ។

គួររំលឹកផងដែរថាកន្លងមកនៅឃុំរាប នេះគឺធ្លាប់មានបញ្ហារឿងដីធ្លីច្រើនករណីហើយក៏ធ្លាប់មានការរិះគន់ពីប្រជាពលរដ្ឋខ្លះផងដែរ តែក៏បានអាជ្ញាធរស្រុកដែលមានលោក ហ៊ី ធួក អភិបាលស្រុកបានជួយដោះស្រាយជូនប្រជាពលរដ្ឋបានដោយជោគជ័យ ប្រកបដោយយុត្តិធម៌ដែលប្រជាពលរដ្ឋទទួលយកបានដោយរីករាយ ប៉ុន្តែឥឡូវនេះក៏ស្រាប់តែមានករណីដូចខាងលើនេះមួយទៀត ដូច្នេះសង្ឃឹមថាអាជ្ញាធរស្រុកនឹងដោះស្រាយជូនពួកគាត់បានដោយជោគជ័យដូចកាលពីកន្លងមកផងដែរ៕ SRP ដោយ: សូ សុខា

ខេត្តព្រៃវែង៖ អាជ្ញាធរខេត្តព្រៃវែង លើកឡើងថា ខេត្តព្រៃវែងបានក្លាយជាជង្រុកស្រូវដ៏ធំជាងគេនៅក្នុងប្រទេសកម្ពុជា នៅដំណាលកាលប៉ុន្មានឆ្នាំចុងក្រោយនេះ បន្ទាប់ពីប្រជាកសិករងាកមកអនុវត្តតាមការណែនាំរបស់មន្ត្រីជំនាញ និងគួបផ្សំជាមួយភាពវៃឆ្លាតរបស់ពួកគាត់ផងដែរ។

ថ្លែងក្នុងសន្និសីទសារព័ត៌មានស្តីពី វឌ្ឍនភាពនិងទិសដៅការងារបន្តរបស់រដ្ឋបាលខេត្តព្រៃវែង នៅថ្ងៃទី ០៩ ខែ កក្កដា នាទីស្តីការគណៈរដ្ឋមន្រ្តី លោក អ៊ុក សំណាង ប្រធានមន្ទីកសិកម្ម រុក្ខាប្រមាញ់ និងនេសាទបានឲ្យដឹងថា ខេត្តព្រៃវែងជាខេត្តមួយដែលមានសក្តានុពលខ្ពស់ សើគ្រប់វិស័យជាពិសេសវិស័យស្រូវអង្ករ ដែលអាចទទួលបានបរិមាណផលច្រើនជាងគេនៅក្នុងប្រទេសកម្ពុជា ខណៈនៅក្នុងឆ្នាំ២០១៩-២០២០នេះ អាចផលិតបានរហូតដល់១លាន ៣សែនតោន។

លោកបានបញ្ជាក់ថា តាមរយៈបរិមានផលដែលទទួលបាននេះអាច មានសមត្ថភាពផ្គត់ផ្គត់បំពេញតម្រូវរបស់បងប្អូនប្រជាពលរដ្ឋក្នុងខេត្ត ថែមទាំងអាចនាំចេញដើម្បីបំពេញមត្រូវការរបស់ប្រជាជននៅក្នុងប្រទេសបានថែមទៀត ដោយមិនមានការព្រួយបារម្ភអ្វីឡើយ បើទោះបីប្រទេសកម្ពុជាកំពុងជួបនូវវិបត្តិកូវីដ១៩ក៏ដោយ។

លោកប្រធានមន្ទីរបន្តថា ខេត្តព្រៃវែង មានសក្ដានុពលលើវិស័យកសិកម្ម ប្រជាពលរដ្ឋប្រមាណ៧៨,៦%ជាគ្រួសារកសិករ និងជាខេត្តជាប់ចំណាត់ថ្នាក់លេខ១ ទូទាំងប្រទេសលើវិស័យកសិកម្ម (ឆ្នាំ២០១៩ និងឆ្នាំ២០២០)។
លោកបន្ថែមថា តុល្យភាពស្បៀងប្រចាំឆ្នាំ ក្រោយពីកាត់ចេញសម្រាប់ទុកបរិភោគ ទុកពូជ ចិញ្ចឹមសត្វ នៅសល់លើសពីតម្រូវការ គិតជាអង្ករ មានចំនួន ៥៦០.៧៤៧តោន ស្មើនឹងស្រូវចំនួន ៨៧៦,១៦៧តោន សម្រាប់លក់ទៅទីផ្សារក្នុង និងក្រៅប្រទេស ដែលមានតម្លៃជាមធ្យម ក្នុង១គីឡូក្រាម ៩២០រៀល។

យើងដឹងស្រាប់ហើយថានៅក្នុងខេត្តព្រៃវែងហាក់ដូចជាខេត្តមួយ ដែលគេហៅថាកូនក្រមុំលាក់មុខអញ្ចឹង ដែលយើងមិនដែលចាប់អារម្មណ៍ថា ស្ថានភាពនភក្នុងខេត្តព្រៃវែងនេះមានសក្តានុពលគ្រប់បែបយ៉ាងនៅក្នុងខេត្តព្រៃវែងទេ ប៉ុន្ដែមកដល់ពេលនេះយើង រយៈពេល១០ឆ្នាំចុងក្រោយនេះ វិស័យកសិកម្មនៅក្នុងខេត្តព្រៃវែងហាក់បានដំណើរការនិងលេចធ្លោ ហើយជាពិសេសគឺដំណាំស្រូវតែម្តង នៅក្នុងឆ្នាំ២០១៩យើងបានផលិតបានជាស្បៀងសរុបប្រមាណ ១លាន ៣សែនតោនជាងបាទ នៅក្នុងខេត្តព្រៃវែងទាំងមូល អញ្ចឹង១លានតោនមិនតិចទេស្រូវ ជារួមយើងនៅបណ្តាផលិតផលផ្សេងៗជាច្រើនទៀតជាពិសេសដំណាំផលិតកម្មនានា ក្នុងខេត្តព្រៃវែងយើងមានដូចជា ពោត សណ្តែក ដូចជាល្ង ស្វាយ កៅស៊ូ ស្វាយចន្ធី អញ្ចឹងបើមើលទៅមានគ្រប់ស្ថានភាពបាទ ប៉ុន្ដែអ្វីលេចធ្លោ នៅក្នុងឆ្នាំ២០១៩-២០២០ នេះគឺយើងមានសក្តានុពលសំខាន់ស្រូវ»។

សូមបញ្ជាក់ថា ស្រូវវស្សា អនុវត្តសរុប ២៧០,៥៤៤ហិកតា ស្មើនឹង ១០៨.២២% នៃផែនការ ២៥០,០០០ហិកតា ទិន្នផលជាមធ្យម ៣.២៥តោន ក្នុងមួយហិកតា, ស្រូវប្រាំង អនុវត្តសរុប ៨៦,៦២៦ហិកតា ស្មើនឹង១១៥.៥០% នៃផែនការ ៧៥,០០០ហិកតា ទិន្នផលគិតជាមធ្យម ៤.៨០តោន ក្នុងមួយហិកតា៕SRP