ខេត្តកំពង់ចាម – Page 118

ខេត្តកំពង់ចាម៖ក្នុងកិច្ចប្រជុំបូកសរុបអំពីវឌ្ឍភាពនៃការអនុវត្តការងារប្រយុទ្ធប្រឆាំងនឹងជំងឺកូវីដ-១៩ នៅសាលាខេត្តកំពង់ចាម ននៅននៅព្រឹកមិញនេះ លោក អ៊ុន ចាន់ដា អភិបាលខេត្តកំពង់ចាម បានថ្លែងថា៖ ដេីម្បីគ្រប់គ្រងស្ថានការណ៍ទប់ស្កាត់ ការឆ្លងរីករាលដាលជំងឺកូវីដ-១៩ កុំឲ្យមានការរីកបន្ត យើងត្រូវអនុវត្តយុទ្ធសាស្ត្រ២យ៉ាង គឺទី១-ត្រូវបិទខ្ទប់ក្តោបឲ្យជាប់ ទី២-ត្រូវការពារកុំឲ្យរីកចេញទៅខាងក្រៅ ហេីយយេីងត្រូវធ្វើការបោសសំអាត ដេីម្បីកាត់ផ្ដាច់ខ្សែចម្លងព្រឹត្តិការណ៍២០កុម្ភៈ ដែលកំពុងបង្កការព្រួយបារម្ភ
ពីគ្រប់មជ្ឈដ្ឋាននេះ។

ក្នុងកិច្ចប្រជុំនេះដែរ លោក អ៊ុន ចាន់ដា ក៏បានណែនាំដល់មន្ត្រីពាក់ព័ន្ធ ត្រូវអនុវត្តវិធានការសុខាភិបាល បន្តការគ្រប់គ្រងច្បាមឲ្យជាប់ចំពោះអ្នកដែលសង្ស័យ ដែលត្រូវផ្តោតសំខាន់ទៅលើកម្មករកម្មការិនី ពិសេសត្រូវស្រាវជ្រាវស្វែងរកអ្នកដែលប៉ះពាល់ ដោយផ្ទាល់ជាមួយនឹងអ្នកវិជ្ជមានកូវីដ-១៩ ពោលគឺត្រូវនាំគាត់មកយកសំណាក ហេីយត្រូវពិនិត្យដោយឧបករណ៍ពិសេសជាបន្ទាន់។ ជាមួយគ្នានោះមន្ត្រីសុខាភិបាលស្រុកនីមួយៗ ត្រូវអនុវត្តវិធានការនេះឲ្យបានម៉ឺងម៉ាត់ ពេលពិនិត្យរកឃើញអ្នកវិជ្ជមានហើយនោះ ទោះជានៅទីកន្លែងណាក៏ដោយ គឺត្រូវនាំគាត់ទៅព្យាបាលជាបន្ទាន់ ក្នុងនោះមន្ទីរពេទ្យស្រុកនីមួយៗ ត្រូវរៀបចំគ្រែទទួលអ្នកជំងឺ យ៉ាងតិចឲ្យបាន១០គ្រែ ឬលេីសពីនោះផងដែរ។

បេីតាមរបាយការណ៍របស់លោក គឹម សួរភីរុណ ប្រធានមន្ទីរសុខាភិបាលខេត្តកំពង់ចាម បានឲ្យដឹងថា សម្រាប់ថ្ងៃទី២០ ខែឧសភា ឆ្នាំ២០២១នេះ រកឃើញអ្នកវិជ្ជមានកូវីដ-១៩ ករណីឆ្លងថ្មី ចំនួន៩៣នាក់(ស្រី៨៥នាក់) កំពុងសំរាកព្យាបាល ២៧០នាក់ (បូកយោង៤០០នាក់ ក្នុងនោះជាសះស្បើយ ១២៨នាក់ និងស្លាប់២នាក់) ។ កំពុងធ្វេីចត្តាឡឺសក័កំរិត២ ចំនួន២០៧៩នាក់ ក្នុងនោះនៅសាលាគរុកោសល្យ ៦០៦នាក់ ស្រុកស្រីសន្ធរ ១៦នាក់ បាធាយ ៤៨៤នាក់ កងមាស ៥៦នាក់ ចំការលើ ៦២នាក់ កំពង់សៀម ៤០១នាក់ និងមន្ទីរពេទ្យខេត្ត ១២នាក់៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅព្រឹកមិញនេះ បានអញ្ជើញចុះពិនិត្យការពង្រីកបន្ថែមមណ្ឌលចត្តាឡីស័ក របស់រដ្ឋបាលរដ្ឋបាល ស្រុកជេីងព្រៃ និងស្រុកបាធាយ ខណៈករណីវិជ្ជមានកូវីដ-១៩ និងអ្នកពាក់ព័ន្ធបានកេីនឡេីងជាបន្តបន្ទាប់ គួរឲ្យព្រួយបារម្ភ។

អភិបាលខេត្តកំពង់ចាម បានណែនាំ និងដាក់ចេញនូវយុទ្ធសាស្ត្រ ឲ្យមន្ត្រីពាក់ព័ន្ធ ធ្វេីយ៉ាងណាត្រូវបង្រួម និងទប់ស្កាត់កុំឲ្យមានករណីវិជ្ជមានកូវីដ-១៩ រីកឆ្លងបន្ត ដោយត្រូវរៀបចំមមណ្ឌលចក្តាឡឺស័ក ដោយប្រមូលអ្នកដែលប៉ះពាល់ដោយផ្ទាល់ទាំងអស់ ឲ្យចត្តាឡីស័ក ឲ្យបានត្រឹមត្រូវ ដោយមានក្រុមគ្រូពេទ្យពិនិត្យតាមដានសុខភាពនៅតាមមណ្ឌលនីមួយៗ។

គួរបញ្ជាក់ថា ក្រោយពីរកឃើញករណីវិជ្ជមានកូវីដ-១៩ ជាបន្តបន្ទាប់ ជាក់ស្ដែងគិតត្រឹមថ្ងៃទី២០ ខែឧសភា ឆ្នាំ២០២១នេះ រដ្ឋបាលខេត្តកំពង់ចាមបានចេញសេចក្ដីជូនដំណឹងស្តីពីករណីរកឃើញវិជ្ជមានកូវីដ-១៩ ចំនួន ៥២នាក់ ក្នុងនោះ កម្មការិនី ចំនួន ៥១នាក់ (ស្រុកបាធាយ ០៩នាក់, ស្រុកជើងព្រៃ ២៨នាក់ ស្រុកព្រៃឈរ ១២នាក់ មកពីខេត្តកំពង់ធំ ០១នាក់ និងខេត្តកណ្តាល ០១នាក់) និងម្តាយអ្នកជំងឺកូវីដ-១៩ ស្រុកកងមាស ០១នាក់ សរុប ៣០៧នាក់ ដែលបានសម្រាកព្យាបាលនៅមន្ទីរពេទ្យមេគង្គកំពង់ចាម ក្នុងនោះក៏មានអ្នកជាសះស្បើយបានត្រឡប់ទៅផ្ទះវិញប្រមាណជាង ១០០នាក់។ ចំពោះករណីនេះ រដ្ឋបាលស្រុកជេីងព្រៃបានកំណត់យក វិទ្យាល័យ ហ៊ុន សែន ស្គន់ សម្រាប់ធ្វើជាមណ្ឌលចាត្តាឡីស័ក ដោយឡែករដ្ឋបាលស្រុកបាធាយបានយកវិទ្យាលយ័ហោ ណាំហុងព្រៃញា ស្ថិតក្នុងភូមិព្រៃញា ឃុំផ្អាវ សម្រាប់ធ្វេីជាមណ្ឌលចត្តាឡីសក័។ ជាមួយគ្នានោះ អភិបាលខេត្ត ក៏បានអញ្ជើញចុះពិនិត្យស្ថានភាព រោងចក្រ ជូហួយ ហ្វូតវែ ដែលមានកម្មករកម្មការិនីផ្ទុកវិជ្ជមានកូវីដ-១៩ រួមនឹងអ្នកពាក់ព័ន្ធដោយផ្ទាល់ និងប្រយោលជាច្រើននាក់ ស្ថិតនៅក្នុងឃុំខ្នុរដំបង ស្រុកជើងព្រៃ ដេីម្បីដាក់ចេញនូវវិធានការទប់ស្កាត់ការឆ្លងរីករាលដាលនៃជំងឺកូវីដ-១៩ នេះផងដែរ៕SRP

ខេត្តកំពង់ចាម៖ក្នុងកិច្ចប្រជុំគណៈអភិបាលខេត្ត នារសៀលថ្ងៃទី១៩ ខែឧសភា ម្សិលមិញ លោកអ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងជំងឺកូវីដ-១៩ បានណែនាំដល់អាជ្ញាធរក្រុង-ស្រុក ត្រូវពង្រីកមណ្ឌលចត្តាឡីស័ក នៅក្នុងដែនសមត្ថកិច្ចរបស់ខ្លួនបន្ថែមដោយសារអ្នកពាក់ព័ន្ធនឹងអ្នកផ្ទុកជំងឺកូវីដ-១៩ ដែលកំពុងមានការផ្ទុះឡើងគួរឲ្យព្រួយបារម្ភ។

លោក អ៊ុន ចាន់ដា បានលេីកឡើងថា ខេត្តកំពង់ចាម បានរកឃើញវិជ្ជមានកូវីដ-១៩ ចំនួន ៣៥នាក់ ដែលបានឆ្លងកាលពីថ្ងៃទី១៨ ខែឧសភា ឆ្នាំ២០២១។ នេះគឺជាចំនួនឆ្លង ច្រើនជាងគេសម្រាប់ខេត្តកំពង់ចាមដែលពុំធ្លាប់មានពីមុនមក។

អភិបាលខេត្តក៏បានរំលឹកថា គិតត្រឹមថ្ងៃទី១៩ ខែឧសភា ឆ្នាំ២០២១នេះ ខេត្តកំពង់ចាម បានរកឃើញវិជ្ជមានកូវីដ-១៩ លើប្រជាពលរដ្ឋសរុប ចំនួន ២៥៥នាក់ ក្នុងនោះមានអ្នកជាសះស្បើយបានត្រឡប់ទៅផ្ទះវិញប្រមាណជាង ១០០នាក់ និងសល់ជាង១០០នាក់ទៀត កំពុងសម្រាកព្យាបាលនៅមន្ទីរពេទ្យមេគង្គកំពង់ចាម៕SRP

ខេត្តកំពង់ចាម ៖ប្រជាពលរដ្ឋចំនួន១៥០គ្រួសារក្នុង ក្រុងកំពង់ចាម ដែលកំពុងខ្វះខាតក្នុងសម័យកូវីដ-១៩ បានទទួលអំណោយមនុស្សធម៌ ។

ការទទួលបានអំណោយនេះ នៅព្រឹក មិញនេះក្រោមវត្តមានលោក លោក អ៊ុន ចាន់ដា អភិបាលខេត្តកំពង់ចាម ។

ក្នុងឱកាសសំណេះសំណាលនឹងចែកអំណោយនេះ លោក អ៊ុន ចាន់ដា បាន ថ្លែង ថា ដោយមានការ យកចិត្តទុកដាក់ ពី សំណាក់ សម្តេច ហ៊ុន សែន បាន ដាក់ ចេញ នូវ គោលនយោបាយ គាំពារ សង្គម ដោយខេត្តកំពង់ចាម រហូត មកដល់ ពេល នេះ អនុវត្ត បាន ជាង ៤ម៉ឺន គ្រួសារ ហេីយ ដែល ប្រេីប្រាស់ ថវិកា អស់ ជាង ២លាន ដុល្លារ ។

អភិបាលខេត្ត បាន បញ្ជាក់ ថា រាជរដ្ឋាភិបាល កម្ពុជា បាន គិតគូរ ដល់ប្រជាពលរដ្ឋ ដែល ធ្លាក់ ក្នុង កម្រិត ក្រ១ ក្រ២ ហើយ បាន ផ្តល់ជូន នូវ កញ្ចប់ ថវិកា ប្រចាំខែ តាម រយៈ គណនី វីង សម្រាប់ ខេត្តកំពង់ចាម រហូត មកដល់ ពេល នេះ មន្ត្រី ពាក់ព័ន្ធ បាន ស្រង់ ឈ្មោះ ក្នុង រង្វង់ ៤ម៉ឺន ៦ពាន់ គ្រួសារ ដែល ត្រូវ ប្រេីប្រាស់ ថវិកា អស់ ប្រមាណ ជាង ២លានដុល្លា អាមេរិក ដោយ ចំនួន តួលេខ នេះ ត្រូវ បាន ធ្វើ បច្ចុប្បន្ន ភាព ជា ប្រចាំ ផងដែរ ។

អភិបាលខេត្ត បាន បន្តថា បេីទោះ ជា មាន ការ គិតគូរ ពី សំណាក់ រាជរដ្ឋាភិបាល តែ យេីង ក៏ នៅតែ ត្រូវ ការ សប្បុរសជន ដេីម្បី ចូលរួម ដោះស្រាយ កម្រិត ជីវភាព របស់ប្រជាពលរដ្ឋ ដូច ក្នុង ឱកាស នេះ ហេីយ ក៏ សូម អរព្រះគុណចំពោះ ព្រះគ្រូ វជិរប្បញ្ញោ សាន សុជា ជាប្រធានសមាគមធម្មកថិកកម្ពុជាដែលបានគៀងគរ និងបាននាំយកថវិកា និង សម្ភារ មកប្រគល់ជូនប្រជាពលរដ្ឋ ចំនួន១៥០គ្រួសារ ក្នុងក្រុងកំពង់ចាម ដែលជួបការលំបាក កំឡុងពេលកូវីដ -១៩ ។

អភិបាលខេត្ត ក៏បាន អំពាវនាវដល់ប្រជាពលរដ្ឋ ឲ្យ បង្កើនការ ការពារខ្លួន ឲ្យជៀសផុតពីការឆ្លង ជំងឺកូវីដ-១៩ ដោយត្រូវអនុវត្ត ឲ្យ បានខ្ជាប់ខ្ជួននូវវិធានសុខាភិបាល ” ៣ការពារ ៣កុំ ” ពិសេស ការលាងសម្អាតដៃជាប្រចាំ ការអនុវត្តន៍កាតព្វកិច្ចពាក់ម៉ាស់ កាតព្វកិច្ចរក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គល។

គួរ បញ្ជាក់ ថា អំណោយសប្បុរសជនខ្មែរនៅប្រទេសអូស្ត្រាលី តាមរយៈសមាគមខ្មែរវិចតូរីយ៉ាសាជីវកម្ម និងសហព័ន្ធខ្មែរប្រទេសអូស្ត្រាលី ចែកជូនប្រជាពលរដ្ឋ ខ្វះខាត ចំនួន ១៥០ គ្រួសារ ដោយ ក្នុង ១គ្រួសារ ទទួលបាន ថវិកា ចំនួន ៤ម៉ឺនរៀល អង្ករ ២៥គីឡូក្រាម និង គ្រឿង ហូបចុក មួយ ចំនួន ផងដែរ ៕SRP