ខេត្តកំពង់ចាម – Page 115

ខេត្តកំពង់ចាម៖សប្បុរសជន រួមនឹងព្រះសង្ឃ បាននាំយកអំណោយ ផ្ដល់ជូន គណៈកម្មការ ប្រយុទ្ធ ប្រឆាំង នឹង ជំងឺ កូវីដ -១៩ ក្រោម ការ ស្វាគមន៍ របស់ លោក អ៊ុន ចាន់ដា អភិបាលខេត្តកំពង់ចាម ។

ពិធី នេះ បាន ធ្វេីឡេីង នាព្រឹក ថ្ងៃទី ៨ ខែមិថុនា ឆ្នាំ ២០២១ នៅ សាលា ខេត្ត កំពង់ចាម ។

លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងជំងឺកូវីដ១៩ សូមថ្លែងអំណរគុណយ៉ាងជ្រាលជ្រៅដល់ សប្បុរសជនទាំងអស់ជាពិសេស គណៈសង្ឃក្នុងខេត្តកំពង់ចាម ដែលបាន ផ្ដល់អំណោយដ៏ថ្លៃថ្លា ឲ្យមកគណៈកម្មការប្រយុទ្ធប្រឆាំងជំងឺកូវីដ១៩ ខេត្តកំពង់ចាម នាពេលនេះ ពិតជាមានសារៈសំខាន់ ស្របពេលដែលខេត្ដកំពុងប្រឈមមុខនឹងជំងឺកូវីដ-១៩។

គួរ បញ្ជាក់ ថា អំណោយទាំងអស់ ដែលបានផ្ដល់ជូនគណកម្មការខេត្ត ប្រយុទ្ធប្រឆាំងនឹងជំងឺកូវីដ-១៩ ក្នុងនោះចំពោះព្រះសង្ឃ ក្នុងខេត្តកំពង់ចាម បានផ្កល់ ទឹកបរិសុទ្ធ ២.៩០០ យួរ មី ១០កេស ។ ចំណែកសប្បុរសជនផ្សេងៗទៀត បាន ផ្កល់ ជូនមានដូចជា ទឹកបរិសុទ្ធ ១០០ យួរ ទឹកក្រូច ៣កេះ ទឹកវីតាល់ ៣កេស ថវិកា ៣.៥០០.០០០ រៀល អាវយឺត ១៥០ និង ម៉ាស ២.៥០០ ម៉ាស ផងដែរ ៕SRP

ខេត្តកំពង់ចាម ៖គម្រោង មូលនិធិ ឃុំ -សង្កាត់ ឆ្នាំ ២០២១ របស់ គណៈកម្មការ ជាតិ សម្រាប់ ការអភិវឌ្ឍន៍ តាម បែប ប្រជាធិបតេយ្យ នៅ ថ្នាក់ ក្រោម ជាតិ ចំនួន៥គម្រោង របស់ ស្រុក កងមាស ត្រូវ បាន ដាក់ឲ្យ ដេញ ថ្លៃ ដេីម្បី អនុវត្ត ការ ងារ សាងសង់ នាព្រឹក ថ្ងៃ ទី ៨ ខែមិថុនា ឆ្នាំ ២០២១ នៅ សាលា ស្រុក កងមាស ក្រោម វត្តមាន លោក ឡី មិច នាយក រង រដ្ឋបាល សាលា ខេត្ត កំពង់ចាម លោក ភោគ សាវុធ អភិបាល ស្រុក កងមាស និង លោក ពោយ សុខជា នាយក រង ទីចាត់ការ ផែនការ និង វិនិយោគ ខេត្ត ដោយ មានការ ចូលរួម ពី គណៈកម្មការ លទ្ធកម្ម ក្រុមការងារ សម្របសម្រួល ខេត្ត និង ស្រុក ព្រមទាំង តំណាង ក្រុម ហ៊ុន ទទួល ការ ជា ច្រើន រូប ផង ដែរ ។

លោក ភោគ សាវុធ អភិបាល ស្រុក កងមាស បាន លេីកឡេីងថា ទោះ ស្ថិត ក្នុង បរិបទ កូវីដ-១៩ ស្រុកកងមាស នៅតែ បន្ត ធ្វើការ អភិវឌ្ឍន៍ ជាក់ស្ដែង ថ្ងៃ នេះ គម្រោង មូលនិធិ ឃុំ ចំនួន ៥គម្រោង ត្រូវ បាន ដាក់ ឲ្យ ដេញ ថ្លៃ ដើម្បី អនុវត្ត ការងារ សាងសង់ ក្នុង នោះ មាន ៖

១-ឃុំ កងតាណឹង សាងសង់ផ្លូវបេតុងអាមេ ប្រវែង ០.២០០ គ.ម ទទឹង៧ម កម្រាស់០.១៥មនៅភូមិកងតាណឹងទី៩ ។

២-ឃុំ ពាមជីកង សាងសង់ផ្លូវបេតុងអាមេ ប្រវែង ០.២៥០ គ.ម ទទឹង៥ម កម្រាស់០.១៥ ម នៅភូមិសំបួរមាស(ខ) ។

៣-ឃុំ រកា អារ សាងសង់ផ្លូវបេតុងអាមេ ប្រវែង ០.៤២៥ គ.ម ទទឹង ៤ម កម្រាស់០.១៥ម នៅភូមិព្រែកលីវទី៣,ព្រែកលីវទី១ ។

៤-ឃុំ សូគង ជួសជុលផ្លូវក្រាលកំទេចថ្ម ប្រវែង ២.៧៥គ.ម ទទឹង ៥ មែត្រ នៅភូមិបឹងត្រាវ ។

៥-ឃុំ ស្តៅ សាងសង់ផ្លូបបេតុងអាមេ ប្រវែង ០.៣០០ គ.ម ទទឹង៤ម នៅភូមិល្វាលើ ។

ជាមួយគ្នា នោះ លោក ឡី មិច នាយក រង រដ្ឋបាល ខេត្ត បាន សំណូមពរ ដល់ បងប្អូន ជា អ្នក ទទួល ការ ទាំងអស់ ឲ្យ ចូលរួម ជាមួយ អាជ្ញាធរ ដេីម្បី បង្ការ ទប់ស្កាត់ ការ ឆ្លង រីករាល ដាល នៃ ជំងឺ កូវីដ -១៩ ព្រមទាំង ថ្លែង អំណរគុណ ចំពោះអាជ្ញាធរ ស្រុកកងមាស ដែល បាន រៀបចំ ការ ដេញ ថ្លៃ នេះ ឲ្យ មាន សណ្ដាប់ ធ្នាប់ និង របៀបរៀបរយ ផងដែរ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម នៅព្រឹកមិញនេះ បានអញ្ជើញចុះពិនិត្យគម្រោងពង្រីកទីលានចាក់សំរាមថ្មីមួយកន្លែង ដែលមានទំហំប្រមាណជា៥០ហិកតា ស្ថិតនៅក្នុងភូមិខ្នារ ឃុំស្ដើងជ័យ ស្រុកជើងព្រៃ សំដៅលើកកម្ពស់សុខភាព និងសុខុមាលភាពរបស់ប្រជាពលរដ្ឋ។

លោក នួន គង់សល្យ ប្រធានមន្ទីរបរិស្ថានខេត្តកំពង់ចាម បានឲ្យដឹងថា ចំពោះគម្រោងពង្រីកទីលានចាក់សំរាមដែលអាជ្ញាធរខេត្តរួមជាមួយនឹងជំនាញបរិស្ថាន ចុះពិនិត្យដោយផ្ទាល់នេះ បច្ចុប្បន្នទីតាំងនេះមានដីទំហំប្រមាណជា៥០ហិកតា ស្ថិតនៅក្រោមការគ្រប់គ្រងរបស់ក្រសួងកសិកម្មរុក្ខាប្រមាញ់ និងនេសាទ។ ក្នុងនោះបានពិនិត្យមើលតាមផែនទី ព្រមទាំងចុះដល់កន្លែងដោយផ្ទាល់ ធ្វើយ៉ាងណាមិនឲ្យមានផលប៉ះពាល់ទៅដល់អ្នកដទៃ។ ដោយទីនេះក៏ធ្លាប់ត្រូវបានមន្ត្រីជំនាញក្រសួងបរិស្ថានបានធ្វើការវាយតម្លៃដោយសមស្របគឺនឹងអាចប្រែក្លាយជាទីលានចាក់សំរាមបាន។

លោកប្រធានមន្ទីរបរិស្ថាន បានឲ្យដឹងទៀតថា លោក អ៊ុន ចាន់ដា អភិបាលខេត្តកំពង់ចាមនឹងធ្វើការស្នើសុំលាយលក្ខណ៍អក្សរទៅក្រសួងកសិកម្មរុក្ខាប្រមាញ់និងនេសាទ ដើម្បីបង្វែរដីនៅតំបន់នោះ ឲ្យស្ថិតនៅក្រោមការគ្រប់គ្រងរបស់រដ្ឋបាលខេត្តកំពង់ចាមវិញ ជាមួយនោះក៏មានការស្នើសុំទៅប្រមុខរាជរដ្ឋាភិបាលកម្ពុជាផងដែរ។

លោកប្រធានមន្ទីរបរិស្ថាន បានបញ្ជាក់ថា នាពេលខាងមុខសម្រាប់ស្រុកជើងព្រៃ ស្រុកបាធាយ និងស្រុកព្រៃឈរ គឺចាក់សំរាមនៅតំបន់នេះ ដែលនៅជិតងាយស្រួលមិនចាំបាច់ទៅឆ្ងាយ។ បច្ចុប្បន្នមានទីលានចាក់សំរាមមួយកន្លែងនៅក្នុងឃុំបុសខ្នុរ ស្រុកចំការលើ ដែលមានទំហំ១០ ហិកតា ត្រូវបានក្រុមហ៊ុនប្រមូលសំរាមនៅក្នុងក្រុងកំពង់ចាម ហើយយកទៅចាក់ចោលនៅតំបន់នោះ ដោយទីលាននោះស្ថិតនៅឆ្ងាយពីភូមិរបស់ប្រជាពលរដ្ឋ និងមិនមានក្លិនស្អុយជះទៅដល់អ្នកភូមិនោះឡេីយ។

គួររំលឹកថា កន្លងមក លោក សាយ សំអាល់ រដ្ឋមន្ត្រីក្រសួងបរិស្ថាន បានឧបត្ថម្ភផ្ដល់ម៉ូតូ និងរថយន្តដឹកសំរាម ជូនដល់រដ្ឋបាលខេត្តកំពង់ចាមជាច្រើនគ្រឿង ដោយបានបែងចែកជូនតាមបណ្ដាក្រុងស្រុកមួយចំនួន ដេីម្បីប្រើប្រាស់ក្នុងយុទ្ធនាការប្រមូលសំរាមឲ្យបានស្អាត និងមានបរិស្ថានល្អ៕SRP

ខេត្តកំពង់ចាម៖គម្រោងមូលនិធិឃុំ-សង្កាត់ ឆ្នាំ២០២១ របស់គណៈកម្មការជាតិសម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ ត្រូវបានបេីកសំណេីដេញថ្លៃ ចំនួន៤គម្រោង នាព្រឹកថ្ងៃទី៧ ខែមិថុនា ឆ្នាំ២០២១ នេះ នៅសាលាស្រុកកំពង់សៀម ក្រោមវត្តមានលោក ឡី មិច នាយករងរដ្ឋបាលសាលាខេត្តកំពង់ចាម និងលោក ឈួន វិបុល អភិបាលរងស្រុកកំពង់សៀម ដោយមានការចូលរួមពីគណៈកម្មការម្ចាស់លទ្ធកម្ម ក្រុមការងារខេត្ត និងស្រុក ព្រមទាំងតំណាងក្រុមហ៊ុន ទទួលការ ជាច្រើនរូបផងដែរ។

ឆ្លៀតក្នុងឱកាសនោះដែរ លោក ឈួន វិបុល អភិបាលរងស្រុកកំពង់សៀម បានធ្វើការសំណូមពរដល់ក្រុមហ៊ុន ទទួលការទាំងអស់ សូមឲ្យមានការប្រកួតប្រជែងដោយភាពថ្លៃថ្នូរ និងកុំឲ្យមានការឃុបឃិតគ្នាប្រព្រឹត្តអំពើពុករលួយ ហេីយការសាងសង់សំណង់ ឲ្យត្រូវតាមបទដ្ឋានលក្ខណៈបច្ចេកទេស ប្រយោជន៍ដល់ការប្រើប្រាស់បានយូរអង្វែង ជាពិសេសត្រូវអនុវត្តវិធានការ ៣ការពារ ៣កុំ តាមសារអប់រំពិសេសរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងក្រសួងសុខាភិបាល ។

ក្នុងនាមអាជ្ញាធរខេត្ត លោក ឡី មិច នាយករងរដ្ឋបាលខេត្ត បានថ្លែងអំណរគុណដល់អាជ្ញាធរស្រុកកំពង់សៀម ដែលបានរៀបចំការដេញថ្លៃនេះ ឲ្យមានសណ្ដាប់ធ្នាប់ និងរបៀបរៀបរយ ព្រមទាំងបានសំណូមពរដល់តំណាងក្រុមហ៊ុន ឲ្យគោរពតាមក្រមសីលធម៌របស់អ្នកទទួលការ និងចូលរួមសហការជាមួយអាជ្ញាធរ ដេីម្បីបង្ការទប់ស្កាត់ការឆ្លងរីករាលដាលនៃជំងឺកូវីដ-១៩ ផងដែរ ។

គួរបញ្ជាក់ផងដែរថា គម្រោងដែលបានដាក់ឲ្យដេញថ្លៃខាងលើនេះ គឺមានផ្លូវចំនួន៤ខ្សែ ដែលត្រូវស្ថាបនា ជូនប្រជាពលរដ្ឋប្រើប្រាស់ ក្នុងនោះមាន ១-ឃុំគៀនជ្រៃ សាងសង់ផ្លូវបេតុងអាមេ ប្រវែង ០.២៨៤គ.ម ទទឹង ៤ មែត្រ កម្រាស់០.១៥ម៉ែត្រ នៅភូមិកៀនជ្រៃក្នុង។
២-ឃុំកោះរកា សាងងស់ផ្លូវបេតុងអាមេ ប្រវែង ០.៤២៦ គ.ម ទទឹង ៤ មែត្រ នៅភូមិថ្មី។
៣-ឃុំគគរ សាងងស់ផ្លូវបេតុងអាមេ ប្រវែង ០.៣៤៣ គ.ម ទទឹង ៤ មែត្រ នៅភូមិគគរ១។
៤-ឃុំរអាង សាងងស់ផ្លូវបេតុងអាមេ ប្រវែង ០.៤៣២គ.ម ទទឹង៤មែត្រ នៅភូមិទួលរកា៕SRP

ខេត្តកំពង់ចាម៖គម្រោង មូលនិធិ ឃុំ -សង្កាត់ ឆ្នាំ ២០២១ របស់ គណៈកម្មការ ជាតិ សម្រាប់ ការអភិវឌ្ឍន៍ តាម បែប ប្រជាធិបតេយ្យ នៅ ថ្នាក់ ក្រោម ជាតិ លេីការ កសាង ហេដ្ឋារចនាសម្ពន្ធ័ ក្នុង ភូមិសាស្ត្រ ស្រុកចំការលើ ត្រូវ បាន ដាក់ ឲ្យ ដំណើរ ការ ដេញ ថ្លៃ ចំនួន ៨គម្រោង នាព្រឹក ថ្ងៃ ទី ៤ ខែ មិថុនា ឆ្នាំ ២០២១ នៅ សាលា ស្រុក ចំការលេី ក្រោម វត្តមាន លោក ឡី មិច នាយក រង រដ្ឋបាល សាលា ខេត្ត កំពង់ចាម លោក លឿង រ៉ាម៉ូ អភិបាលរងស្រុកចំការលេី និង លោក ពួយ សុខជា នាយក រងទីចាត់ការ ផែនការ និង វិនិយោគ ខេត្ត ដោយមានការ ចូល រួម ពី គណៈកម្មការ ម្ចាស់ លទ្ធកម្ម ក្រុមការងារ ខេត្ត និង ស្រុក ព្រមទាំង តំណាង ក្រុម ហ៊ុន ទទួល ការ ជា ច្រើន រូប ផង ដែរ ។

ក្នុង នាម អាជ្ញាធរ ខេត្ត លោក ឡី មិច បាន ថ្លែង អំណរគុណ ដល់ អាជ្ញាធរ ស្រុក ចំការ លើ ដែល បាន រៀបចំ ការ ដេញ ថ្លៃ នេះ ឲ្យ មាន សណ្ដាប់ ធ្នាប់ និងរបៀបរៀបរយ ល្អ ព្រមទាំង បាន សំណូមពរ ដល់ តំណាង ក្រុម ហ៊ុន ឲ្យ គោរព តាម ក្រមសីលធម៌ របស់ អ្នក ទទួល ការ និង ចូលរួម សហការ ជាមួយ អាជ្ញាធរ ដេីម្បី លុបបំបាត់នូវ ភាព អនាធិបតេយ្យ និង ការ រក្សា គម្លាត សុវត្ថិភាព ដេីម្បី ការពារ ការ ឆ្លង ជំងឺ កូវីដ -១៩ ផងដែរ ។

លោក លឿង រ៉ាម៉ូ អភិបាល រង ស្រុក ចំការ លើ បាន បញ្ជាក់ ថា ដោយសារ ជំហាន នៃ ការ អភិវឌ្ឍន៍ តាម បែប ប្រជាធិបតេយ្យ នៅ ថ្នាក់ ក្រោម ជាតិ ស្រុក ចំការលេី បាន បេីក ដំណើរ ការដាក់ ដេញ ថ្លៃ គម្រោង មូលនិធិ ឃុំ ដេីម្បី ធ្វើ ការ ស្ថាបនា ពី ផ្លូវ ដី ទៅ ជា ផ្លូវ ក្រាល គ្រួស ក្រហម និង ពី ផ្លូវ ក្រាល គ្រួស ក្រហម ទៅ ជា ផ្លូវ បេតុង អាមេ ដោយ ក្នុង នោះ ៖
១-ឃុំស្ពឺ ជួសជុលផ្លូវក្រាលក្រួសក្រហម ប្រវែង២.២៩៥ គ.ម ទទឹង ៤ម នៅភូមិអូរវាយ ស្ពឺលិច ស្ពឺកើត បន្ទាយជ័យ ពព្រេង ពែងមាសជើង ។
២-ឃុំ ស្ពឺ សាងសង់ផ្លូវបេតុងអាមេ ប្រវែង ០.២២៧ គ.ម ទទឺង៥ម នៅភូមិស្ពឺកើត ។
៣-ឃុំ ចំការអណ្តូង សាងសង់ផ្លូវបេតុងអាមេ ប្រវែង ០.២៣៦គ.ម ទទឹង៥ម,៤ម នៅភូមិចំការអណ្តូង,សូជ័យ ។
៤-ឃុំ ចំការអណ្តូង ជួសជុលផ្លូវដី ប្រវែង ២.៦៥គ.ម ទទឹង៤ម នៅភូមិជាំជ្រៃ,សូជ័យ,ប្រើសមាស,១១,សហគ្រាន់ ។
៥-ឃុំ តាអុង ជួសជុលផ្លូវក្រាលក្រួសក្រហម ប្រវែង២.៧ គ.ម ទទឹង ៤ម នៅភូមិទួលមាស និងភូមិ៣០ ។
៦-ឃុំតាអុង សាងសង់ផ្លូវបេតុងអាមេ ប្រវែង ០.២៤២គ.ម ទទឺង៥ម,៤ម នៅភូមិតាអុង ។
៧-ឃុំ ល្វាលេី ជួសជុលផ្លូវដី ប្រវែង១.៣៣ គ.ម ទទឹង ៤ម នៅភូមិបី ភូមិល្វាត្បូង ភូមិក្រឡែងលិច ។
៨-ឃុំ ល្វាលេី សាងសង់ផ្លូវបេតុងអាមេ ប្រវែង ០.១៩១គ.ម ទទឹង៥ម នៅភូមិក្បាលហុងថ្មី ៕SRP