ខេត្តឧត្តរមានជ័យ៖បែកធ្លាយភាពមិនប្រក្រតីរឿង ក្រុមហ៊ុន ដានីដេង នាំសត្វជ្រូករស់ពីថៃ ចេញតាមច្រកទ្វាអន្តរជាតិអូរស្មាច់ សង្កាត់អូរស្មាច់ក្រុងសំរោង ខេត្តឧត្តរមានជ័យ លើសលិខិតអនុញ្ញាត របស់ក្រសួងកសិកម្ម។

ប្រសិនជាការ ជាមានការនាំសត្វជ្រូកលើសមែនោះ សង្ស័យថាក្រុមហ៊ុន បានឃុបឃិតគ្នាជាមួយជំនាញ ក្នុងការបន្លំមិនបង់ពន្ធ ដែលនាំឲ្យបាត់បង់ ចំណូលចូលរដ្ឋ យ៉ាងច្រើន។

យោងតាមប្រភពបានឲ្យដឹងថានៅថ្ងៃទី០២ខែកុម្ភៈ ឆ្នាំ២០២១
ក្រុមហ៊ុ​ន ដានីដេង បានធ្វើការដឹកជញ្ជូនសត្វជ្រូករស់ចេញ ពីខេត្តឧត្តរមានជ័យ ឆ្ពោះទៅតាមបណ្ដាខេត្ត ជាច្រើនគ្រឿង។

លោក សូត្រ សុីសុខឃាង ប្រធានមន្ទីរកសិកម្ម
ខេត្តឧត្តរមានជ័យ បានប្រាប់អ្នកសារព័ត៌មានថា ក្រុមហ៊ុន ដានី ដេង ដែលធ្វើអាជីកម្ម ដឹកជ្រូកពីប្រទេសថៃ រាល់ថ្ងៃនេះ គ្រប់គ្រង ដោយលោកស្រី ឈ្មោះហៅថា ចែធំ រស់នៅសង្កាត់អូរស្មាច់ ដែលជាភរិយា របស់លោកឧត្តមសេនីយ៍ត្រី មួយរូប។

សូមរំលឹកថា កន្លងទៅថ្មីៗនេះ ក្រុមហ៊ុន ដានីដេង ត្រូវបាននាយកដ្ឋានពេទ្យសត្វសង្ស័យថារថយន្តដឹកជ្រូកខាងលើលើសចំនួន ក៏បានសហការ ជាមួយ ព្រះរាជអាជ្ញាអមសាលាដំបូងខេត្តកំពង់ធំ ធ្វើការឃាត់រថយន្ត ក្រុមហ៊ុនដឹកសត្វជ្រូក ដោយរកឃើញថា ក្រុមហ៊ុននេះ ដឹកជ្រូកលើសលិខិតអនុញ្ញាត ចំនួន២០ក្បាល។

ទាក់ទងទៅនឹងការរិះគន់នេះ បណ្ដាញសៀមរាបប៉ុស្តិ៍ នៅពុំទាន់ទទួលបានការបំភ្លឺ ពីក្រុមហ៊ុន ដានី ដេង នៅឡើយទេ ដោយពុំមានលេខទូរសព្ទទំនាក់ទំនង៕SRP

ខេត្តសៀមរាប៖ប្រជាពលរដ្ឋ ចំនួន៧គ្រួសារ រស់នៅ ក្នុងតំបន់រមណីដ្ឋានអង្គរ ក្នុងឃុំចំនួន៤ ក្នុងស្រុកបន្ទាយស្រី ទទួលបានប័ណ្ណសរសើរ ពីមន្រ្តីនាយកដ្ឋានដែនដី នៃអាជ្ញាធរជាតិអប្សរា នឹងរដ្ឋបាលស្រុកបន្ទាយស្រី នៅថ្ងៃទី០៤ ខែកុម្ភ: ឆ្នាំ២០២១ ព្រឹកមិញនេះ ដើម្បីលើកទឹកចិត្ត ចំពោះ ដែលបានសាង់សង់ផ្ទះ តាមរចនាបទខ្មែរ ត្រឹមត្រូវ តាមការណែនាំ របស់អាជ្ញាធរជាតិអប្សរា។

ពលរដ្ឋទាំង៧គ្រួសារ ដែលបានទទួលប័ណ្ណសរសើរ គឺមាន៦គ្រួសារ រស់នៅឃុំព្រះដាក់ និង១គ្រួសារទៀត រស់នៅឃុំ រុនតាឯក ស្រុកបន្ទាយស្រី។

អគ្គនាយករង នៃអាជ្ញាធរជាតិអប្សរា លោក យិត ចាន់ដារដ្ឋ បានថ្លែងប្រាប់អ្នកសារព័ត៌មានថា តាមគោលការណ៍ របស់រាជរដ្ឋាភិបាល គឺកំពុងប្រឹងប្រែង លើកតម្លៃផ្ទះ ដែលមាន រចនាបទខ្មែរ ក្នុងគោលបំណង ថែរក្សា វប្បធម៌ និងអត្តសញ្ញាណ របស់ខ្មែរ ឱ្យបានគង់វង្ស យូរ អង្វែង។

លោកបន្តថា រមណីយដ្ឋានអង្គរ គឺជាតំបន់ វប្បធម៌ នៃអត្តសញ្ញាណ របស់ជាតិខ្មែរ។ ដូច្នេះ ការដែលពលរដ្ឋ រស់នៅ ក្នុងតំបន់រមណីយដ្ឋានអង្គរ សាង់សង់ ផ្ទះសម្បែងត្រូវយកតាមគំរូ ផ្ទះខ្មែរ ឱ្យត្រឹមត្រូវ គឺជាការបង្ហាញ ឡើងនូវតម្លៃ វប្បធម៌ ឱ្យមានកាន់តែយូរ អង្វែង ដែរ។

ពលរដ្ឋនៅភូមិជ័យ ឃុំរុនតាឯក ស្រុកបន្ទាយស្រី លោក សៀក វុទ្ធី ជា ដែលបានទទួលប័ណ្ណសសើរ បាននិយាយថា
លោកសែនត្រេកអរ ដោយមិននឹកស្មានថា ផ្ទះរបស់គាត់ អាចត្រូវបានអាជ្ញាធរចាត់ទុក ជាអត្តសញ្ញាណ នៃវប្បធម៌ របស់ជាតិខ្មែរដូច្នេះឡើយ។

លោកសៀក វុទ្ធី ចង់ឱ្យ ប្រជាពលរដ្ឋ ផ្សេងទៀតពេលធ្វើផ្ទះ នៅតំបន់រមណីយដ្ឋានអង្គរ គួរតែធ្វើតាមប្លង់ ដែលអាជ្ញាធរអប្សរា បានផ្តល់ជូន ដើម្បីថែរក្សា តម្លៃ នៃវប្បធម៌ខ្មែរយើង៕SRP

ភ្នំពេញ៖ក្រសួងសុខាភិបាល កម្ពុជា បានចេញលិខិតអនុញ្ញាតឲ្យប្រើប្រាស់នូវវ៉ាក់សាំង Sinopharm COVID-19 របស់ចិន ក្នុងលក្ខខណ្ឌនៃការប្រើប្រាស់ជាបន្ទាន់។

នេះបើយោងតាម សេចក្ដីប្រកាសរបស់ក្រសួងសុខាភិបាល ចុះហត្ថលេខា ដោយ លោកម៉ម ប៊ុនហេង រដ្ឋមន្ត្រីក្រសួងសុខាភិបាលនៅថ្ងៃទី ០៤ ខែកុម្ភៈឆ្នាំ ២០២១នេះ។

សូមជម្រាបថា នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតេជោ​ហ៊ុន សែន បានអះអាងថា វ៉ាក់សាំងកូវីដ១៩ នឹងមកដល់កម្ពុជានៅថ្ងៃ៧ កុម្ភៈ ខាងមុខនេះហើយ។
សារជាសំឡេង របស់ សម្ដេចតេជោ ហ៊ុន សែន ដែលបានបង្ហោះនៅលើទំព័រហ្វេសប៊ុក នៅមុននេះថា៖ នៅថ្ងៃទី៧ កុម្ភៈ ឆ្នាំ២០២១ ខាងមុខនេះ ពោលគឺថ្ងៃអាទិត្យចុងសប្តាហ៍នេះតែម្ដង វ៉ាក់សាំងកូវីដ១៩ នឹងមកដល់ ប្រទេសកម្ពុជាហើយ។

សម្ដេច នាយករដ្ឋមន្ត្រីបានបញ្ជាក់ថា ដូចអ្វីដែលសម្ដេចបានប្រកាសនារយៈពេល កន្លងមកថា នៅពេលដែលវ៉ាក់សាំងមកដល់ សម្ដេចតេជោ នឹងអញ្ជើញទៅទទួលវ៉ាក់សាំង នៅអាកាស យានដ្ឋានអន្តរជាតិភ្នំពេញផ្ទាល់តែម្ដង។ ដូច្នេះ សម្ដេចតេជោបានជម្រាប ឲ្យក្រុមការងាររៀបចំពិធី ទទួលវ៉ាក់សាំងនៅថ្ងៃទី៧កុម្ភៈខាងមុខនេះ៕SRP

ភ្នំពេញ៖នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតេជោ​ហ៊ុន សែន បានអះអាងថាវ៉ាក់សាំងកូវីដ១៩ នឹងមកដល់កម្ពុជានៅថ្ងៃ៧ កុម្ភៈ ខាងមុខនេះហើយ។

សារជាសំឡេង របស់ សម្ដេចតេជោ ហ៊ុន សែន ដែលបានបង្ហោះនៅលើទំព័រហ្វេសប៊ុក នៅមុននេះថា៖ នៅថ្ងៃទី៧ កុម្ភៈ ឆ្នាំ២០២១ ខាងមុខនេះ ពោលគឺថ្ងៃអាទិត្យចុងសប្តាហ៍នេះតែម្ដង វ៉ាក់សាំងកូវីដ១៩ នឹងមកដល់ ប្រទេសកម្ពុជាហើយ។ សារសំឡេង របស់សម្ដេចតេជោ​ហ៊ុន សែន៖

សម្ដេច នាយករដ្ឋមន្ត្រីបានបញ្ជាក់ថា ដូចអ្វីដែលសម្ដេចបានប្រកាសនារយៈពេល កន្លងមកថា នៅពេលដែលវ៉ាក់សាំងមកដល់ សម្ដេចតេជោ នឹងអញ្ជើញទៅទទួលវ៉ាក់សាំង នៅអាកាស យានដ្ឋានអន្តរជាតិភ្នំពេញផ្ទាល់តែម្ដង។ ដូច្នេះ សម្ដេចតេជោបានជម្រាប ឲ្យក្រុមការងាររៀបចំពិធី ទទួលវ៉ាក់សាំងនៅថ្ងៃទី៧កុម្ភៈខាងមុខនេះ៕SRP

ខេត្តសៀមរាប៖ក្រុមមន្រ្តីសង្កាត់រដ្ឋបាលព្រៃឈើស្វាយលើ នៅថ្ងៃទី៣ ខែកុម្ភ: ឆ្នាំ ២០២១ម្សិលមិញ បានចុះល្បាតចាប់ពីចំណុចភូមិតាសៀម រហូតដល់ ភូមិត្រពាំងពពេល
ក្នុងភូមិសាស្រ្តឃុំតាសៀម ស្រុកស្វាយលើ។

ការចុះល្បាតនេះក្រុមមន្ត្រីជំនាញ បានកំណត់ចំណុចនិយាមការ ឃ្លុំ ហ៊ុំព័ទ្ធដីព្រៃឈើទុកជាសម្បត្តិរដ្ឋ ដើម្បីថែរក្សា គម្របព្រៃឈើបានចំនួន៣ទីតាំង នឹងដកហូតបាន រណាយន្តចំនួន២គ្រឿងធំ១គ្រឿងតូច១គ្រឿង និងកាំភ្លើខ្យល់១ដើមផងដែរ។ វត្ថតាងទាំអស់ ត្រូវបានយកទៅរក្សាទុក នៅស្នាក់ការសង្កាត់រដ្ឋបាលព្រៃឈើស្វាយលើ៕SRP

ខេត្តសៀមរាប៖មន្ត្រីរដ្ឋបាលព្រៃឈើបានអះអាងថាចំការពូជឈើធ្នង់ នៅស្រុកស្វាយលើ រងការឆេះ ខូចខាត អស់ប្រមាណ២០ហិកតា។

មន្ត្រីរដ្ឋបាលព្រៃឈើបានបន្តថាហេតុការណ៍នេះបានកើតឡើង នៅវេលាម៉ោង១៤និង៤៥នាទី ឆ្នាំ២០២១ ម្សិលមិញ ស្ថិតនៅភូមិអង្កាញ់ ឃុំស្វាយលើ ស្រុកស្វាយលើ។

មន្ត្រីរដ្ឋបាលព្រៃឈើបានបញ្ជាក់ថា ប្រតិបត្តិការពន្លត់នៃការឆេះ ចំការពូជឈើធ្នង់នេះ ដោយកំលាំងសង្កាត់រដ្ឋបាលព្រៃឈើស្វាយលើ សហការ ជាមួយ ផ្នែករដ្ឋបាលព្រៃឈើជីក្រែង ខណ្ឌរដ្ឋបាលព្រៃឈើសៀមរាប កំលាំង នគរបាលស្រុកស្វាយលើ នឹងប្រជាការ ពារភូមិ ដោយប្រើប្រាស់ រថយន្តពន្លត់អគ្គីភ័យ១គ្រឿង ក្នុងការបាញ់ពន្លត់ អស់ចំនួន៣រថយន្តទើបគ្រប់គ្រងបាន។

បើតាមការសន្និដ្ឋានរបស់សមត្ថកិច្ចជំនាញថា មូលហេតុនៃការឆេះចំការពូជឈើធ្នង់នេះ មានការសង្ស័យ មានឈ្មួញឈើអ្នកលួចដុត ដោយហេតុថាចំការពូជនេះ មានការកាយផ្លូវជុំវិញ មិនមានការរាលដាលពីក្រៅមកទេនោះទេ៕SRP

ខេត្តសៀមរាប៖ផ្ទះមួយខ្នងនិងសម្ភារប្រើប្រាស់ ជាច្រើន ត្រូវបានអគ្គីភ័យ ឆាបឆេះ ទាំងស្រុង។

ហេតុការណ៍បានកើតឡើង នៅរសៀល
ម៉ោង០២ ថ្ងៃ ពុធ ថ្ងៃទី ០៣ ខែមករា ឆ្នាំ២០២១ ស្ថិតនៅភូមិសែនជ័យ ឃុំកន្ទួត ស្រុកស្វាយលើ។

សមត្ថកិច្ចខេត្តសៀមរាបបានឲ្យដឹងថា ម្ចាស់ផ្ទះ ឈ្មោះគុល ទឹត្យ ភេទប្រុសអាយុ៦១ ឆ្នាំ មានសមាជិក៥នាក់ រស់នៅភូមិឃុំខាងលើ។ ករណីនេះ ផ្ទះមានទំហំ៥ម៉ែx៦ម៉ែត្រ ដំបូលប្រក់ស្បូវ មួយកំណាត់ខាងមុខ ជញ្ជាំងក្តារនិងស្បូវ ឆេះទាំងស្រុង។

សមត្ថកិច្ចបានបន្តថាអគ្គិភ័យនេះ បណ្ដាលឱ្យបាត់បង់នូវទ្រព្យសម្បត្តិ រួមមាន៖ ស្រូវ៤០ការ៉ុង
គោយន្តកន្ត្រៃ១គ្រឿង

ម៉ាស៊ីនចិញ្ច្រាំដំឡូង១គ្រឿង

ម៉ាស៊ីនបូមទឹក១គ្រឿង

ម៉ាស៊ីនកាត់ស្មៅ ២គ្រឿង

ម៉ាស៊ីនបាញ់ថ្នាំ ២គ្រឿង នឹងឈើមួយចំនួនសម្រាប់សាងសង់លំនៅដ្ឋាន។

បើតាមសមត្ថកិច្ចបញ្ជក់ថា មូលហេតុ ភ្លើងឆេះព្រៃស្មៅគុម្ពត្រែង ម្ចាស់ផ្ទះ បានទៅពន្លត់ ហើយកម្ទេចភ្លើងក៏ហោះ ធ្លាក់មកចំលើដំបូលផ្ទះ បណ្ដាលឲ្យឆេះតែម្ដង៕SRP

ខេត្តកំពង់ឆ្នាំង៖សេចក្ដីរាយការណ៍បានឲ្យដឹងថា បទល្មើសនេសាទ រាប់រយ «សម្រាស់» ព័ទ្ធចាប់ត្រី កំពុងកើតមាន យ៉ាងពេញបន្ទុក នៅស្រុកកំពង់លែង ដោយមិនមានការទប់ស្កាត់ ពីមន្ត្រីជំនាញពាក់ព័ន្ធនោះទេ។

យោងតាមប្រភពបានឲ្យដឹងថា បទល្មើសនេសាទ សម្រាស់ រាប់រយ ចាប់យកត្រីនៅស្រុកកំពង់លែង ភូមិប្រទ្បាយមាស បានកើតមានយ៉ាងអនាធិបតេយ្យ។ ការដែរឈ្មួញនេសាទ ព័ទ្ធចាប់យកត្រីបាន ដោយសេរីបែបនេះ ត្រូវបានគេសង្ស័យថាមានការឃុបឃិតគ្នារវាងជំនាញពាក់ព័ន្ធជាមួយឈ្មួញ។

ពាក់ព័ន្ធករណីនេះ បណ្ដាញសារព័ត៌មានសៀមរាបប៉ុស្តិ៍ នៅពុំទាន់ ទទួលបាន ការបំភ្លឺពីជំនាញពាក់ព័ន្ធនៅឡើយ៕SRP

ខេត្តព្រះវិហារ៖ប្រធានស្នាក់ការត្រួតពិនត្យ ច្រកទ្វាព្រំដែនអន្តរជាតិអានសេះ ត្រូវបានធ្វើការផ្លាស់ប្ដូរ នៅរសៀលថ្ងៃទី ០៣ ខែកុម្ភ: ឆ្នាំ ២០២១ ម្សិលមិញ។

យោងប្រកាសលេខ៤៩១៦ប្រក ចុះថ្ងៃទី៣១ ខែធ្នូ   ឆ្នាំ២០២០ របស់ក្រសួងមហាផ្ទៃ ស្តីពីការផ្លាស់ប្តូរ និងប្រគល់ភារកិច្ច  ជូនលោក ចិន  ខន្តី  ប្រធានផ្នែកច្បាប់ និងស៊ើបអង្កេតនៃការិយាល័យ ប្រជាពលរដ្ឋ សាលាខេត្តព្រះវិហារ ឲ្យទៅកាន់តំណែង ជាប្រធានស្នាក់ការត្រួតពិនិត្យច្រកទ្វាព្រំដែនអន្តរជាតិ អានសេះ ខេត្តព្រះវិហារ ជំនួស លោក វុធ ដារ៉ា ទៅកាន់មុខតំណែង អភិបាលរង ស្រុកជាំក្សាន្ត។

សូមបញ្ជាក់ថាពិធីនេះក្រោមវត្តមាន លោកអ៊ុង វុទ្ធី អភិបាលរងខេត្តព្រះវិហារ ដោយមានការចូលរួម ពីមន្ត្រីជាច្រើនរូបផងដែរ៕SRP

ខេត្តព្រះវិហារ៖លោកគោ ស៊ុំ ប៊ុនសឿត អភិបាលរងខេត្តព្រះវិហារ នៅថ្ងៃពុធ ទី០៣ ខែកុម្ភៈ ឆ្នាំ២០២១ នេះ របានអញ្ជើញជួបពិភាក្សា​ការងារ​ ជាមួយអង្គការ លំនៅឋានមនុស្សជាតិកម្ពុជា ដែលដឹកនាំដោយលោក អឹម អ៊ាន់ ប្រធានប្រតិបត្តិកម្មវិធី ក្នុងគោលបំណងសុំការហការគាំទ្រ ក្នុងគម្រោងពង្រីក ការងារមកកាន់ ខេត្តព្រះវិហារ។

សូមជម្រាបថាការជួបពិភាក្សាការងារនេះនៅសាល​ប្រជុំ​សាលាខេត្ត​ព្រះវិហារ ដោយមានការចូលរួមពី នាយក​រដ្ឋបាលខេត្ត មន្ទីរកសិកម្ម ​មន្ទីររៀបចំ​ដែនដី​ មនមន្ទីរអភិវឌ្ឍន៍ជនបទ និងមន្ទីរ​ធនធានទឹក​៕SRP

ខេត្តសៀមរាប៖លោក សឹង្ហ សំរឹទ្ធិ និង លោក ញ៉ែម សំណាង អនុប្រធាន សមាគមចលនាយុវជនកម្ពុជា «ក្រុម១៥៧» តំណាង លោក ហ៊ុន ប៉ូគា ប្រធានសមាគមចលនាយុវជនកម្ពុជាសាខាខេត្តសៀមរាប នៅរសៀលថ្ងៃពុធ ថ្ងៃទី០៣ ខែកុម្ភ: ឆ្នាំ ២០២១ នេះ បានដឹកនាំសមាជិក សមាជិកា​ ចុះទៅសួរសុខទុក្ខប្អូនស្រី យឹម គន្ធា ភរិយា លោក មាស ផានិត ដែលជាសមាជិកចលនាយុវជនកម្ពុជា «ក្រុម១៥៧» សាខាខេត្តសៀមរាប ដែលមានជំងឺ ប្រចាំកាយ និងកំពុងសម្រាកព្យាបាល នៅគេហដ្ឋាន។

ក្រុមការងារក៏បាននាំយក អំណោយ មានដូចជា៖ទឹកដោះគោឆៅ ១កេស និង ទឹកត្រចៀកកាំ ១កន្ត្រក នឹងថវិកា ចំនួន៤០០ដុល្លារ ជូនដល់លោក មាស ផានិត និង ភរិយាផងដែរ។

នៅឱកាសចុះសួរសុខទុក្ខនោះដែរ លោក សឹង្ហ សំរឹទ្ធិ បានផ្តាំផ្ញើ ដល់សមាជិក សមាជិកាទាំងអស់ ត្រូវយកចិត្តទុកដាក់ ថែរក្សា សុខភាព ជាពិសេស ការពារអោយបាន ការឆ្លងជំងឺកូវីដ១៩៕SRP

ខេត្តសៀមរាប៖រថយន្តចំនួនពីរគ្រឿងបានបុកគ្នាបណ្ដាលឲ្យរថយន្តមួយគ្រឿង ក្រឡាប់ផ្ងារជើងឡើងលើ។

ហេតុការណ៍បានកើតឡើង នៅរសៀលថ្ងៃទី០៣ ខែកុម្ភ: ឆ្នាំ២០២១ នេះ នៅចំណុច ភូមិស្វាយជ័យ ឃុំត្រពាំងធំស្រុកបាសាទបាគង
ខេត្តសៀមរាប។

បើតាមប្រភពបានដឹងថា គ្រោះថ្នាក់ចរាចរណ៍នេះ រវាងរថយន្ត ម៉ាក FORTUNER ពណ៌ត្រេអុី ពាក់ស្លាកលេខ ខេមរភូមិន្ទ២_៨១០១ នឹងរថយន្ត ម៉ាកប៉ាសេរូ ពាក់ស្លាកលេខ កណ្តាល ២A៤១០៤។

តាមប្រភពបន្តថា រថយន្តប៉ាសេរូ បើកបរពីទិសខាងលិច រួចបត់ឆ្លងចូល ទៅខាងឆ្វេង ស្របពេលនោះ រថយន្តពណ៌ត្រេអី បើកមកពីទិសខាងកើត បុកគ្នាតែម្ដង។ករណីនេះបណ្តាលឲ្យមនុស្សរងរបួសធ្ងន់ម្នាក់ប្រុស និងរងរបួសស្រាល២នាក់,ស្រី១នាក់។ មូលហេតុ:រថយន្ត ប៉ាសេរ៉ូ បត់ខ្វះការប្រុងប្រយ័ត្ន។
ទោះជាយ៉ាងណាពាក់ព័ន្ធករណីនេះ សមត្ថកិច្ចនៅមិនទាន់បញ្ជាក់លម្អិតនៅឡើយ៕SRP