គយចល័ត ចាប់រថយន្ត អត់ពន្ធ បានចំនួន៤គ្រឿង

ភ្នំពេញ៖សេចក្ដីរាយការណ៍បឋម
បានឲ្យដឹងថានៅថ្ងៃទី២៧ ខែមេសា ឆ្នាំ២០២០ គយចល័ត សហការជាមួយអាវុធហត្ថអង្គភាពសន្តិសុខបានចុះឃាត់រថយន្តអត់ពន្ធបានចំនួន៤គ្រឿងរួមមាន៖
១/- នៅវេលាម៉ោង១០:៥៥ព្រឹក ឃាត់រថយន្ត១គ្រឿងម៉ាក Ford RAPTOR ឆ្នាំ២០១៩ ស្លាកលេខ ព្រះវិហារ 2B-9569 នៅសង្កាត់អូរឬស្សី២ ខណ្ឌ៧មករា រាជធានីភ្នំពេញ ។
២/- នៅវេលាម៉ោង១១:៣០ព្រឹក ឃាត់រថយន្ត១គ្រឿងម៉ាក Toyota VARIS ឆ្នាំ២០១៨ ស្លាកលេខ ចង្កូតស្តាំ BB-0136 នៅសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ ។
៣/- នៅវេលាម៉ោង១២:៤៥ថ្ងៃត្រង់ ឃាត់រថយន្ត១គ្រឿងម៉ាក Toyota Prius ឆ្នាំ២០១២ ស្លាកលេខ ខេមរភូមិន្ទ2-4114 នៅចំណុចសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
៤/- នៅវេលាម៉ោង១:៣០រសៀល ឃាត់រថយន្តម៉ាក Toyota SIENNA ឆ្នាំ២០១៦ ស្លាកលេខ នគរបាល 2-5751 នៅចំណុចសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ក្រោយចាប់បាន នាំរថយន្តខាងលើ ទៅរក្សាទុកនៅឃ្លាំងគយចល័ត ម្តុំទំនប់កប់ស្រូវ ដើម្បីរង់ចាំដោះស្រាយតាមច្បាប់៕SRP