កម្លាំងអាវុធហត្ថខេត្តក្រចេះចុះរឹបអូសឈើជាច្រើនដុំនៅឃុំគ្រញូងសែនជ័យ

ខេត្តក្រចេះ៖ កម្លាំងអាវុធហត្ថខេត្តក្រចេះ បានចុះរឹបអូសឈើ ជាច្រើនដុំនៅឃុំគ្រញូងសែនជ័យ។ ការចុះរឹបអូសនេះធ្វើឡើងនៅថ្ងៃទី ១៨ខែមេសាឆ្នាំ២០២០ ស្ថិតនៅភូមិប៉ោដើមចេក ឃុំគ្រញូងសែនជ័យ ស្រុកស្នួល ខេត្តក្រចេះ។

បើតាមសេចក្ដីរាយការណ៍ថាជាលទ្ធផលចាប់បានឈើចំនួន០៦ (កន្លែង)មានប្រភេទឈើដូចជា សុក្រម ឈើទាល គ្រឿងផ្ទះនិង ឈើស្រឡៅ (មិនទាន់ធ្វើការវាស់វែងនៅឡើយ)។

សូមបញ្ជាក់ផងដែរថាវត្ថុតាងបទល្មើសព្រៃឈើទាំងអស់នោះ នឹងប្រគល់ជូនមន្ត្រីជំនាញសង្កាត់រដ្ឋបាលព្រៃឈើខ្សឹម ដើម្បីអនុវត្តតាមច្បាប់៕SRP