ម៉ូតូចំនួន២គ្រឿងព្រលះគ្នាបណ្ដាលឱ្យបុរសម្នាក់រងរបួសធ្ងន់

ម៉ូតូចំនួន២គ្រឿងព្រលះគ្នាបណ្ដាលឱ្យបុរសម្នាក់រងរបួសធ្ងន់

ខេត្តសៀមរាប៖ម៉ូតូម៉ាកហុងដាមួយគ្រឿងដែលពាក់ស្លាកលេខ សៀមរាប 1AD-0822 បានបើកបរក្នុងស្ថានភាពលឿនពីរលិច ទៅកើតមកដល់ត្រង់ចំណុចមន្ទីររដ្ឋបាលខេត្តសៀមរាប ក៏ទៅបុកនិងម៉ូតូម៉ាកខ្លិចដែលបើកបរទិសដៅស្របគ្នាយ៉ាងពេញទំហឹងដល់ម៉ូតូខ្លិចពាក់ផ្លាកលេខសៀមរាប 1AQ-2862 បណ្ដាលឱ្យបុរសម្នាក់រងរបួសធ្ងន់ត្រូវបានបញ្ជូនទៅមន្ទីរពេទ្យបង្អែកខេត្តសៀមរាប។

ហេតុការណ៍ខាងលើស្ថិតនៅចុងផ្លូវ 60 ម៉ែត្រជាប់នឹងមន្ទីររដ្ឋបាលខេត្តសៀមរាប វេលាម៉ោង០៧ និង៤៩នាទី ថ្ងៃទី០៤ ខែវិច្ឆិកា ឆ្នាំ២០២៥។

ប្រជាពលរដ្ឋបានរាយការណ៍មកប្រាប់អ្នកសារព័ត៌មាន ថាម៉ូតូម៉ាកសង់ទ្រីម ០១៨ បើកបរទិសដៅពីលិច ទៅកើតមកដល់ត្រង់ចំណុចកើតហេតុ ក៏ទៅបុកនឹងម៉ូតូម៉ាកខ្លិចដែលបើកបរទិសដៅស្របគ្នា ក៏បានឈប់ត្រូវបានម៉ូតូសង់ទ្រីមបុកពីក្រោយយ៉ាងពេញទំហឹងតែម្ដង។

ចំពោះករណីគ្រោះថ្នាក់ចរាចរណ៍ខាងលើនេះសមត្ថកិច្ចជំនាញចរាចរណ៍ខេត្តសៀមរាប បានចុះមកវាស់សវែងនិងយកម៉ូតូទៅរក្សាទុកនៅទីស្នាក់ការខេត្តសៀមរាប៕SRP សរសេរអត្ថបទនិងរាយការណ៍ដោយកូនចាបតូច