មន្ត្រីអធិការកិច្ចលួចដឹកពលកររបំរ៉ុងនាំ ឆ្លងដែនទៅប្រទេសថៃ ត្រូវកម្លាំងរាជអាវុធហត្ថស្រុកម៉ាឡៃឃាត់ខ្លួន

មន្ត្រីអធិការកិច្ចលួចដឹកពលកររបំរ៉ុងនាំឆ្លងដែនទៅប្រទេសថៃ ត្រូវកម្លាំងរាជអាវុធហត្ថស្រុកម៉ាឡៃឃាត់ខ្លួន

ខេត្តបន្ទាយមានជ័យ៖មន្ត្រីអធិការកិច្ចម្នាក់ ឈ្មោះអ៊ុន ពៅ ត្រូវកម្លាំងបានកងរាជអាវុធហត្ថស្រុកម៉ាឡៃធ្វើការឃាត់ខ្លួន នៅថ្ងៃទី១១ ខែសីហា ឆ្នាំ ២០២៥ វេលាម៉ោង៧,៥៥នាទីយប់ ពាក់ព័ន្ធនឹងបទល្មើសដឹកពលករ ខ្មែរបំរ៉ុងនាំឆ្លងដែនចេញទៅប្រទេសថៃ។

ប្រតិបត្តិការនេះកម្លាំងរាជអាវុធហត្ថ ឃាត់រួមមានរថយន្តមួយគ្រឿងម៉ាកហាយឡែនឌឺ (Highlander) ពណ៌ស្ករ ស្លាក់លេខ កំពង់ឆ្នាំង 2C-8747 នឹងប័ណ្ណសម្គាល់ខ្លួនមួយសន្លឹក ជាមន្ត្រីអធិការកិច្ច។

នៅក្នុងរថយន្តកម្លាំងរាជអាវុធហត្ថ ស្រុកម៉ាឡៃ បានធ្វើការឃាត់ខ្លួនពលករចំនួន ៩ នាក់ មានឈ្មោះ÷
១/ អឹម អៀ ភេទប្រុស អាយុ៣៦ ខេត្តកំពង់ចាម
២/ ជ័យ នៀត ភេទស្រី អាយុ២៨ កំពង់ចាម
៣/ ចាន់ ស្រស់ ភេទស្រី អាយុ៣៤ ខេត្តកំពង់ធំ
៤/ អេង ប៊ុនសាន ភេទប្រុស អាយុ៤៤ កំពង់ធំ
៥/ ស្រី ចាន់ ភេទប្រុស អាយុ៤៥ បន្ទាយមានជ័យ
៦/ ដន សុភក្រ្ត ភេទប្រុស អាយុ២១ កំពង់ចាម
៧/ លី អៀង ភេទប្រុស អាយុ៣៩ បាត់ដំបង
៨/ ថន ធូ ភេទប្រុស អាយុ៣២ បន្ទាយមានជ័យ
៩/ ចន ចាន់ ភេទស្រី អាយុ៣៤ បន្ទាយមានជ័យ។
ក្រោយពីបានធ្វើការសាកសួរពលករទាំង ៩ នាក់ត្រូវបានកម្លាំងរាជអាវុធហត្ថអប់រំណែនាំ ឱ្យត្រឡប់ទៅលំនៅដ្ឋានវិញ។

ចំណែកឯម្ចាស់រថយន្តដែលជាមន្ត្រីអធិការកិច្ចត្រូវបានកម្លាំងកងរាជអាវុធហត្ថ កសាងឯកសារបញ្ជូនទៅ រាជអាវុធហត្ថខេត្តបន្ទាយមានជ័យបន្តនីតិវិធីច្បាប់៕SRP