ក្រសួងការពារជាតិ បានសំណើតម្រូវការពលទាហានថ្មី ចំនួន (២០០២នាក់) លើគម្រោងសេចក្ដីត្រូវការចាំបាច់ ចំនួន (៧.៨៧០នាក់) ដើម្បីបំពេញក្របខ័ណ្ឌកងឯកភាពចំណុះអគ្គបញ្ជាការនិងនាយកដ្ឋានវិស្វកម្មក្រសួងការពារជាតិ។
នេះបើតាមលិខិតរបស់ក្រសួងការពារជាតិ ចុះហត្ថលេខាដោយឯកឧត្តមនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ គោរពជូនសម្ដេចធិបតីហ៊ុន ម៉ាណែត នាយករដ្ឋមន្ត្រី កាលពីថ្ងៃទី ០៨ ខែមករា ឆ្នាំ ២០២៥ ទីភ្នាក់ងារសារព័ត៌មាន សៀមរាប ប៉ុស្តិ៍ ទើបទទួលបាននៅថ្ងៃ ១០ខែមករា ឆ្នាំ២០២៥នេះ៕SRP