បុរសម្នាក់បានស្លាប់ដោយគ្រោះថ្នាក់ចរាចណ៍នៅវេលាម៉ោង២៣.០០នាទី ថ្ងៃទី០៤ ខែមេសាឆ្នាំ២០២៤ នៅចំណុចផ្លូវព្រលានយន្តហោះ ចន្លោះគីឡូម៉ែត្រលេខ១២-១៣ ស្ថិតក្នុងភូមិចាន់សជើង ឃុំចាន់ស ស្រុកសូទ្រនិគម ខេត្តសៀមរាប។
សមត្ថកិច្ចបានប្រាប់ថាគ្រោះថ្នាក់ចរាចរណ៍នេះ បង្កដោយខ្លួនឯង ជិះម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខបន្ទាយមានជ័យ 1P 2195 បើកបរដោយឈ្មោះស៊ត់ អ៊ូខុង ភេទប្រុស អាយុ២៦ ឆ្នាំ នៅភូមិគោលថ្មី ឃុំពពេល ស្រុកសូទ្រនិគម ខេត្តសៀមរាប បើកបរតែម្នាក់ឯង ក្នុងទិសដៅពីកើតទៅលិច បានបុកបង្គោលភ្លើង(សូឡា) បណ្ដាលឲ្យស្លាប់តែម្ដង។
សមត្ថកិច្ចបន្តថា បច្ចុប្បន្នជនរងគ្រោះ ត្រូវបានសមត្ថកិច្ចប្រគល់អោយក្រុមគ្រួសារ យកទៅធ្វើបុណ្យតាមប្រពៃណី៕SRP
