ខេត្តបាត់ដំបង៖អំណោយរបស់សម្ដេច ស ខេង និងលោកជំទាវ ញ៉ែម សាខន ស ខេង ត្រូវបានផ្ដល់ជូនប្រជាពលរដ្ឋ២៤៩គ្រួសារ ក្នុងនោះមានវិជ្ជមានកូវីដ- ១៩ ចំនួន១៧២នាក់។
ការផ្ដល់អំណោយនៅថ្ងៃសៅរ៍ទី២៥ ខែកញ្ញានេះស្ថិតក្នុងតំបន់បិទខ្ទប់ នៅភូមិព្រាលនិល ឃុំព្រៃតូច ស្រុកមោងឫស្សី ខេត្តបាត់ដំបង តាមរយៈក្រុមការងារក្រឡាហោមមនុស្សធម៌ ដឹកនាំដោយលោក ខាន់ ម៉ាណេរ អ្នកតំណាងរាស្ត្រមណ្ឌលបាត់ដំបង។អំណោយសម្ដេចស ខេង និងលោកជំទាវ បានផ្ដល់ជូនគ្រួសារប្រជាពលរដ្ឋ រួមមាន អង្ករ មី ត្រីខ ទឹកស៊ីអ៊ីវ ទឹកត្រី ទឹកសុទ្ធ ម៉ាស និងអាកុល៕SRP
