ខេត្តកំពង់ចាម៖អាជ្ញាធរខេត្តកំពង់ចាម បានទទួលអំណោយជាស្បៀងអារហារ ពីសមាគមសាសនាចក្រនៃព្រះយេស៊ូគ្រីស្ទ នៃពួកបរិសុទ្ធថ្ងៃចុងក្រោយ ប្រចាំនៅកម្ពុជា។ពិធីទទួលនេះនៅល្ងាចថ្ងៃទី ២៣ ខែមិថុនា ម្សិលមិញ នៅរដ្ឋបាលខេត្តកំពង់ចាម។
ក្នុងឱកាសទទួលអំណោយ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណកម្មការខេត្តប្រយុទ្ធប្រឆាំងនឹងជំងឺកូវីដ-១៩បានថ្លែងអំណរគុណយ៉ាងជ្រាលជ្រៅ ចំពោះ សមាគមសាសនាចក្រ នៃព្រះយេស៊ូគ្រីស្ទ នៃពួកបរិសុទ្ធថ្ងៃចុងក្រោយ ប្រចាំនៅកម្ពុជា ដែលបាននាំយកអង្ករ ចំនួន ៩៣,០២៥ គីឡូក្រាម មី ៣,៧២១កេស ត្រីខ ៣,៧២១យួរ ទឹកត្រី ៣,៧២១យួរ និងទឹកសុីអ៊ុីវចំនួន ៣,៧២១យួរ ប្រគល់ជូនគណៈកម្មការប្រយុទ្ធប្រឆាំងនឹងជំងឺកូវីដ-១៩ ខេត្តកំពង់ចាម សម្រាប់យកទៅប្រេីប្រាស់ជាប្រយោជន៍ ក្នុងការប្រយុទ្ធ ប្រឆាំងនឹងជំងឺកូវីដ១៩៕SRP
