ខេត្តសៀមរាប៖អាជ្ញាធរបានប្រកាសថា៖ នៅថ្ងៃទី៣០ ខែវិច្ឆិកា ឆ្នាំ២០២០ រដ្ឋបាល ខេត្តសៀមរាប សហការជា មួយគណៈកម្មការអន្តរក្រសួងនឹងរៀបចំប្រារព្ធពិធីបើកការដ្ឋានសាងសង់ហេដ្ឋារចនាសម្ព័ន្ធ ផ្លូវចំនួន ៣៨ខ្សែ នៅក្នុងក្រុងសៀមរាប ក្រោមអធិបតីភាព ដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រី និងសម្តេច កិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន ស្ថិតនៅសួនច្បារ ខាងមុខព្រះរាជដំណាក់ ក្នុងសង្កាត់ស្លក្រាម ក្រុង សៀមរាប ខេត្តសៀមរាប។
អាជ្ញាធរបន្តថា៖ ដើម្បីធានាបាននូវសន្តិសុខសុវត្ថិភាព សណ្តាប់ធ្នាប់ និងរបៀបរៀបរយសាធារណៈ ជាពិសេស កាត់បន្ថយការកកស្ទះចរាចរណ៍ រដ្ឋបាល ខេត្តសៀមរាប សូមធ្វើការផ្អាកចរាចរណ៍ ជាបណ្តោះអាសន្ន ចាប់ពីថ្ងៃទី២៩ ខែវិច្ឆិកា ឆ្នាំ២០២០ វេលាម៉ោង ២៤:០០នាទីយប់ រហូតដល់បញ្ចប់កម្មវិធី លើកំណាត់ផ្លូវជុំវិញកន្លែងប្រារព្ធពិធី និងផ្លូវសំខាន់ៗ មួយចំនួននៅក្នុងក្រុងសៀមរាប ដូចខាងក្រោម៖
១-កំណាត់ផ្លូវជាតិលេខ៦ ចាប់ពីចំណុចស្តុបកោះកេរិ៍ត ដល់ចំណុចស្តុប សណ្ឋាគារសុខា អង្គរ
២-កំណាត់ផ្លូវរុក្ខវិថីព្រះសីហនុ ចាប់ពីចំណុចស្តុបសារមន្ទីរជាតិអង្គរ ដល់ចំណុចរង្វង់មូល ស្ពានថ្ម ព្រះរាជដំណាក់
៣-កំណាត់ផ្លូវពោធិ៍កំបោរ (ផ្លូវខាងលិចមាត់ស្ទឹង) ចាប់ពីចំណុចស្ពានវត្តពោធិលង្កា ដល់ចំណុច ស្ពាន វត្តរាជបូព៌
៤-កំណាត់ផ្លូវអាចារ្យស្វា (ផ្លូវខាងកើតមាត់ស្ទឹង) ចាប់ពីចំណុចស្ពានវត្តពោធិលង្កា ដល់ចំណុច ស្ពាន វត្ត រាជបូព៌
៥-កំណាត់ផ្លូវ ស្ពានអតីតមន្ទីរ ទេសចរណ៍ខេត្ត ចាស់ ចាប់ពីចំណុចផ្លូវអាចារ្យហែមចៀវ ដល់ ចំណុច ផ្លូវវិថី ព្រះនរោត្តម សីហមុនី (កែងសណ្ឋាគារ វិចតូរីយ៉ា)។
ព័ត៌មានលម្អិតសូមអានសេចក្តីជូនដំណឹងដូចខាងក្រោម៖
