ខេត្តសៀមរាប៖មន្ត្រីនគរបាលចរាចរណ៍ផ្លូវគោកខេត្តសៀមរាប បានឲ្យដឹងថា បុរសម្នាក់បានស្លាប់ និងម្នាក់ទៀតបានរងរបួសដោយសារ គ្រោះថ្នាក់ចរាចរណ៍។
ហេតុការណ៍បានកើតឡើង នៅវេលាម៉ោង២០និង៥០នាទី ថ្ងៃទី ២២ ខែវិច្ឆិកា ឆ្នាំ២០២០ ចំណុចផ្លូវបំបែកចូលតារ៉ាងបាល់យុវជន លើផ្លូវ៦០ម៉ែតពីស្តុបស្មាយលីញទៅរង្វង់មូលអប្សរា រវាងម៉ូតូនឹងម៉ូតូ។
មន្ត្រីនគរបាលបានបន្តថាភាគីម៉ូតូទី១
ម៉ាកឌុក ពណ៌ខ្មៅ ស្លាកលេខ «សៀមរាប 1Y0590» បើកបរឈ្មោះ សំរឹទ្ធ សុវណ្ណមករា អាយុ១៨ឆ្នាំ រស់នៅភូមិខ្នា ឃុំជ្រាវ ក្រុងសៀមរាប ខេត្តសៀមរាប (របួសស្រាល) បើកបរពីត្បូងទៅជើង។ ចំណែកភាគីម្ខាងទៀត
ម៉ូតូសេ១២៥ ពណ៌ខ្មៅ សេរី២០១៥ ផ្លាកលេខ «សៀមរាប1S5494» បើកបរឈ្មោះបូ សុខា ប្រុសអាយុ៤៨ឆ្នាំ រស់នៅភូមិមណ្ឌុល៣ សង្កាត់ស្លក្រាម ក្រុងសៀមរាប ខេត្តសៀមរាប (ស្លាប់នៅពេទ្យ)សឹងរឹទ្ធីរ៉េត។
ក្រោយកើតហេតុសមត្ថកិច្ចបានចុះវាស់វែងនិងប្រគល់សាកសពឲ្យក្រុមគ្រួសារធ្វើបុណ្យតាមប្រពៃណី។ ទោះយ៉ាងណា នៅក្នុងរបាយការណ៍សមត្ថកិច្ច នៅមិនបានបញ្ជាក់អំពីមូលហេតុនៅឡើយទេ៕SRP
