ខេត្តសៀមរាប៖ជនសង្ស័យចំនួន៦នាក់ត្រូវបានសមត្ថកិច្ចចាប់ខ្លួនពាក់ព័ន្ធគ្រឿងញៀន។ ការឃាត់ខ្លួនធ្វើឡើងនៅវេលាម៉ោង ១៥និង៣០នាទី ថ្ងៃអង្គារទី១៧ ខែវិច្ឆិកា ឆ្នាំ២០២០ ត្រង់ចំណុចភូមិតាចក សង្កាត់សំបួរ ក្រុងសៀមរាប ខេត្តសៀមរាប ដោយកម្លាំងមូលដ្ឋានកងរាជអាវុធហត្ថក្រុងសៀមរាប ដឹកនាំផ្ទាល់ដោយលោកវរសេនីយ៍ទោ ប្រាក់ វណ្ណះ មេបញ្ជាការ មូលដ្ឋានកងរាជអាវុធហត្ថក្រុងសៀមរាប។
មន្ត្រីអាវុហត្ថបានឲ្យដឹងថាការបង្ក្រាបដំបូង ឃាត់ខ្លួនមនុស្ស០២នាក់៖
១-ឈ្មោះ ស្ម័គ្រ វាសនា ភេទប្រុស អាយុ១៨ឆ្នាំ មុខរបរសិស្ស រស់នៅភូមិក្រសាំង សង្កាត់ស្វាយដង្គំ ក្រុងសៀមរាប ខេត្តសៀមរាប។
២-ឈ្មោះស៊ុន ស៊ីន ភេទប្រុស អាយុ២១ឆ្នាំ មុខរបរធ្វើស្រែ រស់នៅភូមិសំបួរ សង្កាត់សំបួរ ក្រុងសៀមរាប ខេត្តសៀមរាប។ជាមួយគ្នានេះសមត្ថកិច្ច បន្តចាប់បក្ខពួកបាន០៤នាក់ទៀត។
១-ឈ្មោះវី ជ័យ ភេទប្រុស អាយុ២០ឆ្នាំ មុខរបរជាងដែករស់នៅភូមិចន្លោង សង្កាត់ស្រង៉ែ ក្រុងសៀមរាប ខេត្តសៀមរាប។
២-ឈ្មោះព្រឿង បារាំង ភេទប្រុស អាយុ២៦ឆ្នាំ មុខរបរធ្វើស្រែ រស់នៅភូមិស្រង៉ែ សង្កាត់ស្រង៉ែ ក្រុងសៀមរាបខេត្តសៀមរាប។
៣-ឈ្មោះ ឆិត ឆោម ភេទប្រុស អាយុ២៤ឆ្នាំ មុខរបរកម្មកររស់នៅភូមិខ្នារ សង្កាត់ក្របីរៀល ក្រុងសៀមរាប ខេត្តសៀមរាប។
៤-ឈ្មោះម៉េង បូរៀង ភេទប្រុស អាយុ១៧ឆ្នាំ មុខរបរកសិករ រស់នៅភូមិព្រៃក្រូច សង្កាត់ក្របីរៀល ក្រុងសៀមរាប ខេត្តសៀមរាប។ដកហូតវត្ថុតាងរួមមាន៖ទូរស័ព្ទ០៥គ្រឿង គ្រឿងញៀនប្រភេទមេតំហ្វេតាមីន(ICE) ចំនួន០៤កញ្ចប់។បច្ចុប្បន្ន ជនសង្ស័យ និងវត្ថុតាង ត្រូវបានបញ្ជូន ទៅការិយាល័យគ្រឿងញៀន កងរាជអាវុធហត្ថខេត្តសៀមរាប ដើម្បីអនុវត្តបន្ត៕SRP
