ព័ត៌មាន សង្គម ថ្មីៗ

ខេត្តសៀមរាប៖យ៉ាងហោចមនុស្សម្នាក់ បានស្លាប់ភ្លាមៗ និង ២នាក់ទៀត រងរបួសធ្ងន់ស្រាល ដោយសារម៉ូតូ២គ្រឿងបុកគ្នា។

ហេតុការណ៍បានកើតឡើងនៅថ្ងៃទីថ្ងៃទី២៣ ខែ មិថុនា ឆ្នាំ២០២២ វេលាម៉ោង ០៤ និង ១០ នាទី ទៀបភ្លឺ ត្រង់ចំណុច ផ្លូវបំបែកជាបួន សាលាអន្តរជាតិ USA ស្ថិតនៅក្នុងភូមិសាលាកន្សែង សង្កាត់ស្វាយដង្គុំ ក្រុងសៀមរាម ខេត្តសៀមរាប លើផ្លូវជាតិ ក្រាលបេតុង ពីស៊ុបរំដួលទៅផ្សារដើមក្រឡាញ់។

របាយការរបស់នគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឲ្យដឹងថាករណីគ្រោះថ្នាក់ចរាចរណ៍នេះ រវាងម៉ូតូ HOHDA WAVE និង ម៉ូតូ HONDA DREAM។

ករណីនេះម៉ូតូម៉ាក HONDA DREAM ពណ៌ ខ្មៅ ពាក់ស្លាកលេខ សៀមរាប1AL-5499 អ្នកបើកបរឈ្មោះ អុីម សុខឡេត ភេទប្រុស អាយុ២៩ឆ្នាំ រស់នៅភូមិកញ្ចំ ឃុំកញ្ចំ ស្រុកពារំាង ខេត្ត ព្រៃងវែង (ស្លាប់) ទិសដៅពីជើងទៅត្បូង និងអ្នករួមដំណើរឈ្មោះ ឡោម ធារ៉ា ភេទប្រុសអាយុ២១ ឆ្នាំ រស់នៅភូមិឃុំជាមួយគ្នា (របួសស្រាល) បានបុកម៉ូតូមួយគ្រឿងម៉ាកHONDA WAVE ពណ៌ខ្មៅ ពាក់ផ្លាកលេខ សៀមរាប 1Q- 8108 អ្នកបើកបរ ឈ្មោះ ឈឿង ធារ៉ាត់ ភេទប្រុស អាយុ ២៣ ឆ្នាំ រស់នៅភូមិសាលាកន្សែង សង្កាត់សាលាកន្សែង ក្រុងសៀមរាប បើកបរមានទិសដៅ ពីលិច ទៅកើត (របួសធ្ងន់)។ ក្នុងនោះខូតខាតម៉ូតូធ្ងន់ ០២ គ្រឿង។

របាយការណ៍បន្តថា មូលហេតុ អ្នកបើកបរម៉ូតូ HONDA DREAM បើកបរ ក្នុងល្បឿនលឿនខ្វះការប្រុងយ័ត្ន។ កម្លាំងជំនាញកំពុងស្រាវជ្រាវ និងកសាងសំណុំរឿងតាម នីតិវិធី ដើម្បីបញ្ជូនទៅតុលាការ។ ចំណែកវត្ថុតាងរក្សាទុកនៅអធិការដ្ឋាននគរបាលចរាចរណ៏ផ្លូវគោក ខេត្តសៀមរាប ដើម្បីរង់ចាំការដោះស្រាយ៕SRP

ខេត្តសៀមរាប៖យ៉ាងហោចណាស់មនុស្សចំនួន៤នាក់បានរងរបួសក្នុងហេតុការណ៍រថយន្តចំនួន៣គ្រឿងបានបុកបន្តគ្នា។ ហេតុការណ៍បានកើតឡើង នៅវេលាម៉ោងទៀបភ្លឺ ថ្ងៃទី២២ ខែមិថុនា ឆ្នាំ២០២២ ស្ថិតនៅឃុំកណ្ដែក តាមបណ្ដោយផ្លូវជាតិលេខ៦ ស្រុកប្រាសាទបាគង។

ប្រភពបានឲ្យដឹងថាករណីគ្រោះថ្នាក់ចរាចរណ៍នេះ កើតឡើង រវាងរថយន្តបុកបន្តគ្នាចំនួន៣គ្រឿងដែលមានទិសដៅច្រាសទិសគ្នា។

១-រថយន្តម៉ាកនីសាន់ ព៌ណស ផ្លាកលេខភ្នំពេញ2Y-9167 ខូចខាតយ៉ាងដំណំ។

២-រថយន្តក្រុង ពណ៌ក្រហមផ្លាកលេខ3F-3399(ខូចខាតស្រាល)

៣-រថយន្តLexus.RX330,ព៌ណស ផ្លាកលេខភ្នំពេញ2AZ-5719(ខូចខាតយ៉ាងដំណំ)។ ក្នុងហេតុការណ៍បណ្ដាលឲ្យរងរបួសធ្ងន់ស្រាលមនុស្សចំនួន៤នាក់។ មូលហេតុសង្ស័យអ្នកបើកបររថយន្តម៉ាកនីសាន់ បើកបរស្ថិតក្នុងស្ថានភាពស្រវឹង ខ្វះការប្រុងប្រយ័ត្ន។

បច្ចុប្បន្នរថយន្តទាំង៣គ្រឿង ត្រូវបានយកមករក្សាទុកនៅអធិការដ្ឋាននគរបាលស្រុកប្រាសាទបាគង ដើម្បីរងចាំដោះស្រាយតាមនីតិវិធី៕SRP

ខេត្តសៀមរាប៖បុរសម្នាក់ត្រូវបានកម្លាំង ការិយាល័យ នគរបាលព្រហ្មទណ្ឌកម្រិតស្រាល ស្នងការខេត្តសៀមរាប ឃាត់ខ្លួន ករណី ឆបោក និង បទកាន់កាប់ ឬ ដឹកជញ្ជូនអាវុធ ដោយគ្មានការអនុញ្ញាត កាលពីថ្ងៃទី០៦ ខែវិច្ឆិកា ឆ្នាំ២០២១។

ហេតុការណ៍ឃាត់ខ្លួនធ្វើឡើង នៅថ្ងៃទី២០ខែមិថុនា ឆ្នាំ២០២២។

ជនសង្ស័យឈ្មោះ ឡាយ លើយ ភេទប្រុស អាយុ៣៣ឆ្នាំ មានទីលំនៅភូមិធ្លកអណ្តូង សង្កាត់ស្លក្រាម ក្រុងសៀមរាប បានសារភាពថារូបខ្លួនពិតជាបានប្រព្រឹត្តបទល្មើសនេះមែន។

ស្នងការរងខេត្តសៀមរាបទទួលផែនព្រហ្មទណ្ឌ លោកភឹង ចិន្តារ៉េត បានឲ្យដឹងថា៖ ការឃាត់ខ្លួនធ្វើឡើងយោងតាមដីកាសម្រេចអោយបើកការស៊េីបអង្កេតបឋម លេខ៣០៤អយក/២២ ចុះថ្ងៃទី០៦ ខែឧសភា ឆ្នាំ២០២២ របស់លោកស្រី វ៉ា សក្តា ព្រះរាជអាជ្ញារងអមសាលាដំបូងខេត្តសៀមរាប និងដីកាបញ្ជាអោយចូលខ្លួនលេខ៤២៦ អយឃ/២២ ចុះថ្ងៃទី១៦ ខែមិថុនា ឆ្នាំ២០២២ របស់លោកស្រី វ៉ា សក្តា។

លោកភឹង ចិន្តារ៉េត បានបញ្ជាក់ថា នៅក្នុងថ្ងៃទី៨ ខែវិច្ឆិកា ឆ្នាំ២០២១ ឈ្មោះ ឡាយ លើយ ភេទប្រុស និងឈ្មោះ វន លីហូវ ភេទប្រុស បានមកនិយាយអះអាងជាមួយនិងដើមបណ្តឹងឈ្មោះ សំ សោម ថា៖ ពួកគេអាចរៀបចំដីមកជនរងគ្រោះ ចំនួន ៩ហិកតា សម្រាប់សាងសង់ និងធ្វើផ្ទះលំហែកាយ ស្ថិតនៅភូមិនគរក្រៅ សង្កាត់គោកចក ក្រុងសៀមរាបខេត្តសៀមរាប ដោយក្នុងមួយហិកតាតម្លៃ ១៥០០០ដុល្លារ។ ដោយមានការជឿជាក់ និងទុកចិត្តឈ្មោះ សំ សោម បានប្រគល់និងផ្ទេរប្រាក់ជាបន្តបន្ទាប់ទៅអោយឈ្មោះ វន លីហូវ និងឈ្មោះ ឡាយ លើយ ចំនួន ១៧៦០០ដុល្លារ ដេីម្បីរៀបចំដីសាងសង់របង និងធ្វើបន្ទប់ទឹក។ បន្ទាប់ពីអ្នកទាំងពីរបានទទួលប្រាក់រួចហើយរូបគេបានគេចខ្លួនបាត់រហូតតែម្ដង។

បើតាមលោកភឹង ចិន្តារ៉េត ក្នុងពេលសមត្ថកិច្ច ចុះអនុវត្តដីកា ក៏បានរកឃេីញ និងដកហូតអាវុធខ្លីម៉ាក GW១២៤៥ផលិតឆ្នាំ១៩៦៦ ប្រទេសសហរដ្ឋ អាមេរិច និងគ្រាប់ចំនួន ០២គ្រាប់ ដោយជនសង្ស័យ បានឆ្លើយថារើសបាន នៅរោងចាំចំការនៅភូមិប្រាសាទក្រហម ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ៕SRP

ខេត្តសៀមរាប៖មនុស្សចំនួន៦នាក់ ដែលជិះក្នុងរថយន្តមិនមានគ្រោះថ្នាក់នោះទេ ករណីបាក់ដើមឈើរលំសង្កត់លើរថយន្តកាលល្ងាចថ្ងៃចន្ទម្សិលមិញ។

ប្រភពីសមត្ថកិច្ចបានឲ្យដឹងថាហេតុការណ៍បានកើតឡើង នៅវេលាម៉ោង ១៧ និង១០នាទី ថ្ងៃទី២០ ខែមិថុនា ឆ្នាំ២០២២ នៅចំណុចមុខប្រាសាទប្រែរូបខាងកើត ក្នុងភូមិស្រះស្រង់ខាងជើង សង្កាត់នគរធំ ក្រុងសៀមរាប ខេត្តសៀមរាប។

ប្រភពបានបន្តថាគ្រោះធម្មជាតិនេះ គឺបាក់ដើមឈើក្រឡាញ់រលំសង្កត់លើរថយន្ត ១គ្រឿង ម៉ាកHiynai ពាក់ផ្លាកលេខសៀមរាប ២B00៦១ ពណ៌ខ្មៅ ១២កៅអី។ អ្នកបើករថយន្តមាន ឈ្មោះ សោម ចាន់ថា ភេទ ប្រុស អាយុ ៣៧ឆ្នាំ រស់នៅភូមិអូរទទឹងឃុំព្រះដាក់ ស្រុកបន្ទាយស្រីខេត្តសៀមរាប។ ដោយនៅក្នុងឡានជិះមានគ្នា៦នាក់ ស្រី៤នាក់នៅក្នុងនោះមានភ្ញៀវជនជាតិអាមេរិក៤នាក់ ស្រី៤នាក់ និងមានជនជាតិខ្មែរ២នាក់ ប្រុស២នាក់។

ក្នុងករណី ឧបទ្ទវហេតុគ្រោះធម្មជាតិខាងលើនេះ ពុំមានគ្រោះថ្នាក់ ដល់អ្នកបើកបរ និងអ្នករួមដំណើរនោះឡើយ តែរថយន្តខូចខាតខាងមុខទាំងស្រុង៕SRP

ខេត្តសៀមរាប៖គ្រោះថ្នាក់ចរាចណ៍មួយបានបង្កឱ្យមានសោកនាដ្ឋកម្ម ស្លាប់មនុស្សម្នាក់ភ្លាមៗនិងនារីអ្នករួមដំណើររងរបួសធ្ងន់។

របាយការរបស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប ដែលអង្គភាពសៀមរាបប៉ុស្ដិ៍ទើបទទួលបាននៅរសៀលថ្ងៃនេះ បានឱ្យដឹងថា គ្រោះថ្នាក់ចរាចរណ៍ នេះបានកើតឡើងនៅថ្ងៃទី១៩ ខែមិថុនា ២០២២ វេលាម៉ោង៣ និង៣៥នាទី ចំណុចរង្វង់មូលព្រះបាទជ័យវរ័ន្មទី៧ ស្ថិតនៅភូមិថ្នល់ សង្កាត់ ស្រង៉ែ ក្រុងសៀមរាប ខេត្តសៀមរាប ផ្លូវជាតិលេខ៦ ត្រង់ចន្លោះបង្គោលគីឡូម៉ែត្រលេខ ៣១៧-៣១៨។

របាយការណ៍បន្តថាហេតុការណ៍នេះ កើតឡើងរវាងរថយន្ត និងរង្វង់មូល។ រថយន្តម៉ាក TOYOTA PRUIS ពណ៌ស ពាក់ផ្លាកលេខ ភ្នំពេញ​ 2AZ.8122 អ្នកបើកបរឈ្មោះ ទី សុធា ភេទ ប្រុស អាយុ ៣៧ឆ្នាំ រស់នៅភូមិបឹង សង្កាត់ជ្រាវ ក្រុងសៀមរាប ខេត្តសៀមរាប (ស្លាប់) និងមានអ្នករួមដំណើរ ម្នាក់ឈ្មោះ យី សុឃីម ភេទស្រី អាយុ២៨ឆ្នាំ ទីកន្លែងកំណើតភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ បច្ចុប្បន្នស្នាក់នៅបន្ទប់ជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប របួសធ្ងន់បញ្ជូនទៅសង្គ្រោះនៅមន្ទីរពេទ្យកាល់ម៉ែត្រ ទិសដៅពីកើត ទៅលិច បានបុកខឿនចែកទ្រូងផ្លូវ បន្ទាប់មកបុករង្វង់មូល ហើយបានរ៉េ ចង្កូតទៅបុកបង្គោលភ្លើងសញ្ញាចរាចរណ៍​(បង្គោលភ្លេីងស្តុប)ខាងលិច ឈៀងខាងជើង។ ក្នុងនោះខូតខាតរថយន្តធ្ងន់ ១គ្រឿង។ មូលហេតុ អ្នកបើកបររថយន្ត បើកបរក្នុងល្បឿនលឿន។

កម្លាំងជំនាញកំពុងស្រាវជ្រាវ និងកសាងសំណុំរឿងតាម នីតិវិធី ដើម្បីបញ្ជូនទៅតុលាការ។ ចំណែកវត្ថុតាងរក្សាទុកនៅការិយាល័យ នគរបាលចរាចរណ៍ផ្លូវគោក៕SRP