ព័ត៌មាន សង្គម ថ្មីៗ

ខេត្តសៀមរាប៖បុរសម្នាក់បានដាច់ជើងម្ខាង ខណ:កំពុងកាត់ស្មៅបាក់ផ្លែម៉ាសុីនកាត់ស្មៅចំជើង។ ហេតុការណ៍បានកើតឡើងនៅថ្ងៃចន្ទ ម្សិលមិញ ស្ថិតនៅភូមិខ្លាឃ្មុំ  ឃុំខ្នងភ្នំ ស្រុកស្វាយលើ ខេត្តសៀមរាប។

សមត្ថកិច្ចខេត្តសៀមរាប បានថ្លែងប្រាប់ ទីភ្នាក់ងារសារព័ត៌មានសៀមរាប ប៉ុស្តិ៍ ធីវី អនឡាញ នៅព្រឹកថ្ងៃអង្គារនេះថា ករណីគ្រោះថ្នាក់នេះ បង្កឡើងដោយខ្លួនឯងដោយសារបាក់ផ្លែមាសុីនកាត់ស្មៅនៅចំការស្វាយចន្ទី បណ្ដាលអោយដាច់ជើងខាងស្ដាំក្រោមកំភួនជើង។

សមត្ថកិច្ចបន្តថា៖ ជនរងគ្រោះឈ្មោះ ជុំ ភាន់ អាយុ៣២ឆ្នាំ មានទីលំនៅភូមិខ្លាឃ្មុំ  ឃុំខ្នងភ្នំស្រុកស្វាយលើ ខេត្តសៀមរាប។

សមត្ថកិច្ចខេត្តសៀមរាប ករណីនេះមូលហេតុ ជនរងគ្រោះ កំពុងកាត់ស្មៅក៏បាក់ផ្លែម៉ាសុីន មកត្រូវជើងបណ្តាលបាក់ដាច់តែម្ដង។

បើតាមសមត្ថកិច្ចក្រោយកើតហេតុ ជនរងគ្រោះ ត្រូវបានគេបញ្ជូនមកសង្គ្រោះបឋម នៅមណ្ឌលសុខភាពឃុំខ្នងភ្នំ រួចបានបញ្ជូនបន្តទៅមន្ទីរពេទ្យស្រុកសូត្រនិគម៕SRP

ខេត្តសៀមរាប៖ជនជាតិវៀតណាមជាង២០នាក់ ត្រូវបានចាប់ខ្លួនពាក់ព័ន្ធករណីបង្ខាំងមនុស្សខុសច្បាប់ដោយមានធ្វើទារុណកម្ម។

នេះបើតាមរបាយការណ៍បឋមរបស់នគរបាលខេត្តសៀមរាប ដែលទីភ្នាក់ងារសារព័ត៌មាន សៀមរាបប៉ុស្ដិ៍ ធីវី អនឡាញ ទទួលបាននៅព្រឹកនេះ។

របាយការបានបង្ហាញថានៅវេលាម៉ោង១២និង០០នាទីថ្ងៃទី២៥ ខែកញ្ញា ឆ្នាំ២០២២ កំលាំងនគរបាលខេត្តសៀមរាប បានឃាត់ខ្លួនជនជាតិវៀតណាមចំនួន២៤នាក់ (ស្រី១១នាក់)និងរយន្តចំនួន០២គ្រឿង។

ការឃាត់ខ្លួននៅ៣ទីតាំងផ្សេងគ្នា៖
ទីតាំងទី០១ ស្ថិតនៅលើផ្លូវជាតិលេខ ៦ ត្រង់អក្សរTខាងកើតរង្វង់មូលស្រុកក្រឡាញ់ ស្ថិតនៅភូមិកំពង់ថ្កូវ២ ឃុំកំពង់ថ្កូវ ស្រុកក្រឡាញ់ ដោយឃាត់មនុស្សបានចំនួន០៨នាក់ (ស្រី២នាក់) និងរថយន្តម៉ាកស្តារិចពណ៌ស១គ្រឿង។

ទី២ ផ្ទះវីឡាជួល ស្ថិតនៅក្រុមទី៩ ក្នុងភូមិគ្រួសសង្កាត់ស្វាយដង្គំ ក្រុងសៀមរាប ខេត្តសៀមរាប ឃាត់ខ្លួនជនជាតិវៀតណាម ចំនួន៩នាក់ ស្រី៥នាក់ និងរថយន្ត១គ្រឿងម៉ាកតូយូតា១២កៅអីពណ៌ស១គ្រឿង។

ទី៣៖ ស្ថិតនៅភូមិក្រសាំង សង្កាត់ជ្រាវ ក្រុងសៀមរាប ឃាត់ខ្លួនជនជាតិវៀតណាម ៧នាក់ (ស្រី៤នាក់ទាំង រងគ្រោះម្នាក់)។

យោងតាមរបាយការណ៍បន្តថាសន្និដ្ឋានបឋមរបស់សមត្ថកិច្ច៖ ជាកណីចាប់ជំរិត ដោយសាមានស្ត្រីម្នាក់ មានរបួសស្នាមដោយការធ្វើទារុណកម្ម។ បច្ចុប្បន្នមនុស្ស២៤នាក់ ត្រូវបាននាំខ្លួននៅស្នងការខេត្តសៀមរាប៕SRP

ខេត្តសៀមរាប៖ម្នាក់បានស្លាប់ភ្លាមៗក្នុងហេតុការណ៍គ្រោះថ្នាក់ចរាចរណ៍ដោយខ្លួនឯង។

អាជ្ញាធរស្រុកសូទ្រនិគមបានរាយការណ៍បានប្រាប់ទីភ្នាក់ងារ សារព័ត៌មានសៀមរាបប៉ុស្តិ៍ ធីវី អនឡាញ ថា ហេតុការណ៍បានកើតឡើងវេលាម៉ោង១៧និង៣០នាទី ថ្ងៃទី២៣ ខែកញ្ញា ឆ្នាំ២០២២ នៅតាមផ្លូវកៅស៊ូ ក្នុងភូមិស្រម៉ធំ ឃុំដានរុន ស្រុកសូទ្រនិគម ខេត្តសៀមរាប។

អាជ្ញាធរស្រុកសូទ្រនិគមបានបន្តថា ករណីគ្រោះថ្នាក់ចរាចរណ៍នេះ បង្កដោយខ្លួនឯង (បើកម៉ូតូបុកបង្គោលរបង ) ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ សៀមរាប 1AA.5065។ ជនរងគ្រោះមានឈ្មោះម៉ា រ៉ាន់វ៉ាន់នុត អាយុ២៥ឆ្នាំ ទីស្រែធ្នង់ ឃុំដំដែក ស្រុកសូទ្រនិគម ខេត្តសៀមរាប (ជាអ្នកបើកបរម៉ូតូ)។

បើតាមអាជ្ញាធរបញ្ជាក់ថាបច្ចុប្បន្ន អ្នកស្លាប់ត្រូវបានសមត្ថកិច្ចប្រគល់អោយក្រុមគ្រួសារធ្វើបុណ្យតាមប្រពៃណី។ ចំណែកវត្ថុតាងម៉ូតូ រក្សារទុកនៅប៉ុស្តិ៍នគរបាលរដ្ឋបាលដានរុន៕SRP

ខេត្តសៀមរាប៖បុរសម្នាក់បានស្លាប់ដោយសារគ្រោះថ្នាក់ ថ្នាក់ចរាចរណ៍ ផ្លូវទឹក បង្កដោយកាណូតសំបកស្មាច់បុកគ្នា។

ហេតុការណ៍បានកើតឡើងនៅយប់ ថ្ងៃទី២៣ ខែកញ្ញា ឆ្នាំ២០២២ នៅចំណុចកែងកគោ (ទឹកទន្លេ) ក្នុងភូមិតាច្រនៀង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។

អាជ្ញាធរស្រុកសូទ្រនិគមបានប្រាប់ពីភ្នាក់ងារសារព័ត៌មានសៀមរាប៉ុស្ដិ៍ tv online ថាករណីគ្រោះថ្នាក់ចរាចរណ៍ផ្លូវទឹកនេះគឺ បង្កដោយកាណូតសំបកស្មាច់ ម៉ាស៊ីនកាវ៉ា បើកបរដោយឈ្មោះសាយ ចំរ៉ុង ភេទប្រុស អាយុ២៥ឆ្នាំ នៅភូមិតាច្រនៀង ឃុំកំង់ឃ្លាំង ស្រុកសូទ្រនិគម ខេត្តសៀមរាប បច្ចុប្បន្នរត់គេចខ្លួន បើកទិសដៅ ពីកើតទៅលិច បានបុក កាណូតសំបកស្មាច់ម៉ាស៊ីនកាវ៉ាដូចគ្នា បើកបរដោយឈ្មោះជិត ភក្ត្រ ភេទប្រុស អាយុ២៤ឆ្នាំ នៅភូមិអូតាពុត ឃុំកំពង់ឃ្លាំង ស្រុកសូទ្រនិគម ខេត្តសៀមរាប បើកក្នុងទិសដៅពិលិច ទៅកើត បញ្ច្រាសទិសគ្នា បណ្ដាលអោយធ្លាក់ទឹក អ្នករួមដំណើរម្នាក់។

អាជ្ញាធរស្រុកសូទ្រនិគម បន្តថាក្រោយកើតហេតុ
រកជនរងគ្រោះពុំឃើញនោះទេ រហូតដល់ម៉ោង០៨និង៣០នាទី ថ្ងៃទី២៤ ខែកញ្ញា ឆ្នាំ២០២២នេះ ទើបរកឃើញ ដោយអូសសាច់មងជាប់ នៅចំណុចជិតកន្លែងកើតហេតុ។

អាជ្ញាធរបញ្ជាក់ថាជនរងគ្រោះ ឈ្មោះរ៉ា លីដា ភេទប្រុស អាយុ៣៧ឆ្នាំ នៅភូមិរទាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។ ករណីនេះកាណូតទាំងពីរគ្រឿង ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលកំពង់ឃ្លាំងដើម្បីរងចាំការដោះស្រាយតាមផ្លូវច្បាប់៕SRP

ខេត្តសៀមរាប៖យុវជនម្នាក់បានស្លាប់និងម្នាក់ទៀតរងរបួសដោយសារគ្រោះថ្នាក់ចរាចរណ៍រវាងម៉ូតូនិងរថយន្ត។

ហេតុការណ៍បានកើតឡើង នៅវេលាព្រលប់ ថ្ងៃទី២១ ខែកញ្ញា ឆ្នាំ២០២២ ត្រង់ចន្លោះបង្គោលគីឡូ លេខ ២៩៨.២៩៩ ស្ថិតនៅភូមិ លលៃ ឃុំបាគង ស្រុកប្រាសាទបាគង។

សមត្ថកិច្ចបានឲ្យដឹងថា ហេតុការណ៍នេះ
រថយន្ដមួយគ្រឿងម៉ាក តាកូម៉ា ពណ៌ទឹកប្រាក់ពាក់ផ្លាកលេខភ្នំពេញ 2L-9222 បើកបរដោយឈ្មោះមិនស្គាល់អត្ដសញ្ញាណ ទិសខាងលិច ទៅកើត បានបត់ចូលផ្លូវវត្ដលលៃ ប៉ះទង្គិចនិងម៉ូតូមួយគ្រឿងម៉ាក ហុងដាសេ១២៥ សេរី០៨ ពណ៌ខ្មៅពាក់ផ្លាកលេខកំពង់ចាម1F -65 68   បើកបដោយ ឈ្មោះ សឿន សាក់ភេទប្រុសអាយុ ១៩ឆ្នាំ មានទីលំនៅភូមិពង្រ ឃុំកន្រ្ទាំងស្រុកប្រាសាទបាគង ខេត្ដសៀមរាប (បណ្ដាលអោយស្លាប់នៅកន្លែងកើតហេតុ) និងអ្នករួមដំណើរម្នាក់ទៀតឈ្មោះ យន់ មករា  ភេទប្រុសអាយុ ១៨ឆ្នាំ មានទីលំនៅភូមិពង្រ ឃុំកន្រ្ទាំង ស្រុកប្រាសាទបាគង ខេត្ដសៀមរាប រងរបួសស្រាល បើកបរមានទិសដៅ ពីកើតទៅលិច។

សមត្ថកិច្ចបានបន្តថា អ្នកជិះម៉ូតូ ក្រោយពេលកើតហេតុរួច ម៉ូតូនិងអ្នកបើកបរ បានខ្ទាតទៅចូលរថយន្ដម៉ាកសាំងយ៉ុង  ពណ៌សពាក់ផ្លាកលេខសៀមរាប 2B- 75 37 បើកបរដោយឈ្មោះ ផាវ ផង់ ភេទប្រុសអាយុ៤៧ឆ្នាំ មានទីលំនៅភូមិ កំពង់តាយ៉ង ឃុំពួក ស្រុកពួក ខេត្ដ សៀមរាប បើកបរមានទិសដៅពីលិច ទៅកើត។

សមត្ថកិច្ចបានបញ្ជាក់ថា តៃកុងរថយន្ត សាំងយ៉ុង ត្រូវបានឃាត់ខ្លួនភ្លាមៗ។ ចំណែក រថយន្ដពាក់ផ្លាកលេខភ្នំពេញ 2L-9222 បានបើកបររថយន្ដរត់គេចខ្លួនបាត់។ ករណីនេះ
វត្ថុតាងម៉ូតូនិងរថយន្ដ សមត្ថកិច្ចយកទៅរក្សាទុក នៅអធិការដ្ឋាននគរបាលស្រុកដើម្បីអនុវត្តតាមនីតិវិធីច្បាប់៕SRP