ព័ត៌មាន សង្គម ថ្មីៗ

ខេត្តបន្ទាយមានជ័យ៖បុរសម្នាក់បានចេញទៅឆក់ត្រីបែរជាត្រូវពស់ចឹកបណ្ដាលឱ្យស្លាប់នៅក្នុងទឹក។

អាជ្ញាធរខេត្តបន្ទាយមានជ័យបានប្រាប់ថា ហេតុការណ៍បានកើតឡើង នៅវេលាម៉ោង១៥ និង១៧នាទី ថ្ងៃទី១៨ ខែកញ្ញា ឆ្នាំ២០២៣ នៅចំណុចវាលផ្លុកចារ ខាងលិចភូមិផ្គាំ ឃុំសឹង្ហ ស្រុកអូរជ្រៅ។

អាជ្ញាធរបានបន្តថា ជនរងគ្រោះ ឈ្មោះ ភាក់ សំណាង  ភេទប្រុស អាយុ២៨ឆ្នាំ រស់នៅភូមិផ្គាំ ឃុំសិង្ហ ស្រុកអូរជ្រៅ។

អាជ្ញាធរបានបញ្ជាក់ថា បើតាមការបំភ្លឺពីឈ្មោះ ភាក់ ស្រីផាត់ អាយុ៣១ឆ្នាំ ជាបងបង្កើតបាននិយាយថា ប្អូនរបស់គាត់ បានចេញទៅឆក់ត្រី នៅម៉ោង១៩ៈ០០នាទី ថ្ងៃទី១៦ ខែកញ្ញា ឆ្នាំ២០២៣ ដោយពុំឃើញមកផ្ទះវិញ ហើយបងប្អូនក៏បាននាំគ្នាដើររក លុះដល់ចំណុចខាងលើទើបប្រទះឃើញសាកសព ដេកស្លាប់ផ្កាប់មុខនិងមានស្នាមចង្កូមសត្វពស់ចឹក ចំចុងកំភួនជើង ហើយប្រទះឃើញសត្វពស់ស្រកាច្រាស់ នៅក្បែរសព១ក្បាល៕

ខេត្តសៀមរាប៖ផ្ទះពលរដ្ឋមួយកន្លែងត្រូវបានចោរចូលលួចលុយបានសម្រេច ខណៈម្ចាស់កំពុងដេកលង់លក់។

សមត្ថកិច្ចបានប្រាប់ថា នៅវេលាម៉ោង ២ និង ០០ នាទី ថ្ងៃទី ១៦ ខែកញ្ញា ឆ្នាំ២០២៣ មានករណី អំពើរលួច(លួចទូរស័ព្ទ និង ប្រាក់ ) នៅចំណុចភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប។

សមត្ថកិច្ចបានបន្តថា ជនសង្ស័យមិនស្គាល់អត្តសញ្ញាណ បានធ្វើសកម្មភាពលួច ចូលក្នុងបន្ទប់ដេកលួចយកប្រាក់ និងទូរស័ព្ទ ដោយជនរងគ្រោះឈ្មោះ ឆន សុីណែត ភេទស្រីអាយុ៤៣ ឆ្នាំ។

សមត្ថកិច្ចបានបញ្ជាក់ថា ករណីនេះ បណ្ដាលឱ្យបាត់បង់ៈ  ១.ប្រាក់រៀលចំនួន(ពីរលានរៀល) ២.ទូរស័ព្ទ១ គ្រឿង ម៉ាក VIVO ពណ៌ខៀវ ដែលប្រើលេខ 071 37  37 718 និង លេខ 096 498 67 67 ដែលមានគនណីហ្វេសប៊ុកនៅក្នុងទូរស័ព្ទឈ្មោះ សំបូរ សម្បត្តិ។

បើតាមសមត្ថកិច្ចប្រាប់ថា មូលហេតុៈ ជនរងគ្រោះដេកដោយបានទុកប្រាក់ និងទូរស័ព្ទនៅលើក្បាលដំណេក ហើយត្រូវបានចោលចូលលួចតែម្ដង។
បច្ចុប្បន្នៈ កម្លាំងជំនាញកំពុងស្រាវជ្រាវរកមុខសញ្ញាតាមនីតិវិធី៕

ខេត្តសៀមរាប៖អ្នកជិះម៉ូតូបានស្លាប់ភ្លាមៗនៅកន្លែងកើតហេតុ ខណៈកំពុងជិះត្រូវបានរថយន្តបុកចំពេញលំហឹង ក្នុងទិសដៅស្របទិសគ្នា ។

ហេតុការណ៍បានកើតឡើងមនៅវេលាម៉ោង ០៩និង៤៤ នាទី លើផ្លូវជាតិលេខ ៦៤ ចន្លោះគីឡូម៉ែត្រលេខ ៣៤-៣៥ ស្ថិតនៅភូមិអូរមានជ័យ ឃុំស្វាយលើ ស្រុកស្វាយលើ ខេត្តសៀមរាប។

សមត្ថកិច្ចបានប្រាប់ថា គ្រោះថ្នាក់ចរាចរណ៍នេះ
រថយន្ដដឹកដែកម៉ាក KIA FRONTIER ពណ៌ក្រហម ផ្លាកលេខសៀមរាប 3A-2237 បើកបរដោយឈ្មោះ ជា ចាន់ ភេទប្រុស អាយុ ១៩ ឆ្នាំ មុខរបរ កសិករ  រស់នៅ ភូមិសំរោងត្បូង ឃុំសំរោង ស្រុកសូទ្រនិគម ខេត្តសៀមរាប បើកបរក្នុងទិសដៅពីត្បូង ទៅជើងហើយបត់ឆ្វេង បានបុកម៉ូតូម៉ាក ហុងដាឌ្រីម ពណ៌ខ្មៅ ផ្លាកលេខគ្មាន បើកបរដោយឈ្មោះ ខា ខុន  ភេទប្រុស អាយុ ១៨ឆ្នាំ មុខរបរ សិស្ស  រស់នៅភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប  បើកបរក្នុងទិសដៅពីត្បូង ទៅជើង
បណ្ដាលអោយស្លាប់តែម្ដង។

សមត្ថកិច្ចបានបន្តថាហេតុការណ៍នេះបណ្ដាលឱ្យស្លាប់មនុស្សម្នាក់  ខូចខាតម៉ូតូ១ គ្រឿងនិងរថយន្ត ១ គ្រឿង។

បើកតាមសមត្ថកិច្ច មូលហេតុនៃគ្រោះថ្នាក់ចរាចរណ៍
បណ្តាលមកពី អ្នកបើកបរម៉ូតូ បើកបរជែងក្នុងស្ថានភាពគ្រោះថ្នាក់និង អ្នកបើកបររថយន្តបត់ឆ្វេងដោយខ្វះការប្រុងប្រយ័ត្ន។ ទោះជាយ៉ាងណា អ្នកបើកបររថយន្ដបានសមត្ថកិច្ចឃាត់ខ្លួន។ ចំណែកសាកសព សមត្ថកិច្ច ប្រគល់ធ្វើឱ្យក្រុមគ្រួសារសពដើម្បីយកទៅធ្វើបុណ្យសពតាមប្រពៃណី។
.
ចំណែកវត្ថុតាងទាំងពីរគ្រឿង បានយកទៅរក្សាទុកនៅអធិការដ្ឋាននគរបាលស្រុកស្វាយលើ រងចាំដោះស្រាយតាមនិតិវិធីច្បាប់៕

ខេត្តពោធិ៍សាត់៖សមត្ថកិច្ចបានប្រាប់ថា នៅវេលាម៉ោង១៣និង៥០នាទី ថ្ងៃទី១៥ ខែកញ្ញា ឆ្នាំ២០២៣ មានករណីធ្វើអត្តឃាយចងកនៅចំណុចភូមិ/សង្កាត់ផ្ទះព្រៃ ក្រុង/ខេត្តពោធិ៍សាត់។

ជនរងគ្រោះឈ្មោះ ផូ តៃ ភេទប្រុស អាយុ ៣៧ឆ្នាំ ខ្មែ មុខរបរយោធា វរៈសេនាតូចលេខ២ តំបន់ប្រតិបត្តិការសឹករងពោធិ៍សាត់។

សមត្ថកិច្ចបានបន្តថា ជនរងគ្រោះ បានយកខ្សែភ្លើងចងកភ្ជាប់នឹងបង្អួចបន្ទប់(បណ្តាលឲ្យស្លាប់តែម្ដង)។ តាមការពិនិត្យ និងធ្វើកោសល្យវិច័យគ្រូពេទ្យជំនាញ សពជនរងគ្រោះស្លាប់ដោយសាធ្វើអត្តឃាតចងក។
មូលហេតុ៖ មានវិបត្តិផ្លូវចិត្ត។ បច្ចុប្បន្ន៖ សាកសពបានប្រគល់ឲ្យក្រុមគ្រួសារ។