ព័ត៌មាន សង្គម ថ្មីៗ

ខេត្តសៀមរាប៖សមត្ថកិច្ចខេត្តសៀមរាបបានប្រាប់អង្គភាពសៀមរាប ប៉ុស្ដិ៍ នៅថ្ងៃពុធនីថា យ៉ាងហោចណាស់មានមនុស្សចំនួនពីរនាក់បានស្លាប់បាត់បង់ជីវិតដោយភ្លើងឆក់។

ហេតុការណ៍បានកើតឡើងនៅវេលាម៉ោង១០និង៣០ នាទី ថ្ងៃទី២៧ ខែកញ្ញា ឆ្នាំ២០២៣ នៅចំណុចបង្គោលខ្សែភ្លើង មុខដីទំនេររបស់ឈ្មោះចាំង គង់ ភេទប្រុស ស្ថិតនៅក្នុងភូមិដូនហុង ឃុំដំដែក ស្រុកសូទ្រនិគម។

សមត្ថកិច្ចបានប្រាប់បន្តថា ជនរងគ្រោះ
១/ឈ្មោះឆា បុណ្យ ហៅប៊ូកភេទប្រុស អាយុ១៨ឆ្នាំ មានទីលំនៅភូមិទ្រា ឃុំស្វាយជ្រុំ ស្រុកមេសាង ខេត្តព្រៃវែង មុខរបរជាងតខ្សែរWifi (ស្លាប់)។
២/ឈ្មោះអាន យូ ភេទប្រុស អាយុ៣៦ឆ្នាំ មានទីលំនៅភូមិព្រៃព្រះអណ្ដូង ឃុំស្វាយជ្រុំ ស្រុកមេសាង ខេត្តព្រៃវែង មុខរបរជាងតខ្សែរWifi (ស្លាប់)។

បើតាមសមត្ថកិច្ច ករណីនេះ មូលហេតុ: ដាក់ជណ្ដើរឡើងតខ្សែរ wifi ជិតបង្គោលខ្សែរភ្លើង ប៉ះនិងខ្សែភ្លើង ធ្លាក់មកដីដាច់ស្រាត ដោយលើដីមានទឹកលិច បណ្ដាលឱ្យឆក់ស្លាប់តែម្ដង។

ក្រោយកើតហេតុ សមត្ថកិច្ច បានយកសាកសពតម្កល់ទុកនៅ មន្ទីរពេទ្យបង្អែកស្រុកសូទ្រនិគម ដើម្បីអោយគ្រួសា រ យកទៅធ្វើបុណ្យតាមប្រពៃណី៕

ខេត្តសៀមរាប៖នៅទីបំផុតផ្សារទំនើបដ៏ល្បីមួយនៅកណ្ដាលក្រុងសៀមរាប គឺផ្សារទំនើបឡាក់គីម៉លសៀមរាប បានប្រកាស ផ្អាកដំណេីរការ របស់ខ្លួន ចាប់ពីថ្ងៃទី១ ខែតុលា ឆ្នាំ២០២៣។

គេនៅពុំទាន់ដឹងច្បាស់ថាការផ្អាកដំណើរការផ្សារទំនើបដ៏ល្បីមួយនៅកណ្ដាលក្រុងសៀមរាបនេះ មានមូលហេតុអ្វីពិតប្រាកដនៅឡើយទេ ដោយតំណាងផ្សារមិនទាន់ចេញសេចក្ដីជូនដំណឹងជាក់លាក់៕នាគខៀវ

ខេត្តបាត់ដំបង៖សមត្ថកិច្ចបានប្រាប់ថា នៅវេលាម៉ោង 10:00នាទី ថ្ងៃទី 25 ខែកញ្ញា ឆ្នាំ2023 ត្រង់ចំណុចដីលោក ទូធានទឹ  ស្ថិតក្នុងក្រុមទី10 ភូមិកំប្រង់ ឃុំតាត្រី ស្រុកកំរៀង មានករណីមនុស្សស្លាប់ម្នាក់។

សមត្ថកិច្ចបន្តថា ជនរងគ្រោះមិនស្គាល់អត្តសញ្ញាណភេទប្រុសអាយុប្រហែល ៤៥ ឆ្នាំ បានត្រូវប្រទះឃើញដេកស្លាប់នៅលើដី ដោយសាកសពគ្មានសំលៀកបំពាក់ មានស្លាកស្នាមនៅលើកដៃទាំងសងខាង ដោយសារគេចងកុំឲ្យដើរទៅណា (អាចវិកលចរិក)។ បច្ចុប្បន្ន សាកសពក្រុមការងារបូជានៅកន្លែងកើតហេតុ៕

ខេត្តបាត់ដំបង៖ស្ត្រីម្នាក់ត្រូវបានសមត្ថកិច្ចចាប់ខ្លួនករណីរក្សាទុកដោយខុសច្បាប់នូវសារធាតុញៀន។

ការចាប់ខ្លួនធ្វើឡើង នៅថ្ងៃទី25 ខែកញ្ញា ឆ្នាំ2023 នៅចំណុច ភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង។

ជនសង្ស័យ ឈ្មោះ សុឺង ធីថាន់ ហៅ ធិន ភេទស្រីអាយុ46 ឆ្នាំ មានទីលំនៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង។

ប្រតិបត្តិការនេះ ដកហូត វត្ថុតាងរួមមាន ម្សៅក្រាមពណ៌សថ្លា ច្រកក្នុងថង់ប្លាស្ទិកថ្លា ចំនួន 02ថង់ សង្ស័យមានសារធាតុញៀន-កូនថង់សំរាប់រំលែកថ្នាំញៀនលក់មួយចំនួន។កម្លាំងអធិការកំពុងកសាងសំណុំរឿងបញ្ជូនទៅតុលាការ៕

ខេត្តសៀមរាប៖យុវតីម្នាក់ត្រូវបានឪពុកបង្កើតវាយសម្លាប់ បង្កឲ្យមានការភ្ញាក់ផ្អើលយ៉ាងខ្លាំងដល់សមត្ថកិច្ចមូលដ្ឋាន។

សមត្ថកិច្ចបានប្រាប់អង្គភាព សៀមរាប៉ុស្ដិ៍ នៅព្រឹក ថ្ងៃអង្គារនេះថា ហេតុការណ៍ នេះបានកើតឡើងនៅវេលាម៉ោង ១៨ និង ៣០ នាទី ថ្ងៃទី២៥ ខែកញ្ញា ឆ្នាំ២០២៣ នៅត្រង់ចំណុចកញ្ចុះមុខផ្ទះស្ថិតនៅភូមិខ្នារជើង ឃុំក្រូចគរ ស្រុកក្រឡាញ់ ខេត្តសៀមរាប។

សមត្ថកិច្ចបានប្រាប់បន្តថា ជនរងគ្រោះឈ្មោះ ង៉ិក ស្រីគីម ភេទស្រី អាយុ១៤ ឆ្នាំ។ ចំណែក ជនសង្ស័យជាឪពុក ឈ្មោះ ឈិត ង៉ែត ភេទប្រុស អាយុ៥៥ ឆ្នាំ មុខរប កសិករ។

បើតាមសមត្ថកិច្ច ករណីហិង្សា ឪពុកវាយកូនរហូតដល់ស្លាប់នេះ មូលហេតុ ឪពុកខឹងនិងកូននិយាយទូរស័ព្ទ (ថាឲ្យឈប់និយាយទូរស័ព្ទ តែមិនស្តាប់ក៏វាយចំកញ្ចាំងករពីក្រោយចំនួន៣ ដៃ បណ្តាលឲ្យជនរងគ្រោះស្លាប់តែម្ដង។

សមត្ថកិច្ចបានបញ្ជាក់បន្ថែមថា ក្រោយកើតហេតុនគរបាលស្រុក បានឃាត់ខ្លួនជនសង្ស័យជាឪពុក ដើម្បីអនុវត្តតាមនីតិវិធីច្បាប់៕នាគខៀវ