ខេត្តកំពង់ធំ៖លោកអឹង ឡុងលី និងប្រពន្ធ ឈ្មោះថេង អូន ម្ចាស់ការដ្ឋានសំណង់ស្ថិត នៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ពិតជាមិនធម្នតាឡើយ ដោយបានសាងសង់សំណង់អត់ច្បាប់ ទោះបីជាមានលិខិតហាមឃាត់ពីអាជ្ញាធរស្រុកសន្ទុកចំនួន 2 លើកក៏ដោយ ក៏ម្ចាស់សំណង់ទាំងពីរនាក់ប្ដីប្រពន្ធនេះមិនខ្លាចញញើតអាជ្ញាធរស្រុកនោះទេ។
អាជ្ញាធរស្រុកសន្ទុក កាលពីថ្ងៃទី០៣ ខែកក្កដា ២០២៣ បានចេញលិខិត ប្រាប់លោក អឹង ឡុងលី ម្ចាស់សំណង់ ស្ថិតនៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ដើម្បីឲ្យផ្អាកការដ្ឋានសាងសង់សំណង់ លំនៅដ្ឋាន ស្ថិតនៅភូមិរាំងខាងត្បូង ស្រុក សន្ទុក ខេត្តកំពង់ធំ ជាបណ្តោះអាសន្ន។
អាជ្ញាធរស្រុកបានបញ្ជាក់ប្រាប់ថា លោកអឹង ឡុងលី និងប្រពន្ធ ឈ្មោះ ថេង អូន ម្ចាស់ការដ្ឋានសំណង់ស្ថិតនៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំជ្រាបថា៖ ដោយពិនិត្យឃើញថា ការដ្ឋានសំណង់របស់លោក ពុំទាន់មានច្បាប់អនុញ្ញាតសាងសង់នៅឡើយ ម្យ៉ាងទៀតទីតាំង សំណង់ កំពុងស្ថិតក្នុងបណ្ដឹង ពីសំណាក់ម្ចាស់ព្រំដីឈ្មោះ សៀង ជីមកន តំណាងដោយលោក កន ស៊ីថា ដែនបានធ្វើពាក្យបណ្ដឹងមក រដ្ឋបាលស្រុកកាលពីថ្ងៃទី២១ ខែ មិថុនា ឆ្នាំ២០២៣ កន្លងមក ហេតុនេះខ្ញុំស្នើសុំ លោកធ្វើការផ្អាក ការសាងសង់ជាបណ្តោះអាសន្ន រហូតដល់មានការសម្របសម្រួលពីម្ចាស់ព្រំដីសិន។
អាជ្ញាធរស្រុកសន្ទុក នៅថ្ងៃទី.៧ខែ កញ្ញា ឆ្នាំ ២០២៣
បានចេញលិខិតលើកទី២ប្រាប់ទៅ លោក អ៊ឹង ឡុងលី ម្ចាស់សំណង់ ស្ថិតនៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ឲ្យផ្អាកការដ្ឋានសាងសង់សំណង់ លំនៅដ្ឋាន ស្ថិតនៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ជាបណ្តោះអាសន្ន។
ក្នុងលិខិតអាជ្ញាធរស្រុកសន្ទុកបានរៀបរាប់ថា លោកអ៊ឹង ឡុងលី និងប្រពន្ធ ឈ្មោះជើង អូន ម្ចាស់ការដ្ឋានសំណង់ស្ថិតនៅភូមិរាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំជ្រាបថា៖ ដោយពិនិត្យឃើញថា ការដ្ឋានសំណង់ របស់លោកពុំទាន់មានច្បាប់អនុញ្ញាតសាងសង់នៅឡើយ ម្យ៉ាងទៀតទីតាំង សំណង់កំពុងស្ថិតក្នុងបណ្ដឹង ពីសំណាក់ម្ចាស់ព្រំដីឈ្មោះសៀង ជីមកន ដែនបានធ្វើលិខិតមក រដ្ឋបាលស្រុក ជួយ មានវិធានការកាលពីថ្ងៃទី២៨ ខែ សីហា ឆ្នាំ២០២៣ កន្លងមក ហេតុនេះខ្ញុំស្នើសុំលោក ធ្វើការផ្អាកការសាងសង់ ជាបណ្តោះអាសន្ន រហូតដល់មានការសម្របសម្រួល និងមានការចេញនូវ ការសម្រេចរបស់តុលាការសិន។
បើទោះបីជាអាជ្ញាធរស្រុកសន្ទុកបានចេញលិខិតចំនួនពីលើក ប្រាប់លោកអឹង ឡុងលី និងប្រពន្ធឈ្មោះថេង អូន ម្ចាស់ការដ្ឋានសំណង់ស្ថិតនៅ ភូមិរាំងខាង ត្បូង ឃុំតាំងក្រសាំង ស្រុកសន្ទុក ខេត្តកំពង់ធំ សូមផ្អាកការដ្ឋានសំណង់ជាបន្ទាន់ យ៉ាងណាក៏ដោយ ក៏ម្ចាស់សំណង់ទាំងពីរនាក់ដីប្រពន្ធនេះមិនព្រមស្ដាប់តាមការណែនាំរបស់អាជ្ញាធរឡើយ។
ករណីសំណង់គ្មានលិខិតអនុញ្ញាតនិងរងបណ្ដឹង នេះនៅ០៨ ខែមករា ឆ្នាំ២០២៤ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ធំ បានចេញលិខិតមួយ សូមគោរពជូន ឯកឧត្តមអភិបាល នៃគណៈអភិបាលខេត្តកំពង់ធំ ដោយ
គោរពស្នើសុំគោលការណ៍ កិច្ចសហការណ៍ហាមឃាត់សំណង់ ០១ កន្លែង ស្ថិតនៅភូមិវាំងខាងត្បូង ឃុំ តាំងក្រសាំង ស្រុកសន្ទុក ខេត្តកំពង់ធំ។
តាមកម្មវត្ត និងយោងខាងលើ ខ្ញុំបាទសូមគោរពជម្រាបជូន ឯកឧត្តមអភិបាល នៃគណៈអភិបាលខេត្តកំពង់ធំ មេត្តាជ្រាបដ៏ខ្ពង់ខ្ពស់ថា៖ ម្ចាស់សំណង់ឈ្មោះ អេង ឡុងលី ស្ថិតនៅ ភូមិវាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ បានសាងសង់សំណង់គ្មានលិខិតអនុញ្ញាត ហើយការសាងសង់នេះ ឈ្មោះ អឹង ឡុងលី នេះមិនស្លាប់ តាមការហាមឃាត់ របស់អាជ្ញាធរ មូលដ្ឋានឃុំ ការិយាល័យជំនាញ និងអាជ្ញាធរស្រុក ហើយម្ចាស់សំណង់នេះនៅតែលួច បន្តសាងសង់រហូតបាន ៦០%។
អាស្រ័យដូចបានគោរពជម្រាបជូនខាងលើសូម ឯកឧត្តមអភិបាលខេត្ត មេត្តាមានគោលការណ៍ដឹកនាំ ដោយសេចក្ដីអនុគ្រោះ។
ជុំវិញករណីនេះ អង្គភាពសារព័ត៌មានសៀមរាប ប៉ុស្តិ៍ មិនអាចទាក់ទងសុំការបំភ្លឺ ពីលោកអឹង ឡុងលី និងប្រពន្ធ ឈ្មោះថេង អូន ម្ចាស់ការដ្ឋានសំណង់ស្ថិតនៅ ភូមិរាំងខាង ត្បូង ឃុំតាំងក្រសាំង ស្រុកសន្ទុក ខេត្តកំពង់ធំ បាននៅឡើយទេដោយមិនមានលេខទំនាក់ទំនងរហូតដល់ម៉ោងផ្សាយនេះ។
អភិបាលស្រុកសន្ទុក លោក ឡង គីសឹង បានប្រាប់សៀមរាប ប៉ុស្តិ៍ ថា «ខេត្តកំពុងចំណាត់ការ រឿងហ្នឹងហើយ។ រាល់បញ្ហា ត្រូវបានរដ្ឋបាលស្រុក និងមន្ទីរ ដ ន ស ខេត្ត សុំកិច្ចអន្តរាគមន៍ទៅខេត្ត ហើយ។
គេកំពុងរងចាំមើលចំណាត់ការរបស់អភិបាលខេត្តកំពង់ធំ តើមានវិធានការយ៉ាងណា ចំពោះសំណង់ដែលគ្មានលិខិតអនុញ្ញាត ហើយមិនស្ដាប់ការណែនាំរបស់អាជ្ញាធរស្រុកបែបនេះ៕
ខេត្តកំពង់ចាម៖រឿងអាស្រូវរបស់ពេទ្យសត្វខេត្តកំពង់ចាម ត្រូវបានបែកធ្លាយជាសារធារណៈ ករណីប្រមូលពន្ធ អារក អនាម័យសត្វឃាត ពីអាជីវករពិឃាតសត្វដោយភាពមិនប្រក្រតី ប្រមូលបានប្រាក់យ៉ាងច្រើន ប៉ុន្តែបង់ចំណូលចូលរដ្ឋបានតិចតួចបំផុត។
