ស៊ើបអង្កេត នយោបាយ មិត្តអ្នកអាន

ភ្នំពេញ៖ក្រុមហ៊ុនឡូតូ 8888 បានចេញសេចក្តីជូនដំណឹង «ស្តីពីការបើកដំណើរការអាជីវកម្មឡើងវិញ» សំខាន់រាជធានីភ្នំពេញ និងខេត្តកំពង់ស្ពឺ នៅទាន់អាចបើកដំណើរបាន។

នេះបើតាមសេចក្សីប្រកាស ដែលសៀមរាប ប៉ុស្តិ៍ ទើប ទទួលបាននៅថ្ងៃ 14 កុម្ភៈ ឆ្នាំ 2024 នេះ៕

លោកនេត្រ ភក្ត្រា សមាជិកគណៈកម្មាធិការកណ្តាលនិងជាប្រធានក្រុមការងារគណបក្សចុះមូលដ្ឋានខេត្តក្រចេះ បានថ្លែងថាអំពាវនាវដល់អង្គបោះឆ្នោតទាំងអស់ បោះឆ្នោតជូន គណបក្សប្រជជនកម្ពុជា ដើម្បីសម្តេចតេជោ ហ៊ុន សែន ធ្វើជាប្រធានព្រឹទ្ធសភា។ សម្តេចតេជោ ហ៊ុន សែន បានប្រកាស ជាសាធារណៈរួចហើយ ឈរឈ្មោះ ជាបេក្ខភាពសម្រាប់ប្រធានព្រឹទ្ធសភានាពេលខាងមុខ។

លោកក៏បានជម្រាបជូនអង្គបោះឆ្នោតពីគោលនយោបាយអាទិភាព របស់ គណបក្សប្រជាជនកម្ពុជា ក្នុងការអភិវឌ្ឍប្រទេស និងគោលការណ៍គ្រឹះនៃការអភិវឌ្ឍឃុំសង្កាត់។

លោក ប្រធានក្រុមការងារគណបក្ស បានស្នើដល់អង្គបោះឆ្នោតយកចិត្តទុកដាក់ថែរក្សាសុខភាព របស់ខ្លួន ពិនិត្យឯកសារសម្រាប់ការបោះឆ្នោត តាមដានប្រតិទិនពាក់ព័ន្ធនឹងការបោះឆ្នោត ឱ្យបានជាប់ជាប្រចាំ និងគោរពឱ្យបានខ្ជាប់ខ្ជួនបទបញ្ញត្តិច្បាប់នានា ពាក់ព័ន្ធទៅនឹងការបោះឆ្នោតជ្រើសតាំងសមាជិកព្រឹទ្ធសភាផងដែរ។

លោកនេត្រ ភក្ត្រា បានថ្លែងថា«បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង និងបោះឆ្នោតដើម្បីការពារសន្តិភាព ស្ថិរភាពនយោបាយ និងការអភិវឌ្ឍ»។

ការអំពាវនាវ របស់ លោកនេត្រ ភក្ត្រា នៅថ្ងៃទី១០ ខែកុម្ភៈ ឆ្នាំ២០២៤ ក្នុងពិធីបើកយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភានីតិកាល ទី៥ ឆ្នាំ២០២៤ ក្នុងខេត្តក្រចេះ ស្ថិតក្នុងមណ្ឌលភូមិភាគ៨ ដោយមានការអញ្ជើញចូលរួមពីអង្គបោះឆ្នោត និងថ្នាក់ដឹកនាំសរុបជាង ៣០០ នាក់។

លោកបានថ្លែងថា គណបក្សប្រជាជនកម្ពុជាដឹកនាំដោយ សម្តេចតេជោ ហ៊ុន សែន ជាគណបក្សនយោបាយតែមួយគត់ ដែលបានដើរតួនាទីស្នូលក្នុងសង្គ្រោះជាតិ នាំយកសុខសន្តិភាពពេញលេញ និងអភិវឌ្ឍជាតិឱ្យរីកចម្រើនដូចសព្វថ្ងៃនេះ ហើយគ្មានគណបក្សណាមួយអាចមកជំនួសតួនាទីគណបក្សប្រជាជនកម្ពុជាបានឡើយ។

គណបក្សប្រជាជនកម្ពុជា ដែលតាមការបញ្ជាក់របស់លោក នេត្រ ភក្ត្រា ដកស្រង់សាររបស់សម្តេចតេជោ ហ៊ុន សែន ប្រធានគណបក្ស, រយៈពេល ៤៥ ឆ្នាំមកនេះ គណបក្សប្រជាជនកម្ពុជាបានទទួលនូវជំនឿទុកចិត្ត ការជឿជាក់ និងគាំទ្រយ៉ាងរឹងមាំពីប្រជាពលរដ្ឋ និងបានធ្វើឱ្យ គណបក្សប្រជាជនកម្ពុជាបំពេញបេសកកម្មបម្រើជាតិ ប្រកបដោយជោគជ័យ តាំងពីដំណាក់កាលសង្គ្រោះជាតិ ពីរបបប្រល័យពូជសាសន៍រហូតមក សម្រេចបានសមិទ្ធផលជាប្រវត្តិសាស្ត្រយ៉ាងច្រើនជូនជាតិ។ បច្ចុប្បន្ន ប្រជាជនកម្ពុជាកំពុងរស់នៅយ៉ាងសុខដុមរមនាក្រោមម្លប់នៃសុខសន្តិភាព និងការឯកភាពជាតិ ហើយកំពុងឈានទៅមុខយ៉ាងស្វាហាប់ដោយក្តីសង្ឃឹមលើមាគ៌ាប្រជាធិបតេយ្យ និងការអភិវឌ្ឍ។

លោកនេត្រ ភក្ត្រា បានជម្រាបជូនអង្គបោះឆ្នោតនៃគណបក្សប្រជាជនកម្ពុជាថា ទោះក្នុងកាលៈណាក៏ដោយ គណបក្សប្រជាជនកម្ពុជាដែលបង្កើតឡើងដោយប្រជាជន ដើម្បីប្រជាជននិងសម្រាប់ប្រជាជន នៅរួមរស់ជាមួយប្រជាជន និងបម្រើផលប្រយោជន៍ប្រជាជនជានិច្ច។

លោក នេត្រ ភក្ត្រា បានថ្លែងថា បោះឆ្នោតព្រឹទ្ធសភាជាការបោះឆ្នោតអសកល ប៉ុន្តែពិតជាមានសារៈសំខាន់ដ៏ធំធេង និងជាការពង្រឹងដំណើរការប្រជាធិបតេយ្យនិងនីតិរដ្ឋនៅកម្ពុជា៕

សម្ដេចតេជោហ៊ុន សែន បានបញ្ជាក់ថា បោះឆ្នោតជូនគណបក្សប្រជាជនកម្ពុជា គឺធានានូវជោគវាសនារបស់ជាតិ ប្រជាជននិងខ្លួនឯងផ្ទាល់។ នេះបើតាមលិខិត សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ក្នុងឱកាស បើកយុទ្ធនាការឃោសនាបោះឆ្នោតជ្រើសរើសតាំងសមាជិកព្រឹទ្ធសភា នីតិកាលទី៥៕

ខេត្តសៀមរាប៖ការហាមប្រាមរបស់អាជ្ញាធរមិនឲ្យពលរដ្ឋជីកអណ្ដូងទឹក ដោយសារដីស្ថិតនៅក្នុងសហគមន៍ហាមឃាត់របស់រដ្ឋ។

នេះបើតាមសេចក្ដីបំភ្លឺរបស់អាជ្ញាធរស្រុកស្វាយលើ៖ សូមអានលិខិតបំភ្លឺខាងក្រោម៖

នការ ចុះផ្សាយតាមប្រព័ន្ធបណ្តាញសង្គមហ្វេសបុក ឈ្មោះ ឃី រស្មី នៅថ្ងៃទី០៥ ខែកុម្ភៈ ឆ្នាំ២០២៤ ដែលបានចុះ ផ្សាយថាៈ ថ្ងៃទី០៥ ខែកុម្ភៈ ឆ្នាំ២០២៤ នៅភូមិសែនជ័យ ឃុំកន្ទួត ស្រុកស្វាយលើ ខេត្តសៀមរាប។

ខ្ញុំបាទ បុកអណ្តូងលើដីខ្លួនឯងសោះ តើខុសមែន? តើខ្ញុំជាប្រជាពលរដ្ឋគ្មានទឹកប្រើប្រាស់តើត្រូវធ្វើដូចម្តេច ? សូម ឯកឧត្តម អភិបាលនៃគណៈអភិបាលខេត្តសៀមរាប ប្រាក់ សោភ័ណ្ឌ បងស្រីអភិបាលរងខេត្ត មិននី រង្សី និង ក្រសួងពាក់ព័ន្ធជួយពិនិត្យថ្នាក់ក្រោមផង។

រដ្ឋបាលស្រុកសូមជម្រាបជូនដល់ ម្ចាស់គណនីប្រព័ន្ធបណ្តាញសង្គមហ្វេសបុកឈ្មោះ ឃី រស្មី សាធារណៈ ជន និងបងប្អូនក្នុងបណ្តាញសង្គមទាំងអស់មេត្តាជ្រាបថាៈ ទីតាំងដែលឈ្មោះ ឃី រស្មី បានបុកអណ្តូងដើម្បីយកទឹកមកប្រើប្រាស់ គឺស្ថិតក្នុងសហគមន៍តំបន់ការពារធម្មជាតិជប់សោម ជាតំបន់ហាមឃាត់ពុំអាចអនុញ្ញាតឲ្យ ប្រជាពលរដ្ឋប្រើប្រាស់ និងអាស្រ័យផល ព្រោះជាដីសាធារណៈរបស់រដ្ឋ ។

ម្យ៉ាងវិញទៀត ពាក់ព័ន្ធនិងករណីនេះ រដ្ឋបាលស្រុក ក៏បានចាត់ក្រុមការងារ សហការជាមួយភាគីពាក់ ព័ន្ធនានា ចុះត្រួតពិនិត្យសិក្សា ទីតាំងដីនេះដោយទទួលបានលទ្ធផលដូចខាងក្រោម៖

១.ថ្ងៃទី០៣-០៤ ខែឧសភា ឆ្នាំ២០២៣ បានចុះត្រួតពិនិត្យទីតាំងដីជាក់ស្តែង ឃើញថាៈ ស្ថានភាពដី ជាប្រភេទដីរបោះដែលមានប្រភេទឈើប្រណិត សំខាន់ៗ ឈើលេខ១ ឈើលេខ២ និងឈើចម្រុះផ្សេងៗ ចំពោះ ស្ថានភាពទីតាំងដីគឺស្ថិតក្នុងសហគមន៍តំបន់ការពារធម្មជាតិជប់សោម ក្នុងដែនជម្រកសត្វព្រៃគូលែនព្រហ្មទេព ដោយយោងតាមប្រកាសលេខ១៦៧ ប្រ.ក បស្ថ ចុះថ្ងៃទី២៨ ខែមីនា ឆ្នាំ២០១២ របស់ក្រសួងបរិស្ថានក្នុង ទំហំដីចំនួន១៣៤៨ ហិកតា ។

២.បានធ្វើសាវតា និងស្រង់ទិន្ន័យដីប្រជាពលរដ្ឋចំនួន១២ គ្រួសារ ដែលស្នើសុំកាត់ឆ្កៀល និងអាស្រ័យ ផលលើដីទំហំ៨៥ ហិកតា នៅភូមិសែនជ័យ ឃុំកន្ទួត ស្រុកស្វាយលើ។

៣.បានប្រជុំសម្របសម្រួល ជាមួយក្រុមការងាររដ្ឋបាលខេត្តសៀមរាប និងប្រជាពលរដ្ឋ១២ គ្រួសារ ដឹក នាំដោយ ឯកឧត្តម អ៉ឹង គឹមលាង អភិបាលរងខេត្ត កាលពីថ្ងៃទី១៣ ខែមិថុនា ឆ្នាំ២០២៣ និងបានណែនាំ ដល់ប្រជាពលរដ្ឋចំនួន១២ គ្រួសារ ដែលចូលអាស្រ័យផល លើទីតាំង ដី ស្ថិតក្នុងសហគមន៍តំបន់ការពារធម្មជាតិ ជប់សោម អោយផ្អាករាល់សកម្មភាព ឈូសឆាយ និងកាប់រានបន្ត និងរង់ចាំការពិនិត្យស្រាវជ្រាវឲ្យ បានច្បាស់លាស់ដើម្បីមានមូលដ្ឋានក្នុងការដោះស្រាយ។

អាស្រ័យហេតុនេះ សូមម្ចាស់គណនីប្រព័ន្ធបណ្តាញសង្គមហ្វេសបុកឈ្មោះ ឃី រស្មី និងសាធារណៈ ជន ក៏ដូចជាបងប្អូន ក្នុងប្រព័ន្ធបណ្តាញសង្គម ទាំងអស់មេត្តាជ្រាបជាព័ត៌មាន៕

ខេត្តសៀមរាប៖ក្រុមហ៊ុនប្រ៊ីលាន ស៊ីធី មានទីតាំងស្ថិតនៅភូមិតាវៀន សង្កាត់សាលាកំរើក ក្រុងសៀមរាប ដែលមានរឿងចម្រូងចម្រាស់ ជាច្រើនជាមួយអតិថិជន បានប្រកាសឲ្យអតិថិជន ដែលបានដាក់លុយ មកទទួលយកដីរបស់ក្រុមហ៊ុនដើម្បីបញ្ចប់បំណុល។

ការប្រកាសធ្វើឡើងនៅថ្ងៃទី 8 ខែកុម្ភៈ ឆ្នាំ 2024 នេះ។

សេចក្ដីប្រកាសជូនដំណឹង ខាងក្រោមនេះ៖
ក្រុមហ៊ុនប្រ៊ីលាន ស៊ីធី មានកិត្តិយសសូមជម្រាបជូនដំណឹងទៅអតិថិជន ដែលជាប់ពាក់ព័ន្ធនិងការរកស៊ីចងការ ប្រាក់ជាមួយបុគ្គលិកក្រុមហ៊ុនទាំង២៥រូប ដែលជាបុគ្គលិក តំណាងឲ្យក្រុមហ៊ុន ទាំងអស់មេត្តាជ្រាបថា កន្លងមកនេះ ក៏ដូច ជាបច្ចុប្បន្ន ដោយស្ថានភាពវិបត្តិសេដ្ឋកិច្ចជាសកលនៅតែបន្ត ធ្វើឲ្យប៉ះពាល់យ៉ាងធ្ងន់ធ្ងរ ដល់ដំណើរការ រកស៊ីរួមគ្នារបស់ បុគ្គលិកទាំង ២៥រូប និងក្រុមហ៊ុនមិនអាចដំណើរការអាជីវកម្ម បន្តទៅមុខទៀតបាន ដែលជាហេតុធ្វើឲ្យមានការលំបាក និងមានការយឺតយ៉ាវយ៉ាង ខ្លាំងក្នុងការទូទាត់ប្រាក់ដើមទៅអតិថិជនវិញ ហើយអ្វីដែលគួរអោយព្រួយបារម្ភបំផុតគឺប្រឈម និងការបាត់បង់ប្រាក់ដើមរបស់អតិថិជន។

ឈរលើមូលដ្ឋានដ៏ស្មុគស្មាញនេះ ដើម្បីបញ្ចប់បំណុលរួមគ្នា របស់បុគ្គលិកទាំង ២៥រូប និងក្រុមហ៊ុន រវាងអតិថិជន បាន ក្រុមហ៊ុនសូមចេញមុខដោះស្រាយបញ្ហា នេះ ជូនអតិថិជនទាំងអស់ដោយសម្រេចថា ក្រុមហ៊ុននិងយកដីដែលក្រុមហ៊ុន មាន យកមកបញ្ចប់បញ្ហា ក្នុងការទូទាត់បំណុល ដែលអតិថិជន បានចងការប្រាក់ទាំងអស់ ដោយការកាត់ប្រាក់ដើមនិងការប្រាក់ ជាមួយដីដែលក្រុមហ៊ុនមានស្រាប់។ ទំហំដីត្រូវបានកំណត់តាមជាក់ស្តែងនៃចំនួនទឹកប្រាក់ ដែលអតិថិជន បានធ្វើឯកសារចងការជាមួយបុគ្គលិកក្រុមហ៊ុនទាំង ២៥រូប ។

សូមអតិថិជនទាំងអស់ មេត្តាទទួលយកការសម្របសម្រួល នេះពីក្រុមហ៊ុន ដោយក្ដីអនុគ្រោះ និងសហការ ដើម្បីរួមគ្នាដោះស្រាយ បញ្ហានេះ បញ្ចប់ដោយសុត្ថិភាព និងមិនអោយមានការខាតបង់ ប្រយោជន៍ របស់ភាគីណាមួយកើតឡើងឡើយ។

ក្រុមហ៊ុនសូមគោរពអញ្ជើញអតិថិជន ទាំងអស់ មេត្តាយកឯកសារ ដែលពាក់ពន្ធនឹងការផ្តល់ប្រាក់កម្ចី មករៀបចំឯក សារបញ្ចប់ប្រាក់ដើម និងការប្រាក់ដែលត្រូវកាត់យកដីនេះ មកធ្វើជាមួយបុគ្គលិកក្រុមហ៊ុនទាំង ២៥រូប និងមេធាវីរបស់ ក្រុមហ៊ុនចាប់ពីថ្ងៃទី១២ ខែកុម្ភ: ឆ្នាំ២០២៤ តទៅរៀងរាល់ម៉ោង និងថ្ងៃធ្វើការ។

ដូចនេះក្រុមហ៊ុនសូមអំពាវនាវ ឲ្យអតិថិជនទាំងអស់មេត្តាទទួលយក និងអនុវត្តនូវគោលការណ៍ចុងក្រោយនេះ ដោយក្ដីអនុគ្រោះ។ ក្រៅពីលក្ខខណ្ឌដូចដែលបានជម្រាបជូនខាងលើនេះ ក្រុមហ៊ុនពិតជាមិនអាចមានលទ្ធភាពដោះស្រាយបានឡើយ។

សូមអរគុណ ចំពោះអតិថិជន ទាំងអស់ដែលតែងតែគាំទ្រនិងមានបំណងល្អជាមួយក្រុមហ៊ុន។

សូមរំលឹកថា ក្រុមហ៊ុនប្រ៊ីលាន ស៊ីធី ដែលមានលោកស្រី ឡេង ចាន់ណា ជាឧកញ៉ាម្ចាស់ក្រុមហ៊ុន បានរងបណ្ដឹងរបស់អតិថិជន ប្ដឹងទៅស្ថាប័នតុលាការ ជុំវិញការដាក់លុយវិនិយោគ របស់អតិថិជន។ ជាមួយគ្នានេះ កន្លងមកថ្មីៗ ក្រុមហ៊ុនបានប្រកាសទម្លាក់យីហោរបស់ក្រុមហ៊ុនចេញផងដែរ៕