ស៊ើបអង្កេត នយោបាយ មិត្តអ្នកអាន

ចាងហ្វាងកាសែតមួយរូបដាក់ពាក្យបណ្ដឹងប្តឹង ស្នងការខេត្តបន្ទាយមានជ័យ និងស្នងការរងរួមនិងអធិការក្រុងប៉ោយប៉ែត ទៅរដ្ឋមន្រ្តីមហាផ្ទៃ ពីបទឃុំឃាំងដោយគ្មានកំហុស

លោក អ៊ុង ថាប់រាំង ចាងហ្វាងសារព័ត៌មានខ្មែរជាយដែន បានដាក់ពាក្យបណ្ដឹងទៅកាន់លោកឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ ដោយបានចោទប្រកាន់លោក សិទ្ធ ឡោះ ស្នងការខេត្តបន្ទាយមានជ័យ រួមទាំងនគរបាលថ្នាក់ក្រោម ២រូបទៀត គឺលោក នូ ជីវ័ន្ត ស្នងការរងខេត្ត និងលោក ព្រហ្ម ពិសិដ្ឋ អធិការក្រុងប៉ោយប៉ែត ថាបានធ្វើទុក្ខបុកម្នេញ គំរាមកំហែង និងបង្ខាំង ក្នុងចម្រឹងជញ្ជាំងទ្រុងដែក តាមអំពើចិត្ត កាលថ្ងៃទី៩ ខែ មិថុនា ឆ្នាំ២០២៥ កន្លងទៅ។

ទីភ្នាក់ងារព័ត៌មានសៀមរាបប៉ុស្តិ នៅមិនទាន់ទល់បានការបំភ្លឺពីស្នងការនគរបាលខេត្តបន្ទាយមានជ័យនៅឡើយទេពាក់ព័ន្ធជុំវិញការចោទប្រកាន់នេះ៕SRP

ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការបក្សខេត្ត និងជាប្រធានក្រុមការងារគណបក្សចុះមូលដ្ឋានក្រុងកំពង់ចាម នៅថ្ងៃអាទិត្យទី២០ ខែកក្កដា ឆ្នាំ២០២៥.នេះ បានអញ្ជើញដឹកនាំកិច្ចប្រជុំបូកសរុបលទ្ធផលក្រុមការងារគណបក្សចុះមូលដ្ឋានក្រុងកំពង់ចាម សម្រាប់ឆមាសទី១ និងទិសដៅអនុវត្តបន្តសម្រាប់ឆមាសទី២ ស្ថិតនៅទីស្នាក់ការគណបក្សក្រុងកំពង់ចាម។ កិច្ចប្រជុំមាន ការអញ្ជើញចូលរួមពីសំណាក់ ឯកឧត្តម ជា សំណាង អនុប្រធានទី១ ឯកឧត្តម លោកជំទាវ លោកលោកស្រីជាអនុប្រធានក្រុមការងារ និងសមាជិកសមាជិកា ចូលរួមយ៉ាងច្រើនកុះករ។

បន្ទាប់ពីស្តាប់របាយការណ៍របស់ ប្រធានគណៈកម្មាធិការបក្សក្រុង, ឯកឧត្តម អ៊ុន ចាន់ដា បានថ្លែងការកោតសរសេីរ និងវាយតម្លៃខ្ពស់នូវកិច្ចខិតខំប្រឹងប្រែងរបស់ក្រុមការងារគណបក្សទាំងអស់ រហូតទទួលបានលទ្ធផលជោគជ័យយ៉ាងត្រចះត្រចង់នាពេលកន្លងមក ក្នុងស្មារតីទទួលខុសត្រូវខ្ពស់។

ឯកឧត្តមប្រធានបន្តថា ក្នុងនាមជាមន្ត្រីបម្រើឲ្យគណបក្ស ត្រូវបន្តរួបរួមគ្នាថែរក្សា ការពារឲ្យបាននូវសន្តិភាព ទោះបីជាត្រូវលះបង់ក្នុងតម្លៃណាក៏ដោយ។  ហើយសន្តិភាពនេះហើយដែលបានធ្វើឲ្យបងប្អូនប្រជាពលរដ្ឋខ្មែរទទួលបាននូវការជួបជុំក្រុមគ្រួសារ សំបូរសប្បាយ ប្រកបដោយសុភមង្គល។ ការងារដែលមន្ត្រីយើងត្រូវជំរុញការអនុវត្តបន្ត គឺការចូលរួមសហការជាមួយអាជ្ញាធរមូលដ្ឋាន ក្នុងការអនុវត្តគោលនយោបាយភូមិ ឃុំ សង្កាត់ មានសុវត្ថិភាពឲ្យមានប្រសិទ្ធភាពខ្ពស់ ពោលគឺអនុវត្តកត្តាទាំងនេះឲ្យមានប្រសិទ្ធភាព នោះសុខសន្តិភាព និងមានភាពរឹងមាំយូរអង្វែង។

ក្នុងឱកាសនោះ ឯកឧត្តម អ៊ុន ចាន់ដា ក៏បានផ្តល់អនុសាសន៍ណែនាំដល់ក្រុមការងារ សូមបន្តសាងនូវអំពើល្អជាមួយប្រជាពលរដ្ឋ រួមនឹងការកសាងសមិទ្ធផលថ្មីៗបន្ថែម ក្នុងមូលដ្ឋានដែលទទួលខុសត្រូវ ដើម្បីទទួលបានការគាំទ្រ និងជំនឿរចិត្តបន្ថែមទៀតពីប្រជាពលរដ្ឋយើង។ ក្នុងនោះ ឯកឧត្តមប្រធាន ក៏បានស្នើឲ្យក្រុមការងារ និងអាជ្ញាធរមូលដ្ឋាន រួមគ្នាទប់ស្កាត់ និងលុបបំបាត់ អំពើអាណាចារ្យ, ក្មេងទំនេីង គ្រឿងញៀន និងល្បែងស៊ីសងគ្រប់ប្រភេទ ជាពិសេស ត្រូវរួមគ្នា ក្នុងយុទ្ធនាការបង្ក្រាប និង ទប់ស្កាត់បទ ល្មើសឆបោកតាមប្រព័ន្ធបច្ចេកវិទ្យា និងល្បែងស៊ីសងខុសច្បាប់អនឡាញគ្រប់ប្រភេទ គឺជាកិច្ចការអាទិភាព សម្រាប់អាជ្ញាធរ ក៏ដូចជាកងកម្លាំងមានសមត្ថកិច្ច គ្រប់លំដាប់ថ្នាក់ ដែលទាមទារឱ្យទាំងអស់គ្នាត្រូវបង្កើនការយកចិត្តទុកដាក់ និងទទួលខុសត្រូវខ្ពស់ក្នុងការដោះស្រាយបញ្ហានេះ ប្រកបដោយប្រសិទ្ធភាពខ្ពស់ យោងតាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ឱ្យបោសសម្អាតការឆបោកតាមប្រព័ន្ធបច្ចេកវិទ្យា និងល្បែងស៊ីសងខុសច្បាប់ តាមអនឡាញគ្រប់ប្រភេទ ឱ្យអស់ពីមូលដ្ឋាន និងយោងតាមកាណែនាំរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕SRP

ក្រុមហ៊ុនអ៊ីង ស៊ុង( ILSUNG-HANIL) មិនព្រមទូរទាត់លុយឈ្នួល បណ្តាលឲ្យក្រុមកម្មករនិងក្រុមគ្រឿងចក្រប្រមូលផ្តុំគ្នា មិនធ្វើការស្ថាបនាកំណាត់ផ្លូវជាតិលេខ៤៨

មានគ្រឿងចក្រជាច្រើនគ្រឿង ត្រូវបានក្រុមកម្មករ និងក្រុមគ្រឿងចក្រ បិទមិនឲ្យដំណើរស្ថាបនាផ្លូវជាតិលេខ៤៨ ត្រង់ចំណុចគីឡូម៉ែត្រលេខ.១៣៥ ដល់លេខ.១៤២ ក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ កាលពីវេលាម៉ោងជាង៤រសៀល នាថ្ងៃទី១៤ ខែឧសភា ឆ្នាំ២០២៥។

ការបិទគ្រឿងចក្រមិនឲ្យដំណើរការស្ថាបនាកំណាត់ផ្លូវជាតិលេខ៤៨ ត្រង់ចំណុចខាងលើ គឺធ្វើឡើងក្រោយក្រុមហ៊ុនចិនឈ្មោះ យ៉ាន់ ដុងជា ហៅកាត់ថា Y.Dជាក្រុមហ៊ុនម៉ៅការបន្តពីក្រុមហ៊ុន អ៊ីង ស៊ុង មិនព្រមបើកប្រាក់ និងទូទាត់ថ្លៃឈ្នួលផ្សេងៗដល់ក្រុមពួកគាត់ អស់រយះពេលប្រមាណជា២ខែមកហើយ សរុបជាទឹកប្រាក់ជាច្រើនមុឺនដុល្លារ ទើបពួកគាត់ឈានទៅធ្វើការបិទគ្រឿងចក្រមិនឲ្យដំណើរបន្តទៀត។

លោក អ៊ុំ ភារុណ បុគ្គលិកក្រុមហ៊ុនY.D និងជាអ្នកគ្រប់គ្រងបច្ចេកទេស និង ដឹកនាំគ្រឿងចក្រនៅកំណាត់ផ្លូវជាតិលេខ៤៨ បានលើកឡើងថា ការបិទមិនឲ្យគ្រឿងចក្រដំណើរការនេះ គឺដោយសារក្រុមហ៊ុន អ៊ីង ស៊ុងរបស់កូរ៉េ ដែលជាក្រុមហ៊ុន ដែលទទួលសិទ្ធិស្ថាបនាលើផ្លូវជាតិ៤៨នេះទាំងមូល មិនបានទូរទាត់លុយអោយក្រុមហ៊ុនជាច្រើន ដែលបានស៊ាប់បន្ត ពីក្រុមហ៊ុន អ៊ីង ស៊ុង លើការស្ថាបនាផ្លូវ៤៨ នេះ ជាច្រើនខែមកហើយ មិនទាត់បានទូទាត់លុយនិងប្រាក់ឈ្នួលផ្សេងៗជាយូរហើយ បើទោះក្រុមហ៊ុនទាំងនោះព្យាយាមចរចារជាមួយក្រុមហ៊ុនអ៊ីង ស៊ុង ក៏មិនបានទទួលលទ្ធផលដែរ ។

តាមប្រភពពីបុគ្គលឹកក្រុមហ៊ុនអ៊ីង ស៊ុងសុំមិនបញ្ចេញឈ្មោះបានឲ្យអ្នកសារព័ត៌មានដឹងថា ក្រៅពីក្រុមហ៊ុន Y D និង ក្រុមហ៊ុនមួយចំនួនទៀត ដែលក្រុមហ៊ុនអ៊ីង ស៊ុង មិនព្រមទូរទាត់លុយថ្លៃឈ្នួល សូម្បីក្រុមមួយដែលឈ្មោះល្បីលំដាប់អន្តរជាតិ ធ្លាប់បានស៊ាប់បន្តលើការស្ថាបនាផ្លូវលេខ៤៨ នេះ ពីក្រុមហ៊ុនអ៊ីង ស៊ុងនេះកន្លងមក ក៏ត្រូវរង់គ្រោះមិនព្រមទូរទាត់ប្រាក់រាប់លានដុល្លារផងដែរ។ ហើយក្រុមហ៊ុននេះកំពុងប្តឹងទៅតុលាការដើម្បីទាមទារសំណងនិងការទូរទាត់ពីក្រុមហ៊ុនអ៊ីង ស៊ុងនេះផងដែរ។

លោកស្រី អាលី ដែលជាអ្នកបកប្រែឲ្យខាងក្រុមហ៊ុនចិនY.D ត្រង់ចំណុចការដ្ឋានគីឡូម៉ែត្រ១៣៥ ដល់គីឡូម៉ែត្រ១៤២ បានបញ្ជាក់ថា ក្រុមហ៊ុន អ៊ីង ស៊ុង កូរ៉េ បានព្យាយាមសម្របសម្រួលអោយពួកគាត់ដែរដើម្បីឲ្យក្រុមហ៊ុនចិន Y.D បន្តដំណើរស្ថាបនាលើផ្លូវ៤៨ នេះ តែខាងក្រុមហ៊ុនហ៊ុន មិនអាចដំណើរបានដោយសារគ្មានទូរទាត់ប្រាក់ពីក្រុមហ៊ុន អ៊ីង ស៊ុង។

គួរបញ្ចាក់ថាកន្លងមកក្រុមហ៊ុនចិន Y.D បានផ្ញើរលិខិតមកកាន់ក្រុមហ៊ុន អ៊ីង ស៊ុង មិនឲ្យខាងក្រុមហ៊ុនបើកលុយអោយខាងបុគ្គលណាដាច់ខាត ដោយលុយនៅសល់ត្រូវបើកអោយគាត់ជាកំហិត ការធ្វើបែបនេះ ហេតុនេះ ទើបក្រុមពួកគាត់សម្រេចបិទមិនឲ្យគ្រឿងចក្រដំណើរការជាបណ្ដោះអាសន្ន ដោយរង់ចាំការដោះស្រាយគ្នាសិន មួយវិញទៀតការដែលពួកគាត់បិទគ្រឿងចក្រនៅចំណុចខាងលើនេះ ដោយសារការដ្ឋាននេះនៅមានការពាក់ព័ន្ធរឿងទូទាត់សំណង និង បើកប្រាក់ខែដល់ក្រុមពួកគាត់។ ក្រោយការចុះផ្សាយមក ខាងភាគីក្រុមហ៊ុន អីង ស៊ុង កូរ៉េ មិនបានបកស្រាយអ្វីនៅជុំវិញបញ្ហាខាងលើឡើយ ដោយតំណាងក្រុមហ៊ុនត្រឹមតែបញ្ជាក់ថា រងចាំឆ្លងមេធំខាងលើសិន។

ក្រោយបិទគ្រឿងចក្រមិនឲ្យដំណើរការអស់រយៈពេលប្រហែលមួយម៉ោងមក ឃើញថា តំណាងក្រុមហ៊ុន អ៊ីង ស៊ុង កូរ៉េ បានប្តឹងសមត្ថកិច្ចប៉ូលីសក្រុងខេមរភូមិន្ទ អោយហៅក្រុមកម្មករ និងក្រុមគ្រឿងចក្រទាំងនោះ ទៅធ្វើការដោះស្រាយ តែលទ្ធផលយ៉ាងណានៅពុំទាន់អាចបញ្ជាក់បាននៅឡើយ ដោយក្រុមកម្មករ និងក្រុមគ្រឿងចក្រនៅតែលើកឡើងថា បើមិនមានដំណោះស្រាយសមស្របពួកគាត់នៅតែបន្តបិទគ្រឿងចក្រមិនឲ្យដំណើរស្ថាបនាផ្លូវត្រង់ចំណុចមានទំនាស់នេះដាច់ខាត។

ជុំវិញព័ត៌មាននេះ ទីភ្នាក់ងារសារព័ត៌មានសៀមរាប ប៉ុស្តិ៍ នៅមិនទាន់ទទួលបានការបំភ្លឺពីក្រុមហ៊ុនអ៊ីង ស៊ុង( ILSUNG-HANIL) បាននៅឡើយទេហួសដល់ម៉ោងផ្សាយនេះដោយមិនមានលេខទំនាក់ទំនង៕SRP

លោកសៀ ទីន ជំរុញឱ្យក្រុមការងារទាំងអស់ ក្ដាប់ឱ្យបាននូវបញ្ហាប្រឈមរបស់ប្រជាពលរដ្ឋក្នុងមូលដ្ឋាន ហើយត្រូវព្យាយាមដោះស្រាយជូនពួកគាត់ឱ្យបានឆាប់រហ័ស និងទាន់ពេលវេលា

ក្នុងពិធីប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានឃុំកំពង់ភ្លុក ស្រុកប្រាសាទបាគង ខេត្តសៀមរាប នៅថ្ងៃទី១៧ ខែកក្កដា ឆ្នាំ២០២៥នេះ លោកសៀ ទីន ប្រធានក្រុមការងាររាជរដ្ឋាភិបាលចុះមូលដ្ឋានឃុំកំពង់ភ្លុក បានជំរុញដល់ក្រុមការងារទាំងអស់ បន្ដកិច្ចសហការគ្នាយ៉ាងស្អិតរមួតធ្វើយ៉ាងណាឱ្យមូលដ្ឋានឃុំកំពង់ភ្លុកទាំងមូល មានការអភិវឌ្ឍន៍កាន់តែល្អប្រសើរ និងជាពិសេស គឺសុខុមាលភាពរបស់បងប្អូនប្រជាពលរដ្ឋ។

លោកក៏បានជំរុញឱ្យក្រុមការងារទាំងអស់ ត្រូវក្ដាប់ឱ្យបាននូវបញ្ហាប្រឈមរបស់ប្រជាពលរដ្ឋក្នុងមូលដ្ឋាន ហើយត្រូវព្យាយាមដោះស្រាយជូនពួកគាត់ឱ្យបានឆាប់រហ័ស និងទាន់ពេលវេលា ទៅតាមវិស័យ និងជំនាញនីមួយៗ របស់ខ្លួន ដើម្បីឱ្យពលរដ្ឋមានជំនឿទុកចិត្ដលើការអនុវត្តការងាររបស់យើងសំដៅដល់ការលើកកម្ពស់ជីវភាពរស់នៅ និងអភិវឌ្ឍមូលដ្ឋានជាចាំបាច់ និងត្រូវអនុវត្ដតាមសំណូមពររបស់ពលរដ្ឋដែលបានលើកឡើងជាបន្តបន្ទាប់។

ជាមួយគ្នានេះ លោកក៏សូមកោតសរសើរនិងវាយតម្លៃខ្ពស់ចំពោះក្រុមការងារដែលបានអនុវត្តផែនការសកម្មភាពបានយ៉ាងល្អប្រសើរគួរឱ្យកត់សម្គាល់នាពេលកន្លងមក និងសំណូមពរឱ្យក្រុមការងារយកចិត្តទុកដាក់អនុវត្តការងារតាមវិស័យនីមួយៗជាបន្ដទៀត ដើម្បីបំពេញតម្រូវការរបស់បងប្អូនប្រជាពលរដ្ឋនៅក្នុងមូលដ្ឋានទាំងមូល៕SRP

អត្ថបទ និងរូបភាព៖ មន្ត្រីមន្ទីរ
កែសម្រួល៖ លោក អ៊ុន ណារាជ្យ
#មន្ទីរព័ត៌មានខេត្តសៀមរាប

ខេត្តព្រះវិហារ៖ស្ត្រីជាមន្ត្រីសាលាស្រុកត្បែងមានជ័យម្នាក់និងប្តីជាមន្ត្រីយោធាកំពុងឈរជើងនៅព្រំដែនភ្នំខ្មោច បានប្តឹងទៅក្រសួងមហាផ្ទៃនិងស្ថាប័នតុលាការខេត្តព្រះវិហារ ក្រោយពីរូបនាងត្រូវលោកនុត សោភ័ណ្ឌ អភិបាលស្រុកត្បែងមានជ័យ បៀតកេរខ្មាស់ និងប៉ុនប៉ងចាប់រំលោភ និងគំរាមបណ្តេញចេញពីក្របខណ្ឌមន្ត្រីរាជការបើនាងទម្លាយរឿងនេះ។ ករណីនេះដែរលោកនុត សោភ័ណ្ឌអភិបាលស្រុកត្បែងមានជ័យ បានបំភ្លឺថា រឿងនេះមិនពិតទេវាជាការលាបពណ៌ខ្ញុំ ហើយរឿងនេះក្រុមការងារខាងអធិការកិច្ចនៃក្រសួងមហាផ្ទៃ បានចុះមកស្រាវជ្រាវ៣ថ្ងៃហើយ។

លោកស្រី សួសចាន់ពិសី អាយុ ៣៦ឆ្នាំ មន្ត្រីសាលាស្រុកត្បែងមានជ័យ បានផ្តល់បទសម្ភាសន៍ដល់អ្នកសារព័ត៌មាន នៅរសៀលថ្ងៃទី១៦ខែកក្កដាឆ្នាំ២០២៥នេះថា កាលពីអំឡុងឆ្នាំ២០២២ និងឆ្នាំ២០២៣ ឈ្មោះ នុត សោភ័ណ្ឌ តែងតែឡែបខាយពាក្យសម្តីលួង លោមសុំនាងខ្ញុំធ្វើជាសង្សារជាញឹកញាប់ និងបានលូកលាន់ប៉ះរាងកាយនាងខ្ញុំ ដោយចាប់ចង្កេះ ចាប់ស្មាជាដើម តែនាងខ្ញុំមិនព្រមនោះទេ ព្រោះមានគ្រួសាររៀងខ្លួន នាងខ្ញុំមិនប្រព្រឹត្តអំពើអសីលធម៌បែបនឹងឡើយ ហើយដោយសារតែគិតថាជារឿងបន្តិចបន្តួច ទើបនាងខ្ញុំមិនប្រកាន់ក្រែងបន្តិចទៅគាត់លែងមករំខាននាងខ្ញុំទៀតហើយ។ ប៉ុន្តែ លុះមកដល់ឆ្នាំ២០២៤ គាត់កាន់តែហ៊ានបំពាននាងខ្ញុំលើសដើម ដោយតែងតែឆ្លៀតឱកាសពេលគាត់ហៅជួបពិភាក្សាការងារក្នុងបន្ទប់គាត់ និង នៅបន្ទប់ធ្វើការរបស់នាងខ្ញុំខណៈដែលមិនមានមនុស្សនៅគាត់តែងតែស្ទុះចូល មកអោបថើបនាងខ្ញុំពីក្រោយ ហើយច្របាច់សុដន់នាងខ្ញុំថែមទៀត ដោយអត់ទ្រាំនឹងទង្វើដ៏ថោកទាបបែបនេះមិន បាននាងខ្ញុំបានពិភាក្សាជាមួយមិត្តរួមការងារ(អ្នករងគ្រោះដូចគ្នា និងសាក្សី)ដើម្បីធ្វើការដាក់ពាក្យបណ្តឹងតែដោយ អ្នកខ្លះនិយាយថាអត់មានភស្តុតាង ខ្លាចប៉ះពាល់កិត្តិយស,ខ្សែខ្នងគេចំណាស់ គេអ្នកមាន,គាត់ជិតដល់អាណត្តិកន្លែងផ្សេងហើយអត់ធ្មត់កិចទៅ យើងតូចភាចធ្វើអីមិនឈ្នះគេទេ។ល។ នាងខ្ញុំពិតជាមានការភ័យខ្លាចខ្លាំងណាស់ ខ្លាចអំណាចគេ ខ្លាចខូចកិត្តិយស ខ្លាចគេធ្វើបាប ណាមួយខ្លាចគេបំពាន នាងខ្ញុំត្រូវបង្ខំចិត្តខាំមាត់ សង្កត់ចិត្តទាំងឈឺចាប់ ពិបាកចិត្តស្ត្រេសចង់សតិអារម្មណ៍ ហើយនាងខ្ញុំតែងតែព្យាយាមគេចចេញអោយឆ្ងាយពីគាត់ តែគាត់រឹតតែតាមរបៀតបៀននាងខ្ញុំកាន់តែខ្លាំងឡើងដោយបានធ្វើសកម្មភាពលូកលាន់រាងកាយយនាងខ្ញុំ ដោយហ៊ាន ចាប់ចង្កេះ ចាប់ស្នានៅមុខមិត្តរួមការងារជាច្រើនក្នុងបន្ទប់ធ្វើការរបស់នាងខ្ញុំលែងមានការខ្មាស់អៀន សីលធម៌ក្នុងខ្លួនទាល់តែសោះ(មានសាក្សីរឃើញផ្ទាល់ភ្នែក)។ គាត់មិនបានឈប់ត្រឹមនឹងទេ ដោយកាលពីថ្ងៃទី១៩ ខែវិច្ឆិកា ឆ្នាំ២០២៤ វេលាម៉ោង១២:២២នាទីថ្ងៃត្រង់ ឈ្មោះ នុត សោភ័ណ្ឌ បានគេទូរស័ព្ទផ្ទាល់ខ្លួនមកនាងខ្ញុំ បាននិយាយពាក្យអសុរោះអសីលធម៌ជាច្រើនពាក់ព័ន្ធផ្លូវភេទ ខាងខ្ញុំក៏បានចុចថតសម្លេង តែគាត់ដឹងខ្លួនទាន់ក៏ចុច បិទទូរស័ព្ទភ្លាមៗ។ បន្ទាប់មកនៅវេលាម៉ោងប្រហែលជាង១០ព្រឹក ថ្ងៃទី១២ ខែកុម្ភៈ ឆ្នាំ២០២៥ ឈ្មោះ នុត សោភ័ណ្ឌ បានហៅនាងខ្ញុំទៅយកឯកសារនៅបន្ទប់ធ្វើការរបស់គាត់ ខណៈពេលដែលនាងខ្ញុំដើរចេញមកវិញឈ្មោះ នុត សោភ័ណ្ឌ បានស្ទុះមកអោបនាងខ្ញុំពីក្រោយទាំងមិនដឹងខ្លួន ដៃម្ខាងខ្ទប់មាត់នាងខ្ញុំទាញមុខមកថើបញ៉ក់ញី ដៃម្ខាងទៀតធ្វើសកម្មភាពចាប់សុដន់នាងខ្ញុំច្របាច់យ៉ាងខ្លាំង នាងខ្ញុំបានស្រែកថាមេកុំធ្វើចឹង រួចនាងខ្ញុំខំរើបំរ៉ាស់ខ្លួនរត់ចេញមកក្រៅយ៉ាងលឿនៗ។ ចុងក្រោយនៅល្ងាចថ្ងៃទី២ ខែមេសាឆ្នាំ២០២៥ ការិយាល័យអប់រំស្រុកបានរៀបចំពិធីជប់លៀងជួបជុំមន្ត្រីរាជការ និងគ្រូបង្រៀន ឈ្មោះ ឌុត សោភ័ណ្ឌ ក៏បានចូលរួមដែរ វេលាម៉ោងខ្ទង់៧ទៅ៨យប់ គាត់បានដើរដល់កែវជាមួយភ្ញៀវជាច្រើនក្នុងកម្មវិធី រហូតមកដល់តុខាងខ្ញុំ គាត់បានឈរក្បែរកៅអីនាងខ្ញុំអង្គុយ ម្ខាងកាន់កែវស្រាជល់ ឯដៃម្ខាងទៀតលូកមកចាប់ចង្កេះនាងខ្ញុំ(នាងខ្ញុំមិនច្បាស់ថាមានអ្នកឃើញឬអត់ទេ) ឃើញថ្មី ស្រួលនាងខ្ញុំក៏ងើបដើរចេញ។ ដោយព្រួយបារម្ភណ៍ពីសុវត្ថិភាពផ្ទាល់ខ្លួនខ្លាចថ្ងៃណាមួយបុគ្គលនេះអាចឈាន នេះតទៅ ចាប់នាងខ្ញុំរំលោភសេពសន្ថវៈ នាងខ្ញុំអស់ការអត់ធ្មត់នឹងទង្វើថោកទាប និងអសីលធម៌ របស់បុគ្គលនេះតទៅទៀត ទើបនាងខ្ញុំសម្រេចចិត្តប្តឹងបុគ្គលនេះទៅតាមផ្លូវច្បាប់ នាងខ្ញុំសង្ឃឹមយ៉ាងមុតមាំថាផ្លូវច្បាប់នឹងផ្តល់យុត្តិធម៌ដល់រូបនាងខ្ញុំ។ នាងខ្ញុំមានការឈឈចាប់ សុំប្តឹងឈ្មោះនុត សោភ័ណ្ឌ នាងខ្ញុំមានការឈឺចាប់ក្នុងចិត្តជាខ្លាំង សូមប្តឹងទាមទារអោយច្បាប់ធ្វើការផ្តន្ទាទោស បុគ្គលខាងលើ ទៅតាមផ្លូវច្បាប់ និងសូមទាមទារអោយឈ្មោះ នុត សោភណ្ឌ សងជំងឺចិត្តមកនាងខ្ញុំជាទឹកប្រាក់ចំនួន ១០០,០០០,០០០រៀល (មួយរយលានរៀល)។

ជុំវិញការចោទប្រកាន់នេះ ចំណែកលោកនុត សោភ័ណ្ឌ អភិបាលស្រុកត្បែងមានជ័យ បានឲ្យដឹងតាមប្រព័ន្ធតេលេក្រាម ប្រាប់អ្នកសារព័ត៌មាន នៅថ្ងៃទី ១៦ខែកក្កដាឆ្នាំ ២០២៥ នេះថា ពាក់ព័ន្ធនិងករណីនេះ មិនពិតទេវាជាការលាបពណ៌ខ្ញុំ ក្រសួងមហាផ្ទៃបានចុះមកស្រាវជ្រាវ៣ថ្ងៃហើយ។ ពីថ្ងៃទី៧ដល់ថ្ងៃទី៩ កក្កដានៅស្រុក២ថ្ងៃនៅខេត្ត១ថ្ងៃ បណ្តឹងនេះក៏ស្ថិតនៅក្នុងសាលាដំដូងខេត្តដែរ។ លោកបញ្ចាក់ថា ការប្តឹងនេះគឺមកពីគេចង់បានលុយដូរឡាន។

ពាក់ព័ន្ធនឹងករណីនេះដែរអាជ្ញាធរខេត្តព្រះវិហារ បានឲ្យដឹងថា ក្នុងករណីនេះថ្នាក់ដឹកនាំនៃក្រសួងមហាផ្ទៃ កំពុងស្រាវជ្រាវយ៉ាងយកចិត្តទុកដាក់ដើម្បីរកយុត្តិធម៌ឲ្យជនរងគ្រោះ៕SRP